موضوع: الحلقة رقم 20 من مسلسل اللعبة 3 الخميس يناير 26, 2012 5:11 am
(في غرفة شيكا حيث يجلس بقربه سيد ومعهم في الغرفة محمد كرويم وحماده)
(شيكا)
_ هو الباقي فين؟
(سيد ممدوح)
_ البنات فوق .. ومصطفى وسيليا باين بيتكلمو .. وعلي بيحرس روميو في القبو تحت .. وسالي تعبانة مش هتعرف تيجي تشوفك دلوقت.
(شيكا)
_ لازم تعرفو تلاقو حل لروميو ... ده ممكن يسيب شروق تموت لوحدها وما يقلش هي فين.
(محمد كرويم)
_ مش هيتكلم يا شيكا الحكاية بانت .. الراجل قال اخد مصطفى وارجعها يعني واضح انه مش هيفيدنا بحاجة ولا هيتكلم.
(شيكا)
_ والله انا لو بصحتي .. كنت انزلته تحت وخليته يتكلم غصب عنه.
(حماده)
_ انا هخرج اتمشى برا البيت .. ولما يجي دوري بالحراسة ارجع .. انا مش فاهم اشمعنى انا وعلي بس الي بنتناوب عليه؟
(سيد ممدوح)
_ هتخرج تتمشى فين؟ .. مش كفاية محمد خرج ومارجعش لحد دلوقت؟
(حماده)
_ مش هبعد كتير .. وبالمرة اشوف محمد راح فين.
(في القبو حيث يقوم علي بحراسه روميو وهو يقلب في هاتفه النقال)
(روميو)
_ هو انا كل ما يجي واحد يحرسني الاقيه حامل الموبايل بتاعه وبيعلب بيه؟
(علي)
_ يعني انت عايز ايه؟ .. عايزني انكت معاك مثلا؟
(روميو)
_ لا بس عايزك تتكلم معايا شوي .. بص لو هربتني من هنا انا ممكن اخرجك من المكان ده.
(علي)
_ يا سلام .. هو انت فاكر اني عبيط؟
(روميو)
_ اسمع مني وهربني .. انا الوحيد الي ممكن يخرجك من هنا .. سيد بيضحك عليكم ومش هتعرفو تمشو من هنا طالما بتسمعو كلامه ... ده مش عامل حاجة عشان يخرجكم بتسمعو كلامو ليه؟
(علي)
_ اسمع كلام اي حد بس انت لأ ... مش ممكن اتعامل مع اي حد في الدنيا عايز يئزي مصطفى مهما كان التمن.
(روميو)
_ كده؟ ... ماشي .. عموما انا هعرف اهرب من هنا واكشفلكم سيد ده على حقيقيته.
(يخرج سيد من الغرفة فتنظر سيليا ل سالي بغضب قائلة)
_ ايه انت مجنونة؟ .. انا بحاول الاقي حجة لغيابهم وانتي بتسئليني لو اتخانئو ولا لأ؟؟
(سالي)
_ ماخدتش بالي .. انا العيانة هنا مش انتي يعني لازم تدلليني مش تقولي عني ضاربة.
(سيليا)
_ اوووف .. هو ده وقته؟ .. انا هنزل عالمطبخ اشوف حاجة اكلها.
(سالي)
_ طيب وانا كمان عايزة اكل انا جعانة اوي.
(سيليا)
_ دوري على حد يأكلك .. ولا اقلك اندهي على عين تجبلك اكل اصلها زي مانتي عارفة بتتخانئ تحت.
(سالي)
_ والله يا سيليا لو ماجبتليش اكل انا هقول على كل حاجة وهفتن عليكي.
(في مكان اخر .. حيث عين وسلمى)
(سلمى)
_ هناك ... عين تعالي العربية هناك.
(عين الحياة)
_ فين؟؟
(سلمى)
_ تعالي .. هناك ... اخيرا لقيناها .. يعني بجد في عربية .. تعالي يا عين هنخرج من هنا اخيرا.
(تقترب عين وسلمى من السيارة وهي سيارة جيب)
(عين الحياة)
_ ايوا هنخرج من هنا ... بس .. في حاجة ماعملناش حسابها.
(سلمى بفرح وسعادة)
_ مش مهم ... اي حاجة مش مهمة دلوقت المهم اننا خلاص هنمشي من المكان الغريب ده .. تصدقي يا عين سالي كان معاها حق بجد .. دي احسن خطة عملتها بحياتي .. نيجي هنا من غير ما نقول لحد.
_ احنا ممكن نفتح باب العربية طبعا دي مش هتبئى حاجة صعبة ... انما ازاي هتمشي من غير مفتاح؟
(سلمى)
_ مش ممكن نطلع بيها من غير مفتاح؟ ... انا بشوف بالافلام لما بيقطعو السلك بتاع العربية وبيشغلو بكل سهولة ... احنا ممكن نعمل كده.
(عين الحياه)
_ واحنا هنعرف منين ان ده هو السلك الي لازم نقطعه؟؟ لالالالا مش هينفع لازم حد خبير بالحجات دي واحنا مانعرفش.
(سلمى)
_ طيب نجرب.
(عين الحياة)
_ نجرب ازاي ؟ ... احنا ممكن نبوظ العربية كده ودي املنا الوحيد للنجاه من هنا.
(سلمى)
_ يعني ايه؟ نرجع كده بعد ما وصلنا لحد هنا؟؟ .. انا لا يمكن ارجع بعد ما وصلنا للمرحلة دي.
(عين الحياة)
_ احنا لو رجعنا ممكن نجيب حد يفهم بالحجات دي يا سلمى ونعرف نشغلها .. انما كده هنبوظها.
(سلمى)
_ نجيب مين واحنا مش واثقين بحد .. ده انا حتى مش واثقة فيكي انتي.
(عين الحياة)
_ ايه؟ .. مش للدرجادي يا سلمى.
(سلمى)
_ لا للدرجادي ... في حد حابسنا هنا واي حد ضد فكرة اننا نهرب يبئى متهم بردو.
(عين الحياة)
_ انتي عايزانا نهرب ازاي؟
(سلمى)
_ اول حاجة نفتح الباب بتاع العربية .. انا هدخل اشوف الاسلاك شكلها ايه تحت واجرب.
(عين الحياة)
_ دي حاجة خطيرة اوي يا سلمى.
(سلمى)
_ انا مش هتراجع يا عين ... هنمشي من المكان ده ودلوقت حالا.
(عين الحياة)
_ انا هفتح الباب دلوقت ... بالسكين الي معايا .. لكن لعلمك انا مش عاجبني الي احنا بنعمله ده.
(تقوم عين بمحاولة فتح الباب بالسكين الذي معها حتى يفتح معها)
(عين الحياة)
_ والباب فتحناه اهو ... ودلوقتي هتعملي ايه؟
(تقترب سلمى من الباب لتدخل قائلة)
_ دلوقتي ادخل واشوف الاسلاك ممكن تكون فين .. الدنيا عتمت جدا ..ساعديني يا عين انا عايزة نور هنا.
(عين الحياة تقترب قائلة)
_ ابعدي اشوف الاول ..
(وعلى مقربة منهم .. حيث يبحث مصطفى عنهم بين الاشجار والاغصان التي علمتها عين بالسكين وفجأة)
(عين الحياة تصرخ)
_ اااااااااااااااااااااااااااااااااااااااه.
(يتجه مصطفى مسرعا باتجاه الصوت الذي سمعه وحين يصل لمكان الصوت يجد عين الحياة ملقاه على الارض وسلمى بداخل السيارة تحاول الاختباء من الرجل الملثم الذي يضرب السيارة بالعصى التي معه من كل الجهات .. يسرع مصطفى باتجاه الملثم محاولا الامساك بالعصى ليمنعه من ايذاء سلمى)
(مصطفى)
_ سلمى ... انتي بتعملي ايه جوا اهربي.
(سلمى)
_ اهرب على فين ... تعالا يا مصطفى سيبه ... ادخل العربية.
(يلتفت مصطفى للوراء ليرى عين الملقاه على الارض وفي هذه اللحظة يقترب الرجل الملثم منه ويمسكه بكل قوة يضع المسدس على صدر مصطفى قائلا)
_ كم واحد لازم يموت قدامك عشان تستسلم بئى؟؟
(تنزل سلمى من السيارة وهي تبكي خائفه قائله)
_ سيبه ارجوك ... هتعمل ايه سيبه.
(الملثم)
_ ايه يا مصطفى .. انت خايف ... انت بترجف صح؟ ... انا قادر احس بنبضات قلبك ..
(يقترب الملثم اكثر محاصرا مصطفى ومكملا)
_ ما تخافش .. قربنا .. قربنا نخلص من كل ده .. شوية وترتاح .. بس الاول نشوف كم واحد هيموت قبل ما تستسلم وترتاح ... لو عايز تختصر على الكل .. لو عايز يفضلو عايشين .......
(سلمى)
_ ارجوك سيبه كفاية بئى.
(مصطفى)
_ كفاية ... سيبنا نمشي من هنا.
(يضحك الملثم)
_ اخد الي انا عايزه الاول ... انت عارف وانا بحس بخوفك ده .. بحس باحساس جميل اوي .. كم مرة خفت من روميو؟ .. ماقدرتش ابدا تتخلص منه .. بس انا فهمت هو بيعمل فيك كده ليه .. اصل جميل اوي الاحساس ده .. جميل اوي اني احسن بنبضات قلبك بتدق كده.
(مصطفى)
_ انتي بنت ... مش كده؟
(الملثم)
_ تحب اشيل القناع ده وتعرف؟ .. بس لو عرفت دلوقتي انا ابئى مين .. مش هترجع مع سلمى الغلبانة ..
(مصطفى)
_ ماشي ... عرفني انت مين .. وافضل معاك.
(الملثم)
_ هعرفك ... بس في مقابل .. مقابل صغير دلوقتي هتديهولي ..
(سلمى تقف متشجنة وتنتظر لتعرف ماذا سيحصل .. الملثم يمسك المسدس بيده وباليد الاخرى ينزع اللثام .. ينزع اللثام وقبل ان يقول احدهم اي شيء تقترب .. تقترب الفتاه باتجاه مصطفى قائلة)
_ المقابل هو ده ...
(تقترب الفتاة وتقبل مصطفى وهي تضع المسدس على صدره)
(سلمى تتفاجئ حين ترى وجه الفتاة وتتفاجئ مما فعلته.. ثم يغمى عليها وتسقط ارضا قرب عين
(مصطفى بهدوء قائلا للفتاة)
_ كفاية ... نزلي المسدس قبل ما تطلع منه رصاصة بالغلط.
(الفتاة)
_ حاضر .. هنزله ما تخافش.
(تبعد الفتاة المسدس عن مصطفى الذي يشعر بقليل من الارتياح .. ينظر ورائه ليرى سلمى وعين على الارض يبتعد قليلا عن الفتاة محاولا التقاط انفاسه)
(الفتاة)
_ المسكينة سلمى اغمى عليها .. ماستحملتش الي شافته.
(مصطفى بغضب يصرخ قائلا)
_ كانت لازمتها ايه المسرحية دي؟ ... ماكانش في داعي تضربي عين كده.
(الفتاة)
_ ماتخافش البنت سليمة .. شوي وتقوم.
(مصطفى)
_ بردو .. ماكانش لازم تعملي كده.
(الفتاة)
_ امال كنت عايزني اعمل ايه؟ ... البنات فاجئوني وكانو هيهربو من هنا بالعربية .. كان لازم اعمل حاجة تمنعهم يمشو بيها ..... ولا انت كنت عايزهم يدمرو الخطة بتاعتنا؟؟؟
(يقترب مصطفى من الفتاة قائلا)
_ دي وافهمتها ... والي عملتيه بالاخر ده؟
(الفتاة تضحك قائلة)
_ ايه انت زعلت؟ ... خلاص بئى كان لازم اكون مقنعه عشان ماحدش يشك فيك .. عشان خطتنا تنجح يا مصطفى ما تكبرهاش بئى.
(مصطفى)
_ انتي استغليتي الموقف وبالغتي جدا وشدتيني جامد اوي .. ومرة تانية ما ترفعيش المسدس بصدري كده انا كنت هموت من الرعب.
(تقول الفتاة وهي تضحك)
_ حاضر .. اي طلبات تانية يا امير؟ ... لو عايز نعيد من تاني المشهد الاخير انا ما عنديش مشكلة ممكن اعيد.
(مصطفى)
_ الحكاية دي اساسا كبرت و احنا ماستفدناش حاجة ... روميو مش هيقول شريكه مين و كمان مش هيقول شروق فين.
(الفتاة)
_ اصبر يا مصطفى لازم بالاخر الشريك يضعف ويخاف ويعترف.
(مصطفى)
_ انتي مش شايفه الي بيحصل؟ .. الكل هنا بيتعرضو للخطر و روميو مصر يمثل دور البريء ومش هيقول شروق فين ولا هيعترف على شريكه.
(الفتاة)
_ روح انت دلوقت شوف البنات دول ورجعهم البيت .. واصبر شوية بس وانت هتعرفه.
(مصطفى)
_ بالمناسبة .. الحجارة الي رمتيها على البيت تسببت بجرح كبير ل سالي .. بلاش تعملي كده تاني الفكرة وصلت والكل افتكر ان روميو هو الي حابسهم.
(الفتاة)
_ حاضر .. هروح انا دلوقت .. ماتتأخرش عليا يا مصطفى ها .. هتوحشني.
(مصطفى)
_ اثبتي وبلاش الحركات دي يا نوسي.
الى اللقــــــاء فـــي الحلقــــة القادمــــة ......
سيليا عضو
العمر : 37
موضوع: رد: الحلقة رقم 20 من مسلسل اللعبة 3 الخميس يناير 26, 2012 5:28 am
الله يانونتي ع الاحداث والتشويق اللي يجنن ده
mera mohamed عضو
العمر : 34
موضوع: رد: الحلقة رقم 20 من مسلسل اللعبة 3 الخميس يناير 26, 2012 5:51 am
الله الله يا نوسي كدة عيني عنك تقبلي مصطفي وترميني انا و نسرين كدة هنا عليكي تعملي فينا كدة ماشي ماشي يا سيت نوسي هههههههههههههههههههههههههههههههه ياتري انا وانتي مصيرنا ايه يا نسرين بعد لما نفوق
hanan Admin
العمر : 35
موضوع: رد: الحلقة رقم 20 من مسلسل اللعبة 3 الخميس يناير 26, 2012 5:52 am
ميرسي يا سيليا ههههههههههه سلمى ماتخافيش مش هتسكتي على الي حصل طبعا
عين الحياة الإدارة
العمر : 36
موضوع: رد: الحلقة رقم 20 من مسلسل اللعبة 3 الخميس يناير 26, 2012 6:28 am
الحلقة تجنن يا حنان تسلم ايديكي يا اجمل حنان في الدنيا بس يعني يرضكي كدة انا اقع وعلى الارض ههههههههههههههه ونوسي تعمل فية كل ده، اه منك يا مصطفى مش قليل يطلع منه كل ده واحنا منعرفش انه متفق مع نوسي علشان يلاقو الشريك يرعبونا والاخر معرفوش مين الشريك بس انا شاكة ان نوسي بتعلب على الوشين يعني لا فيه شريك ولا غيره تبقى هية الشريكة برضه علشان هية طلعت عن النص مع مصطفى هههههههههههههههههههههه
سالى قمر مشرفة
العمر : 38
موضوع: رد: الحلقة رقم 20 من مسلسل اللعبة 3 الخميس يناير 26, 2012 7:26 am
يااااااااااااااااااااااااااااااااخبر ابيييييييييييييييييييييض يخرب عقلك يا نووووووووووونة بعد كل ده تطلع نوسى شريكة مع قمر ومتفقين هما الاتنين لالالا انا دماغى بتلف
وبعدين ايه الى نوسى عملته ده انا هبعت اجيب الرقابة تحذف المشهد ده هههههه
وبعدين مش كانت سيليا تفهمنى الحوار الى دار بينها وبين سيد بدل ما تسيبنى زى العبيطة كده
romio amar الإدارة
العمر : 41 الموقع : https://www.facebook.com/romio.amar
موضوع: رد: الحلقة رقم 20 من مسلسل اللعبة 3 الخميس يناير 26, 2012 7:00 pm
والله يانونة حلقة جااااااااااااااااااااااامدة وعشان تعرفى انا قولتلك من الاول ان نوسى مش ميتة انا عارف انها لعبة من الاول بس دلوقت بقى احتمال كبير مايكونش فى شريك اصلا لان نوسى كدة بتلعب على الوشين بتلعب مع مصطفى عليهم عشان يجيبوا روميو وفى نفس الوقت نوسى بتلعب مع روميو عليهم يعنى اكيد مفيش شريك اصلا صح ولا اية
hanan Admin
العمر : 35
موضوع: رد: الحلقة رقم 20 من مسلسل اللعبة 3 الجمعة يناير 27, 2012 12:37 am
ميرسي ليكم يا جماعة وانشالله انزل الحلقة الي بعدها الليلة
hamada staar عضو
العمر : 37
موضوع: رد: الحلقة رقم 20 من مسلسل اللعبة 3 الجمعة يناير 27, 2012 11:09 pm
هههههههههههههههههههه الله الله علي الاحداث كده يادرش يطلع منك كل ده دنا اكتر واحد كنت واثق فيك ههههههههههههههههههه يانونا ارجو اعاده مشهد القمر مع نوسي تاني هههههههههههههههههههههههههههههههههههه
موضوع: الحلقة رقم 20 من مسلسل اللعبة 3 
هههههههههههههههههههههه 
