الحلقة التاسعة من مسلسل اللعبة 3

Admin العمر : 35

الحلقة التاسعة من مسلسل اللعبة 3 95b784b558

(يحاول كل من حماده وعلي ونوسي العودة للجماعة)
(نوسي)
_ احنا مرينا من هنا قبل كده صح؟
(حماده)
_ مش عارف باين تهنا.
(علي)
_ تهنا ازاي؟ ... هو احنا كنا بعاد اوي كده؟
(حماده)
_ الظاهر ان احنا رجعنا لورا مش لقدام ... انا شايف نرجع من تاني للمكان الي كنا بيه ونحاول من جديد نفتكر.
(نوسي)
_ لا انا متأكدة اننا كده صح .. انا مش راجعة .. اساسا مصطفى مشي من هنا يبئى احنا كده صح.
(حماده)
_ بس احنا مش شايفين حد منهم يبئى احنا تهنا.
(علي)
_ طيب هنعرف ازاي؟
(حماده)
_ انا هرجع من تاني للمكان الي كنا فيه .. انا ماعنديش استعداد اضيع بصراحة.
(نوسي)
_ بقلك احنا كده صح شوية ونوصلهم .. هترجع هناك تعمل ايه؟
(حماده)
_ انا راجع .. على الاقل هناك ممكن حد يجي ياخدنا انما هنا الطريق ده غريب عليا اوي .. انا ماشفتوش قبل كده.
(علي)
_ انتو هتتخانئو؟ .. وانا اعمل ايه دلوقتي اجي مع مين فيكم؟
(حماده)
_ لو عايز تفضل مع نوسي افضل معاها انا راجع .. احنا عموما لازم نفترق عشان نحاول نوصل.
(علي)
_ مصطفى قلك تفضل معانا .. ازاي عايز تمشي؟
(حماده)
_ بص للمكان ده يا علي .. احنا عمرنا ما جينا من هنا ابدا .. بعدين المكان ده يخوف اوي في اصوات غريبة والدنيا فيه ظلمة كمان .. ده اكيد طريق غلط.
(علي)
_ يبئى نرجع كلنا .. لازم نفضل مع بعض مهما حصل.
(نوسي)
_ انا مش هرجع .. بعد مامشينا ده كله؟ ... مصطفى مشي من الطريق ده انا فاكرة كويس .. انا هكمل لوحدي.
(علي)
_ استني يا نوسي ... استني انا جاي معاكي.
(حماده)
_ علي .. انت هتدخل معاها لهناك؟؟ ... ده جنان الطريق ده غلط وجايز يكون خطر جدا.
(علي)
_ انا اسف يا حماده .. ماقدرش اسيبها لوحدها.
(حماده)
_ انتو كده بتغلطو ... والله مجانين.
(يتقدم علي ونوسي في طريقهم دون حماده الذي يعود للوراء)
(علي)
_ نوسي .. انتي متأكده ان الطريق ده مزبوط؟
(نوسي)
_ مافيش قدامنا غير نمشي ونعرف.
(علي)
_ بس احنا بئالنا كتير بنمشي.
(نوسي)
_ لو عايز ترجع لحماده ارجع.
(علي)
_ لأ طبعا واسيبك لوحدك؟ ... خلاص نكمل وربنا يستر.

الحلقة التاسعة من مسلسل اللعبة 3 724bf4f6ab

(في مكان اخر .. حيث يصل مصطفى للجماعة دون حماده وعلي ونوسي ويشرح لهم ما حصل فيتجمع الكل لمناقشة الامر بعد تأخر عودة علي وحماده ونوسي عن العودة)
(سيد ممدوح)
_ يعني ما كانش في حل تاني غير انك تسيبهم لوحدهم يا مصطفى؟
(مصطفى)
_ نوسي كانت عنيدة جدا وكانت عايزة تيجي لوحدها .. ماكانش في حل تاني قدامي غير اني اجي انا.
(شيكا)
_ نوسي .. زعلانة منك اوي يا مصطفى .. عشان كده جايز تكون تصرفاتها غريبة شوية لكن هي ماتقصدش انها ...
(مصطفى مقاطعا لشيكا)
_ انا عارف الكلام ده كويس .. لكن دي تصرفات عيال .. كانت هتيجي لوحدها لهنا .. ربنا العالم انا عرفت اوصل لهنا ازاي .. ماينفعش حد فينا يفضل لوحده في مكان زي ده.
(سيد ممدوح)
_ طيب هم اتأخرو كده ليه؟؟
(مصطفى)
_ جايز تكون نوسي مش عايزة ترجع.
(شيكا)
_ مش للدرجادي ماتبالغش .. نوسي عاقلة على فكرة ومش عيلة.
(سيد ممدوح)
_ انا ابتديت اتشائم من الرحلة دي بجد .. الاول وقعت بحفرة وكان ممكن اموت فيها والنهاردة الصبح نلاقي جرزان ميته في فراش شروق ودلوقتي تلاتة مننا مش موجودين .. لو اليوم ده عدا على خير خلاص نرجع مصر كفاية لحد كده.
(عين الحياة)
_ نرجع مصر؟ ... احنا لسى ماقعدناش .. الرحلة لسى بأولها واحنا مبسوطين بيها بلاش نستعجل بالتشائم قبل ما نعرف هم اتأخرو ليه .. شوي ويرجعو.
(سالي)
_ اكيد نوسي تعمدت التأخير ده عشان تقلقنا عليها.
(سلمى)
_ المهم احنا نعمل ايه دلوقتي؟ .. نرجع نستناهم بالبيت؟
(محمد كرويم)
_ لأ بلاش .. لو رجعنا ازاي هيعرفو مكانا؟
(سيد ممدوح)
_ احنا للاسف مضطرين نتحرك ونرجع البيت لان الطريق طويلة ولو ماتحركناش دلوقتي هتغيم علينا واحنا برا.
(عين الحياة)
_ لو مشينا من هنا هم هيفضلو يدورو علينا.
(شيكا)
_ انا ممكن افضل هنا مستني.
(مصطفى)
_ تاني؟ .. ماحنا قلنا مش عايزين حد يفضل لوحده .. هو احنا ناقصين مصايب؟
(محمد فرج)
_ احنا نرجع البيت قبل المغيب لان الدنيا لو ظلمت مش هنشوف حاجة.
(سيد ممدوح)
_ خلاص نرجع .. جايز يكونو هم كمان رجعو هناك.

الحلقة التاسعة من مسلسل اللعبة 3 2c529c561b

(في مكان اخر حيث علي ونوسي)
(علي)
_ نوسي .. احنا بئينا بعيد اوي كده صدقيني .. المكان ده غريب عليا.
(نوسي)
_ هو ده المكان الصح .. ماتخوفنيش بئى.
(علي)
_ انا حاسس اننا لازم نرجع زي حماده .. لو رجعنا دلوقتي هنعرف نوصلهم.
(نوسي)
_ حماده اختار الطريق الغلط .. اصبر وانت تشوف.
(علي)
_ اصبر اكتر من كده .. احنا كل ما نتقدم اكتر المكان بيظلم اكتر .. ايه المكان الغريب ده .. ده حتى الاشجار مغطية عالشمس.
(نوسي)
_ مش عارفة .. انت خليتني اشك بجد .. طيب انا هشوف هناك في طريق ولا لأ ... انت شوف من الجهة التانية.
(علي باستياء)
_ اي جهة؟ .. هو انا شايف حاجة اساسا؟
(تشير نوسي ل علي باتجاه معين قائلة)
_ هناك يا علي .. وانا هشوف لو في من هنا طريق .. لو ماعرفناش نوصل من هنا نرجع تاني.

الحلقة التاسعة من مسلسل اللعبة 3 43972a0649

( على بعد منهم من يختلس النظر خلف صخرة مبتسما بغرور)
(روميو)
_ ودي الضربة الاولى .. يابخت الي يموت الاول يرتاح من الانتظار.

الحلقة التاسعة من مسلسل اللعبة 3 8d512fdfea

(يعود الجميع للمنزل باحباط وقلق كبير وعند وصولهم للمنزل يبحثون عن حمادة وعلي ونوسي ولكنهم لا يجدون سوا سيليا وشروق اللتان لا تعرفان شيئا عما حصل .. ينتظر الجميع بتوتر تام دون عودة احد)
(سيد ممدوح يتحرك بالصالة بتوتر شديد قائلا)
_ نعمل ايه دلوقتي؟ .. الدنيا غيمت ومافيش حد فيهم رجع؟
(محمد فرج)
_ الوضع بئى مقلق جدا بجد .. احنا لازم نطلع ندور عليهم.
(سيد ممدوح)
_ انا هطلع .. وهيطلع معايا اتنين من الشباب وبس والباقي يفضلو بالبيت وماحدش يتحرك مهما حصل.
(سيليا)
_ بس انت يا سيد بتعرج وتعبان ازاي هتقدر تمشي في الظلمة؟
(سيد ممدوح)
_ همشي .. هطير بس الاقيهم ونرجع تاني .. مين هيجي معايا؟
(فجأة يدخل حماده للمنزل .. يتجمع الكل حوله بذعر شديد ليفهمو منه ماحصل)
(سيد ممدوح)
_ انتو كنتو فين لحد دلوقتي؟ .. فين علي ونوسي؟
(يبقى حماده صامتا ومذهولا وكأنه في مرحلة صدمة دون ان يرد يدخل فقط ويجلس على احدا الكراسي)
(شيكا)
_ حماده انت مش سامعنا؟ .. فين علي ونوسي؟؟
(حماده)
_ علي ... علي ...
(مصطفى)
_ مالك مش عارف تتكلم ؟ .. هو علي حصلته حاجة؟؟
(لا يرد حماده مما يصيب سيد بالغضب يتجه نحوه صارخا به)
_ اتكلم ماله علي؟

الحلقة التاسعة من مسلسل اللعبة 3 8c7662c879

(حماده)
_ علي .. راجع ورايا .. شوي ويوصل.
(يصمت الجميع مستغربين ثم يقول سيد وصوته لا يكاد يخرج)
_ نوسي ..... نوسي حصلها ايه؟
(ينظر حماده ل سيد ثم يقول)
_ نوسي ... نوسي وقعت من منحدر عالي.

الحلقة التاسعة من مسلسل اللعبة 3 868559969

(الدهشة تملئ وجوه الجميل .. يسود الصمت للحظات لا احد قادر على الكلام .. سيد يجثو على الارض مصدوما و الباقي ينظرون لحماده وكأنهم لم يسمعو ما قاله)
(سيليا)
_ وقعت؟ .. نوسي .. وقعت ازاي يا حماده؟ .. يعني ايه وقعت اساسا؟
(تهجم سيليا على حماده وتصرخ فيه مكملة)
_ نوسي فين انطق؟؟ .. عملتو فيها ايه؟ .. قول ودتها فين؟
(حماده يبكي قائلا)
_ مش عارف .. انا ما كنتش موجود .. علي هو الي كان معاها .. هو الي سمع وشاف كل حاجة بتحصل قدامه .. انا شفته من شوي وقالي .. رجعت قبله .. مش قادر يرجع بيكلم نفسه زي المجنون .. بيمشي شوي وبعدين يوقف وينزل على الارض يعيط وبعدين يرجع يوقف ويمشي وبعدين يوقف وانا ... انا سبقته.
(الكل اصيب بذعر شديد يقترب محمد كرويم من حماده قائلا له)
_ حماده احنا كده مش هنفهم منك حاجة .. اهدا وقلنا علي فين دلوقتي؟
(حماده)
_ كان ورايا .. شوي ويجي.
(محمد كرويم)
_ احنا لازم نطلع نجيبه.
(شيكا)
_ انا مش عارف افكر بحاجة ... حاسس اني هتشل.
(البنات يبكون مزعورين .. تقول عين الحياة)
_ طيب هي وقعت فين؟ .. مانعرفش نوصلها؟
(حماده)
_ علي بيقول انه منحدر عاااااااالي ... ماتتقدريش تشوفي آخره.
(سيليا تتجه لسيد باكية)
_ اعمل حاجة يا سيد ارجوك .. لازم نروح ونجيبها .
(سيد ممدوح)
_ نروح فين؟ .... وازاي؟
(سيليا)
_ ارجوك يا سيد لازم نتحرك ... مش معقولة نسيبها هناك لحد ما تموت ... ارجوكم لازم نعمل حاجة .. دلوقتي تكون لوحدها وخايفة جدا ...
(شروق)
_ سيليا ... ده بقول منحدر ما تعرفيش تشوفي اخره.
(سيليا)
_ مش مهم .. انا مايهمنيش الكلام ده لازم نروح ونجيبها تاني .. نوسي لازم ترجع معانا.
(محمد كرويم)
_ انا طالع ادور على علي.
(محمد فرج)
_ وانا جاي معاك.
(سلمى)
_ سيد .. مصطفى ارجوكم بلاش الصمت ده واعملو حاجة.
(سيد ممدوح مصدوما)
_ نعمل ايه؟ ... البنت ماتت ...
(سيليا تصرخ بشدة)
_ لأ ... نوسي عايشة ... انت ليه بتعمل كده؟ قوم لازم تعمل حاجة .. قوم انت المسؤول هنا اتصرف.
(مصطفى يتجه ل عين الحياة قائلا بصوت منخفض)
_ لو سمحتي يا عين تعالي معايا شوية.
(تستمر سيليا بالكاء والجميع في حالة ذهول تام منتظرين عودة علي مع كريم ومحمد)

الحلقة التاسعة من مسلسل اللعبة 3 21c62e4da7

(في غرفة مصطفى حيث يفتش في اغراضه ثم يخرج اقراص دواء يعطييها ل عين قائلا لها)
_ عين ده ... دي ادوية مهدئ انا جايبها معايا من مصر .. انا كنت فاكر اني هحتاجها ..
(عين الحياة)
_ انت بتاخد مهدئات؟
(مصطفى)
_ لأ .. قصدي يعني جبتها معايا عشان لو ... بصي دلوقتي .. سيليا لازم تاخد مهدئ لان وضعها مش طبيعي .. واي حد برا محتاج لازم نديله مهدئ لحد ما نعرف نوسي حصلها ايه .. فاهماني؟
(عين الحياة)
_ حاضر .. انا هديها المهدئ فورا.

الحلقة التاسعة من مسلسل اللعبة 3 32fdc307cd

(بعد عودة محمد كرويم ومحمد فرج وعلي للمنزل يشرح علي ما حصل للجميع وهو في حالة رعب شديد تقوم عين الحياة باعطائه مهدئا حتى يهدئ وبعد مرور بعض الوقت)
(محمد فرج)
_ احنا بئالنا نص ساعة ساكتين .. وبعدين يعني لازم نعمل حاجة.
(سالي)
_ هنعمل ايه؟ ... علي قال ان نوسي وقعت من مكان عالي جدا .. مكان ما تقدرش تشوف الارض منه ... يعني نوسي ... ماتت.
(سيليا)
_ لأ ... مش ممكن ... مش ممكن تكون راحت بسهولة كده.
(محمد فرج)
_ يا جماعة احنا لازم نتحرك .. جايز تكون لسى عايشه واحنا هنا قاعدين بنعيط.
(محمد كرويم)
_ الكلام ده مزبوط .. احنا لازم نحاول ننقذها بدل حالة الصدمة دي.
(مصطفى)
_ هي ازاي وقعت اساسا؟ .. حد زئها؟
(علي)
_ لأ .. احنا كنا بندور عليكم وانا كنت ببص حوليا وبحاول الاقي طريق للرجعة .. المكان كان كله شجر وكان مظلم اوي ... فجأة سمعت صراخها .. رحت لهناك .. شفت الحجارة بتتحرك وبتوقع لتحت .. حتى مالحئتش امسك ايدها .. نزلت بثواني لتحت.
(حماده)
_ انا كنت في مكان تاني .. فضلت ادور عليكم لحد ما لقيت علي وقالي.
(مصطفى)
_ انتو ازاي ضعتو كده؟؟ .. الطريق كان واضح وسهل.
(سيد ممدوح ينطق اخيرا)
_ انا متحمل المسؤولية الكاملة عن الي حصل .. لازم نرجع للمكان الي وقعت فيه ونجيبها .. عايشة او مش عايشة .. لازم ارجعها لأهلها.
(حماده)
_ ازاي بس هنجيبها؟ .. المكان بعيد دي لو كانت لسى عايشة مش هنلحئها .. احنا لازم نبلغ حد يجي يساعدنا .. فرق بحث يجيبو طيارات او اي حاجة ويدورو عليها قبل فوات الاوان.
(محمد كرويم)
_ الكلام ده صحيح .. احنا لازم نتصل بفرق بحث وبالبوليس ونقلهم ع الي حصل هم حيكونو اسرع وافضل مننا بالبحث .. الدنيا ليل ازاي هنوصل للمنحدر مشي وبعد كده نشوف اخره فين وننزل لأخره وندور فيه؟ .. تكون راحت وقتها ده لو لسى في امل.
(مصطفى)
_ مافيش تغطية هنا انا حاولت كتير .. مش هنعرف نتصل بحد .. لازم احنا نروح بنفسنا وندور عليها.
(سالي)
_ مش هنلحئ .. لو كانت .. لسى عايشة مش هنلحئها.
(علي)
_ انتو مش فاهمين .. المكان كان عالي جدا .. جدا.
(شيكا)
_ مافيش غير نروح العربيات ونمشي من هنا حالا لحد ما ترجع التغطية من تاني ونتصل بحد يساعدنا.
(سيليا تقف بحماس قائلة)
_ ايوا هو ده الحل .. احنا نرجع بالعربيات والتغطية ترجع من تاني ونتصل بالبوليس وهم يجيبو طيارات ولا ايه حاجة ويلاقوها.
(عين الحياة)
_ يبئى نروح للعربيات فورا ومن غير ما نضيع وقت .. يعني ماحدش ياخد معاه حاجة لازم نستغل الوقت .. قلت ايه يا سيد؟
(سيد ممدوح)
_ طبعا يلا بينا بسرعة .. بس الكل يفضل مع الجماعة لحد ما نوصل العربيات احنا مش ناقصين.

(يتوجه الجميع باتجاه السيارات مسرعين على امل التمكن من انقاذ نوسي يتسابقون للوصول للسيارات لينطلقو عائدين ويكون اول الواصلين محمد فرج الذي سبق الجميع وبعد ان وصل واطلع على العربيات يلتفت باتجاه الجميع بعد ان وصلو قائلا)
(محمد فرج)
_ العربيات!!! ...
(شيكا)
_ ايه وقفت ليه؟ .. يلا الكل يدخلو الباص وانت يا محمد معايا عالعربية.
(محمد فرج)
_ استنى يا شيكا ... مش هتقدر تسوق.
(محمد كرويم)
_ ايه في ايه؟؟

(يصل الباقي للمكان متوقفين ليسمعو رد محمد الذي يقول)

الحلقة التاسعة من مسلسل اللعبة 3 5edc0b15dc

_ احنا هنفضل هنا .. العجال كلها بايظة يعني العربيات مش هتشتغل ... في حد حبسنا هنا

الى اللقــــــاء فــــــي الحلقـــــة القـــــادمــــــه ....

عضو العمر : 37

يلهوووي عليك يامرعب حتي مش مدينا الفرصة اننا ننقذ البنت
تسلمي يانونتي

الإدارة العمر : 36

تسلمي يا حنان على الحلقة الجامدة

بس حرام البنت راحت في شربة مية والسبب روميو المجنون

Admin العمر : 35

ههههههههههههه معلش يا سيليا ده مرعب هنقوله ايه دي شغلته

Admin العمر : 35

احنا نطالب باعدام روميو ده قتل نوسي Sad

عضو العمر : 37

الله عليكي يانونا من اجمد الحلقات حتي الان بس لسه مفيش دليل قاطع ان نوسي ماتت ممممممم عايز تفكير امممم

Admin العمر : 35

hamada staar كتب:: الله عليكي يانونا من اجمد الحلقات حتي الان بس لسه مفيش دليل قاطع ان نوسي ماتت ممممممم عايز تفكير امممم

ميرسي يا حماده والحمدلله انها من اجمد الحلقات وفعلا مافيش دليل ان نوسي ماتت لازم نتاكد الاول

هههههههههههههههههههههههههههههههههه اى خدمة ياجدعان كلكم هتحصلوها ماتقلقوش ههههههههههههههههههههه والله كانت طيبة هههههههههههههههه

Admin العمر : 35

romio amar كتب:: هههههههههههههههههههههههههههههههههه اى خدمة ياجدعان كلكم هتحصلوها ماتقلقوش ههههههههههههههههههههه والله كانت طيبة هههههههههههههههه

تمام يا مرعب اديني موتلك نوسي الغلبانه راضي كده pirat

هههههههههههههههههههههههههه لالالالالالا مش راضى طبعا انا عايز اموت شروق وسالى وسيليا هههههههههههههههههههههههههههههههه

Admin العمر : 35

ههههههههههههههههههه شروق وسالي وسيليا كمان يا ساتر طيب خليها للرابع على الاقل نخلي ناس يكملو معانا اصبر انت بس وانا اظبتك ههههههههههه

مشرفة العمر : 38

والله انتى عايزة تجننينى نووسى ايه اللى ماااااتت بعد الشر انتى خلاص هتموتى فينا واحدة ورى التانية انا عارفة ههههههه
بس بجد فعلا من اجمد الحلقات تسلم ايديك

عضو العمر : 28

جااااااااااااااااااااامدة يا حنان اويييييييييي تسلم ايديك بس رميو مفتري بجد
يعني يعمل في نوسي كده و كمان يمنعنا اننا ننقذها

Admin العمر : 35

سالى قمر كتب:: والله انتى عايزة تجننينى نووسى ايه اللى ماااااتت بعد الشر انتى خلاص هتموتى فينا واحدة ورى التانية انا عارفة ههههههه
بس بجد فعلا من اجمد الحلقات تسلم ايديك

ههههههههههههههههه انتي لسى مزاجكك موشوش يا سالي هههههههه طيب الاول عدلي مزاجك عشان تروئي معانا وميرسي يا قمر اطمني على نوسي خالص طالما مافيش جثة يبئى مافيش حد مات هههههه منورة كالعاده يا سالي Laughing

Admin العمر : 35

shroukamar كتب:: جااااااااااااااااااااامدة يا حنان اويييييييييي تسلم ايديك بس رميو مفتري بجد
يعني يعمل في نوسي كده و كمان يمنعنا اننا ننقذها

ههههههههههه اه روميو مفتري جدا ميرسي يا قمر

مشرفة العمر : 38

هههههههههههههه طب الموشوشة بتقوولك نزلى الحلقة ال11 يلا احسنلك

Admin العمر : 35

ههههههههههههههههههههه بدري يا موشوشه هههههه قصدي سالي خلي الناس تريح عنيها شوي

عضو العمر : 38

قتلتونى ياولاد اللذينه طب والله لاسلط عفريتى يطلع يظبطكم
تسلمى نونه فعلا حلقه جامده اووى

» الحلقة رقم 15 من مسلسل اللعبة 3
» الحلقة رقم 16 من مسلسل اللعبة 3
» الحلقة رقم 13 من مسلسل اللعبة 3
» الحلقة رقم 23 من مسلسل اللعبة 3
» الحلقة رقم 14 من مسلسل اللعبة 3