الحلقة رقم 12 من مسلسل اللعبة 3

Admin العمر : 35

الحلقة رقم 12 من مسلسل اللعبة 3 1040028dde

(المجهول)
_ انت تفتكر انا مين؟
(مصطفى)
_ الجهاز الصوتي ده يخفي الصوت الحقيقي .. مش ممكن يحدد مين بيتكلم .. الظلام شديد وانت لابس ومتخفي ... اي احتمال قائم.
(المجهول)
_ بلاش تتذاكى والنبي .. انت مش بموقف يخولك تتكلم كتير .. اختصر واعرض حاجة تخليني اقتنع واخون روميو واسيبك تمشي انت والي معاك.
(مصطفى)
_ لو بتفكر بالفلوس ... او بأي حاجة تانية .. انا لا يمكن اقبل .. دلوقتي الي قدامك مش مصطفى بتاع زمان .. انا اتعلمت اوي من الي حصلي قبل كده .. انت و روميو لو فاكرين انكم المرادي هتلعبو اللعبة دي عليا انا فاعرفو ... مصطفى هيقلب الطاولة عليكم واللعبة هتتقلب عليكم انتم ... وانا الي هلعب المرادي.
(يقترب المجهول من مصطفى حاملا مسدسه ثم يضعه على رأس مصطفى الذي يحاول اخفاء خوفه ثم يقول الشخص المجهول)
_ قلتلك بلاش تتذاكى كتير ... بينك وبين الموت شعره وحده .. اديني حاجة تمنعني اموتك.
(مصطفى يغلق عينيه غير قادر على قول شيء ومحاولا اخفاء خوفه ثم يقول)
_ مش هتعملها ... لو قتلتني مش هتاخد الي انت عايزه مني .. وما اظنش انك هنا عشان تطلع خسران.
(يضحك الشخص المجهول يبعد المسدس عن رأس مصطفى قائلا له)
_ الليلة انا عملت فيك معروف كبير .. افتكر ان انا اديتك فرصة تعيش .. وفكر بينك وبين نفسك انا عملت كده ليه وايه هي الحاجة الي ممكن تديهالي عشان استفيد منك وتفضل عايش.
(يبتعد الشخص المجهول مما يشعر مصطفى بالارتياح وبعد ذلك يتوجه لشيكا محاولا ايقاظه)
_ شيكا .... اصحى حاول تمشي معايا انا هساعدك قوم.
(شيكا يستيقظ بصعوبة)
_ ايه الي حصل؟
(مصطفى)
_ في واحد ضربك وجري ... حاول تقوم انا هساعدك عشان نرجع البيت يلا.

الحلقة رقم 12 من مسلسل اللعبة 3 E1726ea331

(حين يعود مصطفى وشيكا للمنزل يدخلون البيت ولكن لا يجدون احدا فيه والنور ما يزال مطفئا)
(شيكا)
_ هم كلهم راحو فين؟
(مصطفى)
_ جايز خرجو يدورو علينا .. انا هروح المطبخ ادور على شمع وعلى حاجة عشان الجرح بتاعك .. ارتاح انت هنا لحد ما اجي.
(يتوجه مصطفى للمطبخ يحضر الشمع والادوات الطبية ويشعل الشمع بالصالة ويحاول معالجة الجرح في رأس شيكا)
(شيكا)
_ تفتكر الجرح ده يموت؟
(مصطفى)
_ لأ طبعا ... كان زمانك ميت دلوقتي لو كان الجرح ده قاتل.
(شيكا)
_ معقولة لحد دلوقت مش عارفين يرجعو النور؟
(مصطفى)
_ السلك كان مقطوع .. في حد قطعه .. جايز محتاج وقت.
(شيكا)
_ شفت الي ضربني؟ ... ازاي ما عرفتش تمسكه؟ .. مين هو؟
(مصطفى)
_ ماعرفش.
(شيكا)
_ يعني ايه ما تعرفش؟ .. عايز تقنعني انه ضربني قدامك وما شفتوش؟
(مصطفى)
_ ما تسبني اعالجك وكفاية كلام بئى.
(شيكا يبعد مصطفى عنه ويقف قائلا بغضب)
_ ابعد عني مش عايزك تعالجني .. ما تفتكرش ان الحكاية دي تخصك انت وبس حياتنا كلنا معرضة للخطر مين الي ضربني اتكلم؟
(مصطفى)
_ انا الحق عليا الي عايز اساعدك .. خد بالك انك زودتها اوي وعيب كده لما ترفع صوتك عليا .. انا خارج ادور على الشباب خليك هنا لوحدك.
(حين يقول مصطفى ذلك يتوجه للخروج من البيت ولكن شيكا يغضب كثيرا ويتوجه نحوه بسرعة ممسكا به من ذراعه قائلا له)
_ استنى انت رايح فين؟ مش هتهرب قبل ما تقولي مين الي عمل كده؟
(يتفاجئ مصطفى كثيرا من امساك شيكا له قائلا)
_ سيب ايدي انت اتجننت؟
(شيكا)
_ لما تتكلم الاول .. والا هتخليني اشك ان انت الي مخطط لكل ده.
(مصطفى)
_ والله ده احتمال قائم .. وكمان ممكن تكون انت.
(شيكا)
_ انا؟ ... يعني انا هخلي حد يضربني كده؟
(مصطفى)
_ مش جايز دي خطة؟ .. سيب ايدي يا شيكا وبلاش تضطرني اضربك بجد.
(شيكا يترك مصطفى قائلا)
_ هسيبك دلوقتي لكن هعرف يا مصطفى ..هعرف لو كان ليك يد في موت نوسي انا بنفسي الي هقتلك.

الحلقة رقم 12 من مسلسل اللعبة 3 94036cc276

( يمر بعض الوقت الجميع يعودون للمنزل وحماده يعالج جرح شيكا ومحمد فرج وعلي يصلحون سلك الكهرباء فتعود الانارة للمنزل ويتجمع الكل بالصالة ليتحدثو في ما جرى)
(سيليا)
_ احنا كلنا تفرقنا عشان ندور عليكم .. يعني ممكن يكون اي حد فينا هو الي ضرب شيكا صح؟
(مصطفى)
_ مش بالضرورة .. انا لما خرجت من القبو كان في واحد بيهرب لحئت وراه .. يعني قبل ما تتفرقو وتدورو علينا.
(عين الحياة)
_ على الاغلب ده روميو.
(شيكا)
_ الباشا شافه ومش عايز يقلنا هو مين؟
(سيد ممدوح)
_ صحيح الكلام ده يا مصطفى؟ انت شفته؟؟
(مصطفى)
_ لا مش صحيح .. الراجل كان ملثم وبيستخدم جهاز تغير الصوت اعرفه منين انا بئى؟
(يقف شيكا غاضبا ويقول)
_ طالما كده ليه ما قلتليش من الاول لما سئلتك؟؟
(مصطفى)
_ والله كده .. انا حر ومش عايز اقلك.
(شيكا)
_ هو ايه الي بيحصل بالضبط انا مش فاهم .. انت بتعاملني كده ليه؟
(سيد ممدوح)
_ ارجوك يا شيكا لو سمحت تهدا وترجع لمكانك عشان نفهم دلوقتي ايه الي حصل بالضبط.
(يجلس شيكا مكانه وهو ما يزال غاضبا)
(سيد ممدوح)
_ مصطفى .. يعني الراجل اتكلم معاك؟ .. عرفته من صوته؟
(مصطفى)
_ هو كان بيستخدم جهاز لتغير الصوت يعني مش ممكن تقدر تعرف هو مين.
(محمد فرج)
_ طيب قلك ايه؟ .. قلك انه قتل نوسي؟
(مصطفى)
_ قال ... مش عارف .. الراجل ده ممكن يكون اي حد فينا او ممكن يكون حد من اصحابكم بردو .. هو بيقول ان روميو عايز ينتقم .. لكن هو غرضه حاجة تانية هو نفسه مش محددها .. جايز عايز فلوس او شهرة او اي حاجة تانية مش عارف.
(شيكا)
_ وليه حضرتك سبته يمشي؟؟
(يرد مصطفى ليستفز شيكا)
_ سبته يمشي عشان ضربك.
(شيكا يقف قائلا)
_ لا ده كتير بجد ... انا مش هسكت.
(مصطفى يقف قائلا)
_ يعني هتعمل ايه؟ ها؟ .. ايه مخبي مسدس هتضربني بيه بردو؟
(يصمت شيكا متفاجئا ثم يقول)
_ هي دي الحكاية .. انت مش قادر تنسالي الي حصل قبل كده.
(سيد ممدوح)
_ كفاية يا شيكا ارجوك ده مش وقته .... مصطفى .. ليه سبته يمشي؟ ماكانش ممكن تعرف هو مين؟
(مصطفى)
_ كان مسلح يا سيد .. كان معاه مسدس.
(سالي)
_ احنا لازم نمشي من هنا ... الحكاية بئت باينة خلاص روميو محاصرنا هنا وعايز يموتنا كلنا زي ما قتل نوسي.
(شروق)
_ ما احنا خلاص هنمشي بكرة .. بس يارب ما نضيع.
(سيليا)
_ وافرضو مشينا من هنا وما عرفناش نوصل لاي مكان فيه ناس؟
(محمد كرويم)
_ اكيد في ناس ساكنين قريب من هنا .. البيت ده احنا خدناه من راجل ساكن قريب من هنا.
(عين الحياة)
_ وانت تعرف منين انه ساكن قريب مننا؟
(سيد ممدوح)
_ لما استأجرت البيت ده منه قالي انه قريب من سكنه.
(سلمى)
_ قريب من سكنه كم كيلو يعني؟ .. ما هو ممكن يكون قريب من سكنه بالنسبة للمسافة من هنا لمصر .. يعني ممكن يكون بعيد عن هنا.
(شروق)
_ وحتى لو قريب من هنا هنعرف نوصله ازاي؟ .. احنا ممكن نضيع ونموت لو طلعنا من هنا من غير ما نعرف طريقنا.
(عين الحياة)
_ ده احنا ممكن نضيع اكتر وندخل الغابة بدل ما نطلع منها ومش بعيد يطلع علينا ديابة ولا حاجة.
(حماده)
_ بردو ما فيش قدامنا خيار لازم نحاول نمشي من هنا .. هنعمل ايه هنا والعربيات مش شغالة؟
(مصطفى)
_ انتو فاكرين انه هيسيبنا نخرج من هنا اساسا؟
(سيد ممدوح)
_ يعني نعمل ايه لازم نحاول.
(مصطفى)
_ انا شايف اننا لازم نواجه ونحارب مش نهرب.
(سالي)
_ حياتنا كلنا معرضة للخطر يا مصطفى .. احنا لازم نمشي من هنا.
(سيد ممدوح)
_ خلاص يا جماعة بكرا كلنا هنمشي من هنا وهندور على طريق يخلصنا من المكان ده.

************************************************

(عند منتصف الليل وكل واحد في غرقته .. في غرفة سيد و مصطفى)
(سيد ممدوح)
_ انت صاحي بردو يا مصطفى؟
(مصطفى)
_ ايوا صاحي.
(سيد ممدوح)
_ انت ازاي بتقدر تفضل صاحي كده؟ .. خد منوم طيب احسن من الوضع الي انت فيه ده .. بكرة هيكون قدامنا مشي كتير.
(مصطفى)
_ مش قادر ... روميو قريب من هنا وممكن يكون موجود في اي مكان .. وانا هنا مش عارف امسكه.
(سيد ممدوح)
_ المهم نرجع مصر الاول وبعدين نفكر نمسكه ازاي.
(يدق باب الغرفة فجأة .. يستغرب سيد ومصطفى)
(مصطفى)
_ مين ده؟ .. انا هفتح.
(يفتح مصطفى الباب فيجد سلمى واقفة على الباب قائلة)
_ انا مش عايزة اخوفكم بس ..
(مصطفى)
_ في ايه يا سلمى؟
(سلمى)
_ شروق ... شروق مش هنا.
(يقف سيد ممدوح ويتجه للباب قائلا بذعر)
_ ايه؟؟ .. يعني ايه مش هنا؟
(سلمى)
_ مش عارفة انا صحيت من النوم ولقيتها مش موجودة .. جايز تكون راحت لغرفة تانية بس لو صحيت الكل هنا هيخافو جدا.
(سيد ممدوح)
_ لازم ندور عليها .. سلمى صحي البنات فوق وشوفي لو كانت موجودة عند اي حد فيهم.
(سلمى)
_ حاضر .. حطلع اصحيهم.

الحلقة رقم 12 من مسلسل اللعبة 3 B9cff2d051

(الجميع يبحثون عن شروق ولكن لا احد يعثر عيلها)
(في الصالة)
(محمد فرج)
_ يعني شروق اتخطفت ولا ايه؟
(سلمى)
_ انا ماعرفش حاجة صحيت لقيتها مش موجودة.
(علي)
_ ماسمعتيش اي صوت يا سلمى؟
(سلمى)
_ خالص والله .. انا كنت نايمة ولما صحيت افتكرت انها ممكن تكون نزلت تشرب ميه ولا حاجة.
(شيكا)
_ يبئى خطفها .. روميو خطفها اكيد.
(سالي)
_ يعني هيقتلها؟؟
(عين الحياة)
_ كده كتير بجد .. هو الراجل ده عايز مننا ايه؟ .. وليه يخطف شروق بالذات؟
(سيليا)
_ اكيد خطفها عشان يمنعنا نمشي من هنا.
(حماده)
_ احنا هنمشي على كلا الحالات .. مش هنعمل الي هو عايزه.
(سيد ممدوح)
_ هنمشي من غير شروق كمان؟؟؟؟
(شيكا)
_ لازم نعرف هو عايز مننا ايه وكفاية بئى نديهوله عشان نخلص.
(مصطفى)
_ تقصد ايه يا شيكا؟ .. ما تتكلم بصراحة وبلاش الاسلوب ده.
(شيكا)
_ انت .. انا اقصدك انت ...خلاص بئى نوسي ماتت والعربيات مش هتتحرك وشروق اتخطفت والمرة الجاية ممكن يكون اي حد فينا وكل ده بسببك انت.
(علي)
_ كفاية يا شيكا ده لايمكن يحصل .. مصطفى واحد مننا وحياته لا تقل اهمية عن حياتنا ومش هنفرط بحد مننا ابدا.
(شيكا)
_ احنا كلنا هنموت كده يا علي.
(عين الحياة)
_ انا مش ممكن ارضى ابدا .. لا يمكن نسمح ان مصطفى يصيبه ضرر.
(سالي)
_ انا صحيح خايفة لكن مش ممكن ارضى ان روميو يعمل حاجة بمصطفى .. حتى لو على موتي.
(شيكا)
_ انا مش مصدق انتو ازاي مأمنين ليه اوي كده؟ .. مش جايز هو شريك روميو المرادي؟
(مصطفى)
_ وانا هعمل كده ليه؟
(شيكا)
_ مش عارف .. جايز عشان تعمل لنفسك دوشة او عشان تنتقم مننا انا ومحمد عشان الي حصل السنة الي فاتت.
(سيد ممدوح)
_ يا جماعة اهدو لو سمحتو خلونا نفكر هنعمل ايه .. لازم نعرف روميو عايز مننا ايه بالضبط .. عايز فلوس يعني؟ .. لو عايز فلوس ممكن نحلها انما الانتقام فده مصيبة لانه ممكن يموت الكل هنا.
(حماده)
_ مش هيلحئ .. عشان احنا كلنا هنمشي من هنا الصبح .. انا مش هفضل هنا ولا دقيقية.
(سيليا)
_ وشروق؟ ... نسيبها معاه كده بسهولة؟؟
(شيكا)
_ انا بكره اقول الكلام ده لكن ... احنا لازم نتفاوض مع روميو عشان نعرف هو عايز ايه بالضبط.
(مصطفى)
_ اتفاوضو معاه .. ولو .. لو عايزني انا مقابل انكم تمشو كلكم ... انا موافق.
(سيد ممدوح)
_ مصطفى ارجوك بلاش كلام فارغ.
(عين الحياة)
_ واحنا اساسا هنعرف نتفاوض معاه ازاي؟ .. هو بيظهر اساسا؟
(محمد فرج)
_ طالما خطف شروق يبئى هيعرف يظهر ويهددنا بيها.
(سيد ممدوح)
_ احنا دلوقتي لازم نخرج ندور عليها .. الوقت بيمر وكل دقيقية بتمر ممكن المجرم ده يعملها ايه حاجة.
(سيليا)
_ وانا كمان هاجي معاكم .. احنا لازم نتوزع كلنا في مجموعات وندور عليها.
(سيد ممدوح)
_ خلاص يبئى كلنا نطلع ندور عليها .. لكن هنتوزع في مجموعات ماحدش يفضل لوحده ابدا .. ولو ضعنا عن بعض نرجع نتجمع هنا تاني

الحلقة رقم 12 من مسلسل اللعبة 3 2f8e017b6d

الى اللقاء في الحلقة القادمه ......

عضو العمر : 28

تسلم ايدك يا نونة بس روميو ده حسابه معايا و حماده كمان عايز يمشي من غيري هههههههههههههههه

Admin العمر : 35

shroukamar كتب:: تسلم ايدك يا نونة بس روميو ده حسابه معايا و حماده كمان عايز يمشي من غيري هههههههههههههههه

ههههههه هو يعني حماده بس الي عايز يمشي من غيرك؟ هههههههههه ياريتها جت على حماده بس ده انا لو كنت هناك كنت خفت وجريت Shocked

عضو العمر : 37

هههههههههههههههه وبعدين في المرعب اللي مبيظهرش ده بقي
وكمان يخطف حد من وسطينا كده
تسلمي يانونتي

مشرفة العمر : 38

خلااااااااااااص يا نونة انا فهمت كل حاجة
-
-
-
-
-
-
-
-
-

انتى الشريك التانى اللى عمالة تخطفى وتموتى فينا من يومها ربنا يسامحك

الإدارة العمر : 32

لسه الواحد مش عارف يفكر مين يكون الشريك بس هحاول

تسلم ايديكي يا نونا علي الحلقة الجميلة قوي دي

عضو العمر : 34

الحلقه كان جامده اوووووووووووووووى بس كميله بقى عايزين نشوف باقى الاحداث

بقولك صحيح هو المسلسل ده كام جزء

عايزه اعرف مسير روميو فى الاخر ايه

Admin العمر : 35

سالى قمر كتب:: خلااااااااااااص يا نونة انا فهمت كل حاجة
-
-
-
-
-
-
-
-
-

انتى الشريك التانى اللى عمالة تخطفى وتموتى فينا من يومها ربنا يسامحك

هههههههههههههههههه طبعا يا سالي انا الي ورا روميو امال مين غيري ههههه بس يا ترا انا هبان امتى بئى هع هع هع يلا اطلعي بالحل الصح وبلاش تتوهي الباقي هههههههههه

Admin العمر : 35

reema كتب:: الحلقه كان جامده اوووووووووووووووى بس كميله بقى عايزين نشوف باقى الاحداث

بقولك صحيح هو المسلسل ده كام جزء

عايزه اعرف مسير روميو فى الاخر ايه

ميرسي ليكي يا ريما هو المسلسل لحد دلوقت تلات اجزاء وكل فترة بكتب جزء منه وبنزله بس مصير روميو لسى مش معروف انتي شفتي عمايله قبل كده ههههههه ده داهية ومش هينتهي بسهولة انتي بس تابعي معانا جايز في الرابع نخلص منه ههههههههه

Admin العمر : 35

سيليا كتب:: هههههههههههههههه وبعدين في المرعب اللي مبيظهرش ده بقي
وكمان يخطف حد من وسطينا كده
تسلمي يانونتي

ميرسي يا سيليا روميو هيظهر ماتخافيش الا لو كان بريء من التهم دي ومش موجود اصلا هههههه

Admin العمر : 35

Mohamed Farag Star كتب:: لسه الواحد مش عارف يفكر مين يكون الشريك بس هحاول

تسلم ايديكي يا نونا علي الحلقة الجميلة قوي دي

انت ذكي جدا يا محمد وانا عندي احساس قوي انك هتفهم كل حاجة قريب Very Happy

الإدارة العمر : 36

تسلم ايديكي يا حنان يا قمر الحلقة تجنن بس هية شروق اتخطفت ازاي انتي والله يا بنتي شكلك هتجننينا هههههههههههههههههههههههههه بس طبعاً انا عرفت مين هو المذنب الحقيقي ومين الي هيكون شريك روميو بس يا رب انتي تطمنيني على اجابتي والا هاخنقك انتي ورميو المعقن ده ههههههههههههههههههههههههههه

Admin العمر : 35

عين الحياة كتب:: تسلم ايديكي يا حنان يا قمر الحلقة تجنن بس هية شروق اتخطفت ازاي انتي والله يا بنتي شكلك هتجننينا هههههههههههههههههههههههههه بس طبعاً انا عرفت مين هو المذنب الحقيقي ومين الي هيكون شريك روميو بس يا رب انتي تطمنيني على اجابتي والا هاخنقك انتي ورميو المعقن ده ههههههههههههههههههههههههههه

هههههههههههههههه سمعت الكلام ده كتير يا نسرين وعموما يوم الاجابة النهائية قرب خلاص وانا هنزل توبيك عشان كل واحد يكتب الاجابه النهائية فيه علني

عضو العمر : 37

هههههههههههههههههههههه طبعا هسيبك ياشروق انا ابيع وقتي هع هع هع بس انا قربت علي الشريك بس محتار بين اتنين بس مش هقولهم جايز الحلقه الجايه تبين فين اللي بعدو يانونا احنا متابعينك بتغيبي علينا ليه في الحلقات

Admin العمر : 35

hamada staar كتب:: هههههههههههههههههههههه طبعا هسيبك ياشروق انا ابيع وقتي هع هع هع بس انا قربت علي الشريك بس محتار بين اتنين بس مش هقولهم جايز الحلقه الجايه تبين فين اللي بعدو يانونا احنا متابعينك بتغيبي علينا ليه في الحلقات

ميرسي يا حماده لا والله مش حكاية بتأخر انا بس بدي فرصة للكل يدخلو براحتهم عشان كده بنزل كل يومين حلقة واليوم انشالله موعد الحلقة 13 وهنزلها انشالله

والله يانونة حلقة جميلة بجد اوووووووووووووووووووووى وعلى فكرة انا مبسوط اوى عشان خطفت شروق اصل كان نفسى فى كدة من زمان هههههههههههههههههههههه

عضو العمر : 38

تسلم ايدك يانونه حلقه جميله فعلا

» الحلقة رقم 19 من مسلسل اللعبة 3
» الحلقة رقم 21 من مسلسل اللعبة 3
» الحلقة رقم 22 من مسلسل اللعبة 3
» الحلقة رقم 15 من مسلسل اللعبة 3
» الحلقة رقم 11 من مسلسل اللعبة 3