نوسي تقول وهي داخلة الى المكتب)
_ ايوا مزبوط ..... مستغربين ليه؟ ايوا انا شريكة روميو.
(اسلام)
_ انتي بتخرفي بتقولي ايه؟؟
(نوسي بحزن شديد)
_ زي ما اسمعتو ... كلامكم كله صح ... انا فعلا شريكة روميو.
(اميرة اخت القمر)
_ نوسي انتي بتعملي كده ليه؟؟ ... انا عارفة انك بريئة.
(نوسي)
_ لا انا مش بريئة ... انا مجرمة ..
(سيليا بغضب شديد)
_ يعني انتي الي رتبتي حكاية حبسي انا ومصطفى؟؟؟ ... انتي الي كنتي هتموتينا؟؟؟
(شيكا)
_ نوسي ... هو في حد ضغط عليكي عشان تقولي كده؟
(البرنسيسة سالي)
_ فهمينا يا نوسي ارجوكي.
(نوسي)
_ لا .... انا ما حدش غصبني على حاجة ... وانا بعترف اهو.
(ايمي)
_ يا خسارة .... يا خسارة يا نوسي .. بئى انتي تعملي كده؟ وليه؟ عشان فلوس؟
(مصطفى)
_ عملتي كده ليه يا نوسي؟؟
(سيليا بغضب شديد)
_ انت لسى هتسئلها؟؟؟ احنا نكلم البوليس فورا يجي ياخدها من هنا .. ولا انا ممكن اقتلها لو فضلت هنا لحظة واحدة.
(شيكا)
_ اهدي يا سيليا خلينا نفهم في ايه بالضبط؟
(سيليا)
_ اهدا ازاي؟؟؟؟ ... انتو مش سامعين دي اعترفت؟؟
(شيكا)
_ قول حاجة يا اسلام وفهمنا ... نوسي اسمها كان بورقة روميو وما ارضتيش تقولنا؟؟؟
(اسلام)
_ لا مش هي ... الاسم كان لحد غيرها.
(رانيا)
_ عادي ممكن يكون روميو مش عايز يكشفها.
(اسلام)
_ نوسي انتي معترفة انك شريكة روميو؟؟
(نوسي بغضب)
_ قلتلك اه ... انا شريكته ..
(اسلام)
_ طيب .. لو كنتي فعلا شريكته يبئى تجاوبيني عالسؤال ده.
(نوسي)
_ انا مش قادرة اجاوب على اي اسئلة.
(اسلام)
_ لا لازم تجاوبي عشان افهم ولا مش هصدقك.
(نوسي)
_ تقصد ايه؟؟؟
(اسلام)
_ لو كنتي فعلا شريكة روميو يبئى تقوليلي اسم مين الي كان بالورقة الي تركها روميو لينا؟؟
(نوسي)
_ وانا هعرف منين؟؟ .. هو الي تركها مش انا ...
(ينظر كل من مصطفى والشباب ل نوسي مستغربين وشاعرين بالراحة بنفس الوقت فيبتسم مصطفى قائلا)
_ بس روميو ما خرجش من السجن بتاعه ... يعني شريكه هو الي حط المغلف الي انتي لقيتيه جنبي؟
(سيليا)
_ الكلام ده معناه ايه؟؟؟؟
(اسلام)
_ يعني نوسي مش شريكة روميو ولا تعرف عنه حاجة .. احنا لسى ماوصلناش للمجرم الحقيقي.
(اميرة اخت القمر)
_ انا كنت متأكدة من برائتها.
(رانيا)
_ كدبتي ليه يا نوسي؟؟؟
(تنفجر نوسي من البكاء)
_ عشان اشوف مين الي هيصدق اني مجرمة ... اهئ اهئ .. انا مش هعرفكم تاني .. خلاص ... خلاص ... اهئ اهئ ... انتو مش ممكن تكونو صحابي ابدا ولا عمركم حبيتوني ... يا خسارة .. يا .. يا خسارة ...
(يستمع الكل ل نوسي خجلين لانهم صدقو انها مجرمة وبعد ان تقول كلامها تتجه للباب تريد الخروج فيتبعها مصطفى وقبل ان تفتح الباب يمسكها من زراعها موقفا لها قائلا)
_ نوسي .. استني ... معقولة عايزة تسيبينا كده؟ احنا كلنا بنحبك ..
(فتقف نوسي ويزداد بكائها منهمرة بالبكاء على كتفه مما يؤثر في الجميع مقتربين منهما شاعرين بالندم والاسى عليها)
(مصطفى)
_ يا حبيبتي .. للدرجادي مجروحة؟؟ .. طيب خلاص قطعتي قلبي ... خلاص يا نوسي انا هعوضك ...
(شيكا)
_ احنا اسفين يا نوسي دي حاجة تخجل والله ... فعلا حاجة تكسف ان الاخوات يشكو ببعض كده.
(ايمي)
_ نوسي حقك عليا ده انا طلعت وحشة اوي.
(رانيا)
_ انا اسفة يا نوسي بجد ما كنتش اقصد اجرحك انا بس قلقانة اوي.
(الرنسيسية سالي)
_ كلنا قلقانين والله ... احنا بس بنفكر مع بعض عشان نعرف مين هو المجرم ده.
(محمد قمر)
_ ما تزعليش مننا يا نوسي انتي عارفة غلاوتك عندنا قد ايه.
(شيكا)
_ خلاص بئى سيبي الراجل يا بت.
(اسلام)
_ خلاص والنبي يا نوسي ما تزعليش مننا.
(نوسي)
_ مش عارفة ....
(مصطفى)
_ لا يا نوسي لازم تعرفي .. احنا ما نقدرش على زعلك ابدا انتي غالية علينا كلنا والله ... انا هعزمكم كلكم عالغدا يا جماعة وهنتغدا مع بعض كلنا ومافيش اعذار ولا تهرب وبمكان عام كمان خلي الناس تجننا صور.
(اميرة اخت القمر)
_ يا سلام دي فكرة تجنن.
(اسلام)
_ قلتي ايه يا نوسي؟؟؟ ... هتكسفينا؟
(نوسي)
_ ايوا بس انا ...
(ايمي)
_ انت لسى زعلانة؟؟ ... خلاص بئى القمر عازمك عالغدا هتكسفيه؟ و في حد يكسف القمر بردو؟
(نوسي)
_ بس تبئى عزومة بنات .. بدل الحفلة الي بوظوها الشباب علينا.
(اسلام)
_ بئى كده يا نوسي؟؟ واحنا الحق علينا الي بنراضي فيكي تحرمينا من العزومة؟؟
(ايمي)
_ يا سلاااام وانا كمان معاكي يا نوسي خلينا نتهنى شوية.
(سالي)
_ بجد فكرة جميلة اوي بس هناكل كتير اوي ماليش دعوة.
(مصطفى)
_ يعني الشباب يغلطو وانا الي ادفع؟؟ انا ذنبي ايه اعزم الجيش ده كله؟
(اسلام)
_ لا ولسى ايدك يا باشا على حصتنا من العزومة طالما خلتوها بنات بس يبئى احنا نتغدا بمكان تاني بعيد عنكم.
(مصطفى)
_ لو فاكر انك هتتغدا على حسابي تبئى بتحلم انا لو مافضلش معايا فلوس النهارده هضطر اغني للمطعم ببلاش.
(الكل)
_ هههههههههههههه.
(شيكا)
_ روحو انتو وانبسطو واهم حاجة نوسي ترضى واحنا تتعوض في يوم تاني يلا بينا ياجماعة نروح بيوتنا نتغدا فيها اكرملنا.
(في المطعم)
(البرنسيسة سالي)
_ كويس ان المشكلة دي حصلت عشان الخروجة الجميلة دي.
(ايمي)
_ يا ريتها كانت حصلت من زماااااان.
(نوسي)
_ حرام عليكم بجد.
(اميرة اخت القمر)
_ انا لو كنت اعرف كده كنت اتهمتك بنفسي ومن بدري كمان.
(مصطفى)
_ خلاص يا بنات كفاية هزار تقيل .. البنت مش ناقصة خفة ظل.
(رانيا)
_ بس احنا كده رجعنا للمشكلة الاولى بتاعتنا ... في حد مننا شريك روميو واحنا مش عارفينه.
(مصطفى)
_ مش بالضرورة يكون حد مننا احنا بالذات.
(سيليا)
_ تقصد ايه يا مصطفى؟ ازاي يعني؟
(مصطفى)
_ يعني ممكن يكون اي حد في ماس او من صحابكم عالنت لكن مش مننا احنا.
(ايمي)
_ اااااه .. ده وارد فعلا يا جماعة ... ممكن يكون حد من القمراوي الي نعرفهم عالنت ومش بعيد يكون حد من اصحاب روميو الي احنا ما نعرفهمش كويس.
(اميرة اخت القمر)
_ ده احتمال كبير اوي.
(نوسي)
_ وكمان ممكن يكون محمد حمدي ... هو ماله مختفي كده فين بقاله مدة؟؟
(رانيا)
_لا حرام هو بس مشغول شوية بس بيكلمني وبيكلم اسلام وعارف كل حاجة وبيحاول يطمن علينا منه كل ما يقدر.
(ايمي)
_ بس ده لوحده مش كفاية ممكن يكون هو فعلا شريك روميو.
(البرنسيسة سالي)
_ يا جماعة احنا جايين هنا نفرح ونتهنى شوي وننسى الهموم دي ... خلونا نقفل على كل ده ونفرح شوي بئى.
(نوسي)
_ معاكي حق يا سالي والله كفاية الي حصل ... وبالمناسبة دي وطالما قمرنا الجميل قالي هعوضك يبئى لازم توافق على طلبي الي هطلبه منك ده وفورا كمان.
(اميرة اخت القمر)
_ برافوووو يا نوسي ... باين عليكي هتدخلي على حاجة جامدة اوي تفضحينا بيها.
(نوسي)
_ ده كله جزء من التعويض يا ختي .. حد كان قالكم تظلموني كده؟
(مصطفى)
_ يعني العزومة دي كلها جزء من التعويض؟؟؟؟ ... يااااااه على كده بايني هدفع التعويض كله لوحدي.
(نوسي)
_ تقريبا.
(رانيا)
_ طيب يا ختي اشجيني واطلبي طلبك جايز يكون معقول.
(نوسي)
_ حاجة بسيطة .. بس رقصة سلو مع القمر.
(الكل)
_ ايييييييييييييه؟
(رانيا)
_ لا يمكن طبعا.
(اميرة اخت القمر)
_ انتي مش معبرة وجودنا ولا ايه؟؟
(البرنسيسة سالي)
_ الكلام ده يحصل لو عايزين جثة في المكان.
(سيليا)
_ لو فيها رقص يبئى انا اولى بيها منكم كلكم انتو ناسين انا حصلي ايه قبل كده؟ فين تعويضي انا كمان؟؟؟
(ايمي)
_ وبعدين احنا اساسا بمكان عام يعني مش هينفع.
(نوسي)
_ يعني ايه يا مصطفى؟؟ .. انت بترفض تعوضني؟
(مصطفى)
_ هو انا قلت حاجة؟
(سيليا)
_ ولا تقدر تقول .. خلاص احنا قررنا عنك.
(نوسي)
_ لااااا كده كتير انتو بتعملو كده ليه؟؟؟
(مصطفى)
_ يا جماعة ارجوكم ما ترجعوش تتخانئو تاني احنا ما صدقنا.
(رانيا)
_ انت مش سامع طلبت ايه؟؟
(مصطفى)
_ يعني هي كفرت لما طلبت الطلب ده؟ مالكم اتعصبتو اوي كده؟؟؟
(رانيا)
_ ما هو يا ترقص مع الكل يا بلاش.
(نوسي)
_ يا سلام ... وهيحصل ايه يعني لو ماسمعش كلامك؟؟
(رانيا)
_ مش هيحصل طيب خالص.
(مصطفى)
_ خلاص بئى كفاية خنائ وتهديد ببعض .. ولا امشي واسيبكم تتدفعو الحساب لوحدكم ... يلا بينا نروح عايز ارجع المكتب انا نسيت عادل كنت متفق معاه يرجعلي ديلوقتي يتجنن.
(وعند وصول مصطفى للمكتب عائدا وهو في غاية السعادة بعد مشواره مع البنات وجد عادل ينتظره في الداخل وهو بغاية الانزعاج والتوتر)
(مصطفى)
_ انا اسف بجد عارف اني خرجت وانسيتك بس حصلت فجأة والله .. اصلي خرجت مع الشباب و ... مالك يا عادل في ايه؟ انت مدايق من حاجة؟؟
(عادل جاد)
_ خد ده شوفه.
(مصطفى)
_ ايه ده؟؟ .... شريط ايه ده؟
(عادل جاد)
_ شوفه وانت تعرف.
(مصطفى)
_ طب ما تقلي انت فيه ايه وخلاص؟
(عادل جاد)
_ اقول ايه بس؟ شوفه بنفسك وانت تعرف.
(مصطفى)
_ حاضر حشوفه .. بس انت جبته منين ده؟
موضوع: حلقة رقم 12 من مسلسل اللعبة 2 