الحلقة رقم 19 من مسلسل اللعبة 3

Admin العمر : 35

الحلقة رقم 19 من مسلسل اللعبة 3 857d5b5efe

(في القبو في الاسفل حيث يجلس حماده على كرسي قرب روميو المربوط لحراسته وهو يمسك بيده هاتفه النقال يلعب به)
(روميو)
_ وبعدين انا هفضل هنا لامتى؟
(حماده)
_ لحد ما تقول شروق فين.
(روميو)
_ مانا قلت اني هجيبها بشروطي .. انتو كده بتغلطو.
(حماده)
_ انا بردو شايف ان كلامك صح ... احنا بنغلط جدا.
(روميو)
_ بجد؟ .. طيب كويس .. انت عارف ان انا وانت ممكن نتفق مع بعض .. ايه رأيك لو نشتغل مع بعض؟
(حماده)
_ حاضر .. لما الاول نصلح الغلط الي احنا غلطناه.
(روميو)
_ طيب خلاص صلحه انت وفكني ... سيبني امشي من هنا.
(حماده)
_ الغلط الي انا عايز اصلحه هو وجودك عايش .. انا شايف اننا لازم نقتلك وبعدين نمشي من هنا.
(روميو)
_ ايه؟ ... وشروق؟؟ ... انت مش فارق معاك حياتها؟
(حماده)
_ لأ فارق .. فارق جدا عشان كده انا شايف اننا كلنا لازم نموت عشان هي ترجع عايشه.
(روميو)
_ انت بتتريئ؟ ... البنت المسكينة زمانها ماتت من البرد والخوف لوحدها .. وجايز سيد سابها تموت هناك ولا فرق معاه.
(حماده)
_ مانا كمان ميت من البرد وانا هنا بحرسك ايه يعني حد حس بيا؟
(روميو)
_ انت بتمنن عليا؟ .. انت مش مجبور ياخويا تقدر تطلع وانا هفضل هنا مش هتحرك.
(حماده يضع سماعات الموبايل قائلا)
_ اسكت بئى وبلاش دوشة .. عايز اسمع اغاني بهدوء.

الحلقة رقم 19 من مسلسل اللعبة 3 183a3b9a22

(في الغابة ليلا حيث تمشي عين الحياة مع سلمى بحثا عن سيارة روميو بخوف وقلق)
(سلمى)
_ تفتكري حد حس بغيابنا؟
(عين الحياة)
_ ما اظنش .. احنا ما بئالناش كتير طالعين.
(سلمى)
_ طيب هندور فين؟
(عين الحياة تشير لاحدى الاتجاهات قائلة)
_ تعالي .. هندخل من هناك.
(سلمى)
_ اشمعنى؟
(عين الحياة)
_ اصل لو في عربية قريبة من هنا لازم هتمشي بمكان يكون الشجر فيه قليل شوية.
(سلمى)
_ بس بردو مش ممكن حد يعرف يدخل عربية هنا .. انا خايفة نكون بنتعب على الفاضي.
(عين الحياة)
_ ممكن تكون عربية كبيرة وتستحمل .. بس اكيد هنلاقيها.
(سلمى)
_ طيب خلينا نترك علامات ورانا عشان نعرف نرجع.
(عين الحياة)
_ ماشي .. هنكسر ضلع كل شجرة نمر جنبها .. انا معايا سكين على فكرة .. جبتها عشان نحمي نفسنا بيها.
(سلمى)
_ كويس كده هنعرف نرجع من غير مانتوه.
(عين الحياة)
_ ونرجع ليه؟ .. لو لقينا العربيه هنمشي من هنا لبعيد اوي .. لازم نعرف نهرب ونطلب المساعدة لما نوصل مصر.

الحلقة رقم 19 من مسلسل اللعبة 3 9a47071c79

(في المنزل في غرفة شيكا حيث يستيقظ ويعلمه محمد كرويم بكل ما حصل)
(شيكا بصعوبة)
_ يعني دلوقتي ... روميو محبوس تحت؟؟
(محمد كرويم)
_ ايوا .. موجود في القبو تحت .. وحماده وعلي بيتناوبو على حراسته.
(شيكا)
_ انا ماقدرش اقول ان هو الي ضربني .. انا فجأة لقيت السكين دخل بصدري .. اظن انه كان فخ .. يعني سكين متعلقة على شجرة ولا حاجة.
(محمد كرويم)
_ المهم انه عالجك ... ولما تتحسن ممكن انا وانت نمشي من هنا ... احنا مش مجبورين نستنى لما يرجعو شروق.
(شيكا بتعب شديد)
_ نروح فين بس؟ ... هو احنا نعرف طريق للخروج من هنا؟ ... ده احنا ممكن نتوه.
(محمد كرويم)
_ انت تعبان دلوقت .. ماتتكلمش وتتعب نفسك كده .. لما تتحسن نشوف هنعمل ايه.
(شيكا)
_ كريم .. خد بالكم من روميو ... خلو اكتر من واحد يحرسوه ده راجل خطير.
(محمد كرويم)
_ حماده وعلي بيتبادلو عليه .. انما محمد رافض يحرسه .. رافض حتى وجوده هنا ... ده خرج من البيت يتمشى برا بس عشان يفضل بعيد عنه.
(شيكا)
_ معاه حق.
(محمد كرويم)
_ خلاص يا شيكا ماتتكلمش .. انت تعبان جدا ارتاح دلوقت وانا هفضل داخل طالع عشان اطمن عليك.

الحلقة رقم 19 من مسلسل اللعبة 3 98804036ba

(في غرفة مصطفى وسيد)
(سيد ممدوح)
_ هنعمل ايه دلوقت .. الراجل ده مش هيتكلم.
(مصطفى)
_ مش عارف ... مش هينفع نرجع من غير شروق يا سيد.
(سيد ممدوح)
_ مانا عارف ... وده الي مجنني .. لو تحبو ارجعو انتو يا مصطفى انا هفضل هنا وهدور عليها.
(مصطفى)
_ نرجع ازاي يا سيد هو احنا نعرف هنروح فين؟ ... وبعدين شيكا وسالي وضعهم ما يسمحش دلوقت.
(سيد ممدوح)
_ صحيح .. المشي عليهم هيكون صعب.
(مصطفى)
_ احنا ممكن نستنى لحد ما يتحسنو شوية .. وبعد كده لو ماعرفناش نجيب شروق نمشي من هنا .. ونحاول نلاقي طريق.
(سيد ممدوح)
_ ماشي ... يبئى نجمع الكل ونقلهم .. عشان يعرفو ان احنا هنفضل هنا شوية.
(سيد ممدوح)
_ اطلعلهم انت يا سيد والنبي ... انا ... هحاول انام شوي.
(سيد ممدوح)
_ هتنام؟؟؟؟ ... غريبة يعني هو انت بتعرف تنام اساسا؟
(مصطفى)
_ حاسس اني تعبان .. ممكن انام دوقت .. هحاول.
(سيد ممدوح)
_ ماشي ... انا خارج اشوف شيكا وسالي عشان اطمن عليهم .. حاول تنام انت لان بجد مش طبيعي انك تفضل صاحي على طول كده.

الحلقة رقم 19 من مسلسل اللعبة 3 867cf37f30

(في غرفة سالي حيث تدخل سيليا بتوتر وعصبية قائلة لها)
_ سالي ... عين وسلمى فين؟؟
(سالي)
_ ماعرفش ... ليه هم مش تحت.
(سيليا)
_ ماتعرفيش يعني ايه؟ .. دول مش تحت .. انا كنت في المطبخ كمان وهم مش فيه .. سالي ... هم خرجو يدورو على العربية؟؟؟
(سالي)
_ اه .. بس اقفلي الباب بلاش حد يسمع.
(سيليا بعصبية)
_ ينهار اسود ... ازاي بس عملوها؟ ... دي مصيبة هو الواحد ناقص؟
(سالي بقلق)
_ ماتخوفنيش يا سيليا ... ده كان الحل الوحيد قدامنا ... لازم يوصلو مصر عشان يطلبو مساعدة لينا.
(سيليا)
_ ده جنان ... انا لازم اقول لسيد نحاول ندور عليهم ونرجعهم قبل ما تحصلهم حاجة.
(سالي)
_ لأ .. بلاش تقولي لسيد ... بلاش يا سيليا.
(سيليا)
_ يعني افضل ساكته كده؟ ... انا هقول لمصطفى.
(سالي)
_ ماشي بس بلاش تقولو لحد ... ارجوكم خلو الخطة بتاعتي تنجح بئى.
(سيليا)
_ بس لو الخطة بتاعتك فشلت البنات هيكونو خلاص ... انا نازلة اقول لمصطفى على المصيبة دي.
**********************************************
(تنزل سيليا للاسفل مسرعة باتجاه غرفة مصطفى و سيد فيراها سيد موقفا لها قائلا)
_ مالك يا سيليا بتجري كده انتي رايحة فين؟
(ترتبك سيليا وتقف قائلة بارتباك)
_ انا ... انا كنت عايزة اتكلم مع مصطفى شوي.
(سيد ممدوح)
_ مصطفى بيحاول ينام جوا ... هو في حاجة مهمة؟ ... لو في حاجة قوليهالي.
(سيليا)
_ ايه؟ ... لا انا عايزة اقول حاجة مهمة لمصطفى ... لازم ادخل اصحيه.
(سيد ممدوح)
_ انتي كده قلقتيني ... هو في ايه؟ ... تعالي ... تعالي نطلع على الصالون وقوليلي فيه ايه؟
(سيليا)
_ ها ... لا اصل الحكاية تخص مصطفى.
(سيد ممدوح)
_ حكاية ايه بس؟ .. وبعدين فين عين وسلمى؟؟؟ هو في حاجة حصلت ولا ايه؟
(سيليا بارتباك شديد)
_ لالالالا ... مافيش حاجة.
(سيد ممدوح)
_ امال هم فين؟ ... فوق؟؟ انا هطلع اشوفهم.
(سيليا)
_ لالا رايح فين؟ ... هم مش عايزين يشوفو حد دلوقتي.
(سيد ممدوح)
_ وليه بئى؟؟ ... سيليا انتي مخبيه ايه؟؟؟؟
(سيليا)
_ اصل يعني ... عين اتخانئت مع سلمى .. وهم مش عايزين يكلمو حد يعني.
(سيد ممدوح)
_ وانتي كنتي عايزة تقولي لمصطفى على الخنائة الي حصلت بينهم؟؟ دخل مصطفى ايه؟ هو ايه الي بيحصل يا سيليا ما تتكلمي؟؟
(سيليا)
_ هتكلم ... اصل ... اصل عين اتخانئت هي وسلمى على ... على مصطفى ... عين وضعها مش كويس خاااااالص دي غرقانه بحب مصطفى ومش عايزة حد يتكلم عنه قدامها .. زعلت من سلمى عشان اتكلمت عليه وانا كنت عايزه اقله يعني قبل ما الحكاية تكبر عشان يحل الخلاف بينهم.
(في هذه اللحظة يدخل حماده الذي سمع اخر كلام سيليا قائلا باستهزاء)
_ الله الله الله ... في وسط كل الي احنا فيه ده الست عين عايشالنا قصة حب وغرام.
(سيليا تلتفت له منزعجة جدا)
_ ده مش شغلك ... ما تكبروش الحكاية بئى انا بس عايزة اكلم مصطفى شوية.
(سيد ممدوح)
_ مانكبرهاش ازاي دي كبيرة اصلا ... حماده معاه حق .. ده مش غرام خالص ... انا لازم اطلع اكلمها.
(سيليا)
_ لالالالالالالالالا ... تطلع فين مانا بقلك وضعها مش كويس خالص .. مصطفى يكلمها احسن.
(سيد ممدوح)
_ مصطفى نايم دلوقت يا سيليا ... ده بيحاول ينام بئاله كتير سيبيه شوية ... فهميني انا وانا اتصرف.
(سيليا)
_ افهمك ايه بس؟ ... الحكاية كبيرة اوي وانا لازم اقول لمصطفى عليها.
(حماده)
_ خلاص يا سيد سيبها تدوشه ... كلام بنات فارغ والله ... هو الواحد ناقص الهبل ده دلوقت.
(سيد ممدوح)
_ ادخلي يا سيليا هقلك ايه ... انا دماغي مش فايئة اساسا ... انا هدخل اشوف شيكا.
(حماده)
_ ادخلي يختي ادخلي .. بلاش الوضع يبئى اصعب من كده وتنتشر العدوى ومانعرفش نلمكو ... بنات غريبة والله الواحد بئى ب ايه وانتو ب ايه.
************************************************
(تدخل سيليا غرفة مصطفى مسرعة بايقاظه)
_ مصطفى ... مصطفى قوم عايزاك.
(يستيقظ مصطفى بفزع)
_ ايه في ايه؟
(سيليا)
_ ارجوك قوم عايزة اتكلم معاك بحاجة مهمة جدا.
(مصطفى)
_ هو انا فين؟
(سيليا)
_ انت لسى في مكانك هنا معانا انت نسيت؟
(مصطفى)
_ ياااه ده انا افتكرته حلم وهيخلص بئى ... ايه يا سيليا في ايه؟
(سيليا)
_ خلينا الاول نخرج نتكلم برا ... برا البيت احسن بلاش حد يسمعنا.
(مصطفى)
_ حرام عليكي يا سيليا ده انا تعبان اوي وماصدقت نمت بئى.
(سيليا)
_ نوم ايه دلوقت هو النوم هيطير؟ ... في موضوع مهم جدا ولازم نتكلم فيه.

الحلقة رقم 19 من مسلسل اللعبة 3 94c1d681ef

(في خارج المنزل ... حيث تتحدث سيليا مع مصطفى)
(مصطفى بغضب)
_ ايه؟؟ ازاي حصل الكلام ده؟ .. وانتي جاية تقوليهالي كده بكل بساطه؟
(سيليا)
_ انا ما كنتش اعرف انهم هيعملو كده بجد يا مصطفى ... المهم هنعمل ايه دلوقت؟
(مصطفى)
_ لازم نرجعهم قبل ما تحصلهم حاجة.
(سيليا)
_ انت هتقول لسيد؟

(مصطفى)
_ طبعا .. امال هروح اجيبهم لوحدي؟؟
(سيليا)
_ مصطفى ارجوك ماتقلش لحد .. جايز يكون ده املنا الوحيد عشان نعرف نهرب من المكان ده .. انا خايفة عليهم زيك بس انت لو رحت وراهم دلوقت وعرفتو تلاقو العربية هتعرفو تهربو من هنا وتطلبولنا حد يساعدنا.
(مصطفى بغضب)
_ ده جنان يا سيليا .. لاني اساسا مش ممكن اهرب من هنا واسيبكم لوحدكم.
(سيليا)
_ ارجوك وطي صوتك دلوقت يسمعو ويخرجو ... مصطفى لو في اي احتمال ان سيد هو الي حابسنا هنا لازم ما يعرفش حاجة
ارجوك روح لوحدك ولو وصلتو للعربية روحو من المكان ده .. اهربو.
(مصطفى)
_ سيليا .. انا هروح ادور عليهم .. لكن لو حصلتلي اي حاجة ومارجعتش .. تأكدي ان سيد اكتر شخص ممكن تثقي بيه انتي سامعاني؟

الحلقة رقم 19 من مسلسل اللعبة 3 7b0dd85c19

(تبكي سيليا ثم تقول)
_ انا خايفة اوي.
(مصطفى)
_ ادخلي جيبيلي نور من جوا اخده معايا .. هتغيم كمان شوية ... ولحد ما ارجع حاولو تلاقي حجة لغيابنا.
(سيليا)
_ حاضر .. انا هدخل اجيبه حالا.

الحلقة رقم 19 من مسلسل اللعبة 3 7fbd9d908b

الى اللقــــــاء في الحلقـــــة القادمـــــة ......

الإدارة العمر : 36

نعااااااااام حرام عليكي يا حنان ما كنتي طولتي الحلقة شوية حرام عليكي يا بنتي
بس بجد تسلم ايدييكي الحلقة حلوة

عضو العمر : 34

جميلة اوي يا حنونة ياقمر شكلنا انا ونسرين حنضيع هههههههههههههههههههههههه وانا مشية كدة مستبيعة وانا وانتي يانسرين شكلنا حنقع ومحدش حيسمي علينا ههههههههههههههههههههههههههههه

عضو العمر : 34

الحلقه جميله اوى تسلم ايدك ياقمر

ياترى الحلقه الاخيره امتى عايزين نعرف هيحصل ايه فى الاخر

Admin العمر : 35

انشالله اليوم رح تنزل الحلقة رقم عشرين ودي اهم واقوى حلقة لكن عدد حلقات المسسلسل 25 حلقة يعني قربنا خلاص وميرسي يا ريما وشكرا يا سلمى الليلة انشالله تعرفي هتضيعو فين Surprised

الإدارة العمر : 36

مانا وانتي يا سلمى شكلنا اتجننا هههههههههههههههههههههههههه بس يحصل حاجة حلوة هتعجبك اوي من اعجابك فيها هههههههههههههههههههه هتعرفي لما تشوفي الحلقات الجاية هاهاهاهاها ه

مشرفة العمر : 38

ربنا يستر ومضيعلناش البنتين اللى فاضلين سولام لسه ويرجعوا ولا واحدة مخنووقة ولا مشنووقة ولا متعلقة اصل انا عارفة عاميلك يا نونة

عضو العمر : 37

بمبااااااااااااااااارررم وبعدين بقا انتو قلبتو دماغي البت سالي دي هي اوس البلاوي وهنشوف هع هع جميله يانونا تسلمي ياقمر

ههههههههههههههههههههههههههههههه والله الحلقة جميلة اوى يانونتى بجد تسلم ايدك

» الحلقة رقم 13 من مسلسل اللعبة 3
» الحلقة رقم 23 من مسلسل اللعبة 3
» الحلقة رقم 14 من مسلسل اللعبة 3
» الحلقة رقم 15 من مسلسل اللعبة 3
» الحلقة رقم 16 من مسلسل اللعبة 3