(يدخلها الشباب لترتاح في الداخل وهي تسعل بشدة من استنشاق الغاز)
(اسلام)
_ بسرعة لو سمحت ..... سيليا انتي كويسة؟؟
(شيكا)
_ دي بتسعل اوي.
(اسلام)
_ كاسة مية بسرعة يا ايمي.
(وبعد ان حضر الطبيب واعطى سيليا علاجها)
(الطبيب)
_ هو ايه الي حصل؟ ... كان لازم تاخدو بالكم من الغاز .. دي استنشقت منه كتير معقولة ما حستش بحاجة؟!!!
(اسلام)
_ نعمل ايه يا دكتور هو ده الي حصل.
(اميرة اخت القمر)
_ هي هتبئى كويسة؟
(الطبيب)
_ انشاء الله ... ما تقلقوش .. بس خليها تاخد الدوا ده وخدو بالكم المرادي ربنا ستر.
(شيكا)
_ شكرا يا دكتور ... تفضل اوصلك لبرا.
(في الداخل حيث يتحدث مصطفى ل سيليا)
_ لو حصلتلك حاجة هيكون ده زنبي انا ومش هسامح نفسي ابدا .. انتي بئيتي مسؤوليتي ديلوقتي.
(ايمي)
_ بس سيليا لازم ترجع بيتها يا مصطفى ... ما ينفعش تفضل هنا.
(اميرة اخت القمر)
_ ما تقلقش عليها احنا هنفضل جنبها طول الوقت وهنحاول ما نحسسش اهلها بأي حاجة.
(مصطفى)
_ لأ ... مش هينفع اخليها تروح معاكم ... جايز اهلها يعرفو دول ممكن يمتوها فورا.
(شيكا)
_ احنا كلنا هنتدمر لو الشريط ده اتعرض ... مش بس انت وسيليا ... ازاي بس حد فينا يرضى بحاجة زي دي لنفسه؟؟
(اسلام)
_ عايز تقول ايه يا شيكا وضح؟
(شيكا)
_ الي عايز اقوله اننا كلنا هنتضرر لو الشريط ده اتعرض وشريك روميو واحد مننا يبئى هو كمان هيتضرر اوي من نشره ... ازاي عمل حاجة زي دي وهي هتضره هو كمان؟؟؟؟
(اميرة اخت القمر)
_ صحيح ... كل اهلنا واصحابنا وكل الناس الي نعرفهم يعرفو قد ايه احنا مهوسين بالقمر يبئى أي حاجة هتتقال عليه احنا الي هنتبدل عليها وكل الناس هتشمت فينا اوي ومش هنخلص من كلامهم طول عمرنا ده عدا طبعا الي ممكن يحصل ل سيليا ومصطفى من اهلها ... يبئى ازاي حد فينا قبل بكده؟ وهو بردو هيتضرر اوي من الشريط ده؟؟
(محمد قمر)
_ جايز محتاج فلوس وعمل كده عشان روميو هيدفعله.
(شيكا)
_ ممكن ... بس بردو ازاي حد فينا يرضى على سيليا حاجة زي دي؟؟؟؟ مش ممكن ... الحجات دي مافيهاش هزار خالص دي تطير فيها رقاب.
(مصطفى)
_ تطير فيها رقاب؟؟؟ ... انت بتبشرنا من ديلوقتي؟؟
(سيليا باكية)
_ مصطفى ... خليني هنا عندك .... انت مش قلت اني بئيت مسؤوليتك؟؟ ... يبئى ما تتخلاش عني ... انا خايفة اوي ... مش هقدر ارجع بيتنا.
(مصطفى)
_ حاضر ... ما تقلقيش ... انا مش هخلي حد يئزيكي ابدا ... مهما حصل اعرفي اني هعمل أي حاجة عشان احميكي واحافظ على سمعتنا ومش هخلي حد يشوف الشريط ده ابدا مهما دفعت في المقابل.
(محمد قمر)
_ كده ما ينفعش يا جماعة البنت لازم ترجع بيتها انتو هتستعجلو البلاء قبل حدوثه؟؟؟ ما تكشفوش نفسكم بنفسكم لازم ترجع سيليا لاهلها ولا كأنه في حاجة حصلت من الاساس.
(عادل جاد)
_ وافرض اهلها وصلهم الشريط ده زي ما وصلنا؟؟
(محمد قمر)
_ كانو وقتها هيطلبو سيليا بالتلفون الف مرة .... دول ما رنوش عليكي خالص ولا على حد من صاحباتك كمان ... وكمان لو عرفو كانو هيجو هنا فورا ما كانوش هيصبرو اساسا.
(سيليا)
_ ايييه؟؟؟ ... هم ممكن يجولنا هنا؟؟؟
(شيكا)
_ سيليا ارجعي البيت والبنات هيكونو معاكي ومش هيسيبوكي لوحدك خالص ما تقلقيش.
(اسلام)
_ وبعدين انتي بالنهاية بنتهم يعني لو افترضنا انهم عرفو بأي شكل .. انتي اكيد مش هتهوني عليهم ... وقتها هيقولي بنت صغيرة ضحك عليها فنان مشهور واستغل اعجابها فيه وهيجو ل مصطفى يخلصو عليه هو .. يعني ما تقلقيش.
(مصطفى ساخرا)
_ يا سلااااااااااام ... طمنتنا اوي يا راجل ... طب كنت قلت كده من الاول كنا كلنا اطمنا بدل البهدلة دي.
(اسلام)
_ انا اسف يا مصطفى مش قصدي اخوفك بس ده الواقع والناس كلها هتقول كده كمان .... منه لله .... منه لله الي كان السبب بس.
(مصطفى)
_ انت تعرفه؟؟؟؟
(اسلام)
_ وانا اعرفه منين؟؟
(شيكا)
_ من الورقة الي تركها روميو ... انت الوحيد الي شفت اسم شريكه ومش عايز تقلنا عليه ... كده ما ينفعش يا اسلام انت لازم تقلنا هو مين عشان اخلص عليه فورا ... الفلوس عمرها ما تكون مبرر للتجارة بشرف الناس وسمعتهم مهما الواحد كان محتاج او عنده ظروف قاسية.
(اسلام)
_ ايوا ... عشان تموته حضرتك من غير تفكير ...عشان كده انا مش هتكلم ولا هقول هو مين لحد ما اتأكد الاول ... جايز روميو بيضللنا بالاسم ده وبس.
(عادل جاد)
_ طبعا المجرمين دول اكيد ليهم طلبات عشان ما ينشرو الشريط ده صح؟؟
(محمد قمر)
_ طبعا ... واكيد هيتصلو بينا يبلغونا بطلباتهم .. احسن حاجة نستنى اتصالهم.
(اسلام)
_ مصطفى هو ....
(مصطفى)
_ ايه يا اسلام عايز تسئل حاجة؟
(اسلام)
_ اه ... عايز اسئلك عن السلسلة بتاعتك .. هي ما تسرئتش منك قبل كده؟
(مصطفى باستغراب)
_ سلسلتي انا ؟؟؟ الي لابسها دي؟؟ ... لا ما حدش سرئها مني واديني لابسها .. انت بتسئل السؤال ده ليه؟
(اسلام)
_ لا ما فيش حاجة انا بس كنت عايز اتأكد.
(عادل جاد)
_ تتأكد من ايه؟ وايه دخل الي احنا فيه ده بسلسلة مصطفى ديلوقتي؟
(اسلام)
_ لا .... لا مافيش ... هو بس كان في حاجة سمعتها وحبيت اتأكد منها.
(شيكا)
_ يلا بينا نوصلك يا سيليا وما تقلقيش ما فيش حاجة هتحصل قبل ما الناس دي تتصل الاول وتقلنا طلباتها ... اخ بس لو ماكنتيش بالحكاية دي كنت روحتله السجن وخلصت عليه وارتحت.
(مصطفى)
_ خدي بالك من نفسك يا سيليا ... ولو ... يعني لو ... لو اهلك عرفو أي حاجة فجأة قوليلهم أي حاجة .... حتى لو حطيتي الحق عليا انا لحد ما يهدو على الاقل ... وتعاليلي فورا اوعي حد فيهم يعملك حاجة.
(سيليا ناهضة للخروج)
_ ربنا يستر .... انا هفضل مرعوبة وفايئة طول الوقت .. ولو حصلت أي حاجة بلغوني بيها على طول.
(في سيارة شيكا بعد ان اوصلو سيليا والبنات)
(شيكا)
_ كان لزومه ايه سؤالك عن السلسلة في وقت زي ده؟
(محمد قمر)
_ اه صحيح يا اسلام .. ايه حكاية السلسلة دي؟
(اسلام)
_ ما فيش ... اصله قال انها ما تسرئتش منه .. و روميو كان كاتب بالورقة ان سلسلة مصطفى معاه ... طب هتكون معاه ازاي وهي مع مصطفى بنفس الوقت؟؟
(شيكا)
_ بسيطة .. بيكدب ... ده دليل على انه بيكدب علينا يعني الاسم الي انت شفته بالورقة مش شريكه ولا حاجة.
(اسلام)
_ ومين قال اني كنت مصدقه اساسا؟؟ انا عارف انه بيقلبنا على بعض وبس وانه كداب ... اساسا كلامه كله مش منطقي ولا حاجة كلام غريب.
(محمد قمر)
_ يا جماعة ديلوقتي احنا بمصيبة .. دي كارثة .. ولو ما عملناش حاجة هنضيع كلنا.
(شيكا)
_ ومش كده وبس ... أي حد من اهل سيليا لو شاف الشريط ده هيخلص على مصطفى ومش هيتحاكم كمان .. هيقولو جريمة شرف.
(اسلام)
_ واحنا كلنا هنتفضح العمر كله.
(محمد قمر)
_ طيب والعمل ؟؟؟ .... نروح ل روميو السجن؟؟؟ لازم حد فينا يتصرف.
(اسلام)
_ لا ... احنا هنستناه هو يتصل بينا ويقول عايز مننا ايه؟ ربنا يصبرنا بس.
(في منزل نوسي)
(نوسي)
_ يا ادي المصيبة ... انتي بتقولي ايه يا اميرة؟؟؟؟
(رانيا)
_ وايمتى حصل الكلام ده ؟؟
(اميرة اخت القمر)
_ مبارح ... بعد ما رجعنا كلنا من الغدا .. مصطفى طلبنا عنده المكتب.
(رانيا)
_ واحنا ؟؟؟؟ .... ليه ما حدش كلمنا؟؟؟
(ايمي)
_ هو طلب اميرة بس عشان تكون جنب سيليا وتاخد بالها منها وانا كنت معها بعربيتها عشان كده رحت المكتب معهم.
(البرنسيسة سالي)
_ وسيليا حاولت تموت نفسها كمان؟؟؟!!!! ..... كل ده حصل مبارح واحنا مش داريين بحاجة؟
(نوسي)
_ دي كارثة .... اكيد سيليا منهارة اوي ديلوقتي.
(ايمي)
_ لما رجعناها البيت اديناها مهدأ ... طبعا كان لازم نعمل كده عشان اهلها ما يحسوش بحاجة.
(رانيا)
_ المجرم ده زودها اوي ... واحنا لازم نعرف مين شريكه ده الي هان عليه يعمل فينا وبنفسه كده.
(اميرة اخت القمر)
_ هنعرفه ازاي ده؟ ... هم ياخدو الي هم عايزينه بس الكارثة دي تخلص على خير والا كلنا هنتبهدل اوي.
(البرنسيسة سالي)
_ هنتبهدل وبس ...؟؟؟ .... انا مش هقدر ابص في وش حد من اهلي لو الكلام ده اتعرف ... صاحبتي والفنان الي انا مجنونة بيه من صغري .... يالهوي دي كارثة.
(رانيا)
_ هي كارثة عالكل ... الحكاية كبرت اوي يا جماعة وبئت خطيرة علينا كلنا.
(البرنسيسة سالي)
_ اه وبكرة كمان يعملو في أي حد فينا الي اتعمل ب سيليا وده مش بعيد كلها فبركة صور ونروح بداهية.
(ايمي)
_ هو احنا ناقصين كمان؟؟؟؟
(رانيا)
_ ما اظنش ... الشريط الي معاهم كفاية انهم يطلبو عليه فلوس كتيرة اوي هيحتاجو غيره في ايه؟؟؟
(نوسي)
_ تفتكرو هيطلبو على الشريط ده ايه؟
(اميرة اخت القمر)
_ قولي هيطلبو كام؟ ... اكيد هيطلبو مبلغ كبير اوي ومصطفى هيضطر يدفع مهما كان المبلغ كبير ... ده مصيبة ما كناش متخيلنها.
(يتوجه مصطفى ل زيارة روميو بالسجن غير قادر على الانتظار ودون ان يعلم أي احد بهذه المقابلة وحين يقابله ويراه يضحك روميو ضحكة انتصار قائلا)
_ اخيرا جيت تزورني؟ طب فيك الخير والله.
(مصطفى)
_ بقلك ايه بلاش الاسلوب ده وخلينا واضحين مع بعض.
(روميو)
_ ممكن .... ممكن نكون واضحين بس انت مش هتستحمل وضوحي خالص .. الافضل اجيلك حبة حبة.
(مصطفى)
_ انت فرحان بنفسك؟؟؟ انت مش شايف انت بئيت فين؟؟
(روميو)
_ والله انا فرحان بنفسي جدا والفرحان ده جابك وراه لحد هنا للمكان الي مش عاجبك ده .. وعلى فكرة لولا كرمي معاك كنت رفضت الزيارة دي وما كنتش خليتك تحلم تقابلني.
(مصطفى)
_ واثق من نفسك اوي.
(روميو)
_ طبعا واثق ... هو انت لسى شفت حاجة؟
(مصطفى)
_ انا مش فاهم ازاي قدرت تقنع حد من الشباب انه يبئى شريك؟ اكيد طمعته بالفلوس مش كده؟؟
(روميو)
_ الي انت ما تعرفوش ان الشخص ده شريكي من زمان ... من ايام ما هددتك اول مرة ... يعني هو نفد منها وانا دخلت هنا لوحدي .. بس معلش هو بيعوضني بردو اصله لو ما سمعش كلامي انا هدخله معايا هنا وهدمره.
(مصطفى)
_ ااااااااااه بئى كده ... يعني شريكك ده بيعمل كل الي بيعمله وبيساعدك عشان خايف منك تكشفه وتبلغ عنه صح؟
(روميو)
_ وكمان عشان الفلوس ... هو المبلغ الي هياخده قليل؟؟؟ ده انا ابيع اهلي عشان مبلغ زي ده.
(مصطفى)
_ مبلغ ايه انا مش فاهم ... انت فاكر هتاخد مني قد ايه يعني؟؟
(روميو)
_ لااااا ده مش منك انت ... انسى موضوع الفلوس دي عشان انا مش هدفعك انت فلوس.
(مصطفى)
_ انا مش فاهم حاجة .... لو مش عايز مني فلوس يبئى عايز مني ايه؟؟؟؟
الى اللقاء في الحلقة القادمه .............
موضوع: حلقة رقم 14 من مسلسل اللعبة 2 