الحلقة 24 وقبل الاخيرة من مسلسل اللعبة 3

Admin العمر : 35

الحلقة 24 وقبل الاخيرة من مسلسل اللعبة 3 Af20e872fe

(في الغابة حيث يتوجه مصطفى للمكان الذي دلته عليه نوسي ليبحث عن روميو وفجأة يجد كوخ صغير فيعرف ان روميو مختبأ فيه كما قالت له نوسي .. يتوجه مصطفى للمنزل .. يصل للباب .. يحاول فتحه فيجده مفتوحا فيدخل بحذر بحثا عن روميو فيبدأ بالبحث في ارجاء المنزل ولكن دون ان يجده فيفقد الامل من العثور عليه في المنزل فيخرج .. وفي اثناء مسيرة خارج المنزل يتفاجئ بروميو امامه)
(روميو)
_ يا اهلا وسهلا .. انت جاي تزورني ولا ايه؟
(مصطفى)
_ وانت سكنت هنا خلاص؟
(يضحك روميو ثم يقول)
_ ده الي انت بتتمناه بس .. انا اروح للمكان الي انت تروحله عشان اسود عيشك.
(مصطفى)
_ كل ده هيخلص الليلة .. وديت شروق فين؟
(روميو)
_ انت مش فاهم يا مصطفى؟ خلاص انا فزت ... انتصرت عليك مرة تانية.
(مصطفى)
_ المرادي انا الي فزت مش انت.
(روميو)
_ غلطان ... انت مش شايف انت عملت ايه لحد دلوقت؟ مش واخد بالك قد ايه عملت حجات وحشه لكل الي حوليك؟
(مصطفى)
_ انت فاكر نفسك حاجة عشان تحاسبني؟؟؟
(روميو)
_ انا الي فزت يا مصطفى .... افهم بئى .
(مصطفى)
_ انا لحد دلوقت مش فاهم انت استفدت ايه من جيتك هنا ورنا؟ .. ولا حتى فاهم انت خطفت شروق ليه؟ .. المرادي ماعملتش حاجة انت تعبت نفسك على الفاضي.
(روميو)
_ المرادي انا فزت من غير ما اتعب نفسي واعمل اي حاجة .. انا فزت عليك وايدي نضيفة.
(مصطفى)
_ وفزت ازاي بئى؟
(روميو)
_ فاكر يا مصطفى اول الحرب بينا كانت ليه؟ كنت بس عايز شوية صور اشتهر بيهم .. وانت رفضت وعاندت وكان عندك تحاربني اهون من انك تتنازل .. تتعب كل الناس الي حوليك .. تعرضهم للخطر ..تعرض عيلتك للخطر .. تعرض نفسك للخطر كل ده اهون عليك من انك تتنازل .. غرورك عندك اهم من كل الناس ومن اي اعتبارات.
(مصطفى)
_ انت مين اصلا عشان تحاكمني؟؟؟؟
(روميو)
_ شفت؟ ... طبعا انا مين بالنسبة ليك لانك مش شايف غير نفسك وبس ..انت اهم شخص بحياتك ومافيش اي اعتبار لاي حد عندك.
(مصطفى)
_ وافرض .. انا هقتل واسرق وهخطف وهسيب كل حاجة بحياتي بس عشان انتقم منك.
(روميو)
_ يعني الحكاية حتى مش حكاية دفاع عن النفس .. دي بئت غاية للانتقام وخلاص.
(مصطفى)
_ من حقي بعد الي شفته منك.
(روميو)
_ مصطفى انت عملت ذنب كبير وبئيت مجرم ماتفرقش عني بحاجة.
(يقترب مصطفى من روميو قائلا بغضب)
_ ومين الي بيقول الكلام ده؟ انت؟ وليا انا؟ .. ماتاخد بالك من فرق المكانة بينا.
(روميو)
_ اهو انا عشان غرورك ده قررت ان انا امشي معاك لعبتك .. وجيت وراك لهنا .. وقلت طالما مصطفى عايز يلعب يبئى انا مش هسيب ساحة اللعب فاضية .. وجيت عشان اهزمك .. جيت عشان اذلك ... جيت عشان اخليك تركع تحت رجليا ... جيت عشان اكسر غرورك وانزلك الارض ... هخليك تعترف اني هزمتك ودمرتك وهشوف الذل والانكسار بعنيك يا مصطفى.
(مصطفى يضحك قائلا)
_ انت بتحلم.
(روميو)
_ انا هثبتلك اني فزت عليك الليلة ... وهثبتلك قد ايه انت كنت اناني ... هتعرف الليلة انت خسرت ايه.

الحلقة 24 وقبل الاخيرة من مسلسل اللعبة 3 95482ffa70

(شيكا)
_ انا شاكك من الاول .. كان لازم نعرف انه مخطط لكل ده... جر روميو ورانا لهنا .. ايه الانانية دي .. دي جريمة .... دي جريمة يعاقب عليها القانون وانا مش هسكت.
(عين الحياة)
_ وهو فين دلوقت يا سيد؟
(سيد ممدوح)
_ راح يدور على روميو ويجيب شروق.
(حماده)
_ وهو يعني هيعرف يجيبها؟
(سيد ممدوح)
_ اخد مسدسه معاه .. وهو بيقول ان نوسي هتعرفله مكانهم.
(سالي)
_ هي خطة ممتازة عشان يعرف يمسك روميو ويضيعنا كلنا هنا.
(محمد كرويم)
_ طالما العربيات شغالة يبئى ليه ما نمشيش من هنا وخلاص؟
(سيد ممدوح)
_ نوسي ومصطفى هم الي بيعرفو العجال السليمة فين.
(محمد كرويم)
_ ندور عليهم .. هو مش قالك انهم في مكان قريب؟
(عين الحياة)
_ يا جماعة احنا لازم نروح ندور على مصطفى وشروق دلوقت ... جايز مايقدروش على روميو لوحدهم.
(سلمى مستهزئة)
_ معاهم نوسي ... انا متأكده انها هتساعد اوي.
(محمد فرج)
_ بردو احنا نطلع كلنا ندور عليهم عشان نرجعهم ونطلع من المكان ده الليلة ... نستنى لبكرا ليه؟
(سالي)
_ الظاهر ان محدش مستحمل المكان ده خالص.
(شيكا)
_ انا عن نفسي عايز امشي من هنا حالا .. لو قدرنا نرجعهم يبئى نطلع الليلة قبل ما تحصل حاجة تانية تمنعنا.
(سيليا)
_ هو ممكن تحصل حاجة كمان؟ .. لالالا لازم بجد نخرج من هنا بسرعة قبل ما العربيات تحصلها حاجة تانية.
(سيد ممدوح)
_ يبئى خلاص خلونا نطلع كلنا من هنا وندور عليهم دلوقت.

(في مكان اخر حيث تحاول شروق ايجاد طريق للمنزل تجدها نوسي في الطريق)
(شروق)
_ نوسي؟ .. اه الحمدلله اني لقيت حد اخيرا.
(نوسي)
_ انتي لوحدك هنا؟
(شروق)
_ اه لوحدي .. المجنون سابني هنا ومشي .. انا افتكرت انكم روحتو من غيري كنت هموت من الرعب.
(نوسي)
_ لأ طبعا ازاي هنمشي من غيرك .. تعالي ارجعك البيت هيفرحو اوي لما يشوفوكي .. بس هو روميو سابك ازاي؟
(شروق)
_ ماعرفش ده مجنون وماعرفش اساسا هو خطفني ليه بس انا اعرف حسابي معاه ومش هسكت ابدا.
(نوسي)
_ بصي انا هرجعك البيت لاني اعرف الطريق هو مش بعيد عن هنا وبعد كده هروح اعمل حاجة وارجع من تاني.
(شروق)
_ هتروحي فين؟ وايه الي حصل بغيابي؟ ومين الي كنت بشوفه مع روميو ده؟ كان في واحد غيره حابسني.
(نوسي)
_ حصلت حجات كتيرة اوي .. انا هشرحلك كل حاجة واحنا راجعين للبيت مش هتصدقي.
(شروق)
_ وهتروحي فين طيب وتسيبيني؟
(نوسي)
_ عندي حاجة مهمة لازم اعملها .. ماتخافيش لما ترجعي البيت مش هيعرف روميو يوصلك من تاني وهتلاقي الكل هناك مستنين كمان.
(شروق)
_ هم مش عارفين اني راجعة صح؟
(نوسي)
_ ماعرفش .. لما نوصل هنعرف.

(في مكان اخر .. حيث ما يزال مصطفى يتحدث مع روميو)
(مصطفى)
_ عملت ايه؟ ... اوعى تكون عملت حاجة لولادي.
(روميو)
_ لا مش بشكل مباشر.
(مصطفى بذعر وهو ما يزال يوجه المسدس لروميو)
_قصدك ايه؟؟؟ ... انت عملت ايه؟
(روميو)
_ انت الي عملت .. سمعت لنوسي لما اقترحت عليك الخطة بتاعتها.. وافقت على الخطة .. وافقت انها تساعدك في الخطة الي هتموتوني باخرها.
(مصطفى)
_ انت عرفت؟ ... مين قلك؟؟ .. علي؟ .. ولا انت كنت مراقب من الاول؟
(روميو)
_ انا اساسا الي بعتت نوسي لمكتبك .. انا الي طلبت منها تقترح عليك الخطة دي كلها .. وانت وافقت بكل برائه ههههههههههه انت بجد يا مصطفى خسرت للمرة التالتة وبجداره .. مرة تالتة وخسرت قدامي ... مش ممكن يا مصطفى تقدر تفوز عليا بيوم من الايام ابدا .. ابدا مهما حاولت بجد حاجة تضحك جدا تعبت نفسك على الفاضي والله.
(مصطفى)
_ مش مصدق ... انت بتكدب.
(روميو)
_ لو كنت بكدب بجد امال انا عملت ايه من اول ما جيت لهنا وراكم؟ انا جيت وراكم لهنا وامنت الكوخ الي ورا ده ليا ولنوسي شريكتي .. وطبعا انت كنت مديها فلوس عشان تتصرف لو احتاجت أي حاجة ... ازاي ماخطرش ببالك نوسي بتنام فين ولا علقت الدمية على الشجرة لوحدها ازاي ولا اساسا عملت كل ده لوحدها ازاي وهي مجرد بنت ولوحدها كمان؟
(مصطفى)
_ انت بتكدب .. نوسي مش ممكن تكون اتفقت معاك عليا ... انت بتلعب بيا وبس انا مش هسمحلك تكمل.
(روميو)
_ انا ونوسي اتفقنا عليك ... انا عايز انتقم وهي عايزاك انت ... وانا ضحكت عليها بصراحة .. قلتلها ننتقم شوية من الراجل وبعد كده نسيبه يمشي بحاله .. وانتي تهدديه وتطلبي الي انتي عايزاه منه زي مانتي عايزة.
(مصطفى)
_ مش صح .. الكلام ده مش صح ... مش ممكن.
(روميو)
_ وطبعا نوسي فاكره انها دلوقت تقدر تهددك بالشريط الي معاها .. وبالشكل ده انت مضطر تسمع كلامها.
(مصطفى)
_ شريط؟؟ ... شريط ايه؟
(روميو)
_ لما نوسي جاتلك المكتب سجلت كل حاجة دارت بينكم .. سجلت كلامك وانت بتقولها انك هتعمل خطة عليا وهتجيبني وراك لهنا وانك عايزها تمثل دور الميته عشان تقدر تتحرك براحتها وتراقب كل حاجة وتعرف شريكي مين .. نوسي سجلت كل المحادثة الي دارت بينكم .. والمفروض ان التسجيل ده لو اتنشر مستقبلك المهني وتاريخك وسمعتك واسرتك كل ده هتخسره بلمح البصر .. كل الناس هتسمع مصطفى قمر بيطلب من بنت صغيره تساعده في قتل شاب مقابل مبلغ مالي.
(مصطفى)
_ انت كداب مش ممكن تكون بتقول الحقيقية ... اساسا انا ما قلتش اني هديها الفلوس مكافأة ... انا اديتها الفلوس دي عشان هتحتاجها في الخطة وبس ...
(روميو)
_ انا فزت يا مصطفى .. انا نشرت الشريط على كل مواقع الانترنت بعد الرحلة بيوم ... دلوقت لما ترجع مصر هتلاقي كل حاجة تعبت عشانها طول عمرك اتدمرت خلاص ... الفيس بوك واليوتيوب هيكون ناشر الشريط .. وانت طبعا ماعملتش أي رد ولا أي مؤتمر تنكر فيه التسجيل ده .. وده دليل طبعا انك هربان وده بيثبت التهمة عليك.
(مصطفى متفاجئا)
_ نشرت التسجيل بصوتي؟؟؟؟
(روميو)
_ مسكينة نوسي .. افتكرت انها هتستخدم الشريط ضدك ... انا طبعا ماكنش ممكن افوت الفرصة دي ابدا .. انا وقع بين ايديا تسجيل بصوتك لو اتنشر هيدمرك ازاي ممكن افوت فرصة زي دي؟؟ بجد ازاي؟ حتى انت مش ممكن ترضهالي صح؟ ههههههههه مسكينة نوسي ... كان عندها آمال عاليه .. وانا نشرته في كل مكان وضيعت كل آمالها البريئة.

(شيكا)
_ انا تعبت .. مش هنعرف نلاقيهم كده.
(سيد ممدوح)
_ ماكانش لازم تيجي معانا وانت تعبان كده يا شيكا.
(محمد كرويم)
_ احنا كان لازم نروح ندور على عجال العربيات بدل ما ندور عليهم عالفاضي كده.
(سالي)
_ وانا كمان تعبت ... تعالو نتقسم قسمين وندور ... والي يعرف يوصلهم يرجع معاهم البيت.
(سيد ممدوح)
_ لأ .. خلينا نفضل مع بعض .. لو ماعرفناش نوصلهم كمان شوي نرجع.

(يتفاجئ مصطفى كثيرا يسقط المسدس ارضا ثم يقول بخوف شديد)
_ عملتها؟؟ .. عملتها بجد؟ ... مش ممكن تكون نشرته يا روميو صح؟ ... مش ممكن تكون عملت كده بجد؟
(يضحك روميو بشده ثم يقول)
_ نقول ايه بس؟ ... المغرب ولا تونس ولا الاردن ولا سوريا ولا لبنان ولا مصر ولا الجزائر ولا ... فكرني مرة تانية بالبلدان الي تعبت طول عمرك عشان تقدر توصلها؟ ... اه صحيح .. صحيح ....كل الدول العربية .. مسكين تعبت عمرك كله ودمرت كل حاجة بلحظة وحده ... شفت يا مصطفى؟ .... انا روميو عمري ما خسرت ولا عمري هخسر ابدا ... انا لو مكانك ماكنتش ارجعت مصر بصراحة .. مش هتقدر تستحمل هجوم الصحافة عليك ابدا.
(مصطفى)
_ انت لا يمكن تكون بتتكلم بجد؟ ... اكيد دي لعبة جديدة ليك صح؟؟ ... ارجوك لو كنت بتلعب بيا كفاية .. ريحني وقلي انك ماعملتهاش .. انا ممكن اقتلك لو كنت عملتها.
(روميو)
_ انا دمرتك خلاص يا مصطفى ... ارجع دلوقت لمصر عشان تعرف ان كل المصرين والعرب عرفو حقيقتك.. قضيت عليك والمرادي كانت اسهل مرة .. عارف ليه؟ .. لان ببساطة نوسي ساعدتني وانت ساعدتني اكتر منها .. وانا بكل سهولة المرادي قدرت اشوه سمعتك زي ماكنت عايز ... يا ترا ايه اكتر حاجة مجنناك دلوقت؟ ... الفضيحة الي حصلت ولا خسارتك قدامي للمرة التالتة؟؟ هههههههههههه ربنا يعينك احساس صعب .. اول مرة تقرر تحاربني بيها اول مرة يا مصطفى .. والحرب اتقلبت عليك انت وخسرت خسارة مش ممكن تقدر تعوضها.
(مصطفى)
_ انت ايه؟ شيطان؟؟؟ ... ازاي عملتها كمان مرة.
(روميو)
_ عملتها بسهولة وانا ايديا نضيفة خالص ... بمنتهى السهولة ... وانت افتكرت ان علي بيكدب عليك وطردته ... مسكين الراجل ده كان مخلص ليك جدا .. دلوقت تلاقيه بيحاول يرجع مصر مشيا على الاقدام خلاص كلها شوية ويموت بسببك.
(مصطفى)
_ انا هنكر .. لو عملت كده فعلا انا هقول ان التسجيل ده متفبرك او .. هقول اني كنت بتدرب مع نوسي على مشهد كنت عايز امثله ... مش هتقدر تغلبني.
(روميو)
_ مش هتقدر يا مصطفى لان نوسي طبعا هتقول عكس الكلام ده في كل مكان.
(فجأة تقول نوسي التي كانت تراقبهم وهي توجه مسدسها نحو روميو)
_ لأ ... مش هقول عكس الكلام ده ...
(يلتفت روميو باتجاه نوسي متفاجئا)
_ نوسي؟؟ ... انتي هنا؟ .... اوعي تكوني فهمتي غلط ... انا ..
(مصطفى مقاطعا)
_ نوسي ... الكلام الي بيقوله صح؟ ... انتي فعلا عملتي كده؟؟؟؟؟ ما تتكلمي؟
(نوسي)
_ انا اسفة يا مصطفى ... كانت كل حاجة مترتبة من روميو .. بس ماكانش المفروض انه يتمادى وينشر الشريط كده .... ضحك عليا بكل سهولة.
(روميو)
_ نوسي ... انتي بتعملي ايه بالمسدس نزليه.
(نوسي)
_ انا سمعت كل حاجة وفهمت كل حاجة ... كان لازم افهم خطتك القذرة من الاول .. ضحكت عليا ونشرت التسجيل .. كل الي كنت عايزاه هو اني اهدد مصطفى شوية بس ... ماكنتش ناوية ابدا انشر التسجيل مهما حصل .. دلوقت انت ورطتني وعملتني مجرمة زيك بجد.
(روميو)
_ نوسي ... نزلي المسدس .. لسى قدامك فرصة بردو .. الراجل ده دلوقت خسر جمهوره وسمعته واهله وصحابه خلاص .. انا عملت النهاردة نجاح كبير جدا ما تضيعيش كل حاجة.
(نوسي)
_ النصر ده الي انت بتحلم بيه مش هتشوفه بحياتك ابدا ... انت منتظر ترجع مصر وتشوف نتائج فوزك مش كده؟
(روميو)
_ نوسي ... انتي بتقولي ايه؟؟
(نوسي)
_ انا هحرمك تعيش لحد ما ترجع مصر وتشوف نصرك ... انت لعبت بيا ... وانا هقتلك قبل ما تشوف نجاحك.
(روميو)
_ نوسي .. لأ .....................

( على مقربة منهم حيث يبحث بقية الشباب عنهم يظهر صوت اطلاق عيار ناري .. يفزع الجميع محاولين معرفة اتجاه الصوت)
(محمد فرج)
_ الصوت من هناك يا جماعة.
(سيد ممدوح)
_ البنات يفضلو هنا احنا هنروح نشوف في ايه؟
(سيليا)
_ انا عايزة اجي معاكم.
(سيد ممدوح)
_ لأ .. افضلي هنا يا سيليا.
(يركض الشباب مسرعين باتجاه الصوت تاركين البنات متوترين جدا)
(وبعد ان يبحثو ولا يجدون شيئا)
(محمد كرويم)
_ مافيش حاجة هنا.
(محمد فرج)
_ صعب نقدر نحدد اتجاه الصوت .. ممكن يكون ده صدى.
(شيكا)
_ يعني احنا بعكس الاتجاه ... البنات .. لازم نرجع.
(سيد ممدوح)
_ يلا بينا بسرعة.
(يعود الشباب مسرعين باتجاه البنات فيجدون الكل ينتظر ما عدا سيليا)
(سالي)
_ ايه ماعرفتوش في ايه؟
(حماده)
_ مافيش حاجة هناك.
(سيد ممدوح)
_ سيليا فين؟ انا مش قلت ماحدش يتحرك.
(عين الحياة)
_ سمعنا حركة حولينا .. ماسمعتش كلامنا وراحت تدور.
(سيد ممدوح)
_ ازاي تحصل حاجة زي دي؟؟ ... انتو تفضلو هنا انتو سامعين؟ ... هي راحت من اي اتجاه؟
(تشير سلمى باتجاه ذهاب سيليا قائلة)
_ من هنا يا سيد.
(سيد ممدوح)
_ كريم انت افضل مع البنات هنا لحد ما نرجع.
(يتوجه الشباب مسرعين بحثا عن سيليا)
(تصرخ سيليا بصوت عالي وبذعر شديد)
_ اااااااااااااه الحقوني ... تعالو هنا ...

الحلقة 24 وقبل الاخيرة من مسلسل اللعبة 3 D9fc5c90e6

الى اللقــــــــاء فـــــي الحلقــــــة القـــــادمــــــة والاخيــــــــرة ....

مشرفة العمر : 38

الحوار جميل اوى يا نونة بين روميو ومصطفى تسلم ايديك بجد واكيد سيليا طبعا شافت جثة روميو

هههههههههههههههههههههههههههه والله البت شروق دى صعبانة عليا اوى عاملة فيها سبع رجالة فى بعض هههههههههههههههههههه بس هى نوسى هتموتنى بقى يانونة ولا اية طب تيجى ازاى يعنى بعد كل النجاح اللى انا حققتة دا اموت يعنى ههههههههههههههههههههههههه بس بجد حلقة جامدة اوى يانونة وبالذات الحوار مع قمر كان جاااااااامد بجد تسلم ايدك يانونتى

» الحلقة رقم 16 من مسلسل اللعبة 3
» الحلقة رقم 13 من مسلسل اللعبة 3
» الحلقة رقم 23 من مسلسل اللعبة 3
» الحلقة رقم 14 من مسلسل اللعبة 3
» الحلقة رقم 15 من مسلسل اللعبة 3