الحلقة العاشرة من مسلسل اللعبة 3

Admin العمر : 35

الحلقة العاشرة من مسلسل اللعبة 3 F816ba0971

( يتفاجئ الجميع مما حصل للسيارات فهم الان لا يستطيعون ان يغادرو المكان ويسيطر عليهم الرعب)
(مصطفى)
_ مين الي عمل كده؟؟
(محمد كرويم)
_ اكيد ده مش هزار ... ده حقيقي بجد .. دي كارثة.
(سيليا)
_ كارثة ليه؟ ... هو مافيش عجال احتياط؟؟؟
(محمد فرج)
_ فيه ... بس كلها بايظة ... في حد عمل كده.
(سالي بذعر شديد)
_ يعني ايه؟ ... مافيش طريقة نطلع فيها من هنا؟؟
(شروق)
_ هنفضل هنا؟؟ ... يا جماعة هو ايه الي بيحصل بالضبط؟
(مصطفى)
_ انا راجع البيت ... مش محتاج اسئل مين عمل كده ... ومن رأيي انتو كمان ارجعو هتعملو ايه هنا؟ .. كل حاجة بانت.
(سيد ممدوح)
_ تقصد ايه يا مصطفى؟؟؟ ... روميو عملها صح؟
(سالي)
_ ايه؟؟؟ ... روميو؟ ... ليه هو روميو هنا اساسا؟

الحلقة العاشرة من مسلسل اللعبة 3 Bcac54faf2

(سيليا)
_ فهمنا يا مصطفى .. روميو هنا؟
(مصطفى)
_ والله انا ماعنديش تفسير للي بيحصل غير كده .. كنت شاكك اساسا من ساعة ما سيد وقع بالحفرة .. وبعدها الجرزان الميتة .. ونوسي .. نوسي كمان وقعت ازاي؟
(سيليا)
_ مش ممكن .. مش ممكن .. ازاي وليه؟
(محمد فرج)
_ ما توصلش لدرجة انه يقتل نوسي يا جماعة .. ويحبسنا هنا كمان؟ معقولة؟
(مصطفى)
_ مين غيره هيكون عملها يا محمد؟ حد فينا حابب يهزر مثلا؟ .. مين غيره عدونا الاول؟
(شيكا)
_ انا هتفحص العربيات من تاني .. لازم تكون في طريقة نمشي بيها من هنا .. مش معقولة نستسلم بسهولة.
(سلمى)
_ طيب ونوسي؟ .. ازاي دلوقتي هننقذها ان كنا مش عارفين نرجع مصر؟
(شروق)
_ قبل ما تفكري بنوسي فكري فينا احنا .. احنا اتحبسنا هنا.
(سيد ممدوح)
_ قبل ما نفكر نرجع مصر ازاي لازم نروح للمكان الي وقعت منه نوسي .. لازم نعرف حصل ايه ونشوفها فين؟
(علي)
_ انا هاخدكم على المكان .. بس الدنيا ليل هنروح كلنا؟
(مصطفى)
_ لأ .. البنات يفضلو هنا ويفضل معهم حد من الشباب والباقي يروح.
(سيد ممدوح)
_ خلاص يبئى البنات يرجعو البيت مع شيكا واحنا نروح نشوف المكان.
(سالي بذعر)
_ وطيب واحنا هنعمل ايه هنرجع مصر ازاي؟
(سيد ممدوح)
_ مش عارف .. هنفكر بالحكاية دي لما نرجع .. المهم ان احنا لازم نحاول بردو ننقذ نوسي .. ارجوكم تمالكو اعصابكم لحد ما نرجع ونفهم فيه ايه .. شيكا لئيت حاجة؟
(شيكا يجيب)
_ كلام محمد صحيح .. العربيات مش هتشتغل.
(سيد ممدوح بخيبة امل)
_ يبئى خلاص .. زي ما قلت من شوية.

الحلقة العاشرة من مسلسل اللعبة 3 Be8afce8f6

(البنات في المنزل مع شيكا مجتمعين في الصالة بتوتر تام وقلق شديد)
(سالي)
_ يعني بجد يا جماعة روميو هنا؟ .. طيب ليه ماحدش فيكم قالنا قبل كده؟ ماكانش لازم نطلع الرحلة دي طالما هو ورانا.
(شيكا)
_ ماكناش نعرف احنا بس بنفترض .. وحتى لو كنا نعرف انه هيجي ورانا كنا يعني هنتخيل انه ممكن يكون اتجنن لدرجادي ويحبسنا هنا.
(عين الحياة)
_ ومش كده وبس .. ده ممكن يكون هو فعلا الي زئ نوسي و وقعها.
(سيليا)
_ لو هو الي عمل كده يبئى انا هقتله .. هقتله بجد.
(سالي)
_ الراجل ده خطير جدا بجد .. كان لازم مانجيش هنا من الاساس.
(عين الحياة)
_ سالي كلنا متوترين جدا ارجوكي اهدي لانك بجد بتوترينا زيادة.
(سيليا)
_ يارب يرجعو بسرعة ونطمن بئى .. اي حاجة تهون بس ترجع نوسي معاهم.

الحلقة العاشرة من مسلسل اللعبة 3 47a71ceec3

(في مكان اخر .. حيث يسير كل من مصطفى وسيد ومحمد فرج ومحمد كرويم وحماده خلف علي الذي يدلهم على المكان)
(سيد ممدوح)
_ احنا بئالنا كتير بنمشي يا علي .. انت متأكد من الطريق ده؟
(علي)
_ ايوا متأكد .. هو بس المكان بعيد شوي اصلنا مشينا كتير بعيد عنكم.
(حماده)
_ لو كنتو سمعتو كلامي وجيتو معايا من الطريق بتاعي ماكانش حصل كل ده .. انا قلتلكم ان عارف الطريق منين.
(علي)
_ ماتلومنيش يا حماده .. انت عارف ان بس كنت عايز افضل مع نوسي عشان ماتكونش لوحدها.
(مصطفى يقترب من سيد قائلا له بصوت منخفض)
_ سيد .. انا حاسس انك مرتاح من وقت ما عرفنا ان روميو هنا.
(سيد ممدوح)
_ اولا احنا لسى مانعرفش لو كان هو هنا فعلا .. ثانيا انا عندي اتحبس هنا واموت اهون ما ارجع مصر واقول لاهلها اننا فقدانها كده بكل سهولة.
(مصطفى)
_ عشان كده وجود روميو هنا واننا نلومه هو هيكون اهون من انها تكون هي الي وئعت لوحدها .. بس ده لو عرفنا نخرج من المكان ده.
(سيد ممدوح)
_ انا متأمل نقدر نلاقيها .. خلينا نتأمل بربنا.
(مصطفى)
_ يعني هو لو عرفنا نلاقيها هنعرف نرجعها مصر؟ .. روميو حصرنا كلنا بالزواية وياعالم الخطوة الجاية بتاعته هتكون ايه.
(علي صائحا)
_ احنا وصلنا ... وصلنا يا جماعة .. تعالو هنا .. بنهاية الشجر ده المنحدر بس خدو بالكم .. ماتقربوش كتير.
(محمد فرج)
_ مين فينا الي هيروح هناك؟
(محمد كرويم)
_ الدنيا ظلمة اوي .. مش هنقدر نشوف حاجة بالنور الي معانا ده.
(حماده)
_ يا جماعة ماحدش يروح هناك لو حد راح حيوقع.
(علي)
_ كان لازم نيجي بالنهار كدا مش هنشوف.
(مصطفى)
_ طيب ده بداية المنحدر .. يا ترا بيخلص فين؟
(سيد ممدوح)
_ مش هنعرف قبل الصبح وحتى مش هنعرف نقرب.
(محمد فرج)
_ يعني هنفضل هنا للصبح؟؟ .. البنات هيخافو جدا.
(سيد ممدوح)
_ مافيش قدامنا حل تاني ... ولو حد قرب من هناك بالنور الخفيف الي معانا ممكن نخسره ويوقع.

*****************************************

(في المنزل .. بعد مرور بعض الوقت)
(سيليا)
_ الوقت بيمر وماحدش فيهم رجع لحد دلوقتي.
(شيكا)
_ الدنيا ليل جايز مش شايفين كويس .. الافضل انكم تطلعو تنامو فوق.
(شروق)
_ ننام ازاي؟ هو حد فينا قادر ينام ولا يتحرك من هنا .. احنا اتحبسنا هنا.
(سالي)
_ لازم تعرفو تلاقو روميو يا شيكا .. لو هو هنا انتو لازم تعرفو تلاقوه قبل ما يموتنا واحد واحد.
(شروق)
_ يموتنا؟ .. ليه هو احنا قلال؟ .. هو بس يجرب يظهر الجبان ده.
(عين الحياة)
_ من غير العربيات والباص ماحدش فينا هيعرف يخرج من المكان ده.
(سلمى)
_ وهو روميو لو كان هنا حيكون فين يعني؟؟ .. بلاش كلام فارغ هو اكيد حد مننا احنا الي عمل العملة دي.
(عين الحياة)
_ قصدك ايه يا سلمى؟؟
(سلمى)
_ قصدي ان في حد مننا هو الي مش عايزنا نمشي من هنا .. وعايز يستغل حكاية روميو القديمة بالموضوع ده .. ممكن يكون اي حد فينا .. اي حد.

*************************************

(في الغابة .. فجرا وبمجرد ما ظهرت اشعة الشمس)
(محمد فرج)
_ المكان خطر اوي مين الي هيقرب مننا لهناك؟
(سيد ممدوح)
_ انا .. انتو خليكم ورايا.
(مصطفى)
_ لا يا سيد انت اتجننت ... انت بتعرج اساسا هو احنا ناقصين توقع انت كمان.
(حماده)
_ لو تحبو انا اروح واشوف.
(محمد كرويم)
_ انا هقرب اشوف الاول ... وبعدين اقلكم تيجو او لأ .. المكان جوا كله شجر وصخور وعايز حذر .. هقرب اشوف المنحدر ده ايه هو.
(محمد فرج)
_ انت قربت منه مبارح يا علي؟
(علي)
_ شوية بس .. بعد صرخة نوسي شفت الحجارة بتتساقط وراها بس .. كل حاجة حصلت بلحظة.
(يتقدم محمد كرويم باتجاه المنحدر ببطئ شديد حتى يصل الحافة .. ينظر من بعيد للاسفل .. فيرا ان المكان منخفض جدا وبعيد بدرجة مرعبة يعود فورا للوراء مذعور جدا)

الحلقة العاشرة من مسلسل اللعبة 3 6f38901889

(مصطفى)
_ ايه شفت ايه؟
(محمد كرويم)
_ ده .. منحدر عالي جدا .. ايه المكان الملعون ده.
(سيد ممدوح)
_ للدرجادي؟؟ .. انا مش عارف ليه كل واحد بيشوف المنحدر ده بيرتعب كده؟
(حماده)
_ طيب ماشفتش حاجة تانية يا كريم؟
(محمد كرويم)
_ هشوف ايه بس؟ .. هو المكان ده يتشاف اخره؟
(محمد فرج)
_ انا هقرب اشوف.
(مصطفى)
_ استنى انت هي لعبة هتشوفها؟ .. استنى انا الي هروح.
(سيد ممدوح بخوف وحزن)
_ لا يا مصطفى انا قلبي مش مطمن .. وبعدين هتقدر تشوف ايه بس؟ ...ما الحكاية باينة المكان الي احنا فيه ده مكان عالي اوي.
(علي)
_ قصدك تقول ان نوسي ماتت مش كده؟؟؟
(محمد فرج)
_ اكيد طالما المكان عالي اوي كده.
(محمد كرويم الذي لا يزال منفعلا مما رأه)
_ عالي؟؟ .. عالي دي كلمة قليلة جدا عليه.
(مصطفى)
_ انا هقرب اشوف ... بس ماحدش يقرب ورايا لحد ما ارجع.
(سيد ممدوح)
_ مصطفى اسمعني .. بلاش تهور ملوش داعي ..
(يتقدم مصطفى للامام بحذر شديد قائلا)
_ انا اسف يا سيد .. لازم احاول.

(يتقدم مصطفى ببطئ شديد وبحذر دون ان يلتقط نفسه ومن ورائه ينتظر محمد فرج وحماده وعلي وسيد ومحمد كرويم يترقبون ما يحصل .... يصل مصطفى لحافة المنحدر ينظر للاسفل بحذر .. يرا كم هو الماكن عالٍ جدا .. يرتعب من المنظر ثم ينظر للاعلى مبعدا نظره عن اسفل ولكن دون ان يتحرك من مكانه فيستاء الاخرون من الخوف)

(سيد ممدوح)
_ خلاص يا مصطفى ارجع.
(لا يتحرك مصطفى من مكانه ثم يحاول ثانية النظر للاسفل)
(محمد فرج)
_ مصطفى ارجع كده هتوقع.
(حماده)
_ مش معقول الجنان ده انا كده هروح اجيبه.
(سيد ممدوح برعب شديد)
_ مصطفى ارجوك ارجع انت مش سامعنا؟؟
(مصطفى يقول ببطئ وحذر)
_ لحظة .. في حاجة هنا تحت ... في حاجة بالصخرة الي تحت.
(يقترب سيد ممدوح قليلا قائلا باهتمام)
_ حاجة ايه يا مصطفى؟؟؟
(محمد فرج)
_ يا جماعة ما ينفعش كده .. ارجع يا مصطفى لو حاولت تبص لتحت هتوقع.
(علي بتوتر تام)
_ ده جنان والله .. انا ماعدتش قادر اتفرج اكتر من كده.

الحلقة العاشرة من مسلسل اللعبة 3 48f87f1647

(في المنزل)
(عين الحياة)
_ انا هدخل المطبخ اعمل قهوة عشان نفوئ.
(سلمى)
_ انا هاجي معاكي زهقت من القعدة هنا والانتظار.
(سيليا)
_ هم اتأخرو كده ليه؟ ... انا قلقانة اوي.
(شيكا)
_ ماتخافيش عليهم يا سيليا شوي ويجو.
(سالي)
_ طيب لما يرجعو هنمشي من هنا ازاي؟ .. هو مافيش طريق قريب من هنا نقدر نمشيله؟ مش معقولة يكون المكان منعزل اوي كده.
(شيكا)
_ لأ طبها اكيد في طريق بيوصل للناس والا ما كناش عرفنا نستأجر البيت ده .. بس لما يرجعو بالسلامة نشوف هنعمل ايه.
(سالي)
_ يارب بئى ونخرج من هنا انا مرعوبة ... كل حاجة كانت كويسة جدا ازاي حصل ده كله بلمح البصر؟

الحلقة العاشرة من مسلسل اللعبة 3 B8a1f413df

( قرب المنحدر ... حماده سيد محمد وكريم وعلي واقفين بتوتر تام خلف مصطفى الذي ما يزال واقفا على حافة المنحدر رافضا العودة)
(سيد ممدوح)
_ ايه هي الحاجة الي شايفها يا مصطفى؟
(مصطفى)
_ استنى عليا ... هعرف.
(محمد فرج)
_ بلاش يا مصطفى هتوقع.
(يحاول مصطفى ان ينزل قليلا للاسفل ببطء شديد في حين يزداد توتر الجميع)
(مصطفى)
_ هجيبها ... بس انزل شوية كمان.
(علي)
_ بلاش يا مصطفى ارجوك.

الحلقة العاشرة من مسلسل اللعبة 3 Abfc981579

(سيد ممدوح)
_ ايه هو الي انت شايفه يا مصطفى؟؟؟
(يحاول مصطفى النظر للاسفل اكثر فتتحرك الصخور تحت قدمه مما يرعب الجميع)
(محمد فرج)
_ لأ ... هيوقع ... هيوقع خلاص انا مش قادر ابصله اكتر من كده.
(سيد ممدوح بخوف)
_ مصطفى ... حاول ترجع ارجوك ... لازم حد يقرب يجيبه كده هيوقع.
(مصطفى)
_ ماحدش يقرب .... ماحدش يقرب مني انا عارف انا بعمل ايه.

الى اللقــــــاء فــــي الحلقـــــة القـــــادمــــــه ........

الحلقة العاشرة من مسلسل اللعبة 3 Ff98f006ed

الإدارة العمر : 36

تسلم ايديكي يا حنان على الحلقة الي تجنن
معقول مصطفى يكون شاف نوسي؟؟؟؟؟؟؟؟؟؟؟؟ انا بقيت محتارة

Admin العمر : 35

انتي قولي الاول معقولة مصطفى مايوقعش من فوق انتي مش شايفه المنحدر عالي ازاي مافيش ليه اخر ههههههههه ادعيله انتي بس على فكرة الواحد فعلا مممكن يضيع نفسه في لحظة عناد زي دي

الإدارة العمر : 36

لا لا من ناحية هيوقع مافتكرش علشان مصطفى دماغه كبيرة وهيعرف يتصرف وبعدين لو كان خايف مكانش جازف يبقىاكيد مش هيوقع
وجايز الحاجة الي كون شافها تكون نوسي وجايز متكونش هية بس انا حاسة انها مش هتموت، شكلها هتبقى شريكة روميو هههههههههههههههههههههههه
وهتمسك المسدس يا حنان يا ريتيني كنت مكانها لو هية طلعت الشريكة علشان اموت رميو اول واحد
هاهاهاهاها ههههههههه

هههههههههههههههههههههههههه طب هو انتى لية مش موقفانى ورا مصطفى عشان ازوقة فى الحفرة وخلاص ههههههههههههههههههههههههههههه عشان يبقى مع نوسى يونسها بس هههههههههههههههههههههههههههههه

Admin العمر : 35

ههههههههههههههههههه انتي عايزة تكوني مكانها عشان تقضي على المرعب اه ههههههههه مين عارف مين الي هيضربه الضربه الاخيره هههههههه الصبر جميل بردو

Admin العمر : 35

romio amar كتب:: هههههههههههههههههههههههههه طب هو انتى لية مش موقفانى ورا مصطفى عشان ازوقة فى الحفرة وخلاص ههههههههههههههههههههههههههههه عشان يبقى مع نوسى يونسها بس هههههههههههههههههههههههههههههه

انت بتقول فيها يا روميو انت كنت معايا وانا بكتب ولا ايه هههههههههه

بكرة نشوف ياختى بس انا عايز اخلص من البت نسرين دى خنقانى هههههههههههههههههههههههههههههههههههههه

الإدارة العمر : 36

انا الي خنقاك يا خوية يا معفن انت يا بني لو خلتني ابقى الشريكة كنت خلصت عليك اول واحد فيهم ههههههههههههههههههههههههههههههههههههههههههههههههههههههههههههههههههههههههههههههههههههههههههه

Admin العمر : 35

هههههههههههههههههه نسرين مش ممكن تشارك روميو ابدا المعزة بينهم قوية جدا ربنا يهديكم

الإدارة العمر : 36

لا يا بنتي انا ولا عمري هافكر اني اشارك مجرم زي روميو هههههههههههههههههههههههههه
ولو حصلت هاموته اول واحد لكن انا عايزة ابقى حاجة تانية انتي عرفاها هههههههههههههههههههههههههههههههه Twisted Evil

ههههههه

Admin العمر : 35

هههههههههههههههههههههههههههه انتي فجأة تحولتي لشريره ليه يا نسرين هههههههههههه

مشرفة العمر : 38

اييييه يا نونة هتوقعى الراجل وتموتهولنا هو كماااااااااااان يخرب عقلك

عضو العمر : 37

لالالا مش بسهولة ده هوه اكيد شاق نوسي اة حاجة تدل علي انها فين
زالله اعلم بس سيبهولي المرعب ده ههههههههههههههه مش مخلينا نستمتع
بحاجة

الإدارة العمر : 32

مش عارف يا نونا حاسس ان نوسي هي شريكة روميو وهنعرف اكيد أمسك أنا بس طرف الخيط وأنا هكمل القضيه ههههههههههههههههه

عضو العمر : 28

تسلم ايديكي ... بس يارب مصطفى ميحصلوش حاجة بجد قلقانة عليه و كمان معقول يكون شايف نوسي من فوق اوي كده و يا ترى هيعرف يجيبها ... انا مستنية الحلقة الجاية بفارغ الصبر بجد اسلوبك مشوق

هايل ينوسي انتى وسيليا

لا بس مصطفى قمر والسيد ممدوح عملين شغل هايل

Admin العمر : 35

شكرا يا جماعة وشكرا يا شروق وانشالله بكره تعرفو لو شاف نوسي ولا ايه Cool

يحنان ممكن تدخلونى اللعبة معاكوا او تحطوا اسمى مروان مجدى قمر

Admin العمر : 35

marawankamar كتب:: يحنان ممكن تدخلونى اللعبة معاكوا او تحطوا اسمى مروان مجدى قمر

اهلا وسهلا مروان بس احنا مش بنلعب ده مجرد مسلسل عادي قصة يعني لو تحت تتابع المسلسل ارجع من الجزء الاول والتاني وبعدين توصل للتالت الي هو ده يعني تقريبا 400 صفحة وتوصل هنا ربنا يعينك

عضو العمر : 34

هههههههههههههههه اكيد انا اللي حخلص عليك يا مرعب دة انته لو طلعت في ايدي مش حسيبك حعلقق من رقابتك علي حافة المنحدر ولا تطول سما ولا ارض ونسيبك ونمشي هههههههههههههههههههههه ونخلص بقي خالص ههههههههههههههههههههه

الإدارة العمر : 36

صح كلامك يا سلمى هو عايز كدة مينفعش معاه غير التعليق ومن رقبته برضه هههههههههههههههههههههههههههههههههههههه بس متقلقيش هنموتو انا وانتي ونخلص منه ههههههههههههههههههههههههههههه

Admin العمر : 35

نسرين وسلمى حاقدين على المرعب الله يعينه Very Happy

عضو العمر : 38

حياتى قمرى ماهونتش عليه وعاوز يساعدنى هو انا بحبه من شويه بس يارب يحميه ومايوقعش
والله ياروميو لو طولت لاقتلك

» الحلقة رقم 23 من مسلسل اللعبة 3
» الحلقة رقم 14 من مسلسل اللعبة 3
» الحلقة رقم 11 من مسلسل اللعبة 3
» الحلقة رقم 12 من مسلسل اللعبة 3
» الحلقة رقم 13 من مسلسل اللعبة 3