الحلقة رقم 15 من مسلسل اللعبة 3

Admin العمر : 35

الحلقة رقم 15 من مسلسل اللعبة 3 Fa1db714e8

(مصطفى)
_ ما توثقش بنفسك اوي كده ... انا كنت متأكد اني هعرف اوصلك بالاخر.
(روميو)
_ ولو ماكنتش وصلتلي كنت هعرف اوصلك انا.
(يخرج مصطفى مسدسه الذي يخبئه ويوجهه باتجاه روميو الذي يتفاجئ قائلا)
_ ايه ده؟ مسدس؟؟ انت من امتى بتحمل مسدس؟؟؟؟
(مصطفى)
_ من يوم ما عرفتك ... تحب افكرك؟ .... اخر مره شفتك فيها اتضربت تلات رصاصات بسببك.
(روميو)
_ ااااه ... فاكر اكيد كانت مؤلمة.
(مصطفى)
_ انت بتهزر؟؟ ... انا مجهز نفسي للحظة دي من زمان ... دلوقتي انا الي هبئى مجرم بيك.

الحلقة رقم 15 من مسلسل اللعبة 3 861de40bf0

(روميو)
_ مصطفى نزل الي بايدك ده ارجوك لو سمحت ... انا مش فاهم .. انت عايز تقتلني؟؟؟؟
(مصطفى)
_ طبعا ... انت مستغرب؟ بعد الي عملته فينا مافيش غير القتل ليك.
(روميو)
_ انا عملت ايه؟؟ ده انا جاي وراكم هنا عشان انقذكم ... استنى استنى .. انت فاكر ان انا الي ....؟؟؟
لالالالا انت فاهم غلط ... مش انا السبب ب الي بيحصل هنا ده انا جاي اساعدكم.

(مصطفى ضاحكا)

_ هي دي لعبتك المرادي؟ .. ايه جاي من تاني تقلبنا على بعض زي ما عملت قبل كده؟

(روميو)
_ مصطفى .. انا جيت وراكم عشان اساعدكم صدقني.
(مصطفى)
_ جاي تساعدنا ازاي؟ بقتل نوسي وخطف شروق وحبسنا هنا؟؟؟
(روميو مستغربا)
_ ايه؟؟؟؟؟ ... انت بتقول ايه لأ طبعا مش انا ... انا ما عملش اي حاجة من دول .. انا بس جيت اساعد صدقني.
(مصطفى)
_ اه طبعا ... مانت بتحبنا جدا وخايف علينا وجاي تساعدنا من الارواح الشريرة الي بتطاردنا.
(روميو)
_ بصراحة مش فارق معايا اوي ... كل الحكاية ان لو حصلتلك حاجة هكون انا المتهم الاول وانا مش ناقص.
(مصطفى يبتسم ويسكت قليلا ثم يقول)
_ كنت عارف انك ندل.
(يبتسم روميو)
_ مش حلوة ندل دي ... مصطفى ... انا محترف ... ما حبش يجي حد يحاول يعمل شغلي ويلزئها بيا انا ... لو كنت عايز ائزيك كنت عملتها بنفسي ... ما بيعجبنيش حد يقلدني.
(مصطفى)
_ طبعا ... الاصلي أصلي .... ما فيش حد باجرامك ابدا.
(روميو ضاحكا)
_ شكرا ... شهادة بعتز بيها.
(مصطفى)
_ اوعى تكون فاكر ان المسرحية دي هتأثر بيا؟ ... انا عمري ما أمنلك ولا اصدقك.
(روميو)
_ مسرحية ايه؟ هو انا لو فعلا عايز ائذيلك هجيلك كده؟ ده انا اعرف ازاي اقضي عليك وقت ما حب ... انا جيت وراكم لما عرفت ان في حد مهددك باسمي انا ... حاجتين مش ممكن اسمح بيهم خالص .. ان حد يستخدم اسمي ويقلد شغلي بشكل مبتذل كده ....... وان حد غيري يئذيك.
(يغضب مصطفى مقتربا اكثر ويرد قائلا)
_ انت وقح جدا ...ودمك تقيل اوي ... ايه عاملني تسلية ليك؟
**********************************************************
(في مكان اخر حيث تشعر شروق بانها سمعت صوت شخص يتحرك قرب المنزل فتصرخ طلبا للمساعدة)
_ ساعدوني ... ارجوكم ساعدوني هيموتني .... في حد هنا؟؟؟ .... انا هنا ساعدووووني .... هو مافيش حد هنا؟ ..... ياربي مش معقول يكون مش سامعني ... انا شروق انا هنا ساعدوني.
**********************************************************
(في المنزل .. في الصالة)
(محمد كرويم)
_ شيكا ومصطفى اتأخرو ... انا بفكر اطلع ادور عليهم.
(سيد ممدوح بتوتر)
_ انا مش عارف ليه كل شوي بنطلع ندور على حد؟؟ هي الحكاية ناقصة التوتر ده كله؟ انا بجد ماعدتش قادر اتحمل صدمة جديدة.
(محمد فرج)
_ يبئى نطلع كلنا ندور عليهم عشان ما يفضلش حد هنا لوحده.
(حماده)
_ مافيش فايدة فيكم مصرين تتعبو نفسكم على الفاضي ... يا جماعة انا قلت من الاول نمشي كلنا من هنا احسن كفاية الي راح.
(تنزل سيليا من الاعلى قلقة تنظر للجميع لترى من هو موجود ثم تقول)
_ سالي مش هنا؟
(عين الحياة)
_ مش كانت معاكي فوق؟
(سيليا)
_ ايوا كانت معايا .. بس انا نمت وصحيت لقيتها مش فوق.
(عين الحياة)
_ اتأكدي جايز تكون في المطبخ.
(سيد ممدوح يقف ويقول بعصبية)
_ مش ممكن تكون هي كمان اتخطفت؟ احنا ماسمعناش اي صوت وبعدين احنا كلنا هنا لو حد دخل او خرج كنا شفناه.
(سيليا)
_ انا هشوفها لو في المطبخ.
(في هذه اللحظة تخرج سالي من المطبخ فيشعر الجميع بالارتياح)
(سالي)
_ مالكم بتبصولي كده ليه؟
(سيليا)
_ كنتي فين؟؟؟
(سالي)
_ كنت في المطبخ ... عطشت اوي .. ليه في حاجة؟
(عين الحياة)
_ مافيش حاجة يا سالي احنا بس خفنا عليكي.
(سالي)
_ ايه كنتو فاكرين ان روميو خطفني انا كمان؟
(يجلس سيد ممدوح شاعرا بارتياح ثم يقول)
_ يا جماعة ماحدش فيكم يفضل لوحده ارجوكم .. كل واحد ياخد باله من نفسه احنا مش ناقصين.
(سالي ضاحكة)
_ ماتخافوش عليا انا بسبع ارواح ... مافيش حاجة ممكن تحصلي ابدا.
(في هذه اللحظة يرمى شخص ما حجر كبير من النافذة الزجاجية فتنكسر يفزع الجميع منخفضين ارضا)
(سيد ممدوح)
_ انزلو تحت كلكم.
(عين الحياة)
_ في ايه مين ده؟
(مرة اخرى يرمي حجر اكبر من النافذة فتنكسر مرة اخرى ويتوزع الزجاج في كل مكان)
(سيد ممدوح)
_ كلكم افضلو تحت ...
(علي)
_ مين ده؟؟؟
(سيد ممدوح)
_ حد صابه حاجة يا جماعة؟؟؟
(محمد فرج)
_ خلاص مافيش صوت .. باين راح ... نطلع؟؟
(سيد ممدوح)
_ على مهلك وابعدو عن القزاز ... خدو بالكم احسن تتجرحو.
(يقف الجميع ببطئ وحذر بعد ان توقف سيل الحجارة عليهم ..يبدئون بتفقد بعضهم البعض)
(عين الحياة)
_ حد صابه حاجة يا جماعة؟؟
(حماده)
_ انا كويس ... ايدي اتجرحت جرح صغير بس.
(محمد فرج)
_ الكل كويسين يا جماعة؟
(حماده)
_ ماحدش يتحرك .. لازم ننضف الزجاج ده كله احسن حد يتجرح.
(عين الحياة)
_ سالي فين؟؟؟؟؟؟؟
****************************************************
(في مكان اخر حيث يبحث شيكا عن مصطفى في كل مكان)
(شيكا)
_ مصطفى ... انت فين؟؟ .... مصطفى انت هنا؟ ... بص لو كنت هنا بلاش المقلب ده فيا ارجوك .. خلينا نرجع البيت بئى ... خلاص انا اسف ما كنتش اقصد ... مصطفى انا عارف انك بتتعمد تعمل فيا كده ... خلاص بئى والله ماكنت اقصد .. انت عارف ان انا اكتر واحد بكره روميو ومش ممكن اديله الي هو عايزه ...مصطفى .... ارجوك اخرج انا دورت في كل مكان انت فين؟؟؟ .... ايه الوضع ده ياربي؟ ماهو انا ماينفعش ارجع من غيره ..... مصطفى ........... اااااااااااااااااااااااااه.
(في اثناء بحث شيكا في المكان .. يوجد امام قدمه حبل ولكنه لا يراه .. يتقدم للامام فيشد الحبل ويتعثر به وعند شد الحبل يُشد معه من الجهة الاخرى سكينة تتجه بقوة باتجاه شيكا فتصيبه في صدره فجأة)
(شيكا)
_ اااااااااااااااه.
*********************************************************
(في مكان اخر ... مصطفى و روميو حيث يقول روميو)
_ مصطفى نزل السلاح ارجوك ... لو كنت انا فعلا الي هددتك كان دلوقت بئى معايا سلاح.
(مصطفى)
_ شروق فين؟؟ ... وديت شروق فين؟
(روميو)
_ يعني حتى لو كنت اعرف مش هقلك كده ... لو قلتلك هتموتني .. مافيش قدامك حل غير انك تتركني امشي من هنا ... او تصدقني ونخلص بئى.
(مصطفى)
_ شروق فين اتكلم؟؟؟؟ ... اتكلم قبل ما اقتلك.
(روميو)
_ لو تقدر موتني ... ومش هتشوفها تاني ابدا ولا هتعرف هي فين .. عايشة ولا ميتة.
(يغضب مصطفى ... يمشي باتجاه روميو يدفعه للامام قائلا له)
_ امشي معايا ... امشي ..
(روميو)
_ على فين؟؟ .... لو هتاخدني على البيت يبئى انت مصدقني ... اكيد صدقتني مش كده؟ ... مصطفى انا بجد بريء وجيت اساعد ... انا اساسا هنا من مبارح بس.
(مصطفى)
_ امشي وكفاية رغي ... مش عايز اسمع صوتك.
(يسير روميو قائلا)
_ مصطفى ارجوك .. مش كل واحد يهددك باسمي تصدقه.

الحلقة رقم 15 من مسلسل اللعبة 3 F78fe36f16

(في المنزل .. في الصالة المليئة بالزجاج المكسور)
(سيد ممدوح)
_ سالي فين يا جماعة؟؟؟
(علي)
_ دورو عليها .. بس خدو بالكم وانتو بتمشو.
(عين الحياة تصرخ)
_ سااااااااااااالي.
(سيليا)
_ لقتيها؟؟ ... فينها؟
(تشير عين الحياة باكية باتجاه الاسفل .. حيث سالي ملقاه على الارض وإحدى قطع الزجاج قد اصابت اسفل رقبتها)
(عين الحياة)
_ هنا .... سالي .... رد عليا ارجوكي.
(يقترب الجميع من سالي .. الدم يملئها .. يقترب سيد ويجثو قربها قائلا)
_ حد يجيبلي شريطة بسرعة ... جيبولي العدة الطبية كلها .... بسرعة.
(سلمى)
_ انا ... انا هجيبها.
(سيليا)
_ هتعيش؟؟؟
(حماده بذعر شديد)
_ دي مغمى عليها ... معقولة تكون ماتت؟
(ينظر اليه سيد بغضب قائلا)
_لأ .... مش هتموت ... الضربة تحت الرقبة ... بس لازم نوقف النزيف.
(علي)
_ ياربي نجيها ... دي كانت بتتكلم وبتضحك من شوي بس.
***************************************************************
(في مكان اخر حيث يسير مصطفى وراء روميو حاملا عليه المسدس)
(روميو يضحك فجأة مستفزا مصطفى الذي يقول له بغضب)
_ بتضحك ليه؟؟؟
(روميو)
_ بضحك عليك.
(مصطفى)
_ ايه رأيك تتأدب احسن ما خلص الرصاصات الي في المسدس بيك.
(روميو)
_ معلش ما تزعلش انا بس ماعرفتش امسك نفسي ... اصلك خايف مني جدا .. صحيح انت رافع عليا مسدسك انما انت بترجف مني ... انا عارف انك خايف ومرعوب.
(مصطفى)
_ باين انك مش واخد بالك مين فينا الي رافع مسدسه على التاني.
(روميو)
_ رافع مسدسك عليا بس خايف مني بردو .. معاك حق تخاف بصراحة انا لو كنت اب زيك كنت هخاف على نفسي.
(يشتعل غضب مصطفى لأبعد حد يدفع روميو للامام قائلا)
_ ماتجيبش سيرة ولادي على لسانك.
(روميو يقول ليغضب مصطفى)
_ انا بس بقلك يعني ان معاك حق تخاف مني ... اكيد بتقول لنفسك ولادي هيعملي ايه من غيري؟ .. اكيد احساس صعب اوي.
(يقف مصطفى وقد وصل الى اعلى درجات الغضب قائلا ل روميو بعد ان انزل مسدسه عنه)
_ روميو ... وقف خلاص ... مش هترجع معايا انا غيرت رأيي.
(روميو يلتفت لمصطفى قائلا)
_ والله؟ .. وليه؟ .. مش عايز تتأكد ان كنت انا الي بهددكم؟
(مصطفى)
_ انت خليتني اغير رأيي ... انت فعلا اقنعتني ... اسلوبك مقنع جدا.
(روميو)
_ يعني اقتنعت مني؟ طب والله كويس ده انا لسى ما قلتش حاجة.
(مصطفى)
_ مش محتاج تقول اكتر من كده انت اقنعتني خلاص ... لو فضلت انت موجود بحياتي انا هفضل خايف على نفسي وعلى ولادي ... انما لو قتلتك هنا ماحدش هيعرف يوصلك ابدا.
(يتفاجئ روميو في حين يوجه مصطفى مسدسه اتجاهه مستعدا لاطلاق النار عليه)
(مصطفى)
_ خلاص كل حاجة هتنتهي هنا

الحلقة رقم 15 من مسلسل اللعبة 3 25c663386f

الى اللقـــــاء فــــي الحلقــــة القادمـــــــة ......

مشرفة العمر : 38

لالالا مصطفى مش هيقتله مش معقوووول
يا نونة هو مش كان المفروض دى الحلقة الاخيرة باااين مش انتى قايلالى انهم 15 حلقة بس

عضو العمر : 38

ههههههههههههههههههههه وهيموت المرعب كمان
يابنى القمر محدش يرعبه مهما كان مين
تسلمى نونه حلقه جامده اووى

الإدارة العمر : 36

الحلقة جامدة جداً تسلم ايديكي يا حنان مصطفى طبعاً مش هيقتل روميو بس يا رب تنزلي الحلقة ال16 بكرة

Admin العمر : 35

ميرسي يا جماعة لا يا سالي هم 25 حلقة اعملك ايه انتي الي مش مصدقاني هههههههههههه

عضو العمر : 37

ههههههههههه يابنت الايه بتقفلي الحلقه علي حجات الواحد ميصبرش عليها بس حلقه جامده موووووووووووووووووووت تسلمي يانونا

ههههههههههههههههههههههههههههههههه والله مصطفى فعلا شكلة خايف منى اوووووووووووووووووووووى مش عارف لية هو انا عملتلة حاجة اصلا هههههههههههههههههههههه وعلى فكرة مصطفى مش هيعرف يموتنى عشان تبقوا عارفين هههههههههههههههههههههههه

» الحلقة رقم 19 من مسلسل اللعبة 3
» الحلقة رقم 21 من مسلسل اللعبة 3
» الحلقة رقم 22 من مسلسل اللعبة 3
» الحلقة رقم 14 من مسلسل اللعبة 3
» الحلقة رقم 11 من مسلسل اللعبة 3