( في هذه اللحظة يظهر امام نوسي شيء مرعب فتصرخ مخيفة الجميع)
_ ااااااااااااااااااااه.
(رانيا برعب شديد)
_ مالك في ايه؟
(نوسي مرتعبة)
_ مش عارفة .... حاجة طلعت قدامي.
(البرنسيسة سالي)
_ حاجة ايييه؟ شبح؟؟
(شيكا)
_ شبح ايه انتي كمان؟
(نوسي)
_ مش عارفة في حاجة مرت قدامي يا جماعة.
(مصطفى)
_ تلاقيه عنكبوت ولا حاجة.
(اميرة اخت القمر)
_ انتي ارعبتينا ... ايه ده؟ كل دي صرخة؟
(ايمي)
_ بتعملي ايه؟ انتي هتقعدي؟؟؟
(نوسي)
_ مش قادرة ... اترعبت اوي رجليا مش حملاني.
(البرنسيسة سالي)
_ انا مش هكمل معاكم انا خايفة اوي.
(مصطفى)
_ لا يا جماعة ارجوكم لازم نكمل مع بعض للاخر لو تحبو ارتاحو شوية وبعدين نكمل.
(سيليا)
_ لا نرتاح ايه؟؟؟ نمشي احسن عشان نخلص بسرعة من الليلة دي.
(ايمي)
_ هي الليلة قلبت غم كده ليه؟ كان مفروض نحتفل ونتبسط مش نترعب كده.
(رانيا)
_ كله بسبب الشباب الي اتفقو علينا وهدو كل حاجة.
(شيكا)
_ انتو تحمدو ربكم ان احنا جينا اساسا ولا كان روميو استفرد بيكم وانتو مامعكمش راجل يحميكم ويدافع عنكم قصاده.
(مصطفى)
_ ماتحترم نفسك يا شيكا ... مين دول الي مامعمهش راجل؟
(شيكا)
_ هههههه مش قصدي بس انت رحت فيها من اول عفريت شوفته.
(مصطفى)
_ انا عارف ايه الي مخليني مصغر عقلي كده وسايب بيتي وشغلي وحياتي كلها وجاي هنا وسط الاشباح والهياكل العظمية؟ ... احنا نرجع احسلنا.
(اسلام)
_ وشريك روميو؟ ... هنعرفه ازاي؟ ده ممكن يكون أي حد فينا.
(مصطفى)
_ ايواااااا ... ممكن يكون أي حد فيكم .. عشان كده انا مش هعرفكم بعد كده ومش هخلي حد فيكم يقرب مني خالص ده اسلم حل عشان افضل في السليم وبالنسبة لتهديد روميو فأنا هكلم البوليس وهطلب منهم يرجعوه للسجن تاني وبكده اخلص وارجع لشغلي وحفلاتي الي سايبها كده .. ده حتى اهلي مابقتش بشوفهم ولا بعقد معاهم.
(رانيا)
_ دي انانية على فكرة ... روميو هددنا كلنا يعني ممكن يئزي أي حد فينا مش انت بس الي متهدد منه ... احنا كلنا بالهوا سوا مايصحش تفكر بنفسك وبس.
(ايمي)
_ ايوا كلام رانيا صح .. انت ازاي تفكر تتخلى عننا كده؟ احنا متهددين بسببك.
(مصطفى)
_ انا مش اناني ولا حاجة ... انا بس عايز اخلص وارتاح جايز لو تفرقنا كلنا وكل واحد فينا راح لحال سبيله وعاش حياته بعيد عن الباقي تنحل المشكلة والخطر يزول و روميو يمل ويبعد عننا بئى.
(محمد قمر)
_ وتفضل طول عمرك خايف منه ومن شريكه يطلعولك بأي وقت؟؟؟ احنا نواجه من ديلوقتي وكلنا مع بعض عشان نخلص من المجرم ده.
(شيكا)
_ هو يعني هيكون فعلا كاتب اسم شريكه؟؟ هيعمل كده ليه اساسا ان كان شريكه؟ مش معقولة هيفتن عليه.
(محمد قمر)
_ جايز يكونو اختلفو مع بعض ولا حاجة فعايز ينتقم منه ويبلغنا عنه.
(نوسي صائحة فجأة)
_ ااااااااااااه ... ااااااااااااه .... اااااااااااااااااااااااااااه.
(اسلام)
_ نوسي في ايه؟
(اميرة اخت القمر وهي تمسك ب نوسي التي سقطت ارضا)
_ دي اغمى عليها.
(يتجمع القمراوية حول نوسي خائفين)
(مصطفى)
_ هو ايه الي حصل؟
(شيكا)
_ فوقيها يا اميرة.
(اميرة اخت القمر)
_ نوسي .... نوسي انتي سامعاني؟؟ يا نوسي فوقي بئى ماتقليقناش عليكي.
(رانيا)
_ هي شافت ايه المرادي؟
(سالي)
_ انا خايفة وعايزة اخرج من هنا.
(رانيا)
_ اميرة انتي كنتي جنبها هي حصلها ايه؟
(اميرة اخت القمر)
_ مش عارفة ... انا ماشفتش حاجة.
(سيليا)
_ طيب خلونا نحملها لفوق ونفوقها بمية ولا بحاجة.
(ايمي)
_ يعني هنطلع خلاص؟ ... طيب والورقة الي قال عليها روميو؟؟
(سالي)
_ انا عايزة اخرج من هنا ... ماليش دعوة بروميو ولا بغيره.
(مصطفى)
_ خلاص ... هتخرجو ... شيكا لو سمحت تقدر تخرجهم لفوق؟؟
(شيكا)
_ ماشي .. انا هاخد البنات لفوق وهفضل معاهم .. وانتو كملو الطريق ولما تخلصوا حنا فوق ما حدش فينا هيتحرك من البيت الليلة وابئو طمنونا ع الي بيحصل.
(اسلام)
_ ماشي ... وخد بالك من نوسي يا شيكا.
(شيكا)
_ ماتقلقش ... يلا يا بنات معايا نسندها ونخرج من هنا ... كلكم تفضلو معايا مش حد فيكم يتوه عني ولا يضيع.
(في الاعلى حيث يتجمع البنات وشيكا حول نوسي التي تستيقظ قائلة)
(نوسي)
_ انا فين؟؟؟
(شيكا)
_ ماتقلقيش ... انت في مكان امن ... احنا خرجنا من القبو خلاص.
(اميرة اخت القمر)
_ انتي ايه الي حصلك يا نوسي؟؟ ارعبتينا كلنا عليكي.
(رانيا)
_ نوسي هو انتي شفتي حاجة خوفتك؟؟
(نوسي)
_ انا ؟؟ .... اه .. اه شفت حاجة ترعب اوي كويس انكم خرجتونا من تحت.
(سيليا)
_ للدرجادي؟؟ ... هو انتي شفتي ايه بالضبط؟
(نوسي باكية برعب)
_ انا ... انا شفت عين بتبصلنا وبتتحرك بشكل مرعب .. كانت بتبصلي كده من خزءة صغيرة في الحيطة .. كانت مرعبة جدا ... انا خايفة اوي.
(شيكا)
_ عين بتبصلك؟؟
(ايمي)
_ عين حقيقية يعني ولا ايه؟
(نوسي)
_ مش عارفة ... مش عارفة ولا عايزة اعرف .. انا بس عايزة امشي من هنا.
(شيكا)
_ مش هنقدر يا نوسي ... احنا لازم نستنى للصبح الاول.
(رانيا)
_ بس ماتقلقيش ... احنا هنا كلنا مع بعض ... وبعدين هنا المكان امن انتي بس خفتي عشان تحت في القبو كان في حجات مرعبة جدا انما هنا مافيش حاجة اهو.
(سيليا)
_ كلها عمايل روميو المجرم .. هو وشريكه الي طلعلنا بالسحبة ده.
(نوسي)
_ انا مش مرتاحة وعايزة امشي ارجوكم.
(رانيا)
_ نوسي مالك مستعجلة كده ليه؟ قلنالك ما تقلقيش احنا معاكي.
(البرنسيسة سالي)
_ هم تحت اتأخرو ليه؟ انتو مش خايفين يكون ده فخ ليهم؟
(شيكا)
_ اكبر غلطة عملناها ان احنا وافقنا ننزل لتحت ... كلنا عارفين ان روميو بيتسلى بينا مش اكتر .. ده عايز يتعبلنا اعصابنا ويكرهنا ببعض .. غرضه واضح.
(رانيا)
_ بس احنا ادينالو الفرصة دي عشان سمعنا كلامه من الاول.
(ايمي)
_ ربنا يطلعهم من تحت بالسلامة .. و روميو مصيرة يوقع ب ايدينا.
(شيكا)
_ وقتها شوفي هعمل بيه ايه؟؟ احنا بينا تار قديم لسى ماخلصش .. لسى حسابنا كبير مع بعض يا روميو وبكرة نشوف مين الي هيغلب بالاخر.
(في الاسفل ... في القبو حيث وصل كل من اسلام ومحمد ومصطفى لاخر الطريق حيث امامهم نهر من الدم مملوء بالجماجم المخيفة و وراء هذه النهر مائدة تحتوي على اناء وبقربها ورقة غريبة الشكل تركها روميو لهم)
(مصطفى)
_ احنا هنعبر للجهة التانية ازاي؟
(محمد قمر)
_ مش معقولة ننزل بالدم ده.
(اسلام)
_ امال هنجيب الورقة ازاي؟؟ ده احنا ما صدقنا اوصلنا هنا نرجع من غيرها؟؟
(مصطفى)
_ لا .. نرجع من غيرها ده ايه؟؟ ... احنا لازم نجيبها بأي شكل.
(اسلام)
_ احنا نجمع الهياكل دي ونحطها ببركة الدم وانا هعبر من فوقها للجهة التانية واجيب الورقة.
(محمد قمر)
_ نجمع ايه؟ انت عايزنا نمسك الجماجم دي ب ايدنا؟؟
(اسلام)
_ وفيها ايه؟؟ انت فاكرها حقيقية يعني؟ ولا يمكن يكون روميو فعلا دابح ناس ومستينهم يبقو هياكل كده عشان يرعبنا بيهم؟ يا ابني دول كلام فارغ مش بيعملو حاجة ... يلا بينا ساعدوني عشان نجيب الورقة ونخلص.
(مصطفى)
_ انا موافق بس خد حزرك احسن توقع مش هتلاقي حد يطلعلك.
(وبعد ان يعبر اسلام للجهة الاخرى ويفتح الورقة ويقرأ ما بها يتعكر مزاجه وينزعج منها)
(مصطفى)
_ ماتخلصنا يا اسلام وتقول في ايه بالورقة عندك؟
(اسلام)
_ مش مهم ... ده كلام فارغ وتهريج احنا مش لازم نديلو اي اهمية.
(مصطفى)
_ يعني ايه؟ مش هتقولنا فيها ايه؟؟ هو انت فاكر ان احنا جينا هنا عالفاضي؟
(محمد قمر)
_ الورقة الي معاك فيها اسم حد فينا يا اسلام واحنا لازم نعرف هو مين.
(اسلام)
_ انا هشق الورقة دي وهرميها ببركة الدم لان الي فيها تخريف وكلام فارغ ومش عايز حد فيكم لو سمحتم يسئلني كان فيها ايه؟ كلنا عارفين انه روميو بيحاول يلعب بينا وانا مش هديله الفرصة دي.
(مصطفى)
_ انت بتعمل ايه يا مجنون؟؟؟ ... ده شقها بجد .. انت ازاي تعمل كده؟ يعني تعبنا كله راح هدر ديلوقتي؟
(اسلام)
_ احنا نعمل زي ما انت قلت يا مصطفى .. كل واحد فينا يروح لحاله وننسى روميو ده خالص ... وانت تكلم البوليس يرجعوه السجن تاني وخلاص بئى عايزين الحكاية دي تنتهي لحد هنا ... مش عايزينها تكبر اكتر من كده.
(في الاعلى حيث يتجمع الكل)
(شيكا)
_ يعني ايه شقتها؟ ... انت ازاي تعمل كده؟
(رانيا)
_ معقولة يا اسلام؟ بئى كل المخاطرة الي خاطرناها دي كانت عالفاضي؟
(ايمي)
_ طب ما تقلنا كان فيها ايه وتخلصنا؟
(مصطفى)
_ ماتحاولوش معاه مش هيقول ... ده انا بقالي ساعة بقنع فيه مافيش فايدة مصر مايتكلمش انا تعبت معاه.
(اسلام)
_ مافيش داعي اقول حاجة انتو كلكم عارفين انه روميو عايز يوقعنا ببعض واحنا مش هنديله الفرصة دي.
(سيليا)
_ يا اسلام قولنا كان فيها ايه واحنا مش هنعمل حاجة ولا هنشك بأي حد فينا صدقني.
(اسلام)
_ مش صحيح ... انا لو قلت الشك هيطارد الكل ومش هنخلص وكلنا هنتهم الشخص الي اسمه انذكر بالورقة التي تركها روميو لينا .. يبئى عدم الكلام والسكوت احسن لينا كلنا وخلاص يا جماعة من بكرة كل يوم يشوف حاله وننسى الحكاية دي واحنا هنكلم البوليس عشان نرجع روميو السجن تاني.
(محمد قمر)
_ هو اكيد خرج بكفالة ... مستحيل يفرجو عنه من غيرها.
(اميرة اخت القمر)
_ جميل اوي .. يعني هو مش خارج على طول وهيرجع السجن تاني ونخلص منه بئى.
(مصطفى)
_ بقيتي كويسة يا نوسي؟؟
(نوسي)
_ انا لسى مرعوبة جدا من الي شفته وقلبي كان بجد هيوقف.
(شيكا)
_ ربنا ستر المرادي .. لكن حساب روميو معانا بيكبر يوم عن يوم واحنا مش هنعديله الي بيحصل ده ... ده عرض حياة سيليا للخطر قبل كده والليلة نوسي كانت هتروح فيها من الرعب وعايز يقلبنا على بعض كمان .. الراجل ده هيتحاسب على عمايله دي بس لما يوقع ب ايدي.
(اسلام)
_ احنا ننام هنا الليلة وبكرة ربنا يفرجها.
(وبعد مرور القليل من الساعات والكل في حالة نوم عميق يتجه اسلام بحركات خفيفة دون ان يشعر به احد باتجاه مصطفى الذي كان نائما متسللا ببطئ وبقلق شديد ثم يقترب منه اكثر محاولا ان يرى ما اذا كان يرتدي سلسلة على رقبة وفي اللحظة التي يحاول بها فتح زر قميصه ليرا السلسلة يباغته شيكا قائلا له بغضب شديد)
_ انت بتعمل ايه؟؟
موضوع: الحلقة العاشرة من مسلسل اللعبة 2 