الحلقة رقم 16 من مسلسل اللعبة 3

Admin العمر : 35

الحلقة رقم 16 من مسلسل اللعبة 3 445e6d3229

(روميو)
_ هتعمل ايه؟؟؟ .. مصطفى بلاش جنان ... استنى استنى ... لو قتلتني عمرك ما هتعرف توصل ل شروق.
(مصطفى)
_ يعني انت تعرف هي فين؟
(روميو)
_ لأ ... انا ماليش دعوة بأي حاجة بتحصل معاكم هنا ... انا بجد جيت مبارح بس ... مصطفى لو قتلتني دلوقتي هتدي فرصة للمجرم الي بيهددك والي قتل نوسي انه يفلت بعملته .. ومش بعيد يقتل شروق كمان ويقول ان انا الي قتلتها.
(مصطفى)
_ انت الي قتلت نوسي وخطفت شروق ... وبموتك كل حاجة هتخلص.
(روميو)
_ انت غلطان .. في حد بيتلاعب بيكم كلكم .. انا اسلوبي مختلف .. لو انا عايز ائذيك كفاية عليا اني اقلب الكل عليك زي ما بعمل دايما ومش محتاج اموت حد .. الي عمل كده اسلوبه غبي جدا .. انا اساسا بشفق عليه لان ماكنش في داعي للقتل اساسا ... انت عارف اسلوبي .. اخد كل الي انا عايزة وايديا نضيفة ومن غير قتل وخطف.
(مصطفى)
_ اوعى تكون فاكر اني ممكن اصدقك .. لكن مش هموتك دلوقتي .. امشي معايا ومن غير كلام عشان ماغيرش رأيي ... انا هعرف ازاي اخليك تتكلم وتقول شروق فين.

الحلقة رقم 16 من مسلسل اللعبة 3 3fb9bd0c97

(في المنزل ... في غرفة سالي حيث قام سيد بعلاج جرحها واعطائها كل الاسعافات الممكنة لانقاذها)
(سلمى)
_ دي محمومة اوي .. حرارتها مش بتنزل.
(سيد ممدوح)
_ المسكن هينزل الحرارة ما تخافيش.
(عين الحياة)
_ يعني هتعيش؟
(سيد ممدوح)
_ طالما وقفنا النزيف ان شاء الله هتعيش ... لو كانت الضربة اعلى من كده بشوية بس كان خسرناها فورا.
(محمد فرج)
_ طيب هي ليه مش صاحية.
(سيد ممدوح)
_ صاحية بس محمومة جدا ... عشان كده مش قادرة تفوق كويس.
(علي)
_ انا هنزل انضف المكان تحت عشان نعرف نتحرك.
(حماده باستياء)
_ انا قلتلكم لازم نمشي من المكان ده ... مش معقولة نفضل هنا لحد ما نموت كلنا واحد واحد.
(سيد ممدوح)
_ الي بيحصل ده مش معقول خالص ... مش ممكن يكون حقيقي ... مين ممكن يحاول يقتلنا بالشكل ده؟
(محمد كرويم)
_ وشيكا ومصطفى لحد دلوقت ما وصلوش .. يا ترا حصل معاهم ايه؟
(حماده)
_ انا هنزل اساعد علي تحت ... لازم نلاقي حل يا جماعة بجد فكرو لازم نمشي من هنا.
(عين الحياة)
_ انا قلبي مش مطمن على مصطفى وشيكا .. دول اتأخرو اوي.
(سيليا)
_ سيد انا بجد خايفة وعايزة نمشي من هنا ... مش فاهمة مين بس حابسنا هنا وبيعمل فينا كده ليه؟ حرام عليه بجد.
(سيد ممدوح)
_ وانا يا جماعة بجد اكتر واحد منكم عايز امشي من هنا انما شروق .. ماقدرش اسيبها هنا وامشي.
(محمد كرويم)
_ وافرض انها ... افرض انها ماتت؟

(في مكان اخر حيث يسير روميو و يسير ورائه مصطفى)
(روميو)
_ هي الطريق طويلة؟ انا تعبت.
(مصطفى)
_ مستعجل على ايه؟ دول لما يشوفوك هيخلصو عليك.
(روميو مشيرا بيده)
_ ايه ده؟ شايف هناك في ايه؟؟؟
(مصطفى)
_ اياك تفكر تعمل حاجة .. امشي وبلاش الحركات دي مش هتعرف تهرب.
(روميو)
_ انا مش بحاول اهرب بس هناك في واحد واقع على الارض ... بص هناك وانت تعرف.
(مصطفى ينظر بالاتجاه الذي يشير له روميو فيرى شيكا ملقى على الارض فاقدا للوعي ومليئا بالدماء فيتفاجئ كثيرا ويذعر ثم يركض بسرعة باتجاهه وينسى روميو فيرمي مسدسه على يمينه ينظر لشيكا فيرى انه مطعون بالسكين في صدره يجلس بقربه دون الاهتمام لمسدسه)
(مصطفى)
_ شيكا ...
(يسرع روميو مقتربا منهم ثم يقول)
_ شفت؟؟ .. لو انا الي بهددكم يبئى ازاي وصلت لهنا وضربته؟
(مصطفى)
_ هو ده وقته؟ ... لازم نعمل حاجة ...
(روميو يجلس قائلا)
_ ابعدلي كده انا هتصرف.
(مصطفى)
_ هتعمل ايه؟
(روميو)
_ هطلع السكين وبعدين هلف عليه حاجة توقف النزيف عشان يفضل عايش.
(مصطفى)
_ لازم ننقله للبيت.
(روميو)
_ هو البيت بعيد عن هنا؟
(مصطفى)
_ لأ .. مش بعيد انما هيستحمل نحمله؟
(روميو)
_ هنحمله بس الاول الف حاجة على الجرح.
(مصطفى)
_ هتلف ايه؟
(ينظر روميو لمصطفى الذي يرتدي جاكيت خفيف فوق قميصه ثم يقترب منه ليأخذ الجاكيت مما يخيف مصطفى الذي يرجع للوراء قائلا)
_ ايه بتعمل ايه؟
(روميو)
_ يعني ايه برأيك هات الجاكيت بتاعك لازم قبل ما شيل السكين اجهز حاجة اوقف بيها النزيف.
(مصطفى)
_ حاضر خدها ... يلا بئى شيل السكين بس على مهلك .. لو مش هتعرف تعملها انا اشيلها.
(روميو)
_ لأ اعرف ماتخافش.
(مصطفى)
_ على مهلك ارجوك.
(روميو)
_ خلاص ... شلتها.
(مصطفى)
_ وريني ... الجرح كبير؟
(روميو)
_ كان ممكن يكون اسوأ من كده بكتير ... انا اعرف اعمل قطب ليه بس يلزمني عدة طبيه.
(مصطفى)
_ جايز فيه بالبيت ... بس انت تعرف منين؟
(روميو)
_ تعلمت .. يلا بينا نحمله من هنا .. احنا غطينا الجرح ولما نوصل هعملها الاقطاب واخيط الجرح.

(في مكان اخر حيث شروق محبوسة)
(شروق)
_ انا جعت اوي ... وعطشت كمان.
(مجهول)
_ استني هعملك حاجة تاكليها.
(شروق)
_ هو انت هتفضل حابسني هنا لامتى؟
(مجهول)
_ بسرعة زهئتي مني؟ .. هو انتي ايه حكايتك ما بتحبيش اللعب ولا ايه؟ .. باين عشتي طفولة صعبة.
(شروق)
_ انت فاكر نفسك مين اساسا عشان تتكلم على طفولتي؟ .. لما اخرح من هنا هخليك تندم اوي.
(مجهول)
_ مش لما تخرجي الاول ... استني بس اخد مرادي وشوفي هعمل بيكي ايه.

(حين يصل مصطفى و روميو للمنزل حاملين شيكا يكون الجميع بالصالة يرتبونها وينظفون الزجاج المكسور ويضعون بدلا منه الواح من الخشب لاغلاق النوافذ وبعد انهاء معظم العمل يكون مصطفى و روميو قد وصلو حاملين شيكا ... يقف الجميع ناظرين للمشهد وغير مستوعبين ما يرونه)
(مصطفى)
_ تعالو يا جماعة ساعدونا واقفين كده ليه؟
(سيد ممدوح يقترب منهم ويساعدهم في وضع شيكا على الارض قائلا)
_ ايه الي حصل ماله شيكا؟ وايه الي جاب الراجل ده معاك؟
(مصطفى)
_ انا جبته .. عرفت اجيبه بتهديد السلاح بالمسدس الي معايا.
(يقترب محمد كرويم بقلق قائلا)
_ وشيكا ماله مين الي عمل فيه كده؟؟؟؟؟
(مصطفى)
_ ماعرفش ... لازم نعالجه الجرح .. اول حاجة عايزين معقم وادوات طبية و روميو هو الي هيخيط الجرح.
(سيليا)
_ انت ازاي جبته معاك يا مصطفى؟ .. ده قتل نوسي؟
(عين الحياة)
_ هو يعرف اساسا يخيط الجروح؟
(روميو)
_ ايوا اعرف .. وانا الي هعالجه قبل ما يموت.
(علي)
_ وانت يعني يهمك؟
(حماده)
_ احنا لازم نربط الراجل ده.
(محمد فرج)
_ ايوا صحيح لازم نربطه .. انا هجيب حبل هدور جوا.
(مصطفى)
_ انتو بتقولو ايه؟ ماتهدو شوية .. بقلكم هنعالج شيكا الاول .. الراجل بيموت انتو مش شايفين؟؟
(سلمى)
_ انا هجيب العدة الطبية من فوق.
(حماده)
_ وانا بقول اننا لازم نربط الراجل ده .. فين المسدس يا مصطفى؟ لو سمحت اديهولي.
(سيد ممدوح)
_ استنى يا حماده .. نعالج شيكا الاول .. انا مش عارف المصايب دي بتيجيلنا منين؟
(تقترب سيليا من مصطفى ببطئ وقبل ان يلاحظها وبسرعة تأخذ منه المسدس وتعود للوراء موجهة السلاح باتجاه روميو قائلة)
_ ما حدش يتحرك .. الراجل ده لازم يموت وحالا.
(يتفاجئ الجميع تعود سلمى بالعدة الطبية ولكنها تبقى بعيدة وخائفة من الاقتراب يقف مصطفى امام روميو قائلا لسيليا)
_ سيليا .. انتي بتعملي ايه؟؟ .. نزلي السلاح ده.
(سيليا)
_ ابعد يا مصطفى ... ابعد من قدامه .. لازم اقتله.
(سيد ممدوح)
_ اديني المسدس يا سيليا مش بالاسلوب ده.
(روميو)
_ ماتخافوش يا جماعة دي ماتقدرش تعمل حاجة .. شوية وترميه على الارض وتعيط ...
(ينظر الجميع لروميو غاضبين فيكمل قائلا)
_ ايه؟ هو انا قلت حاجة غلط؟ .. هي سيليا وعارفنها .. ما قبل كده رفعت المسدس على مصطفى ... هقتلك هقتلك وبعد كده حصل ايه؟ .. رمته من تاني على الارض وقعدت تعيط .. البنت دي عمرها ما تعرف تموت حد ولا تشوف حد ميت قدامها اساسا.
(سيليا بغضب شديد)
_ ابعد يا مصطفى عنه.
(مصطفى يتشتت بينهما قائلا)
_ سيليا .. عارفين ان معاكي حق .. هو يستاهل القتل لكن ارجوكي ... لازم نعالج شيكا .. الراجل ممكن يموت.
(علي)
_ مصطفى انت بتكلم مين البنت مش في وعيها اساسا؟
(سيد ممدوح)
_ نزليه يا سيليا ارجوكي.
(يضحك روميو مستفزا الجميع قائلا)
_ بجد النظرة الي على وجوهكم دي تساوي مليون جنيه وانتو خايفين كده ... ايه مالكم .. البنت دي اضعف من انها تقدر تعمل حاجة ... ابعد والنبي يا مصطفى خلينا نشوف هيطلع منها ايه؟
(يلتفت مصطفى ل روميو بغضب قائلا)
_ ماتخرس بئى ... سيليا نزلي السلاح انا مش هتحرك من هنا .. ايه انت عايزة تضربيني بالنار؟

الحلقة رقم 16 من مسلسل اللعبة 3 436db3eb0c

(سيليا)
_ ده قتل نوسي يا مصطفى ... ازاي هتسيبه عايش؟؟؟
(روميو)
_ قتل نوسي ايه؟ ... دي وقئت من على المنحدر العالي .. هو انا يعني كنت هناك وزئتها ولا هو كلام وخلاص؟
(يلتف مصطفى اليه ثانيا ويقول له)
_ انت مش قلت انك هنا من مبارح؟؟؟؟؟ .... عرفت ازاي؟
(روميو)
_ كنت براقبكم وانتو بتتكلمو .. انا جيت هنا مبارح بس وماليش دخل بحاجة ... ايه هنعالج شيكا ولا هنستناه يموت؟ .. انا عن نفسي ما بحبوش بصراحة.
(حماده)
_ هو ايه الي بيحصل حد يفهمنا؟ .. يعني ايه انت هنا من مبارح بس؟
(سيليا)
_ ده كداب ... ده قاتل ولازم يموت.
(محمد كرويم بغضب شديد)
_ خلاص بئى كفاية شيكا بيموت ... حسو بيا بئا ..
(مصطفى يلتفت ل سيليا قائلا)
_ سيليا .. الي انت عايزاه هنعلمه بس مش دلوقتي .. انا هقرب منك وهتديني السلاح ماشي؟ .. اديني السلاح واطلعي فوق دلوقت ... اوعدك ان الحكاية دي مش هتنهي كده .. هتعملي الي انت عايزاه بس مش دلوقت.
(يقترب مصطفى من سيليا ويأخذ منها السلاح .. تصعد سيليا السلالم متوجه للاعلى بغضب ثم تقترب سلمى ومعها العدة الطبية وتناولها ل مصطفى)

(بعد مرور بعض الوقت .. في غرفة شيكا حيث يعالجه روميو ويقف قربه مصطفى ومحمد كرويم)
(مصطفى)
_ انت اتعلمت الشغل ده فين؟
(روميو)
_ انا مش بعرف اعمله اوي بس احسن من ان الجرح يفضل مفتوح.
(مصطفى)
_ تفتكر بيتوجع؟
(روميو ضاحكا)
_ مش عارف .. تحب نجربلك وتشوف؟
(مصطفى)
_ انت ما تعرفش تكون جدي ابدا؟ .. ايه مش واخد بالك ان موقفك صعب هنا ولا مش فارقة معاك؟
(محمد كرويم)
_ ده انت لولا علاج شيكا كان زمانك مقتول دلوقت.
(روميو)
_ ومين الي هيقتلني؟ ... سيليا؟؟؟؟ ماتخافوش البت دي ماتعرفش تموت نملة.
(محمد كرويم)
_ والله انا لولا شيكا كنت اتمنى انها تضربك وتخلصنا منك.
(مصطفى)
_ انا خارج اتنفس برا شوي ... خد المسدس يا محمد وخد بالك منه ده غدار لو هعملك حاجة اقتله فورا.

(في الصالة حيث يخرج مصطفى من الغرفة فيأتي بقربه سيد يسئله بتوتر)
_ ايه خلص؟
(مصطفى)
_ لأ لسى .. بس انا خرجت اتنفس شوي.
(سيد ممدوح)
_ هيعيش ولا؟
(مصطفى)
_ باين ان روميو عارف بيعمل ايه ماتخافش ... سيليا فين عايز اكلمها شوية؟
(عين الحياة)
_ سيليا فوق عند سالي بتخفف حرارتها.
(مصطفى)
_ ليه هي مالها سالي؟ .. عيانه؟ وبعدين ايه الي حاصل هنا كل حاجة مدمرة كده؟
(سلمى)
_ في واحد وانتو مش هنا ضرب علينا حجارة كبيرة من الشبابيك .. وسالي دخل قزاز تحت رقبتها.
(مصطفى متفاجئا)
_ ايه؟ وهي فين دلوقت؟؟

الحلقة رقم 16 من مسلسل اللعبة 3 62305c2ac8

الى اللقــــاء فـــي الحلقـــة القـــادمــــة ......

المدير العام العمر : 41

يسعدنى ان اكون اول شخص يعمل رد شغل عالى وروووووووووووعة بجد تسلم ايدكى

عضو العمر : 38

ييييييييي مش تكملى ولا اييييييييييييه

بس جامده الحلقه بجد

الإدارة العمر : 36

تسلم ايديكي يا حنان الحلقة تجنن مش قولتلك اكيد نوسي عايشة لان في الفترة الي كان روميو مع مصطفى كان شيكا وسالي اتعورو وكان الكل موجود في البيت ده يدل على ان نوسي هية الشخص المجهول ومحدش غيرها

Admin العمر : 35

ميرسي يا جماعة وميرسي يا كيمو تسلم ايدك Laughing

هههههههههههههههههههههههههههههه وربنا حلقة زى العسسسسسسسل بس اية رايكم وانا بتريق على مصطفى وبقولة تعالى نجرب معاك كدة ونشوف ههههههههههههههههههههههههه وربنا طول عمرى دمى شرباااااااااااااااااااات ههههههههههههههههههه بس بجد يانونة حلقة جاااامدة وانا طبعا طول عمرى مكار يعنى ههههههههههههههههههههه

الإدارة العمر : 32

حلقة جاااااامدة قوييييييييييي وفعلا يا روميو عجبني تريقتك علي مصطفي هههههههههههههههه

بس لسه مش عارفين مين اللي بيعمل كل ده

بس واحده إتعرفت هي نوسي

لكن الباقي ........................ لسه مش عارف

ههههههههههههههههههههههههههههه

Admin العمر : 35

هههههههههههه ميرسي يا جماعة وطبعا يا روما طول عمرك دمك عسل يا بيبي وتجنن بلاد مش بس قمر يعني وميرسي يا محمد شد حيلك في حاجة لسى مش عارفينها

» الحلقة رقم 19 من مسلسل اللعبة 3
» الحلقة رقم 21 من مسلسل اللعبة 3
» الحلقة رقم 22 من مسلسل اللعبة 3
» الحلقة رقم 14 من مسلسل اللعبة 3
» الحلقة رقم 11 من مسلسل اللعبة 3