الحلقة رقم 11 من مسلسل اللعبة 3

Admin العمر : 35

(محمد كرويم)

_ يا جماعة حد يعمل حاجة .... انا هجيبه.

(مصطفى)

_ لأ ... لأ ماتقربش ... خلاص هنزل شوية بس واعرف في ايه ... انا متأكد اني هعرف اجيبه.

(ينظر مصطفى للاسفل اكثر من قبل فيرى حقيبة صغيرة حمراء اللون معلقة بين الصخور يستاء قليلا دون ان
يقول شيئا .. ثم يحاول التقاطها بصعوبة مما زاد توتر وقلق المجموعة ورائه .. يلتقط مصطفى الحقيبة بصعوبة ثم يرفعها بيده ويلتف باتجاه البقيه فيرون ما في يده يستائون كثيرا)

(محمد كرويم)

_ خلاص ارجع ... ارجع شوية شوية ارجوك.

(محمد فرج)

_ ماكانش في داعي للمخاطره دي حرام عليك.

(مصطفى)

_ كان لازم اجيب ده.

(سيد ممدوح)

_ ايه ده؟؟ .. ده لنوسي؟

(علي)

_ انا قلتلكم .. نوسي وقعت تحت خلاص.

(حماده)

_ مش ممكن حد يوقع من هنا ويفضل عايش.

(محمد فرج)

_ انا مش قادر اصدق ... نوسي ماتت!!!!!

(محمد كرويم)

_ خلاص يا مصطفى ارجع ... على مهلك ارجوك.

(يبتعد مصطفى عن المنحدر ويعود ادراجه ببطء شديد وحذر وحين يصبح بعيد ا عن المنحدر يلتقط نفسه ويرمي
حقيبة نوسي ارضا)

(سيد ممدوح بصدمة يمسك حقيبة نوسي قائلا)

_ هعمل ايه لو رجعت مصر؟ .. هروح لاهلها اديهم الشنطة دي؟؟

(مصطفى)

_ مش لما نرجع الاول؟ ... عموما ده حادث .. انت ذنبك ايه؟

(محمد كرويم)

_ يلا بينا نرجع البيت بلاش نتأخر اكتر من كده احسن يخافو علينا.

(محمد فرج)

_ وحنقلهم ايه؟ .. نوسي خلاص ...

(حماده)

_ اتماسك شوية يا محمد ارجوك .. ان كنت انت عملت كده امال البنات يعملو ايه؟

الحلقة رقم 11 من مسلسل اللعبة 3 0db87ac358

(في المنزل عند عودة الجميع دون نوسي)

(سيليا)

_ يعني نوسي خلاص ماتت؟؟

(سالي)

_ طيب جثتها فين؟ .. ماعرفتوش تجيبوها؟

(علي)

_ نهاية المنحدر بعيدة جدا هنعرف نجيبها ازاي؟

(عين الحياة)

_ لو جبناها هنروح بيها فين؟ .. ماحنا محبوسين هنا.

(سالي باكية)

_ ايوا محبوسين لحد مانموت احنا كمان.

(شيكا)

_ هو مافيش طريق نطلع بيه من هنا يا سيد؟

(سيد ممدوح)

_ احنا ممكن نجرب نمشي انما الحكاية فيها مخاطرة .. بكرة الصبح بدري يكون عندنا النهار كله نمشي ونشوف.

(شروق)

_ يعني هنرجع مصر مشي؟ .. ده جنان.

(سيد ممدوح)

_ مش هنرجع مصر مشي احنا بس هندور على طريق يوصلنا للناس.

(سيليا)

_ ونوسي؟ ... وافرضو انها رجعت في اي وقت تلاقينا مشينا من غيرها؟

(حماده)

_ سيليا .. نوسي خلاص .. ارجوكي افهمي.

(سيليا)

_ افهم ايه انا مش مصدقة ومش همشي من هنا من غيرها.

(سيد ممدوح)

_ بكرة الصبح هنمشي من هنا ... مافيش حد هيفضل لوحده هنا كلنا هنرجع.

الحلقة رقم 11 من مسلسل اللعبة 3 8c1efb84f3

(تتوجه سيليا بغضب الى غرفتها في الاعلى .. يمر الوقت والجميع في غاية التوتر وفي الليل في مكان اخر)

(روميو)

_ احنا لازم نتحرك .. عايزه يجيني لحد هنا كفاية لحد كده.

(الشريك المجهول)

_ لازم نصبر شوي كمان.

(روميو)

_ اصبر اكتر من كده؟ انا صبرت كتير واستنيت كتير .. عايز انتقم .. مش هرتاح قبل ما ادمرهم كلهم واقلبهم على بعضهم كمان
.... حد شافك وانت جاي لهنا؟

(الشريك المجهول)

_ دلوقتي هم زعلانين على وفاة نوسي ... ماحدش فاضي لحد.

(روميو ضاحكا)

_ اه وفاة نوسي ..حرام نسيبهم يزعلو شوي ونحترم حزنهم.

الحلقة رقم 11 من مسلسل اللعبة 3 6ab6d69cb4

(في الليل .. في الصالة)

(مصطفى)

_ هتقول ايه لاهل نوسي يا سيد؟

(شيكا)

_ ما اظنش انه هيقابلهم اساسا.

(سيد ممدوح)

_ تقصد ايه يا شيكا؟

(شيكا بغضب)

_ انا ساكت من الصبح ومش عايز اتكلم .. انما انتو فاكرين انكم بسهولة كده هترجعو مصر ... روميو في مكان قريب مننا وبيخطط
ازاي يموتنا واحد واحد زي ما قتل نوسي ... تفتكرو هيسيبنا نخرج من هنا.

(محمد فرج)

_ وانت تعرف منين انه هنا؟ انت بتفترض وبس.

(محمد كرويم)

_ لو كان روميو هنا هيكون فين؟ .. بالغابة يعني؟

(شيكا)

_ مش عارف بس اكيد هو موجود حولنا في اي مكان.

(عين الحياة)

_ يا جماعة موت نوسي كان مجرد حادث .. اي حد كان ممكن يوقع من هناك.

(شروق)

_ وحتى الجرزان الميتة ممكن تكون دي مزحة من اي حد مننا وخاف يتكلم ويقول.

(سلمى)

_ لو كان ده هزرا فهو هزار بايخ جدا ولازم الي عمل كده يعترف ويريحنا من الشك ده.

(شيكا)

_ انا متأكد ان روميو ورا كل ده .. انا اكتر واحد اعرف المجرم ده عمره ما هينسى انتقامه مننا ابدا واكيد استغل جمعتنا مع بعض
من تاني عشان ينتقم.

(سيد ممدوح)

_ يقوم يموت نوسي؟؟؟؟ .. معقولة يعملها؟

(شيكا)

_ جايز تكون وفاة نوسي حادث فعلا .. انما العربيات ده لا يمكن .. اكيد في حدد منا بيساعد روميو على كل ده.

(محمد فرج)

_ طيب هنعمل ايه لو كان محاصرنا فعلا؟

(علي)

_ يا جماعة بلاش مبالغة .. مش ممكن يكون روميو قادر يعمل كل ده.

(شيكا)

_ لا يقدر ... وبالدرجة الاولى هو هنا عشان مصطفى جابه ورانا.

(يتفاجئ مصطفى ويقف غاضبا ويقول)

_ انت بتقول ايه؟ انت عايز تحملني انا مسؤولية الي حصل؟؟؟

(شيكا يقف قائلا)

_ ومسؤولية الي هيحصل كمان ... لو اي حد فينا حصله حاجة هيكون بسببك لان روميو هنا بسببك انت.

(سيد ممدوح)

_ شيكا لو سمحت اهدا شوي.

(شيكا)

_ ماحدش يطلب مني اهدا .. في بنت ماتت هنا وياعالم الدور الجاي على مين فينا .. والراجل ده مش عايز يعترف انه هو السبب
ورا كل ده.

(محمد فرج)

_ هو السبب ازاي يا شيكا؟ انت عارف ان روميو بيكرهنا كلنا.

(شيكا)

_ ايوا بس لو كان مصطفى السنة الي فاتت اسقط حقه عنه كان بئى عنده حياته الخاصة وكان نسينا خلاص .. انما هو
ماعندوش اي حاجة يخسرها عشان كده مش سايبنا بحالنا.

(مصطفى)

_ يعني انت كنت عايزني اسقط حقي بعد كل حاجة عملها فيا؟

(شيكا بغضب شديد)

_ شفت .... شفت؟ سامعين كلكم قال ايه؟ ... بعد كل حاجة عملها فيا؟ .. فيا مش فينا .. انت مش معبر اي حد فينا خالص
فاكر انك لوحدك في الدنيا دي؟

(يقف سيد قائلا)

_ شيكا كفاية.

(شيكا صائحا بغضب شديد)

_ سيبوني بئى ... سيبونس اقول الحقيقية .. مصطفى هنا عشان كان عارف ان روميو هيجي وراه وبكده يحمي ورلاده وبيته
واحنا؟ ... احنا مش مهم لان كل حاجة من الاساس تخصه هو .. هو وبس.

(سالي)

_ كفاية يا شيكا ارجوك .. الخنائة دي مالهاش لازمة.

(مصطفى مصدوما)

_ لأ سيبوه .. سيبوه يكمل ويطلع كل الي جواه .. ايه تاني؟

(شيكا)

_ ايه تاني؟؟؟ ... هقلك انا ايه تاني ... انت مش طايئ اي حد فينا وجيت معانا الرحلة دي غصب عنك عشان شاكك ان في حد
فينا بيساعد روميو .. جيت معانا بس عشان مصلحتك انت وبس .. انت اناني اوي ومتكبر وشايف نفسك ومغرور ومجرم كمان.

(عين الحياة)

_ خلاص بئى يا شيكا كفاية ده تخريف.

(علي)

_ صحيح ده تخريف .. مصطفى مش كده ولا عمره كان كده هو بجد كان مبسوط اوي ان معانا بالرحلة.

(سلمى)

_ وبعدين هو واثق مننا اوي لا يمكن يشك بحد فينا انه ممكن يكون بيساعد روميو ابدا.

(شيكا)

_ مساكين .. مش عارفين حقيقتك ... مستخبي ورا فناع البراءة والرقة .. يا ترا هتبين وشك الحقيقي امتى؟

(محمد كرويم)

_ شيكا الي انت بتقوله ده مش هيساعد بحاجة.

(شيكا)

_ ساكت ليه؟ .. ماعندكيش حاجة ترد بيها عليا مش كده؟

(لا يرد مصطفى على كلام شيكا .. يلتفت متوجها لغرفته في حين يقول شيكا)

_ قبل ما يهرب لازم يعرف ان هو السبب والمسؤول الاول لو حد من ولاده حصله حاجة.

(يلتفت مصطفى ويعود باتجاه شيكا بغضب قائلا)

_ قلت ايه؟

(شيكا)

_ قلت انك المسؤول عن اي حد بتحصله حاجة مننا .. لو حد من ولادك تعرض للاذى هتكون انت السبب.

(يوجه مصطفى لكمة قوية ل شيكا مسقطه ارضا فيحاول محمد فرج رفعه قائلا)

_ شيكا انت كويس؟

(مصطفى يقول ثم يتوجه لغرفته)

_ اياك تتجرأ تقول كده تاني.

(شيكا)

_ طبعا ... ده الي تقدر ترد بيه.

(سيد ممدوح)

_ كفاية بئى ... كفاية يا شيكا ... مافيش داعي للاستفزاز ده.

(شيكا)

_ بكره كلكم تعرفو ان انا معايا حق والقناع ده ينزل عن وشه.

(يتوجه مصطفى لغرفته بانزعاج كبير وارتباك شديد يتبعه سيد ممدوح ويدخل الغرفه مغلقا الباب ورائه قائلا له)

_ مصطفى انت الكبير .. ما تتأثرش بالكلام ده .. لازم نستحمل بعض عشان نعرف نخلص من هنا.

(مصطفى يسير في الغرفة ذهابا وايابا بتوتر تام)

_ ولو كان كلامه صح؟ ... لو كان روميو هنا فعلا بسببي .. انا الي جبته يا سيد .. يعني انا الي قتلت نوسي.

(سيد ممدوح)

_ لو فكرت بالشكل ده هتتجنن ... مين فينا كان يعرف انها توصل معاه لحد القتل؟

(مصطفى)

_ واهي وصلت ... وصلت معاه وقتل نوسي وجايز يموت اي حد تاني كمان.

(سيد ممدوح)

_ عشان كده لازم نفضل بعقلنا .. لازم نكون اقوى منه ونعرف نخرج من هنا من غير خسائر تانية.

الحلقة رقم 11 من مسلسل اللعبة 3 6f088a4cd9

(في الصالة حيث تنزل سيليا من غرفتها للاسفل على اثر ما حصل)

(سيليا)

_ ضربك؟ ... معقولة مصطفى يعمل حاجة زي دي؟

(محمد فرج)

_ هو الي استفزه الاول عشان كده ضربه.

(شيكا)

_ كان لازم اعمل كده عشان يوقف تمثيل علينا ... هو خلاص نسي قد ايه احنا تعبنا عشانه السنة الي فاتت والي قبلها؟؟

(محمد فرج باستهزاء)

_ يارب ما يفتكر .. ده انت ضربته تلات رصاصات السنة الي فاتت.

(يغضب شيكا قائلا)

_ ما هو كان بسببك يا فالح .. مش انت الي قلت ان المسدس مش حقيقي؟

(محمد فرج)

_ اهو الي حصل والراجل معاه حق يكرهنا .. ده اثر الرصاصة لسى في صدره هيحبنا ليه؟ وانت رايح تقوله لو حصل لولاده حاجة
يبئى بسببه .. هي الحكاية ناقصة.

(شيكا)

_ لازم يحس بالمسؤولية ويخاف ... ولازم يعترف انه بيمثل علينا كمان .. وانه شايل مننا كلنا.

(فجأة يطفئ النور في كل ارجاء المنزل يصاب الجميع بالذعر يخرج سيد ومصطفى من الغرفة للصالة)

(سيد ممدوح)

_ ايه الي حصل؟

(محمد فرج)

_ مانعرفش فجأة النور راح.

(محمد كرويم)

_ هو القاطع هنا فين؟

(شروق)

_ هو احنا كنا ناقصين؟؟ .. انا مش عارفة ليه كل ده بيحصل معانا؟

(سيد ممدوح)

_ انا هنزل تحت للقبو اشوف القاطع.

(مصطفى)

_ هاجي معاك.

(سيد ممدوح)

_ انتو ولعو شمع وافضلو هنا لحد ما نعرف ايه الي حصل.

الحلقة رقم 11 من مسلسل اللعبة 3 87179843d4

(في الاسفل حيث يتوجه سيد ومصطفى لقاطع الكهرباء يجدون السلك الموصول به مقطوعا)

(مصطفى)

_ في حد قطع السلك ... روميو .... روميو اكيد.

(سيد ممدوح)

_ يعني هو كان هنا من شوية؟؟

(مصطفى)

_ في مخرج تاني للبيت من هنا؟

(سيد ممدوح)

_ ايوا فيه .. اظن ان القبو فيه مخرج لبرا .. انت هتعمل ايه؟

(مصطفى)

_ هخرج من هنا ادور عليه هحاول الحئه.

(سيد ممدوح)

_ مصطفى .. لأ .. انت معاك المسدس؟

(مصطفى)

_ المسدس فوق مش هلحئ اجيبه .. المخرج من هنا صح؟؟

(سيد ممدوح)

_ جايز بس ..

(مصطفى يتجه باتجاه المخرج ويخرج من المنزل يحاول سيد اللحاق به ولكن بصعوبة بسبب الاصابة في قدمه ..
وفي الخارج يركض مصطفى للبحث عن الشخص الذي فصل الكهرباء فيرى شخصا يركض في الظلام)

_ انت وقف انا شفتك ...

(يستمر الرجل بالهرب وسيد ممدوح يركض خلف مصطفى بصعوبة قائلا له)

_ مصطفى وقف انت رايح فين؟

(يتوقف سيد غير قادر على الاستمرار في الركض يخرج الجميع من المنزل على اثر سماع الصوت)

(شيكا)

_ ايه في ايه؟

(سيد ممدوح)

_ خرجتو ليه من جوا؟

(محمد فرج)

_ خرجنا نشوف في ايه؟

(سيد ممدوح)

_ ارجعو.

(شيكا)

_ نرجع ازاي؟ .. مصطفى فين؟

(سيد ممدوح)

_ مصطفى .. راح ورا ... مش عارف ركض من هنا ورا الي قطع سلك الكهربا .. انا هروح وراه ارجعو انتو.

(شيكا)

_ لا يا سيد انت مش هتقدر انا هروح.

(يركض شيكا وراء مصطفى)

(عين الحياة)

_ هو ايه الي بيحصل مين الي قطع سلك الكهربا وليه؟

(سيد ممدوح)

_ الظاهر ان روميو هنا فعلا .. الحكاية بانت.

الحلقة رقم 11 من مسلسل اللعبة 3 71ea41336f

(في مكان اخر يركض مصطفى كثيرا ولكن لا يستطيع ان يجد احدا يصل اليه شيكا)

(شيكا)

_ مصطفى .. لقيت حد؟

(مصطفى)

_ لا .. هرب .. عرف يهرب المرادي.

(شيكا)

_ حيكون فين .. جايز يكون في اي مكان حولينا.

(مصطفى)

_ انا راجع.

(شيكا)

_ مصطفى استنى ... احنا لازم نتكلم.

(مصطفى)

_ مافيش حاجة نتكلم بيها.

(شيكا)

_ مصطفى بلاش عناد ارجوك ... بس نتكلم بصراحة شوي.

(مصطفى)

_ وفر على نفسك انا عارف انت عايز تقول ايه ... عايز تقول ان انا الي جبت روميو لهنا وان انا الي لازم اخرجكم من الورطة دي.

(شيكا)

_ دي مش ورطة وبس .. احنا كلنا ممكن نتقل هنا وماحدش يحس بينا.

(فجأة يتقدم شخص خلف شيكا في الظلام رافعا عصى قوية يراه مصطفى يتفاجئ ويذعر بشكل كبير غير قادر
على الكلام .. يتقدم بسرعة لابعاد شيكا ولكن وقبل ان يصل يلتفت شيكا ورائه ليعلم ماذا يوجد فيضربه الرجل بالعصى على رأسه
مسقطه ارضا .. يقترب مصطفى منه ممسكا به)

_ شيكا .. شيكا انت سامعني؟

(الرجل الذي ضرب شيكا يقف وراءه ملثم وما يزال يمسك العصى بيده ناظرا لشيكا الملقى على الارض
ولمصطفى الذي يجلس قربه محاولا ايقاظه)

(مصطفى)

_ انت مين؟ .. روميو مش كده؟

(الرجل الملثم يضع جهازا لتغير الصوت حتى لا يعرف من هو فيرد على مصطفى قائلا)

_ لو انا روميو ما كنتش هغطي وشي ولا هغير صوتي.

(يتفاجئ مصطفى حين يسمع الصوت ويعرف ان المجهول الملثم يضع جهازا لتغير صوته يقف قائلا)

_ انت فاكر ان انا هسيبك تمشي من هنا؟

(المجهول)

_ هتعمل ايه؟ .. ما تقدرش عليا انا معايا سلاح.

(يرمي المجهول العصا من يده ويخرج من ثيابه مسدس قائلا)

_ انا قادر اموتك ودلوقتي حالا برصاصة وحدة ... اديني سبب يمنعني اعمل كده.

(مصطفى)

_ تموتني؟ .. وليه؟ .. انت مين وعايز ايه؟

(المجهول)

_ روميو عايزك تتعذب وعايز ينتقم منك .. وانا وعدته اننا هنعمل كده .. كل واحد موجود معاكم هيتقتل .. نوسي كانت الاولى ..
ولسى كلهم هيلاقو مصير اسوأ .. اديني سبب يمنعني اموتك وحالا .. او اموت شيكا مثلا.

(مصطفى)

_ انت عايز ايه ادهيهولك .. ايه هي الحاجة الي لو خدتها مني ترتاح وتسبنا بحالنا ؟؟؟؟ خلي عندك جرأة واتكلم .... انت
مين؟؟؟؟؟؟؟؟؟؟؟؟؟

الحلقة رقم 11 من مسلسل اللعبة 3 72cf3f392b

الى اللقــــاء فــــي الحلقــــة القـــادمـــــــه .....

عضو العمر : 37

واوووووووو ع الاحداث يانونتي بجد روعه
ربنا يسامحك يامرعب علي اللي انت عملو فينا
بس نوسي مماتتش موجودة وهي الطرف التالت

Admin العمر : 35

ههههههههههههههههه حلوة الطرف التالت دي يا سيليا عجبتك خنائة شيكا مع مصطفى؟ Surprised

الإدارة العمر : 36

حرام عليكي يا حنان كنتي طولتي الحلقة شوية بتخلينا مندمجين وبعيين توقفي
عموما ًالحلقة جامدة جداً يا حنان تسلم ايدك بس يا ترى مين الشخص الملثم ده؟؟؟؟؟؟؟؟؟؟

عضو

جميلة اوى يا نونا روووووووووووووووعة بجد

مشرفة العمر : 38

نوووووووووووووووونة انا قاعدة مفتحة عنيا على الاخر ومبرمش عينى ورافعة حواجبى وقلبى بيدق وشكلى ما يعلم بيه الا ربنا طول ما انا بقرى الحلقة وفى الاخر تيجي توقفيها فى الحتة دى
لا وايه بعد ما نخلص نلائى صورة حماقى تحت بيضحكلنا اوووووووى بيضحك على ايه ده دلوقت

مشرفة العمر : 38

وقمر اللى فى توقيعى ده كمان بيضحك على ايه فى اللى احنا فيه ده

Admin العمر : 35

سالى قمر كتب:: نوووووووووووووووونة انا قاعدة مفتحة عنيا على الاخر ومبرمش عينى ورافعة حواجبى وقلبى بيدق وشكلى ما يعلم بيه الا ربنا طول ما انا بقرى الحلقة وفى الاخر تيجي توقفيها فى الحتة دى
لا وايه بعد ما نخلص نلائى صورة حماقى تحت بيضحكلنا اوووووووى بيضحك على ايه ده دلوقت

ههههههههههههههههههه حرام عليكي يا سالي انت وقعتيني من الضحك هنا وكمان بالخط العريض طب والله انا تخيليت شكلك تماما انتي عندك قدرة شديدة على الوصف هههههههه دلوقت كلنا عرفنا شكلك هههههههههه وبعدين حماقي بيضحك عليكي على فكره هههههههههههههه وقمر بيضحك في التوقيع عليكي برضو واعملي للراجل توسيط خليه في الوسط يا سوسا ههههههه Laughing

Admin العمر : 35

ميرسي يا علي يا قمر كلك زوء وميرسي يا نسرين معلش الحلقة وقفت كده فجأة هههههه حقك عليا واصبري الصبر جميل I love you

الإدارة العمر : 32

هي نوسي علي رأي سؤسؤ وأنا معاكي يا سؤسؤ في كل اللي قولتيه وبجد حلقة جامدة قويييييييي يا نونا والخناقه دي كانت جامده قوي وأنا عشان قابلت شيكا ومصطفي فواخد الموضوع انهم قدامي بجد وبرسم في خيالي كل حركه لللأتنين وهما بيتخانقو هههههههههههههههه

مشرفة العمر : 38

hanan كتب:

سالى قمر كتب:: نوووووووووووووووونة انا قاعدة مفتحة عنيا على الاخر ومبرمش عينى ورافعة حواجبى وقلبى بيدق وشكلى ما يعلم بيه الا ربنا طول ما انا بقرى الحلقة وفى الاخر تيجي توقفيها فى الحتة دى
لا وايه بعد ما نخلص نلائى صورة حماقى تحت بيضحكلنا اوووووووى بيضحك على ايه ده دلوقت

ههههههههههههههههههه حرام عليكي يا سالي انت وقعتيني من الضحك هنا وكمان بالخط العريض طب والله انا تخيليت شكلك تماما انتي عندك قدرة شديدة على الوصف هههههههه دلوقت كلنا عرفنا شكلك هههههههههه وبعدين حماقي بيضحك عليكي على فكره هههههههههههههه وقمر بيضحك في التوقيع عليكي برضو واعملي للراجل توسيط خليه في الوسط يا سوسا ههههههه Laughing

بئى الاتنين بيضحكوا عليا ماااااشى يانونة والله كرهتينى فى حماقى كل ما اشوفه بيضحك تحت وانا متوترة كده بيغيظنى هههههههههه
وبعدين بدل ما تباركيلى انى عملت توقيييع اصلا تقوليلى وسطيه كمااااااان انتى مش عارفة ان ده فى حد ذاته انجاز ولا ايييه
وبعدين روحى شوفى المواضيع اللى انا عملتها فى قسم خواطر وتنمية بشرية
عيب تبئى صا حبة المنتدى ومشوفتيش حاجة منهم ونايمة على ودانك لحد دلوقت يا هاااااااانم

Admin العمر : 35

ههههههههههههههههه حلوة يا هانم دي ههههههههههههه ماشي الف مبروك على التوقيع مانا شفته واستغربت والله ههههههههههههه حاضر هشوف المواضيع الليلة انشالله

Admin العمر : 35

Mohamed Farag Star كتب:: هي نوسي علي رأي سؤسؤ وأنا معاكي يا سؤسؤ في كل اللي قولتيه وبجد حلقة جامدة قويييييييي يا نونا والخناقه دي كانت جامده قوي وأنا عشان قابلت شيكا ومصطفي فواخد الموضوع انهم قدامي بجد وبرسم في خيالي كل حركه لللأتنين وهما بيتخانقو هههههههههههههههه

ههههههههههههههه ميرسي يا محمد اجابتك وصلت خلاص ولسى في خنائة تانية بينهم كمان ههههههههههه

عضو العمر : 37

جميله جدا يانونا بس انا وعلي اختفينا ليه كنا نايمين ولا ايه ههههههههههه

عضو العمر : 34

الحلقه ديه بجد جاااااااااااااااااااااااامده اخرحاجه وياترى مين الشخص المجهول بس انا شاكه فى سيد عشان كان مصر مصطفى يروح الراحله او نوسى مامنتيش اصلا ده حوار بين نوسه وراميو عشان نوسه مشحبها مصطفى خالص

عموما كملى بقى الحلقات انتى شوقتينا نشوف الباقى وكمان روميو تعبنا اعصابنا بصراحه فظيع ايه الشر اللى فيها انا بقيت شكلى اكره روميو بى اللى بيعمله ده هههههههههههههههههههههههههههههههههههههههههههههههههههههه

عموما اسلوبك رائع وربنا يوفقك بجد وتكونى حاجه كبيره

Admin العمر : 35

شكرا يا حماده واه انت كنت نايم او بتخطف حد ههههههههه ميرسي يا ريما كلك زوء والله منورة معانا ويلا شدي حيلك عشان تحزري مين هو الشريك المجهول عشان تربحي المصاصة هههههههههه

ههههههههههههههههههههههههههه بجد يانونة الحلقة جااااامدة والردود كمان حلوة اوووى كلة عايز ينتقم منى مش عارف لية هو انا عملت حاجة اصلا هههههههههههههههههههههههههههههههه

عضو العمر : 38

بقى نا اضرب شكشك واخوف قمرى حرام عليكى والله يابنتى شردتينى وانتوا ياغلسين شاكين فيه كمان مفيش غير سؤسؤتى حبيبتى هى اللى زعلانه عليه هى تبان اصلا ماشى ماشى

» الحلقة رقم 19 من مسلسل اللعبة 3
» الحلقة رقم 21 من مسلسل اللعبة 3
» الحلقة رقم 22 من مسلسل اللعبة 3
» الحلقة رقم 15 من مسلسل اللعبة 3
» الحلقة رقم 12 من مسلسل اللعبة 3