الحلقة رقم 22 من مسلسل اللعبة 3

(سيد ممدوح)
_ شفت ايه يا علي؟؟؟
(علي)
_ هقلكم ... بس انتو لازم تصدقوني .. الي ضربني .... هي نوسي.
(شيكا)
_ زي ما توقعنا .. هي نوسي فعلا شريكة روميو.
(علي)
_ ايوه بس هي مش ماتت؟ ... ازاي حصل كل ده؟
(يتفاجئ مصطفى ويعود للوراء متوترا ويجلس على احدا الكراسي غير قادر على الكلام)
(سلمى)
_ لا مش ميتة ... دي طلعت عايشة وكانت بتلعب بينا كلنا .. عملت لعبة علينا ومثلت انها ماتت عشان تعرف تتحرك براحتها وتعمل الي هي عايزاه.
(عين الحياة)
_ بس هي هربته ازاي؟ ... يعني بعد ما شفناها سبقتنا على هنا؟
(سلمى)
_ على الاغلب كده .. لاننا كنا بنفوئ فيكي يا عين وخدنا وقت طويل.
(سيد ممدوح)
_ من اللحظة دي عايزكم كلكم تاخدو بالكم كويس من روميو و نوسي .. ماحدش يفضل لوحده .. ولما تتحسن سالي وشيكا شوية هنمشي من هنا ندور على مكان نروحله .. وهنحاول بردو نلاقي شروق.
(سلمى)
_ طالما عرفنا ان نوسي هي شريكة روميو .. يبئى لازم اقلكم على حاجة .. انا وعين لقينا عربية روميو .. يعني ممكن نرجع نجيبها ونطلع بيها من المكان ده.
(مصطفى بانزعاج)
_ هتجيبيها ازاي؟ ... روميو هرب .. زمانه راح خدها من هنا او بوظها.
(سلمى)
_ عشان كده لازم نرجع نجيبها دلوقت حالا .. لازم يروح مننا جزء يشوفها.
(سيليا)
_ مين هيروح؟ ... لازم يروحو مجموعة مننا عشان نضمن سلامتهم.
(محمد كرويم)
_ انا ممكن اروح .. ولو لقيت روميو او نوسي هناك هاخد معايا مسدس مصطفى وهتصرف.
(محمد فرج)
_ وانا كمان ممكن اجي معاك.
(سيد ممدوح)
_ خلاص يبئى نروح انا ومحمد وكريم وحماده ندور عليها وعلي ومصطفى تفضلو هنا عشان تاخدو بالكم من الي هيفضل.
(عين الحياة)
_ هتعرفو المكان ازاي؟ خدو مصطفى يدلكم عليه.
(مصطفى)
_ لأ انا مش عايز اروح ... انا هفضل هنا .. هيعرفو يوصلو من العلامات الي انتي تركتيها يا عين.
*******************************************
(يتوجه كل من سيد ممدوح وحماده ومحمد فرج ومحمد كرويم باتجاه الغابة بحثا عن السيارة ومتبعين علامات عين التي تركتها بين الاشجار وعلمتها بالسكين)
(محمد كرويم)
_ لما نوصل للعربية هنعمل ايه؟ .. هنرب بيها من هنا؟
(سيد ممدوح)
_ لو عرفنا نوصلها قبل روميو و نوسي انا هرجع البيت وانتو كملو بيها على مصر .. هناك لما توصلو حاولو جيبولنا مساعده لهنا .. انا ماقدرش اسيب المكان ده قبل ما ارجع الكل لبيوتهم من تاني.
(محمد فرج)
_ بس يارب نلاقيها .. روميو ده داهية .. عرف يقنع نوسي تبئى شريكته واكيد عامل حساب كل حاجة.
(حماده)
_ الحكاية دي طولت وانا ابتديت امل .. لو ماعرفناش نلاقي العربية احنا لازم نشن حرب على روميو .
***********************************************
(في المنزل في الصالة حيث يجلس الجميع ومصطفى يتحرك بتوتر تام ذهابا وايابا)
(شيكا)
_ مالك يا مصطفى انت قلقتني معاك.
(مصطفى)
_ انا طالع برى.
(سالي)
_ هتروح فين؟ سيد طلب منك تفضل معانا.
(مصطفى)
_ انا قلقان وخايف اكتر منكم كلكم ... هقدر اعملكم ايه هنا؟
(عين الحياة)
_ ماتكبرش الحكاية يا مصطفى .. ان كان على روميو زي ما عرفت تمسكه اول مرة اكيد هتعرف تمسكه مرة تانية.
(مصطفى)
_ هو انا مسكته اساسا؟ ده كان يقدر يهرب من اول لحظة دخل بيها البيت ده .. ده كان بيتلاعب بينا وبس .. انا مش ممكن اعرف اهدا والراجل ده برا وحر كده.
(يخرج مصطفى من المنزل)
(علي)
_ انا هخرج وراه.
(شيكا)
_ استنى يا علي ... مالوش لازمة سيبه.
(علي)
_ اسيبه ازاي؟ ده طالع لوحده وبعدين ده متوتر جدا وانا قلقان عليه.
(سيليا)
_ استنى شوي يا علي ولو مارجعش من نفسه تطلع تدور عليه.
***************************************************
(في مكان اخر ... حيث يبحث سيد ومن معه عن السيارة)
(محمد كرويم)
_ شايفين الاثار هنا؟ ... في حد اخد العربية من هنا.
(حماده)
_ طبعا ده اكيد روميو سبقنا وهرب.
(محمد فرج)
_ اكيد هو هنا مش هيقدر يبعد كتير ... مش هيسيبنا كده بالساهل.
(سيد ممدوح)
_ يلا بينا نرجع .. احنا عملنا الي علينا وحاولنا نلاقي العربية انما الظاهر ان مكتوب علينا نفضل محبوسين هنا.
(محمد فرج)
_ ايه الليلة دي الي مش عايزة تخلص .. شوفو هناك.
(يشير محمد فرج لاحدى الجهات)
(محمد كرويم)
_ ايه مافيش حاجة.
(محمد فرج)
_ انا متأكد اني شفت حد بيتحرك هناك.
(سيد ممدوح)
_ حد مين؟ .. شفت شكله؟
(محمد فرج)
_ كان كله اسود ب اسود .. مافيش حاجة باينه فيه.
(حماده)
_ ده اكيد روميو عايز يخوفنا ... يلا بينا نمشي من المكان ده.
****************************************************
(في مكان اخر)
(نوسي)
_ ايه؟؟ روميو هرب؟ وكمان علي بيقول ان انا الي هربته؟ هي الحكاية هتقلب بجد يا مصطفى ولا ايه؟
(مصطفى)
_ انا هتجنن .. من الواضح ان علي هو شريك روميو .. عشان كده هربه وقال انك انتي الي هربتيه.
(نوسي)
_ وهو روميو وعلي يعرفو منين اساسا ان انا لسى عايشه؟؟؟؟
(مصطفى)
_ مش عارف .. كل الخيوط دخلت ببعضها وبدل ما نحدد مين شريك روميو بئينا ضايعين اكتر .. احنا لازم نوقف اللعبة دي يا نوسي انتي كده موقفك بئى صعب وممكن اي حد يشوفك يئزيكي.
(نوسي)
_ يئزيني ده ايه؟ .. ده انا معايا المسدس الي ادتهولي واقدر اضرب اي حد يقرب مني.
(مصطفى)
_ ايوا اقتلي واحد منهم هو ده الي كان ناقص ... نوسي المسدس الي معاكي ده عشان تدافعي بيه عن نفسك لو روميو اتعرضلك ومش عشان تستخدميه في اي حاجة تانية .. انتي عايزة تجيبي لنفسك وليا مصيبة .. انا خلاص هرجع دلوقت اشرحلهم كل حاجة وانتي هتيجي معايا كمان.
(نوسي بخوف)
_ لالالالالا يا مصطفى انت بتعمل ايه؟ .. خلينا نصبر شوية بس جايز نعرف نمسك روميو.
(مصطفى)
_ نصبر لحد امتى لحد ما تموتي حد بالمسدس ده .. وبعدين الحكاية بئت واضحة علي هو شريك روميو .. يلا بينا على البيت عشان افهمهم.
(نوسي)
_ طالما علي هو شريك روميو يبئى اديني فرصه اراقبه كل ما يطلع من البيت وبكده اعرفلك روميو مستخبي فين واعرفلك كمان مخبي شروق فين ... صدقني الافضل اننا نستنى شوية ونصبر.
(مصطفى)
_ مش عارف يا نوسي الحكاية بئت خطر عليكي اوي.
(نوسي)
_ شوية بس ... شوية بس يا مصطفى هنعرف نخلص من روميو على طول .. انا لما وافقت اساعدك في الخطة دي وافقت عشان اخلصك من روميو ده .. وانا مش هتراجع واضعف دلوقت.
*****************************************************
(في مكان اخر .. حيث شروق مسجونة)
(شروق)
_ انا زهقت من القعدة دي فكني بئى.
(روميو)
_ وانا والله كنت بفكر بالحكاية دي.
(شروق)
_ ايه هتسيبوني امشي من هنا؟
(روميو)
_ ايوا هسيبك خلاص .. زهقت منك .. قومي معايا هفكك.
(شروق)
_ هنروح فين؟
(روميو)
_ هتروحي مكان ترتاحي فيه جدا .. وهناك مش هيكون عندك حد تفكري بيه غير المرعب.
(شروق)
_انت هتاخدني فين؟؟؟
(روميو)
_ عارفة .. الغابة دي فيها مكان جميل اوي ماحدش يعرفه .. تقدري تقولي كهف كده على بابه فيه ديابة جعانة .. اظن يومين بالكتير وتكون اكلتك.
(شروق)
_اوعى تعمل كده .. انت مجنون؟ .. انت مجرم ومجنون مش ممكن تكون انسان طبيعي .. انا عملتلك ايه عشان ده كله؟
(روميو)
_ انتي استهنتي بيا ... ده ذنب كفاية ليكي عشان تتعاقبي.
******************************************
(مصطفى وهو في طريقه للمنزل يقابل علي يتفاجئ فيقول له بانزعاج)
_ انت بتعمل ايه هنا؟ انت كنت بتلحئني؟
(علي)
_ جيت ادور عليك.
(مصطفى)
_ ليه؟؟ في ايه؟
(علي)
_ عادي شفتك تعبان خفت عليك قلت اجي اشوفك واطمن عليك.
(مصطفى)
_ لا انت جيت تراقبني ... انا عارف انك هربت روميو .. ودلوقتي بتلاحئني انا .. انت عايز مني ايه؟
(علي)
_ انا؟؟؟؟؟ انا هربت روميو؟؟؟ وهعمل كده ليه؟؟
(مصطفى)
_ عشان انت شريكه .. انت الي هربته .. ونوسي ما ظهرتش ولاشفتها حتى.
(علي)
_ مصطفى اهدا شوي .. مالك متعصب اوي كده في ايه؟ .. دلوقت الي جوا كلهم يسمعو.
(مصطفى)
_ انت خايف من ايه؟؟؟ خايف يعرفو حقيقتك؟؟؟؟
(علي)
_ حقيقية ايه يا مصطفى؟ .. انا مش شريك روميو زي مانت بتقول.
(مصطفى)
_ امال هربته ليه؟؟؟؟
(علي)
_ انا ما هربتوش .. قلتلك انها نوسي.
(مصطفى)
_ لا مش نوسي.
(علي)
_ لا نوسي ... انا عرف انا بقول ايه .. نوسي هي الي ضربتني وهربت روميو.
(يخرج الجميع من الداخل على صوت الشجار فتقول سيليا)
_ في ايه يا جماعة صوتكم واصل لاخر الدنيا؟
(شيكا)
_ ايه الي بيحصل انتو بتتخانئو ليه؟
(علي بانزعاج تام)
_ مش عارف .. مش عارف مصطفى ماله بيهاجمني كده؟
(مصطفى)
_ انا مش بهاجم انا بقول الحقيقية ... علي هو شريك روميو مش نوسي.
(عين الحياة)
_ انت بتقول ايه؟ .. علي؟؟
(علي)
_ لا ... لا مش انا .. انت ظالمني يا مصطفي.
(مصطفى)
_ ايوه ايوه مثل دور البريء وازعل وامشي من هنا وروح لروميو كمل مخططك معاه.
(علي)
_ انا مش فاهم ... انا اكتر واحد بيحبك بجد .. ازاي بتهاجمني كده؟؟
(مصطفى)
_ امشي يا علي ... امشي من هنا قبل ما افقد اعصابي اكتر من كده.
(علي)
_ امشي؟؟ .... امشي اروح فين؟
(مصطفى)
_ روح لشريكك .. للمكان الطبيعي بتاعك ..روحله وخطط معاه هتعملو فينا ايه تاني.
(شيكا)
_ مصطفى استنى .. احنا لازم نفهم ايه الي حصل بالضبط؟؟ .. ماتقدرش تطرد علي كده من غير دليل.
(مصطفى)
_ طردته وانتهينا .. ولو حد منكم عنده اعتراض يلحئه ... انا لايمكن افضل معاه في بيت واحد ابدا.
(سيليا)
_ لكن يا مصطفى علي قال انه ..
(مصطفى مقاطعا)
_ مافيش حد يقول حاجة خلاص الي انا بقول عليه هو الي يمشي وبس.
(يدخل مصطفى المنزل غاضبا في حين ان البقية حائرين في الخارج فيقول علي وهو يبتعد عن المنزل)
_ انا ماشي.
(سلمى)
_ استنى يا علي انت هتروح فين؟؟؟
(علي)
_ اي مكان .. عشان مصطفى يكون مرتاح بس.
(سالي)
_ ده جنان والله .. لو مشيت من هنا يا علي هتروح فين .. خليك هنا شوية ويهدا مصطفى.
(علي)
_ مش هيهدا يا عين .. ده متأكد من اتهامه ليا خلاص.
(شيكا)
_ لو مشيت يا علي هتثبت التهمة عليك قدامنا كلنا .. وهيبئى مصطفى معاه حق باتهامه ليك.
(علي)
_ وحتى لو فضلت هنا ماحدش فيكم يقدر يعارضه .. ده مصر جدا ... انا ماشي لا يمكن افضل هنا بعد الاهانة دي.






الى اللقاء في الحلقة القادمة ....