الحلقة رقم 25 والاخيرة من مسلسل اللعبة 3

Admin العمر : 35

الحلقة رقم 25 والاخيرة من مسلسل اللعبة 3 38d79e543b

(تصرخ سيليا بذعر شديد وهي تقف خلف مصطفى الذي يجثو على الارض ويده مليئة بالدماء وعلى يمينه مسدس ملقى على الارض غير ملتفت ل سيليا التي تستمر بالصراخ ونوسي تبكي قرب روميو وقد رمت المسدس على يمينه)
(سيليا)
_ انا هنا ... تعالو ارجوكم بسرعة ....
(على بعد منهم)
(شيكا)
_ ده صوت سيليا ... من هنا يلا بينا.
(يصل الشباب ل سيليا وقبل ان يشاهدو مصطفى)
(محمد فرج)
_ سيليا في ايه؟
(تشير سيليا باتجاه مصطفى)
(سيليا)
_ قتله ... مصطفى قتله ...
(ينظر الشباب باتجاه مصطفى ويقتربون لرؤية ما يوجد امامه)
(سيد ممدوح)
_ دي جثته ... ما تخلوش البنات يقربو من هنا.
(يقف محمد فرج و حماده و شيكا مذعورين من رؤية الجثة امامهم دون كلام فيصرخ سيد ممدوح فيهم قائلا)
_ انتو مش سامعين؟ .. بقلكم ارجعو قبل البنات ما يجو هنا مش عايزين حد منهم يشوف المنظر ده.
(شيكا)
_ حماده ارجع انت ... ما تخليش حد منهم يقرب.
(سيد ممدوح)
_ وانت يا محمد خد سيليا معاك و روح معاه.
(محمد فرج)
_ حاضر .. تعالي معايا يا سيليا ... يلا بينا من هنا.
(تغادر سيليا ومحمد وحماده ... يقترب سيد من مصطفى قائلا)
_ مصطفى ... عملت الي انت عايز تعمله يلا بينا من هنا.
(شيكا)
_ وانتي يا نوسي مالك؟ ... ابعدي عن الجثة ويلا تعالي وكفاية عياط.

الحلقة رقم 25 والاخيرة من مسلسل اللعبة 3 04bc6b3fe5

(على مقربة منهم حيث محمد فرج وسيليا وحماده)
(سيليا)
_ انا عايزة ارجع.
(حماده)
_ ترجعي فين يا سيليا؟ ... ماخلاص ماعادش في حاجة تتشاف.
(محمد فرج)
_ جايز عايزة تشوف روميو ميت عشان تتشفى بيه بعد كل الي عمله فينا.
(سيليا)
_ بعد كل حاجة عملها فيا انا بالتحديد لازم اتأكد انه انتهى خلاص.

(في مكان اخر حيث سيد ومصطفى والاخرون)
(سيد ممدوح)
_ يلا يا مصطفى قوم ... خلينا نمشي كلنا من هنا ... ياريتك ماستعجلت وقتلته ...
(مصطفى)
_ مش انا ... مش انا ... نوسي هي الي عملت كده.
(نوسي باكية )
_ كان لازم اموته ... كان لازم يموت .. عملني مجرمة زيه .. انا كنت عايزه اتسلى شوية وهو عملني مجرمة .. كان ممكن سالي تموت ... كان ممكن شيكا يموت وبردو صبرت ع الي عمله وهو نشر التسجيل في كل مكان وعملني مجرمة ... كان لازم يموت.
(شيكا)
_ انتي يا نوسي؟ انا مش فاهم .. انتي كنتي بتساعديه؟؟؟
(سيد ممدوح)
_ والله انا مش فاهم الراجل ده بيعملكم ايه عشان تمشو وراه؟؟ ... وادي اخرتها ضيع عمره وشبابه كده.
(يقترب شيكا من مصطفى قائلا)
_ مصطفى ..... يلا بينا ... قوم انت مش سامعنا؟
(مصطفى)
_ ده لسى عايش.
(سيد ممدوح)
_ ايه؟ ... عايش؟
(مصطفى)
_ المسدس؟ ... المسدس بتاع نوسي فين؟؟؟
(نوسي متفاجئه)
_ المسدس ... لأ ......
(يقف روميو بصعوبة والمسدس الذي سقط من نوسي بقربه فيلتقطه ويقف مهددا الجميع وقائلا)
_ انا مش ممكن اخسر ابدا ... حتى لو قتلتكم كلكم قبل ما موت مش ممكن اخسر ابدا.
(سيد ممدوح بقلق)
_ نزل المسدس كفاية الي حصل .. ماتتهورش.
(روميو يقول موجها مسدسه لمصطفى)
_ تهور؟؟ ... خلاص ماعادش في حاجة تستاهل .. الراجل ده دمرلي حياتي ولازم اقضي عليه وعليكم كلكم ... اتشهد على روحك لانك هتكون اول الميتين.
(في هذه اللحظة تقوم سيليا التي تقف خلف روميو بضربه على رأسه قائلة)
_ خد دي من البنت الي ماتقدرش تموت نملة.
(يسقط روميو ارضا من شدة اثر الضربة)
(شيكا)
_ شيلي المسدس من على الارض بسرعة يا سيليا.
(سيليا تقول وهي تلتقط المسدس من على الارض)
_ ماتخافش .. مش هيقوم خالص من بعد ضربتي .. اهو انا كده ارتحت.
(شيكا)
_ انتي رجعتي ازاي؟؟؟
(سيليا)
_ ربنا رجعني عشان اخد حقي منه.
(سيد ممدوح)
_ يلا بينا نرجع البيت ونجهز العربيات ونمشي من المكان ده.
(شيكا)
_ والجثة يا سيد؟ هنسيبها هنا؟
(سيد ممدوح)
_ واحنا راجعين بالعربيات هناخدها معانا.

(يعود الجميع للمنزل وحين يصلون يجدون شروق في المنزل يرحبون بها بشده ويخبرونها بكل ما حصل)
(سيد ممدوح)
_ دلوقت يا جماعة الشباب هيخرجو برا عشان نصلح العربيات .. والبنات يجمعو كل الحجات بتاعتنا ويطلعو برا ... خلاص هنجمع كل حاجة ونمشي.
(سيليا)
_ نمشي الليلة يا سيد؟ ... الدنيا هتعتم خلاص.
(سيد ممدوح)
_ كده احسن ... مين فينا مستحمل يفضل هنا اكتر من كده؟ ... هو حد ضامن ايه الي هيحصل من هنا لبكره؟
(شروق)
_ معاك حق يا سيد انا اعصابي تعبانة جدا من الي حصلي ده ... كويس انه مات وخلصنا منه.
(سلمى)
_ انتي هتحتاجي علاج بعد الي حصل ده.
(شروق)
_ انا علاجي اننا نترك نوسي هنا .. احنا ازاي هناخدها معانا بعد الي عملته فينا ... دي كانت بتيجي تحرسني وهي متلثمه وبتتكلم من جهاز تغيير الصوت وانا كنت فاكراها راجل مش متخيلة ازاي تعمل فيا كده؟
(عين الحياة)
_ لحظة جنون يا جماعة .. واهي برا اهي قاعدة بتعيط من ساعتها ومش موقفه عياط .. كفاية انها قتلت روميو.
(شروق)
_ بس المفروض انها خطر علينا ولازم ناخد بالنا منها اوي.
(شيكا)
_ ولا تقدر تعمل حاجة دلوقت لان روميو خلاص ماعدش موجود ... هي بس كانت بتتحامى بيه.
(محمد كرويم)
_ احنا هنخرج للعربيات يا جماعة ... شيكا انت تعبان اوي خليك هنا واستنى.
(شيكا)
_ ماشي .. لما نوصل مصر ان شاء الله ادخل المستشفى على طول لاني تعبان جدا.
(سالي)
_ وانا كمان ... لازم توصلوني قبل ماحد من اهلي يشوفني كده.
(محمد فرج)
_ ماتخافيش يا سالي احنا بس نوصل الاول ... يلا يا جماعة لازم نسرع عشان ندور على علي بطريقنا زمانه دلوقت ماشي بالشارع الرئيسي على امل يلاقي حد يساعده.

(في الخارج ... حيث مصطفى يجلس امام المنزل صامتا وبوضع مضطرب .. ونوسي تتمشى امام المنزل على مقربة منه ... يخرج الجميع من المنزل متجهين للسيارات فيقف محمد فرج للتحدث مع مصطفى قائلا)
_ اسبقوني انتو يا جماعة انا جاي وراكم.
(محمد كرويم)
_ ما تتأخرش.
(محمد فرج يجلس قرب مصطفى قائلا)
_ مصطفى احنا هنرجع مصر خلاص؟ ... انت مش فرحان انك هترجع؟
(مصطفى)
_ هفرح ازاي؟ ... هرجع الاقي نفسي متهم بجريمة قتل ...بسبب التسجيل الي سجله روميو ... وكمان سمعتي خلاص بئت بالارض.
(محمد فرج)
_ بص يا مصطفى انت عملت حاجة غلط وخطيرة جدا ... طول الوقت واحنا بنحاول نعرف مين هو المذنب الي حبسنا هنا ... وانت معانا وشايف ايه الي بيحصلنا وفضلت ساكت ... دي كانت غلطة كبيرة جدا ... كان ممكن شيكا او سالي او شروق تحصلهم حجات اوحش من كده بكتير لولا ستر ربنا.
(مصطفى)
_ انا عارف انها كانت غلطة كبيرة ... انا بس عماني الانتقام ... دمرت نفسي خلاص.
(محمد فرج)
_ لا ماتقولش كده ... انت ماقلتش لنوسي اقتلي روميو ... هي الي قتلته .. .. لولا انه مات كان ممكن تقول انت ونوسي ان التسجيل مجرد مزحة او لعبة .. سهل جدا تقولو كده كرد على الجمهور والناس .. انما موت روميو ... ده الي هيبثت صحة التسجيل.
(مصطفى)
_ ماكانش لازم نوسي تموته ... كان ممكن كل حاجة تتحل.
(محمد فرج)
_ ده الي حصل يا مصطفى ... انا هروح اساعدهم بالعربيات ... واحنا راجعين لمصر هناخد معانا الجثة للاسف.
(مصطفى)
_ عرفت مكان العجال فين؟؟
(محمد فرج)
_ نوسي دلت حماده عليهم لما وصلنا.
(مصطفى)
_ ماشي ... انا كمان هدخل اجيب حاجتي.

(بعد مرور بعد الوقت وبعد ان خرج الجميع مودعين المنزل والمكان وناقلين جميع امتعتهم للسيارات يقفون قرب الباص فيقول حماده باعلى صوت وبحماس)
_ خلاص يا جماعة خلصنا ... هنخرج من هنا اخيييييييييييييرا.
(محمد كرويم)
_ ماحدش نسي حاجة يا جماعة؟
(عين الحياة)
_ كله تمام احنا جبنا كل حاجة خلاص.
(سالي)
_ يلا بئى يا جماعة نطلع الباص انا نفسي انام بئالي كتير مش عارفة انام مرتاحه.
(سلمى)
_ وكمان احنا لازم نسرع عشان نعرف نلاقي علي على الطريق.
(شيكا)
_ انا مش هعرف اسوق طبعا.
(محمد كرويم)
_ انا هسوق الباص ماليش دعوة بيك يا شيكا.
(محمد فرج)
_ مافيش مشكلة يا شيكا انا هسوق عربيتك.
(سيد ممدوح)
_ وانا كمان مش هعرف اسوق رجلي تعبانه لحد دلوقت.
(مصطفى)
_ هسوق انا مكانك يا سيد.
(حماده بحماس)
_ يلا بينا يا جماعة خلاااااص فرجت اخيرا.

(بعد ان تصل السيارات والباص بصعوبة للمكان الذي كان فيه روميو ينزل الجميع لاخذ الجثة)
(شيكا)
_ مش هو ده المكان يا جماعة؟
(سيد ممدوح)
_ ايوا هو ده ... حتى بدليل الدم اهو.
(محمد فرج)
_ امال الجثة فين؟؟؟
(سيليا)
_ مافيش جثة؟
(سلمى)
_ طيب يا جماعة تأكدو من المكان.
(نوسي)
_ باين انه ماماتش ... روميو لسى عايش؟
(مصطفى بارتياح)
_ الحمدلله ... اول مرة افرح انه هيكون عايش.
(سالي)
_ انا مش فرحانة انا كنت عايزه اخلص منه.
(مصطفى)
_ بس انا كده ارتحت ... دلوقت اقدر اقول للناس ان التسجيل الصوتي الي اتنشر كان مجرد مزحة بيني وبين نوسي .. وبكده ماحدش هيعمله اي اعتبار.
(نوسي)
_ ومافيش جثة عشان الناس تحاسبنا.
(شيكا)
_ هو الراجل ده بسبع ارواح يا جماعة؟ ... هيكون مشي من هنا ازاي؟
(نوسي)
_ جايز الضربة كانت ضعيفة ... وبعدين العربية بتاعته قريبه من هنا .. اكيد هرب فيها.
(محمد كرويم)
_ ماتفرحيش اوي يا نوسي انت لسى بنظرنا مجرمة .. كنتي شريكة روميو ولازم تتحاسبي.
(مصطفى)
_ لالالالالالالالالالالا تتحاسب ده ايه؟ .. انا بس عايزها تشهد معايا ان التسجيل كان مجرد هزار او تمثلية وخلاص ... عشان اخلص من المصيبة دي.
(حماده)
_ طيب يا جماعة يلا بينا على العربيات بسرعة .. طالما روميو طلع لسى عايش لازم نهرب من هنا بسرعة.
(عين الحياة)
_ اه صحيح ... يلا بينا بسرعة قبل ما تحصل حاجة ونفضل هنا على طول.
(سيليا)
_ تفتكرو هنلحئ نطلع من المكان ده ولا هتحصل حاجة ونفضل بيه طول عمرنا؟
(شيكا)
_ لا طبعا هنطلع ان شاء الله ... بس احنا نمشي من هنا بسرعه.

الحلقة رقم 25 والاخيرة من مسلسل اللعبة 3 3b02fd3f0f

No End

الى اللقــــــاء فــــــي الجـــــــــزء الرابـــــــع ......

هههههههههههههههههههههههههههههههه شوفتوا انا لسة ماموتش ولسة نوووووووووووووووو ايند لنهاية مرعب القمراوية روميو قمر هههههههههههههههههههه

Admin العمر : 35

هع هع هع بس ده مايعنيش ان ليك دور في الرابع يا مرعب انت مش جايز تكون قضيت نحبك على الطريق للعربية بتاعتك هههههههههههههههههه

مشرفة العمر : 38

مفيييييش فايدة لسه ناوية تعذبينا يا نونة
بس بجد ميرسى ليكى اوى على الجزء الجميل ده انتى تعبتى فيه اوووى والسيناريو بتاعه كان رائع والاحداث كأنها متصورة ادامنا ومبدعة زى عادتك من يوم معرفناكى يا نونة وتستحقى الشكر مننا كلنا
ومستنين منك الرابع ان شاء الله

Admin العمر : 35

ميرسي يا سالي كلك زوء بجد يارب المره الجاية تشوفو حاجة على التفي في بئى bounce

الإدارة العمر : 36

تسلم ايديكي يا حنان الحلقة جميلة جداً ههههههههههههههههههههه هو روميو بسبع ترواح والله حرام كان لازم تموتيه ونخلص منه بقى ههههههههههههههههههههههههههههههههههههههههههه

» الحلقة رقم 11 من مسلسل اللعبة 3
» الحلقة رقم 19 من مسلسل اللعبة 3
» الحلقة رقم 21 من مسلسل اللعبة 3
» الحلقة رقم 22 من مسلسل اللعبة 3
» الحلقة رقم 14 من مسلسل اللعبة 3