_ وانت خايف ليه مانجرب؟ ... ادينو حاجة وانا ادور على شروق وارجعها.
(مصطفى)
_ عايز ايه؟؟؟؟ قول وخلصنا.
(روميو)
_ لا لا لا مش هقول هنا ... لازم اطلب طلبي من سيد ممدوح وقدام الكل.
(سيد ممدوح)
_ مني انا؟؟
(روميو)
_ ايوا منك انت ... انت صاحب القرار هنا لانك انت الي جبت الكل للمكان ده .. وانا جيت وراكم لحد هنا .. يعني بالنهاية انت صاحب القرار وانت الي هتقرر والكل هيسمع كلامك .. وهتكلم قدام الكل.
_ انا هدور عليها وهجيبها ماتخافوش .. اكيد هيكون في مقابل .. انما الاهم دلوقت ان انا اكشفلكم كلكم مين هو المذنب الحقيقي هنا.
(ينظر الجميع باهتمام كبير ل روميو منتظرين ان يخبرهم ب اسم المذنب)
(سلمى)
_ مين؟ ... مين هو؟
(روميو)
_ المجرم ببساطه هو ... سيد ممدوح.
(سيد ممدوح)
_ ايه؟ ... هو ده الاكتشاف العظيم بتاعك؟
(روميو)
_ ايوا انت ... انت الي خطفت شروق وخبيتها.
(محمد فرج)
_ انا قولت لو هتسمحو للراجل ده يتكلم هيخرب الدنيا.
(مصطفى)
_ طبعا هيعمل كده ... عشان يبعد التهمة عن نفسه.
(روميو)
_ والله انا شايف انه سيد هو الي خطف شروق .. بعد ما ماتت نوسي خاف يرجع مصر تاني ... هيقول لاهلها ايه؟ ده كان حادث ومش هتشوفو بنتكم تاني ابدا عشان انا كنت مسؤول مهمل عن الرحلة؟
(سيد ممدوح)
_ ده كلام فارغ ... طبيعي اني خايف من الرجوع لمصر بسبب موت نوسي .. انما مش معنى كده اني احبس الكل هنا ... واحبسهم ليه ولامتى؟ ... بالنهاية لازم هنرجع مصر واهل نوسي هيعرفو بموتها.
(سلمى)
_ احنا الحق علينا الي جينا هنا عشان نسمعك.
(محمد كرويم)
_ خلاص يا جماعة خلونا نرجعه لتحت تاني ده بيخرف.
(روميو)
_ لو فكرتو شوية بكلامي هتعرفو ان معايا حق ... سيد عمل كل الي عمله ده لسبب واحد .. عايز الكل يفتكرو ان انا الي قتلت نوسي .. وبكده يرجع مصر مرتاح الضمير ويخلص من الذنب ده.
(حماده)
_ يعني عايز تقول انه استغل وجود عداوة بينك وبينا واستخدمها عشان يخلص من ذنب موت نوسي؟
(روميو)
_ بالضبط ... وعشان كده خطف شروق كمان .. والعربيات هو الي بوظ العجال بتاعتها عشان يقول ان انا الي عملت كده.
(مصطفى)
_ الكلام ده مش صحيح ... لان في حد بعتلي تهديد على مكتبي من قبل ما نطلع الرحلة دي والحد ده انت وعشان كده جيت ورانا.
(روميو)
_ صحيح في حد هددك وجايز يكون اي واحد من الموجودين هنا .. انما مش انا .. واكيد مش سيد .. لكن الي انا متأكد منه من ساعة ما جيت هنا هو ان سيد هو الي حبسكم في المكان ده وهو الي خطف شروق عشان يغطي على حكاية اهماله وموت نوسي ... عمل كده عشان ينقذ نفسه .. مالقاش حل تاني غير انه يستغل اسمي ويوهم الكل هنا ان انا الي قتلت نوسي مع ان نوسي وقعت من مرتفع عالي .. يعني اساسا مافيش قاتل ليها غير الاهمااااال ... اهمال سيد ممدوح.
(سيليا)
_ سيد ... معقولة تكون خفت لدرجة انك تحبسنا هنا؟
(حماده)
_ مش معقول ... يعني انت عشان خايف من اهل نوسي حبستنا كلنا هنا؟؟؟
(محمد فرج)
_ يا جماعة الراجل ده بيخدعكم ... انا كنت عارف انه هيقدر يقنعكم بكلامه عشان يدخل بينا من جديد ويدمر العلاقة بينا.
(سلمى)
_ ما هو يا محمد لازم يكون في حد مننا مذنب ... حد خطف شروق وبوظ العربيات .. حد احنا كلنا واثقين فيه اوي.
(سيد ممدوح)
_ ده كلام فارغ يا جماعة .. انا كنت بينكم لما الحجارة نزلت علينا من الشبابيك ... ولا انا يعني هقسم نفسي في كل مكان؟
(روميو)
_ ممكن يكون اي حد عمل كده ... لكن بردو انت الي خطفت شروق وانت الي بوظت العربيات.
(علي)
_ انا بئيت شايف ان في اكتر من مذنب هنا ... في حد خطف شروق وفي حد تاني رمى الحجارة علينا وضرب شيكا بالسكين .. يعني في اكتر من حد بيهددنا .. انا بئيت مش فاهم حاجة.
(روميو)
_ انا عن نفسي بريء .. انا كنت مع مصطفى لما الحجارة اترمت عليكم ولما شيكا اتضرب بصدره .. يعني انا لا يمكن اكون عملت ده ولا ده.
(محمد فرج يغضب كثيرا يقترب من روميو صائحا به بشده)
_ ده كلام فارغ ... مافيش غيرك عمل كل ده ... انت ... انت مش ممكن تكون انسان طبيعي .. انت مريض ... انت عايز مننا ايه؟؟؟ ... هتفضل تدخل بينا لحد امتى؟؟؟؟؟؟ ... متى هترتاح وتسيبنا بحالنا بئى؟؟؟
(عين الحياة)
_ اهدا شوية يا محمد .. احنا من حقنا نسمع رأيه ونفهم .. حياتنا كلنا معرضه للخطر ومن حقنا نعرف مين الي حابسنا هنا؟؟
(سيد ممدوح)
_ تأكدي يا عين ان مش انا الي حابسكم هنا ... لا يمكن تكونو بجد بتشكو بيا انا .. مصطفى قول حاجة ارجوك ... انت عارف ان الراجل ده بيكدب.
(مصطفى)
_ عندك دليل على كلامك ده يا روميو؟
(روميو)
_ عايز دليل اهم من الدافع الي عنده؟؟؟ .. ده هو الوحيد الي عنده دافع اساسا.
(سيليا)
_ بردو لازم يكون في دليل.
(روميو)
_ ماشي ... انا هرجع شروق لهنا .. وهي بنفسها هتقلكم مين الي خطفها.
(محمد كرويم)
_ كلام منطقي جدا ...يبئى انت تدلنا على مكان شروق ولما نرجعها لهنا تفهمنا على كل حاجة حصلت معاها ونخرج كلنا من المكان ده ونرجع مصر تاني بأي طريقة.
_ مين قال كده؟ هو انا يعني يهمني اوي انك تحبسهم ولا تخلص عليهم كلهم؟؟ .. ده انا افرح .. انا بس وضحت الحقيقية هنا ..وعشان انت تثبت برائتك لازم توافق على الشرط بتاعي ونرجع شروق وتقلنا على الحقيقة كاملة.
_ خليك فاكر يا سيد ... انت كده بتثبت التهمة عليك ... الكل هيشكو بيك الكل ... هيعرفو حقيقتك .. مش عايز شروق ترجع وتعترف عليك.
(في غرفة سالي حيث تتحدث مع البنات)
(سالي)
_ معقولة يطلب طلب زي ده؟؟؟؟؟ .... هو فاكر من عقله ان في حد يوافق؟ .. وبعدين ازاي يتهم سيد ده مجنون.
(عين الحياة)
_ انتو لو شفتيه ازاي كان واثق من نفسه وهو بيتكلم.
(سالي)
_ اوعى يكون حد فيكم صدق كلامه؟؟؟
(سلمى)
_ والله هو بالاول ما حدش عبره .. انما بعدين بئى اسلوبه مقنع جدا وقال كلام بصراحه خلاني اشك بسيد بجد.
(سالي)
_ ايه؟ معقولة؟؟؟
(سلمى)
_ انا ما قلتش ان سيد هو الي عملها .. بس انا بقول اننا لازم بردو نحطاط منه.
(سالي)
_ يعني مش عايزين تقولوله على الخطة بتاعتنا؟؟؟؟ .. انا مطمنة للخطة بس عشان هنقوله .. مانقدرش نتصرف لوحدنا كده.
(سيليا)
_ انا مش موافقة على الخطة اساسا .. فيها خطورة كبيرة.
(عين الحياة)
_ فيها خطورة ازاي ماحنا ماسكين روميو تحت؟
(سلمى)
_ اه صحيح .. روميو تحت ومش داري بحاجة واحنا لو خرجنا من هنا عشان نجيب العربية بتاعته ما حدش من الي تحت هيعرف .. يعني شريك روميو المجهول مش هيعرف يجي ورانا.
(سيليا)
_ وطبعا مش هتقولو لسيد انكم خارجين تدورو على عربية روميو.
(عين الحياة)
_ لا مش هنقول .. لازم ناخد بالنا بردو.
(سيليا)
_ انا مش موافقة ... ولو سيد عرف مش هيوافق كمان .. ممكن الرجالة يروحو يدورو على العربية نروح احنا ليه؟
(عين الحياة)
_ لو حد عرف ان احنا راحيين نجيب العربية شريك روميو هيسبق الكل وهيبوظها عشان نفضل هنا.
(سلمى)
_ شريك روميو او الشخص الي عايزنا نفضل محبوسين هنا.
(سالي)
_ قصدك سيد مش كده؟
(سيليا)
_ انا نازلة تحت .. انا قلت رأيي بصراحة مش ممكن اوافق على المخاطرة دي.
(تخرج سيليا من الغرفة منزعجة)
(سالي)
_ ايه يا بنات هتعملو ايه؟؟
(عين الحياة)
_ هنروح ... ومن غير ما حد يعرف حتى سيليا .. وهنجيب العربية وهنروح لمصر ونبلغ عن الي بيحصل هنا ... مافيش قدامنا حل تاني.
(سالي)
_ بس انا بئيت خايفة تحصلكم حاجة.
(سلمى)
_ مافيش حاجة هتحصل اسوأ من الي بنشوفه هنا .. احنا هنعمل نفسنا بنتمشى برا البيت ونروح فورا.
الى اللقــــــاء فــــي الحلقــــة القــــادمــــــة .....
عين الحياة الإدارة
العمر : 36
موضوع: رد: الحلقة رقم 18 من مسلسل اللعبة 3 الأربعاء يناير 25, 2012 12:35 am
تسلم ايديكي يا حنان الحلقة تجنن وحلوة كتير والله روميو ده مش سهل شككم بسيد ده داهية مسيحة ههههههههههههههههههههههههههههههههههه بجد اسلوبك روعة يا حنان
hanan Admin
العمر : 35
موضوع: رد: الحلقة رقم 18 من مسلسل اللعبة 3 الأربعاء يناير 25, 2012 1:09 am
ميرسي يا نسرين كلك زوء يا قمر
سالى قمر مشرفة
العمر : 38
موضوع: رد: الحلقة رقم 18 من مسلسل اللعبة 3 الأربعاء يناير 25, 2012 5:04 am
جميلة يا نونة بس مش سيد هو الشريك طبعا بلاش تتوهينا
Mohamed Farag Star الإدارة
العمر : 32
موضوع: رد: الحلقة رقم 18 من مسلسل اللعبة 3 الأربعاء يناير 25, 2012 8:38 am
جميلة قويييييييي يا نونا الحلقة وعلي فكرة أنا إبتديت أشك في روميو ونوسي وشروق وهما هيكونوا عاملين اللعبه دي
hamada staar عضو
العمر : 37
موضوع: رد: الحلقة رقم 18 من مسلسل اللعبة 3 الخميس يناير 26, 2012 4:51 am
الحلقه جميله مووووووووووووووووت بس شكي في شيكا والجرح اللي فيه ده مجرد مقلب يمكن والله اعلم
romio amar الإدارة
العمر : 41 الموقع : https://www.facebook.com/romio.amar
موضوع: رد: الحلقة رقم 18 من مسلسل اللعبة 3 الخميس يناير 26, 2012 6:09 pm
هههههههههههههههههههههههههههههه والله يانونة انتى بقيتى بتضحكينى من اللى انا بعملة فيهم وربنا العيال هيتجننوا ههههههههههههههههههههههههه بجد تسلم ايدك يانونتى