الحلقة الثامنه من مسلسل اللعبة 3

Admin العمر : 35

الحلقة الثامنه من مسلسل اللعبة 3 6e251e184e

( في الصالة الجميع ينتظر العشاء من الشباب والبنات)

(علي)

_ احنا بئالنا كتير بنستنى ماكانش لازم نسيبه لوحده.

(محمد كرويم)

_ انا قلت هنام من غير عشا.

(سالي)

_ انا نفسي ادخل واساعده والله.

(سيد ممدوح)

_ لا يا سالي مافيش داعي القنوانين هنا ماشية عالكل.

(حماده)

_ ايوا بس على فكرة هو ممكن يكون هرب من الشباك من زمان واحنا هنا قاعدين ومستنين.

(سيد ممدوح)

_ طيب ادخلي يا عين واتفقديه.

(شروق)

_ اروح انا كمان معاها؟

(سيد ممدوح)

_ لأ .. عين كفاية.

(تتوجه عين الحياة باتجاه المطبخ تطرق الباب ثم تدخل فتجد الفوضى في كل مكان)

(عين الحياة)

_ ايه ده؟؟؟؟؟؟ ... ايه الفوضى دي كلها؟

الحلقة الثامنه من مسلسل اللعبة 3 A7d4c5c54b

(في الصالة يقف علي قائلا)

_ انا قايم اشوف في ايه؟ انا اسف يا سيد بس مش قادر الفضول هيموتني.

(سيد ممدوح)

_ خلاص نروح كلنا.

(يتوجه الجميع للمطيخ متفاجئين من منظر المطبخ والفوضى التي تعم المكان)

(حماده)

_ ايه ده كله؟ ... اكيد انت بتنتقم مننا.

(مصطفى بارتباك)

_ لا .. هو صحيح المكان متغير شوية .. انما ما تخافوش انا عملت اكل يكفينا كلنا وهتحبوه جدا.

(عين الحياة)

_ ياريتنا كنا عملنا الاكل من الاول بدل الفوضى دي.

(مصطفى)

_ انا هرتب الفوضي دي لما تروحو تنامو انتو ... انما دلوقتي ساعدوني نطلع الاكل برا عشان ناكل ولا انتو مش مصدقني؟

الحلقة الثامنه من مسلسل اللعبة 3 4a65cf67e1

الحلقة الثامنه من مسلسل اللعبة 3 E43c8a42be

الحلقة الثامنه من مسلسل اللعبة 3 7f1660405f

الحلقة الثامنه من مسلسل اللعبة 3 02205434eb

( في الصالة بعد ان اتم الجميع عشائه يجلس الشباب ونوسي في الصالة والبنات في المطبخ يرتبونه)

(محمد كرويم)

_ يعني انا لو مش جعان اوي كده ما كنتش حبيت الاكل.

(سيد ممدوح)

_ حرام عليك يا كريم عايزين نرفع من معنوياته .. تسلم ايديك يا مصطفى الاكل كان كويس.

(مصطفى)

_ المهم انكم مانمتوش جوعانين .. والفوضى الي في المطبخ البنات تبرعو يرتبو كل حاجة ... وانا قضيت العقوبة بتاعتي.

(محمد فرج)

_ كان لازم من الاول يعملو الاكل وخلاص.

(شيكا)

_ ايوا احنا فاشلين بالحجات دي .. ده شغل بنات.

(حمادة)

_ المهم يا جماعة دلوقت .. احنا لازم نسهر ونغني للصبح من اول ما طلعنا الرحلة دي واحنا مقضينها تصوير.

(نوسي)

_ غنى ايه انا تعبانة وعايزة اطلع انام ومش عايزة دوشة كمان.

(علي)

_ لسى بدري عالنوم يا نوسي.

(نوسي)

_ معلش النهار كان طويل جدا ومرهق اوي .. اسهرو انتو براحتكم بس بلاش ازعاج ها .. انا طالعة.

(تصعد نوسي لغرفتها لتنام في حين ان باقي البنات في المطبخ يرتبونه)

(علي)

_ يلا يا مصطفى بئى عايزين اغنية من الالبوم الجديد وانا هصورك فيديو.

(حماده)

_ ايوا يا مصطفى ارجوك عايزين حصريات قبل ما البنات يجو.

(مصطفى)

_ لالالا ما ينفعش .. وبعدين انا عايز اعمل الالبوم الجديد مفاجأة.

(محمد فرج)

_ طيب خلاص غني من القديم.

(محمد كرويم)

_ يعني مثلا غني كنت بخاف انا بحبها جدا.

(علي)

_ اه وانا كمان جدا ونفسي اسمعها منك بجد.

(مصطفى)

_ ايوا بس انا ...

(حماده)

_ ماتقولش لأ يا مصطفى ارجوك .. وبعدين احنا من ساعة ما قابلناك وانت ماغنتلناش خالص.

(سيد ممدوح)

_ غني شوية يا مصطفى ما تتقلش علينا.

(مصطفى)

_ والله مش بتقل ولا حاجة هو بس صوتي تعبان.

(علي)

_ مش مشكلة هيكون تحفة بردو انت صوتك جميل على طول.

(يغني مصطفى ويسهر الشباب قليلا ثم يذهب كل منهم للنوم متعبين جدا)

الحلقة الثامنه من مسلسل اللعبة 3 B0716df527

(في الليل حيث يتمشى مصطفى خارج المنزل ولكن ليس على بعد كبير يسمع صوت رمي حجر من احدا الجهات .. يتوجه للصوت .. يمشي اليه ولكن لا يرا شيئا فيرتاب ويعود للمنزل ويدخل غرفته)

الحلقة الثامنه من مسلسل اللعبة 3 3fae6ca19c

(في الخارج ... روميو)

_ خلاص يا مصطفى قربت ... ماعندكيش فكرة انا محضرلكم ايه.

الحلقة الثامنه من مسلسل اللعبة 3 4b46ca1b6f

(في صباح اليوم التالي في الصالة)

( يخرج شيكا من غرفته ويرا مصطفى جالسا في الصاله لوحده فيقول)

_ صباح الخير يا مصطفى.

(مصطفى)

_ صباح النور.

(شيكا)

_ انت صاحي من بدري؟

(مصطفى)

_ انا؟؟ ... اه صحيت من بدري.

(يجلس شيكا قرب مصطفى قائلا)

_ ممكن نتكلم بصراحة شوية؟

(مصطفى)

_ اه طبعا.

(شيكا)

_ انت هنا ليه؟؟؟

(مصطفى)

_ مش فاهم.

(شيكا)

_ جيت معانا الرحلة ليه؟ ماتقولش انك حابب تطلع معانا الرحلة دي حبا فينا عشان مستوى الحديث يكون حضاري شوية.

(يصمت مصطفى قليلا ثم يقول)

_ عارف حاجة؟ ... انا مش مضطر اجاوبك اساسا افترض الي انت عايزه.

(يقف مصطفى ليخرج فيقف ورائه شيكا قائلا)

_ كنت عارف انك بتحاول تمثل عليا ... انت حتى مش طايئ تتكلم معايا.

(يخرج حماده من غرفته قائلا ل شيكا)

_ صباح الخير يا شيكا .. ايه في ايه؟

(شيكا)

_ مافيش .. كنت بتناقش مع مصطفى هنعمل ايه النهاردة.

(حماده)

_ هنعمل ايه يعني؟ .. هنمشي لابعد من المكان الي روحناله مبارح وهنصور.

(شيكا)

_ انا هدخل المطبخ اشوف حاجة اشربها.

(فجأة يسمع صوت صراخ من الاعلى)

(شروق)

_ اااااااااااااااااااه.

الحلقة الثامنه من مسلسل اللعبة 3 9cb74f0f0d

(شيكا)

_ ايه ده؟؟؟

(حماده)

_ دي شروق.

(يصعد شيكا وحماده للاعلى على اثر الصرخة ومن ثم يخرج سيد من غرفته مذعورا ويصعد الدرج ورائهم بصعوبة
بسبب اصابته ويدخل مصطفى من الخارج ويتبع الجميع للاعلى حيث تجمعو ليعرفو سبب الصراخ)

(يدخل الجميع لغرفة شروق التي تبكي بشكل مستمر مشيرة الى السرير فيقترب شيكا يرا خلف الوسادة مجموعة من الجرزان الميتة)

(شيكا)

_ ايه ده؟!!!!!؟

(محمد فرج)

_ دي جرزان ... جرزان ميتة.

(شيكا)

_ ايه ده يعني هزار؟ ... حد فيكم بيهزر يعني؟؟

(شروق)

_ اااااه ارجوكم خرجوني من هنا.

(عين الحياة تقترب من شروق وتمسكها قائلة لها)

_ تعالي يا شروق انا هنزلك لتحت.

************************************

( في الصالة حيث يتجمع الكل مهدئين شروق التي تبكي باستمرار فيقول لها سيد الذي يجلس قربها ليهدئها)

_ خلاص يا شورق اهدي شوية عشان نفهم ايه الي حصل؟

(نوسي)

_ انا هعملها كاسة لمون عشان تهدا شوية.

(سيليا)

_ هو ايه الي حصل يا شروق؟ .. مين الي عمل كده ومتى؟

(شروق)

_ انا ... انا صحيت ولقيت تحت المخدة بتاعتي القرف ده .. مش عارفة ازاي .. انا كنت نايمة.

(سيد ممدوح)

_ طيب خلاص اهدي .. يعني انتي ماتعرفيش مين الي ممكن يكون عمل كده؟

(شروق)

_ كنت نايمة ... مش عارفة.

(سيد ممدوح)

_ طيب خلاص .. اهدي انتي وكفاية بكى.

(محمد كرويم)

_ مين الي عمل كده؟ ... ده هزار بايخ اوي.

(سالي)

_ انا بخاف من الحجات دي اساسا ولا يمكن اقرب منها يعني مش انا.

(سيليا)

_ ولا انا طبعا.

(سلمى)

_ اكيد مافيش حد من البنات عملها كلنا بنخاف من الحجات دي.

(محمد فرج)

_ وانا كمان بخاف .. لكن ده مش معناه انت البنات كلهم بريئين.

(سيد ممدوح يقف قائلا)

_ الي عمل كده لازم يعترف ... الهزار ده دمه تقيل اوي .. اظن ان احنا جينا هنا عشان ننبسط شوي مش عشان نعمل مقالب
بايخة زي دي ببعض.

(حماده)

_ الي عمل كده اكيد مش هيعترف ... لانه هيخاف بعد القلق الي حصل.

(شروق)

_ بس انا هعرفه .. ولما اعرفه هموته.

(سيد ممدوح)

_ يعني ماحدش هيعترف؟ ... عموما الحكاية دي لو تكررت تاني انا هلغي الرحلة دي كلها وهنرجع مصر فورا.

(محمد فرج)

_ ودلوقتي هنعمل ايه؟

(سيد ممدوح)

_ مش هنتحرك من هنا قبل ما تبئى شروق كويسة ... بجد مش قادر اصدق ازاي حد فيكم يعمل كده ويدمر علينا جمعتنا الحلوة.

(شيكا)

_ خلاص يا سيد اهدا .. لما شروق تبئى كويسة نتحرك كلنا.

(شروق باكية)

_ لا انا مش خارجة معاكم خلاص .. ماعدش ليا مزاج خالص لا لمشي ولا لتصوير ولا لأي حاجة خالص.

(نوسي)

_ اشربي الليمون ده بس وانتي تبئي كويسة .. هتعملي ايه هنا لوحدك واحنا كلنا برا؟

(شروق)

_ انا قلت مش هاجي معاكم وخلاص.

(سيليا)

_ خلاص انا هفضل معاكي .. ما هو مش معقولة هتفضلي هنا لوحدك يعني.

************************************************

( ينطلق الجميع في الرحلة ما عدا شروق وسيليا)

(يتجه حماده باتجاه سيد قائلا له)

_ سيد انا همشي شوية مع علي ونوسي هناك مش هنتأخر هنيجي وراكم ممكن؟

(سيد ممدوح)

_ هتروحو فين؟ .. بلاش تبعدو من هنا.

(علي)

_ ما تخافش علينا مش هنبعد .. تعالا معانا يا مصطفى.

(مصطفى)

_ ها؟ .. انا؟ .. لا انا عايز افضل مع سيد عشان تعبان.

(نوسي)

_ خلاص نروح لوحدنا احنا مش عيال عشان يجي معانا اساسا.

(حماده)

_ تعالا يا مصطفى معانا ارجوك ... سيد مش لوحده.

(سيد ممدوح)

_ خلاص يا مصطفى روح معاهم انا كويس وبمشي اهو.

(مصطفى)

_ ماشي .. عموما احنا مش هنتأخر.

**********************************

(علي)

_ حماده صورني انا ونوسي مع مصطفى وبعدين انا اصورك.

(نوسي)

_ لأ .. انا هصوركم يلا وقفو مع بعض انتو التلاتة.

(مصطفى)

_ على فكرة المكان هنا جميل اوي وممكن نصوره بدل ما نصور نفسنا سيد لو شاف كل الصو دي ليا بدل الطبيعة هيزعل.

(نوسي)

_ صحيح .. احنا جايين نصور الطبيعة هنا مش حاجة تانية.

(علي)

_ بلاش نكد يا نوسي احنا كده مرتاحين وبعدين احنا بنصور الطبيعة بردو.

(نوسي)

_ دلوقت بئيت انا النكدية؟ .. ماشي انا هرجع وانتو افضلو هنا لوحدكم.

(علي)

_ بتعملي ايه يا مجنونة ممنوع حد يمشي لوحده.

(نوسي)

_ يبئى ترجعوني .. انا عايزة ارجع.

(حماده)

_ نرجع ده ايه؟ .. هو احنا هنمشي على امرك؟

(نوسي)

_ خلاص خليكم هنا انا راجعة.

(يتوجه مصطفى باجاه نوسي ممسكا بها وقائلا)

_ نوسي .. استني .. بلاش حركات عيال انا عارف انتي بتعملي كده ليه.

(نويس)

_ بعمل ايه بئى ان شاء الله؟ .. انا بس عايزة ارجع.

(مصطفى)

_ بصي عايزة تاخدي موقف مني خدي زي مانتي عايزة وانا ملاحظ وعارف من اول الرحلة .. انما انك تفتكري انك ممكن تتمردي
على الجماعة وتمشي لوحدك فده لا ممكن .. احنا هنفضل مع بعض.

(نوسي)

_ ومين الي هيمنعني؟ .. انا مش ممكن افضل معاكم ولا دقيقة.

(علي)

_ نوسي اعقلي وبلاش مشاكل.

(نوسي)

_ ايه شايفني مجنونة؟ ... انا هروح سيبوني في حالي بئى.

(مصطفى)

_ استني ... ان كنتي مش قادرة للدرجادي تفضلي مع الجماعة بسببي ... انا الي همشي.

(علي)

_ ايه؟ ... هو ايه الي بيحصل بالضبط؟

(حماده)

_ لا يا مصطفى مش هترجع لوحدك ما ينفعش حد فينا يبعد عن الجماعة ممكن يضيع او تحصله حاجة.

(نوسي)

_ لو مصطفى رجع انا هفضل هنا معاكم.

(مصطفى)

_ للدرجادي؟

(علي)

_ مصطفى نوسي دي بتقول ايه كلام باين انها تعبانة ولا حاجة ...

(مصطفى يقول مبتعدا عنهم)

_ انا راجع ... حماده خد بالك منهم كويس وما تتأخروش عننا.

(علي)

_ عجبك كده؟ .. كانت لازمتها ايه الخنائة دي بئى هو عملك ايه؟

(نوسي)

_ ولا حاجة انا حرة مش طايئاه .. مش قادرة انسى تعامل معانا ازاي لما رحناله المكتب .. انتو ماخدين فيه مقلب كبير الراجل ده
مغرور واناني ومش بيفكر غير في نفسه وبس.

(حماده)

_ ماشي ودلوقتي حضرتك عملتي ايه؟ .. الراجل راح لوحده ولو حصله حاجة هيبئى بسببك انتي.

(نوسي)

_ كنت رحت معاه طالما خايف عليه كده.

(علي)

_ لازم كلنا نرجع خلاص .. يلا بينا يا حماده جايز نعرف نلحئه قبل ما تحصل حاجه لا سمح الله.

الى اللقــــــاء فــــي الحلقــــة القــــادمـــــــه ..............

الحلقة الثامنه من مسلسل اللعبة 3 1325608299

الإدارة العمر : 32

ايه يانوسي كميه الغل اللي فيكي ده ههههههههههههه ده انتي لو علي الحقيقه مش هتعملي كده خالص هههههههههههههه

Admin العمر : 35

هههههههههههههههههههههه نوسي بئت حقودة يا محمد بعيد عنك

الإدارة العمر : 36

Admin العمر : 35

هههههههههههه ميرسي ليكي يا نسرين والله كلك زوء مش زي روميو المجرم Crying or Very sad

عضو العمر : 37

ممممممممممممم شكلك يانوسي انتي الجسوسه هههههههههه

Admin العمر : 35

hamada staar كتب:: ممممممممممممم شكلك يانوسي انتي الجسوسه هههههههههه

ههههههههههههههه ايوه يا حماده هو ده التفكير الصح نووووووووووسي هههههه خليك على الطريق ده اما نشوف هيحصل ايه

هههههههههههههههههههههههههه والله هى البت نوسى دى دايما كدة دماغها ناشفة ههههههههههههههههههههههههه بس بجد حلقة جااااااااااااااااااامدة

Admin العمر : 35

هههههههههههههههه ميرسي يا روميو

مشرفة العمر : 38

لا مش نووووسى يا نونة طالما بتقوووولى اه هى نوسى واثبتوا على كده
تبئى مش نوووووووووووسى

Admin العمر : 35

هههههههههههههه لا يابنتي انا ما قلت شي ممكن تكون هي وممكن لا

عضو العمر : 38

ايه ده انا بعامل القمر كده ايه الغلاسه دى انتوا غلسين مطلعينى غلسه وبارده وعلى مين على حبيبى ماشى ربنا يسامحك يانونه Evil or Very Mad

» الحلقة رقم 11 من مسلسل اللعبة 3
» الحلقة رقم 19 من مسلسل اللعبة 3
» الحلقة رقم 21 من مسلسل اللعبة 3
» الحلقة رقم 22 من مسلسل اللعبة 3
» الحلقة رقم 14 من مسلسل اللعبة 3