الحلقة السابعة من مسلسل اللعبة 3

Admin العمر : 35

الحلقة السابعة من مسلسل اللعبة 3 1554dcc373

(في خارج المنزل حيث يبحث علي وحماده ومحمد فرج عن مصطفى)

(علي)

_ المكان ده بجد جميل جدا وهادي.

(محمد فرج)

_ انت بتقول كده دلوقت انما استنى يطلعلك دب هنا ولا ديب ولا حاجة.

(حمادة)

_ تاني يا محمد؟ .. المكان باين هادي مافيش حاجة تخوف.

(محمد فرج)

_ يعني انت متخيل ان مكان زي ده هيكون امن اوي يعني.

(علي)

_ خلونا ندور على مصطفى دلوقت الفطار مستنينا.

(مصطفى من ورائهم)

_ انا هنا .. انتو بتدورو عليا؟

(محمد فرج)

_ ايوا بندور عليك .. ماحدش شافك من مبارح بالليل.

(مصطفى)

_ ده لاني .. خرجت اتمشى ونسيت الوقت.

(علي)

_ تمشيت طول الليل؟ .. والله معاك حق المكان هنا بجد ينسي الواحد النوم وينسيه نفسه كمان.

(حمادة)

_ طيب كنت قلت كنا اتمشينا معاك.

(مصطفى)

_ خلونا ندخل جوا .. كمان شوي هنخرج كلنا نتمشى مع بعض ونتصور كمان.

(محمد فرج)

_ ماشي .. الفطار مستنينا جوا يلا بينا.

الحلقة السابعة من مسلسل اللعبة 3 3a39d1bd28

( في داخل المنزل يتجمع الكل على مائدة الفطور الكبيرة المليئة بكل اصناف الطعام والشراب وبعد الفطور يحضر الجميع كل ما يحتاجونه من اجل المسير بين الاشجار والصخور لتصوير المكان وينطلقون بسعادة وحماس كبير)

(محمد فرج)

_ انت عرفت المكان ده منين يا سيد؟

(سيد ممدوح)

_ طلبت من دليل سياحي يختارلي مكان جميل وماحدش بيروحله كتير.

(محمد كرويم)

_ في ناس بتيجي هنا انما غالبا سياح من برا .. المكان ده مش معروف اوي من المصرين عشان بعيد شوية .. عشان كده الصور الي هناخدها هتنجحنا بالمسابقة.

(مصطفى)

_ باين متفائل جدا بالفوز.

(سالي)

_ انا مش مهتمة اوي بالفوز .. ماحدش يزعل بس انا بجد كنت محتاجة اجازة من الشغل عشان ارتاح شوية.

(عين الحياة)

_ ودي بجد اجمل رحلة ممكن الواحد يطلعها بحياته كلها.

(سيليا)

_ انا عن نفسي خدت صور كتيرة اوي هتعجبكم جدا.

(شيكا)

_ لو تعبت يا سيد احنا ممكن نوقف شوي.

(سيد ممدوح)

_ بصراحة انا تعبت .. لكن مش هنوقف .. انتو امشو قدامنا واسبقونا وانا ومصطفى هنرتاح شوية وبعدين هنيجي وراكم.

(علي متذمرا)

_ ليه بس كنا نستنى كلنا مع بعض .. انتو كده بتتخلصو مننا.

(سيد ممدوح)

_ احنا هنيجي وراكم على طول .. اهم حاجة تفضلو مع بعض ماحدش يروح هنا ولا هنا احسن نسيبه لوحده.

(محمد فرج)

_ ماتخافش يا سيد انا معاهم والي مش هيسمع الكلام هضربهولك.

(شيكا)

_ هو انت شايفنا عيال؟ .. يلا يا خويا قدامي انا هكون اخر واحد وهراقبكم كلكم.

(يتقدم الشباب امام مصطفى وسيد متشاجرين على رئاسة المجموعة فيجلس سيد قليلا على احدا الصخور
ليرتاح)

(مصطفى)

_ ما كنا رجعنا وكفاية النهاردة انت تعبان.

(سيد ممدوح)

_ رجلي بتوجعني جدا .. بس مش مشكلة انا ماوقفتش عشان كده.

(مصطفى مستغربا)

_ ايه في حاجة تانية؟

(سيد ممدوح)

_ مصطفى انت قلقان جدا وده باين عليك اوي .. الشباب فرحانين اوي ونفسهم يتصورو ويغنو معاك طول الوقت وانت مابتتكلمش
حتى.

(مصطفى)

_ اعمل ايه اكتر من كده مانا بتصور معاهم طول الوقت؟

(سيد ممدوح)

_ ايوا بس مكشر طول الوقت وبتتكلم بالعافية ... مصطفى اول ليلة خيمنا فيها انت فضلت صاحي طول الليل ومبارح بردو طلعت
اتمشيت ومانمتش .. هو انت عندك ارق؟؟

(يصمت مصطفى قليلا ثم يجلس بقرب سيد قائلا)

_ عندي ارق قوي جدا .. مش بعرف انام ابدا.

(سيد ممدوح)

_ ليه ماخدتش منوم؟

(مصطفى)

_ مشكلتي اكبر من مجرد منوم .. هو القلق الي مش عايز يسبني من وقت التهديد بتاع روميو.

(سيد ممدوح)

_ خايف على ولادك؟؟ .. اتصلت بحد؟

(مصطفى)

_ مافيش تغطية هنا خالص .. طول الليل بتحرك من مكان لمكان لحد ما عرفت اتصل ب عادل اطمن منه وبعد دقيقتين فصل الخط.

(سيد ممدوح)

_ المهم انك اطمنت وانهم بخير.

(مصطفى)

_ ايوا هو قال ان مافيش حاجة حصلت .. بس انا الي حاسس اني غلطت .. جيت هنا على امل ابعد روميو عن ولادي ودلوقت بئيت خايف يكون بجد موجود هنا .. الشباب دول ذنبهم ايه لو كان روميو بيلاحئنا لحد هنا؟

(سيد ممدوح)

_ تفتكر يقدر يعملنا حاجة واحنا جماعة كده؟ .. شيل الاوهام دي من دماغك يا مصطفى .. ولادك وعيلتك في مصر عليهم حراسة قوية جدا .. وهنا احنا مجموعة كبيرة وان شاء الله مش هتحصلنا حاجة.

(مصطفى)

_ يارب .. نمشي ولا ترتاح كمان شوية؟

(سيد ممدوح)

_ لا نمشي .. العيال دول مسؤوليتي ولازم افضل معاهم مش عايز اضيع حد منهم.

(مصطفى)

_ يلا بينا انا هساعدك بالمشي.

الحلقة السابعة من مسلسل اللعبة 3 A3d8b9707f

(يتوزع الشباب لالتقاط الصور في المكان)

(حماده)

_ شايفين الصخرة هناك؟ .. ايه ده شكلها يجنن .. انا هتصور هناك مين هيصورني؟

(نوسي)

_ تعالا انا هاجي معاك.

(سيليا)

_ ماتبعدوش .. احنا هنا بنصور.

(حماده)

_ اوك مش هنطول بس نتصور هناك.

(يتجه حماده مع نوسي للصخرة الغريبة الشكل يلتقطون الصور ثم يعودون للتجمع وبعد مرور ساعات على اخذ
الصور)

(شيكا)

_ كل واحد يتفقد الي جنبه الكل موجود؟

(محمد فرج)

_ هو احنا في مدرسة؟؟

(شيكا)

_ ايوا في مدرسة .. كل واحد يتأكد ان مافيش حد ناقص مننا.

(حماده)

_ يا عم الحكاية مش محتاجة خطب الدنيا هتغيم واحنا جعنا اوي وعايزين نرجع البيت ناكل وننام.

(سيد ممودح)

_ خلاص يا شيكا الكل موجود .. تمام كده يبئى نرجع .. النهارده عملنا شغل جميل اوي وخدنا صور تحفة.

(محمد فرج)

_ وانا صورت فيديو كمان.

(سيد ممدوح)

_ كويس .. يلا بينا نرجع البيت.

(سيليا)

_ بس الدور عليكم بالعشا المرادي يا سيد .. احنا كلنا جعنا اوي.

(محمد فرج)

_ ايه؟ دور ايه ده؟

(حماده)

_ الاكل على البنات مالناش دعوة.

(علي)

_ انا احتج واعارض بشدة.

(محمد كرويم)

_ وانا هموت من الجوع مش هعرف اعمل حاجة.

(شيكا)

_ انا كان نفسي اساعد بس بجد تعبان اوي .. انتو البنات تعرفو تعملو اكتر من حاجة بنفس الوقت وانا متأكد مش هنهون عليكم.

(عين الحياة)

_ يبئى الليلة هتنامو من غير اكل.

(محمد فرج)

_ ايه؟؟ .. انا جعان اوي .. وبعدين احنا حتى ما كلناش حاجة من ساعة الفطار.

(سالي)

_ احنا عملنا الفطار والدور عليكم انتو وده اخر كلام.

الحلقة السابعة من مسلسل اللعبة 3 F286a99c9f

(يعود الجميع للبيت متعبين من المشي طيلة النهار ومنزعجين من البنات لانهم رفضو احضار الطعام وعند
دخولهم للمنزل)

(عين الحياة)

_ احنا هنطلع لفوق نرتاح لحد ما تحضرولنا حاجة ناكلها.

(سيليا)

_ بس مش زي الفطار .. لازم يبئى عشى مرتب.

(محمد فرج بتذمر)

_ وانتو بئى هتعملو ايه؟

(شروق)

_ هنطلع لفوق طبعا عشان نرتاح لحد ما الاكل يكون جاهز.

(سلمى)

_ يلا بئى كلكم على المطبخ ما فيش حد معفي.

الحلقة السابعة من مسلسل اللعبة 3 85dbf1579e

(يصعد البنات لغرفهم في الاعلى .. اما الشباب يدخلون المطبخ بتذمر شديد يجلس سيد على
احدا الكراسي ليرتاح من الم ساقه في حين يقول شيكا)

_ هنعمل ايه؟

(محمد فرج)

_ انا ممكن اكل اي حاجة الاقيها قدامي انا جعان جدا.

(سيد ممدوح)

_ احنا مش جايين ناكل هنا يا محمد .. احنا هنفكر هنحضر ايه.

(محمد فرج)

_ بس انا ما بعرفش اعمل حاجة.

(سيد ممدوح)

_ مش مشكلة هنتساعد وهنقسم الشغل ما بينا كلنا.

(محمد كرويم)

_ المطبخ ده كبير اوي وفي حجات كتير انا تهت ومش عارف اعمل ايه؟

(سيد ممدوح)

_ انا هوزع الشغل بينا ماشي؟ ... محمد انت تقطع البندورة عشان السلطة وكريم يقطع معاك الخيار وباقي الحجات الي تخصها.

(محمد كرويم)

_ الي هي ايه بالضبط؟

(سيد ممدوح)

_ السلطة يا كريم هو انت مش سامعني؟

(محمد كرويم)

_ ايوا سامعك بس انت بتقول ان انا هقطع الحجات الي تخص السلطة .. طيب هي ايه الحجات دي؟

(يضحك مصطفى فينظر اليه سيد ثم ينظر لكرويم ويقول بغضب)

_ انت بتتكلم جد؟ ... دي سلطة مش عارف فيها ايه؟

(محمد كرويم)

_ لا مش عارف الطبيخ ده في حاجات صعبة جدا.

(يضحك مصطفى من جديد في حين ان باقي الشباب خائفين منتظرين دورهم في العمل ينظر سيد لمصطفى
بانزعاج ثانية فيقول مصطفى)

_ انا اسف خلاص مش هضحك تاني.

(سيد ممدوح)

_ بص يا كرويم .. السلطة مش طبيخ .. احنا لسى مابتديناش.

(شيكا)

_ انت قطع الخيار دلوقتي ومحمد يقطع البندورة وبعدين نقلكم تعملو ايه كمان.

(سيد ممدوح)

_ ايوا اعملو كده ... وانت يا شيكا هتحط البطاطس بالمية على النار.

(شيكا)

_ هي فين البطاطس؟

(سيد ممدوح)

_ وراك.

(ينظر شيكا ورائه باستغراب دون ان يجد البطاطس قائلا)

_ مافيش حاجة ...

(سيد ممدوح يقف منزعجا ثم يمسك بالبطاطس حمراء اللون ويعطيها ل شيكا قائلا)

_ ودي ايه؟

(شيكا مستغربا)

_ دي؟؟ ... دي لا يمكن تكون بطاطس ابدا .. اعوذ بالله ايه ده؟

(علي)

_ نزلها من ايدك يا شيكا ده بايظة باين.

(حماده)

_ ايوا كلها بكتيريا انت مش شايف لونها عامل ازاي؟

(سيد ممدوح)

_ ااااه .. انا هتجنن ... معقولة مش عارفين دي ايه؟

الحلقة السابعة من مسلسل اللعبة 3 F8085ea578

(محمد فرج)

_ شكلها مش جاي على تفاح .. ممكن تكون .. جوافة؟؟

(مصطفى بحماس)

_ لأ بس قربت اوي يا محمد برافو عليك كمل وهتعرف.

(ينظر سيد لمصطفى قائلا له)

_ يا سلام انت فرحان وشمتان ها؟ ... طيب انت الي هتعمل العشا ده كله لوحدك ايه رأيك بئى؟

(مصطفى)

_ ايه؟؟؟

(علي وحماده ومحمد فرج بصوت واحد)

_ ايه؟؟؟؟؟؟

(سيد ممدوح)

_ ايه مالكم؟ ... انتو كمان سمعتوني .. احنا كلنا هنستنى برا بالصالة معززين مكرمين ونستنى العشا من مصطفى.

(محمد كرويم)

_ يا جماعة انا جعان اوي لو هنفضل نتخانئ كده مش هناكل.

(سيد ممدوح)

_ ما فيش خنائة ولا حاجة انا الريس هنا والمسؤول ... خلاص كلكم برا ومصطفى هيعملكم اكل يجنن.

(مصطفى)

_ لحظة لحظة انتو خارجين فين؟ .. سيد قلهم انك كنت بتهزر ... دول خارجين بجد.

(يخرج الشباب في حين يقول علي)

_ انا كان نفسي افضل معاك يا مصطفى بس بصراحة دي اوامر عليا.

(سيد ممدوح)

_ يلا يا جماعة كلكم برا بلاش كلام كتير .. وانا كمان طالع برا يا مصطفى محتاج حاجة؟ ... كويس انك مش محتاج شد حيلك احنا
مستنين برا.

(يخرج الجميع للصالة في حين يقف مصطفى عاجزا عن الكلام)

الحلقة السابعة من مسلسل اللعبة 3 493278da63

( في الخارج ... يقف روميو ناظرا للبيت مبتسما ثم يقول)

_ افرحو واضحكو زي ما تحبو .. خلاص قربت .. قريبا كلكم هتعيشو اصعب وابشع واخر ايام عمركم

الحلقة السابعة من مسلسل اللعبة 3 Df56aa591e

الى اللقــــــاء فـــي الحلقــــــة القــــادمـــــة ...........

الإدارة العمر : 32

اه منك يا سيد قربت أشك فيك إنت كمان هههههههههه جااامدة قوييييييي الحلقة يا نونا

عضو العمر : 37

ههههههههههههههههه ايوة كده كل حاجة البنات مرة انتو بقي ههههههههههههه
تسلمي يانونتي ويلا بقي عايزة اعرف ايه اللي هيحصل

Admin العمر : 35

ههههههههههههههههه ميرسي يا سيليا الي بعدها جاهزة انزلها امتى ما تحبو
محمد انت بعيد جداااااااااااااااااا عن المجرم هههههههههه

الإدارة العمر : 36

جميلة جداً الحلقة ياحنان تسلم ايديكي

الحلقة السابعة من مسلسل اللعبة 3 Images?q=tbn:ANd9GcSGVKjVW271GSZ9sUdBIJ-aMChiP0qTafqXNoCw1msKuB_uM16HwxWnGWEz8w

Admin العمر : 35

عين الحياة كتب:: جميلة جداً الحلقة ياحنان تسلم ايديكي

ميرسي يا نسرين انتي الجميلة Laughing

عضو العمر : 37

ههههههههههههههههههه هو روميو موروش شغلانه غيرنا ههههههههههههههههههههههه جه ازاي ده الله يسامحك ياللي كان السبب

Admin العمر : 35

ههههههههههههههههههههه بلاش انت يا حماده عشان انت صاحب المرعب واكتر واحد واقف معاه Cool

هههههههههههههههههههههههههههه انا مستنيكم برة اطلعولى ههههههههههههههههه بجد يانونة تسلم ايدك والله الحلقة جميلة اوى

Admin العمر : 35

ميرسي يا روما كلك زوء

عضو العمر : 38

ههههههههههههههههههههههههههه يافقرى يامنكد علينا انت والله لتتقتل

» الحلقة رقم 15 من مسلسل اللعبة 3
» الحلقة رقم 16 من مسلسل اللعبة 3
» الحلقة رقم 13 من مسلسل اللعبة 3
» الحلقة رقم 23 من مسلسل اللعبة 3
» الحلقة رقم 14 من مسلسل اللعبة 3