_ انت بتعمل ايه؟؟
(اسلام مرتعبا)
_ شيكا .... ايه انا ... انا ..
(شيكا)
_ ما تجاوب في ايه؟
(اسلام)
_ صوتك يا اخي الكل نايم.
(شيكا بصوت منخفض)
_ ماشي يا خويا .. يلا بينا نتكلم برا.
(في خارج المنزل)
(شيكا)
_ ممكن تفهمني كنت بتعمل ايه جوا؟؟؟
(اسلام)
_ ما .. مافيش كنت بس عايز ...
(شيكا)
_ ما تنطق ... كنت عايز من مصطفى ايه؟؟
(اسلام)
_ انت مالك متعصب عليا اوي كده؟ ما تهدا شوية يا اخي.
(شيكا)
_ يعني عايزني اقلك ايه وانا شايفك بتقرب من الراجل وهو نايم وياعالم كنت عايز تعمله ايه؟ .. خد بالك يا اسلام الي بيحصل ده بيحطك ب دائرة الشبهات انت كده اكتر واحد مشتبه بيه خاصة انك رفضت تقولنا شفت ايه بالورقة الي تركها روميو لينا.
(اسلام)
_ لا انا ماليش دعوة صدقني ... انا بس كنت عايز اتأكد من حاجة.
(شيكا)
_ كنت عايز تتأكد من حاجة بمصطفى؟؟؟؟ ازاي يعني مش فاهمك.
(اسلام)
_ كنت عايز اشوف لو كان لابس السلسلة بتاعته ولا لا ... اصل روميو ... روميو كتب بالورقة التي تركها انه شريكه اخد من مصطفى سلسلته واداهاله وانها معاه ديلوقتي.
(شيكا)
_ يعني ايه؟ سلسلة مصطفى دلوقتي مع روميو؟؟؟ هتكون وصلتله ازاي؟ حد فينا خدها من مصطفى من غير ما يحس؟
(اسلام)
_ الي اقدر اقوله ان شريك روميو هو الي خد السلسلة منه وسلمها ب ايديه ل روميو.
(شيكا)
_ بس مصطفى لو كان فقد السلسة كان حس بفقدها ... ده دايما بيلبسها وطول عمره لابسها كمان ...طيب ماتقولي مين هو الي انكتب اسمه بالورقة وتخلصني جايز نفهم في ايه بالضبط.
(اسلام)
_ انا عارف انك قلقان اوي يا شيكا وانك عايز تنتقم من روميو على كل حاجة عملها فينا وفيك انت بالتحديد ... لكن انا مش هتكلم الا بالوقت المناسب لما اتأكد من هوية الشريك ده الاول.
(شيكا)
_ يعني انت عندك شك بيه؟؟
(اسلام)
_ مش عارف ... انا تايه اوي ... اصل الي قرأته بالورقة ده كلام مايتخيلهوش بني ادم على وش الارض ... ده كلام خطير اوي ولو صح فعلا يبقى حياتنا كلنا هتتقلب فوقاني تحتاني وكل حاجة هتتغير فينا ... بس هو عالاغلب تخريف منه بس عشان يشبكنا ببعض.
(شيكا)
_ ماشي يا اسلام ... مش عايز تقول انت حر بس انا مصيري اعرفه و وقتها مش هرحمه ابدا انا هقتله .. عارف ليه؟ لان احنا مسؤولين بدرجة الاولى عن كل القمراوية الي جوا دول .. احنا الي جمعناهم سوا وعرفناهم ببعض واحنا مجبورين ندافع عنهم ونحميهم والي حصل ل سيليا ونوسي ما يتسكتش عليه خالص ... دول كانو هيموتو وحياتهم تعرضت للخطر على ايد واحد موجود بينا ديلوقتي ومش هامه حياتهم ولا حتى سمعتهم ... وقاعد بينا بكل برود بيتفرج علينا وبيئزينا ... انا مش ههدا ابدا قبل ما اعرفه وانتقم منه انتقام ماحصلش حتى لو هضيع بسببه.
(في اليوم التالي عاد الجميع الى منازلهم وتوجه اسلام مع شيكا ومصطفى لمكتبه ليتناقشو)
(مصطفى)
_ عادل راح بيبلغ البوليس وهيفهم منهم ليه وافقو يخرجو روميو بكفالة من السجن وهيبلغنا اول ما يفهم كل حاجة .. هو مش هيتأخر زمانه جاي بالطريق.
(شيكا)
_ انت قلتله ع الي حصل؟؟
(مصطفى)
_ اه طبعا قلتله وشرحتله كل حاجة بالتفصيل بس نبهت عليه مايجبش سيرة سيليا بالبوليس هو بس هيقول ان روميو رجع يهددنا تاني وهيحاول يشرحلهم خطورته علينا.
(اسلام)
_ تفتكر يا مصطفى روميو خطير فعلا علينا؟
(مصطفى)
_ والله الي شفته انا وسيليا بيديل على انه خطر جدا علينا كلنا خاصة بعد حكاية شريكه دي الي طلعتلنا مش عارف منين.
(في هذه اللحظة يرن هاتف مصطفى فيرد عليه قائلا)
_ عادل طمني حصل معاك ايه؟ .. ايه؟؟؟
(يقف مصطفى متفاجئا ثم يغلق الخط)
(شيكا)
_ ها يا مصطفى في ايه؟
(اسلام)
_ البوليس رفض يرجعه السجن؟؟
(مصطفى)
_ البوليس بيقول ... انه روميو ما خرجكش من السجن اساسا عشان يرجعله تاني.
(شيكا)
_ ايه؟؟ ... انت متأكد من الكلام ده يا مصطفى؟؟
(مصطفى)
_ عادل جايب الكلام ده من البوليس وهو جايلنا ديلوقتي.
(اسلام)
_ اقعد يا مصطفى واهدا .. يعني هو وشريكه يقدرو يعملولنا ايه؟ يجرب يغلط فينا تاني ويشوف احنا هنعمل بيه ايه.
(شيكا)
_ انا بقيت قلقان اكتر من الاول .. احنا لازم نعرف مين هو الشريك ده.
(اسلام)
_ ما تقلقناش يا شيكا ... هو يعمل ايه يعني؟؟
(شيكا)
_ الي زي روميو ده ممكن يعمل اي حاجة ... اسئلني انا .. انا الي اعرفه.
(في هذه اللحظة يدخل عادل من الباب منزعجا)
(مصطفى)
_ عادل انت متأكد من الي قلته؟
(عادل جاد)
_ طبعا متأكد ... الضابط استغرب جدا لما قلتله انه روميو طلع عليكم وهددكم ده مش في صالحنا على فكرة بكرة يقولو اننا اتبلينا عالراجل.
(مصطفى)
_ الظاهر ان الي هددنا كان شريكه مش هو.
(عادل)
_ ده اكيد طبعا.
(شيكا)
_ هنعرفه ازاي ده؟ ... ده خطر عالكل لانه بينا واحنا واثقين فيه انا مش مستحمل الوضع ده.
(عادل جاد)
_ واحنا كمان يا مصطفى عندنا شغل ... احنا مش هنفضل مشغولين بالراجل ده كده ماينفعش.
(مصطفى)
_ اعمل ايه يا عادل؟ هو الي عامل الحرب دي علينا كلنا ومش عايز يسيبنا بحالنا.
(اسلام)
_ يعني روميو غرضه ينتقم مننا ... ده فهمناه انما شريكه ده عايز ايه بالضبط انا مش فاهم؟؟
(شيكا)
_ جايز روميو بيدفعله فلوس.
(مصطفى)
_ المهم يا شباب اي حد فيكم تحصل معاه حاجة يبلغ الباقي فورا وحزرو البنات وبلغوهم ب الي حصل ده كمان عشان ياخدو بالهم من نفسهم.
(شيكا)
_ ماشي هنبلغهم .. وانت كمان لو حصل معاك اي حاجة بلغنا بيها الحكاية دي تخصنا كلنا.
(مصطفى)
_ طبعا.
(في منزل رانيا حيث طلبت حضور كل البنات ما عدا نوسي)
(اميرة اخت القمر)
_ في ايه يا رانيا؟ طلبتينا بسرعة كده ليه؟
(سيليا)
_ وبعدين ليه مش عايزة نوسي تعرف ان احنا عندك هنا وليه اساسا ما طلبتيش منها تيجي هي كمان؟؟
(رانيا)
_ لان الكلام الي هقوله يخصها ومش عايزاها تسمعه.
(ايمي)
_ ازاي يعني يا رانيا؟
(رانيا)
_ بس مش عايزاكم تنفعلو اسمعوني للاخر.
(سالي)
_ قلقتينا يا رانيا هو في ايه؟
(رانيا)
_ انا ... عندي شك ان نوسي هي شريكة روميو.
(الكل)
_ اييييييييييه؟؟؟
(سالي)
_ لالالالا يا رانيا انتي بتقولي ايه؟ نوسي صاحبتنا ومش ممكن تفكر تعمل كده ابدا.
(ايمي)
_ انتي جبتي الكلام ده منين اساسا ان كان اسلام رفض يقول الاسم الي لقاه بالورقة.
(رانيا)
_ من حركاتها ... اولا طلبت مننا نخطف مصطفى عشان الحفلة واصرت عالحكاية دي وده كان اقتراحها هي من الاساس ويا عالم كان غرضها ايه من الخطف ده لولا ان الشباب لحقونا ولخبطو خطتها .. وثانيا الرعب الي عيشتنا فيه ... دي افتعلت مرتين انها مرعوبة جدا وانه اغمى عليها من الرعبة وطلبت مننا نمشي من المكان وده اكيد عشان خافت انه روميو فعلا يفتن عنها وتبان حقيقتها .. كل ده بيقول انها هي شريكة روميو ... ومش كده وبس .. هي كمان الي لقت مصطفى لما كان ضايع وهي الي لقت المغلف جنبه وجابتهولنا وهي مش عارفة فيه ايه.
(اميرة اخت القمر)
_ كل ده فكرتي بيه يا رانيا؟؟ ... ده الموضوع شاغل بالك اوي.
(رانيا)
_ تقصدي ايه يا اميرة؟؟ .. انا شكيت ب نوسي غصب عني من الي بتعمله .. انا ما بتبلاش على حد.
(اميرة اخت القمر)
_ بس نوسي صاحبتنا ومننا وفينا ومش ممكن تعمل كده.
(سيليا)
_ و روميو كمان كان صاحبنا.
(اميرة اخت القمر)
_ سيليا ... حتى انتي؟؟؟ ... يعني انتي كمان مع رانيا بتشكي ب نوسي؟؟؟
(سيليا)
_ الي عايزة اقوله ان شريك روميو بالاخر هو واحد مننا سواء نوسي او غيرها .. روميو كان صاحبنا اوي وكنا بنحبه جدا انما غدر فينا وخدعنا وماكناش نشك بيه خالص.
(ايمي)
_ وهي نوسي هتعمل كده ليه؟؟؟ ... ايه مصلحتها يعني؟
(رانيا)
_ جايز الفلوس ... مش يمكن روميو وعدها بفلوس ولا حاجة؟ جايز محتاجة واضطرت تعمل كده وبعدين هو اتخلى عنها وحب يكشفها قدامنا عشان ماعادش محتاجها.
(ايمي)
_ تصدقي صح ... وجايز يكون كمان وعدها بحب ولا حاجة من دي.
(اميرة اخت القمر)
_ كده ما يصحش يا ايمي ده كتير.
(سيليا)
_ ما تتعصبيش يا اميرة كده احنا بس بناخد كل الاحتمالات.
(اميرة اخت القمر)
_ ايوا بس ده حرام نوسي واحدة مننا مش ممكن اصدق ابدا انها تغدر بينا لاي سبب.
(البرنسيسة سالي)
_ احنا لازم نواجهها ... جايز تعترف من نفسها من غير ما تتورط اكتر من كده.
(رانيا)
_ وانا بفكر بكدة بردو.
(سيليا)
_ يعني ايه؟ لو طلعت هي هتسامحوها؟؟؟؟ ده لا يمكن ابدا انا كنت هموت بسببها ... قلبي كان هيوقف مش ممكن نعدي ده ابدا انا بقلكم من ديلوقتي.
(ايمي)
_ اهدي يا سيليا احنا لسى مش متأكدين.
(سيليا تقف منزعجة)
_ انا بس بقولكم ... الي عمل فيا كده مهما كان انا مش هعديله الحكاية دي ابدا لا يمكن اسامحه مهما حصل ولازم هيتعاقب وبنفسي هعاقبه.
(اميرة اخت القمر)
_ ماشي يا سيليا بس يا ريت ما تستعجليش بحكمك على نوسي .. احنا لسى بنفترض.
(في وقت لاحق ... في منزل نوسي حيث كانت تبكي بحرقة وتتكلم مع اميرة)
(اميرة اخت القمر)
_ خلاص بئى يا نوسي كفاية بكى قطعتي قلبي ... انا ندمانة اني قلتلك.
(نوسي مخنوقة من البكاء)
_ ازاي ..... ازاي .....از ... ازاي يشكو ... يشكو بيا ..كده؟
(اميرة اخت القمر)
_ يا حبيبتي كفاية عياط انتي مش قادرة تاخدي نفس ... خلاص اهدي انا مصدقاكي والله وما عنديش ايشك بيكي.
(نوسي)
_ ب ... ب ... بكرة ... اهئ اهئ ....
(اميرة اخت القمر)
_ يا حبيبتي اهدي عشان افهم بتقولي ايه ... كفاية بكى ارجوكي.
(نوسي)
_ بكرة .... م ... مصطفى ..... بكرة ... يسمع ويصدق .. اهئ اهئ اهئ.
(اميرة اخت القمر)
_ انتي بريئة يا نوسي ... وانا مش هخلي حد يضرك او يتهمك ابدا .. قومي اغلسي وشك ارجوكي وارحمي نفسك بلاش اهلك يشوفوكي بتعيطي كده.
(نوسي)
_ صعبان ... ص .. صعبان عليا ... يصدقو عني كده ... ازاي ... ازاي هنت عليهم؟؟ ....اهئ اهئ ... ازاي ... يشكو ... بيا ... ب .. بيا انا؟؟؟؟
(اميرة اخت القمر)
_ ميسيرهم بكرة يعرفو انك مظلومة.
(نوسي)
_ وقتها هستفيد ايه اه؟؟؟ .... ما خلاص ... خلاص شكو بيا و .. خلاص .. انا ما حدش .. يشك بيا .. اساسا .. هم نسيو .. هم نسيو انا مين؟؟ يشكو بصاحبتهم ازاي ؟؟؟ ازااااااااااااااااي ؟؟ ... اهئ اهئ اهئ اهئ.
(اميرة اخت القمر)
_ يا ادي المصيبة ... انتي هتموتي نفسك عياط كده يا نوسي انتي مش قادرة تتنفسي خالص ... ارجوكي كفاية ارحمي نفسك كده حرام .. قومي معايا اغسلي وشك يلا و ربنا يحلها.
(نوسي)
_ انا .... انا مش هسكت ... انتي تقوليلهم كلهم ان انا عايزة اشوفهم ... كلهم.
(اميرة اخت القمر)
_ تشوفيهم ليه؟ .. نوسي احنا مش عايزين مشاكل كفاية الي احنا فيه.
(نوسي)
_ اميرة ... ارجوكي ... اجمعيهم كلهم بمكتب مصطفى .. انا عايزاهم.
(في مكتب مصطفى في وقت لاحق)
(عادل)
_ انت مشيت الكل من المكتب ليه يا مصطفى احنا عندنا شغل؟
(مصطفى)
_ شغل ايه؟ ... انا ديلوقتي قلقان اوي ... الشباب كلهم هيجو كمان شوية لهنا عايزيني بحاجة مهمة يبئى اكيد عرفو مين شريك روميو وعايزين يبلغوني بيه.
(عادل)
_ اجتماع خاص يعني؟
(مصطفى)
_ ايوا خاص .. لحد ما افهم عايزين يقولو ايه وبعدها افهمك.
(عادل)
_ يبئى انا امشي نص ساعة كده وبعدين ارجعلك تاني.
(مصطفى)
_ ماشي مستنيك ما تتأخرش عليا.
(حين يخرج عادل يدخل الشباب بنفس الوقت ملقين التحية و متوجهين للداخل)
(مصطفى بقلق)
_ ها يا جماعة قلقتوني في ايه؟ عرفتو شريك روميو؟؟
(اميرة اخت القمر)
_ نوسي هي الي هتقول.
(محمد قمر)
_ ليه هي نوسي تعرف حاجة؟؟
(رانيا)
_ باين هتألف عشان تبعد عنها الشبهة.
(مصطفى)
_ شبهة ايه انا مش فاهم حاجة.
(شيكا)
_ هي نوسي فين؟
(اميرة اخت القمر)
_ جاية ورانا شوية وتوصل.
(مصطفى)
_ يا جماعة حد يفهمني طيب هو انتو عارفين حاجة؟؟
(سيليا)
_ احنا شاكين ب نوسي وهي عارفة اننا بنوجهلها الاتهام الاول واكيد جاية تدافع عن نفسها قدامنا.
(اسلام)
_ نوسي؟؟؟ ... ايه الكلام الفارغ ده؟ لا طبعا مش هي.
(ايمي)
_ يعني مش هي الي روميو كتب اسمها بالورقة التي لقيتها؟؟
(اسلام)
_ لا مش هي ... انتو جبتو منين الكلام ده؟؟
(مصطفى)
_ على فكرة انا مش هقبل اي اتهام من غير دليل.
(رانيا)
_ كل الدلائل بتقول انها نوسي يا مصطفى.
(نوسي تقول وهي داخلة الى المكتب)
_ ايوا مزبوط ..... مستغربين ليه؟ ايوا انا شريكة روميو.
موضوع: حلقة رقم 11 من مسلسل اللعبة 2 