الحلقة السادسة من مسلسل اللعبة 3

Admin العمر : 35

الحلقة السادسة من مسلسل اللعبة 3 Fbdfd57645

(يتوجه الجميع باتجاه علي الذي يشير لهم على الحفرة التي سقط فيها سيد فاقدا للوعي تماما)

(مصطفى)

_ ده مغمى عليه ... لازم نطلعه انا هنزله.

(محمد كرويم)

_ استنى يا مصطفى .. استنى .. لازم نلاقي طريقة نرفعه فيها من تحت.

(مصطفى)

_ ازاي؟ .. ده مغمى عليه يعني لازم حد فينا ينزله يطلعه.

(محمد كرويم)

_ لازم نجمع شوية اغصان قوية الاول ونربطها ببعض.

(علي)

_ انا هجمع .. ساعدني يا حماده.

(محمد كرويم)

_ دلوقت نربط الاغصان مع بعض وينزل اخف واحد فينا عشان نعرف نطلعهم.

(حماده)

_ انا هنزل.

(محمد كرويم)

_ اوك ... شوي شوي الحفرة عميقة .. لما تنزل تربطه كويس واحنا هنرفعه.

(حماده)

_ وبعد ما ترفعوه؟؟

(علي ضاحكا)

_ بعدها نسيبك ونمشي.

(ينظر الجميع ل علي فيقول حماده)

_ ده وقت هزار برأيك؟ .. الراجل مرمي تحت؟

(علي يضحك قائلا)

_ يعني سؤالك الغريب ده كان ليه داعي؟ .. طبيعي بعد مانطلعه هنطلعك انت كمان.

(مصطفى بقلق)

_ خلاص يا جماعة بسرعة .. لازم نطلعه من تحت.

(محمد كرويم)

_ انزل يا حماده على مهلك.

(حماده)

_ حاضر .... ارميلي الاغصان .. انا هفضل ماسكه وانتو بترفعوه ماتخافوش.

(يقوم مصطفى ومحمد وعلي برفع سيد من الحفرة ثم يرفعون حماده وبعد ذلك يحاولون ايقاذ سيد)

(مصطفى)

_ سيد .. سيد .. انت سامعني؟ .. انت كويس؟؟

(سيد ممدوح يستيقظ بصعوبة)

_ ااااه .. هو ايه الي حصل؟

(محمد كرويم)

_ باين انك وقعت بحفرة صيد .. حاسس بوجع؟

(سيد ممدوح)

_ اااه ...جدا.

(مصطفى)

_ طيب تقدر تقوم؟ .. هنرجعك للعربية .. حاول امشي معانا.

(سيد ممدوح)

_ ااه .. هحاول.

(يتساعد الجميع على ايصال سيد لمكان تجمع البقية وحين يصلون للمكان يقترب الكل جزعين)

(شيكا)

_ ايه ده؟ ... ماله سيد ايه الي حصل؟

(مصطفى)

_ وقع بحفرة .. هندخله العربيه ونشوف يقدر يكمل ولا نرجع؟

(سيليا)

_ هنرجع مصر؟؟

(مصطفى)

_ ده يعتمد على حالته.

(سيد ممدوح)

_ يا جماعة مافيش حاجة انا كويس .. بس ارتاح شوية.

(محمد كرويم)

_ يا جماعة جيبولنا صندوق الاسعافات من الباص.

(عين الحياة)

_ انا هجيبه فورا.

(بعد ان يقوم محمد كرويم بعلاج جروح سيد يرتاح بالسيارة والجميع ملتفون حوله قائلا لمصطفى)

_ انا كويس بس مش هقدر اسوق طبعا.

(مصطفى)

_ لو تحب نرجع فورا .. لازم نتأكد من المستشفى انك كويس.

(سيد ممدوح)

_ انا كويس ... مش محتاجة دكتور هي جروح وبس .. احنا بئينا بعاد اساسا .. هنكمل الرحلة.

(مصطفى)

_ انا هسوق .. ولو تعبت من العربية تطلع مع الشباب بالباص.

(سيد ممدوح)

_ لو سالي بئت كويسة لازم نمشي ضيعنا وقت طويل.

(سالي)

_ انا بئيت كويسة نقدر نمشي لو انت كويس .. انا اسفة ده بسببي انا.

(سيد ممدوح)

_ لا ما تعتزريش مش انت السبب .. انتو بس فكروني احاسب الي كانو السبب .. مش هتعدي كده ها.

(ينظر كل من مصطفى وحماده وعلي ومحمد كرويم لبعضهم البعض باستغراب ثم يقول مصطفى)

_ احنا؟ ... انت جيت ورانا ليه؟ .. كنا راجعين اساسا .. وبعدين احنا انقذنا حياتك على فكرة يعني لازم تعديها.

(حماده)

_ انما انت وقعت الحفرة ازاي؟

(سيد ممدوح)

_ ماكانش في حفرة .. انا متأكد.

(محمد فرج)

_ ده لانها اكيد كانت متغطية بالورق والاغصان .. ده فخ .. الفخاخ دي بيعملوها للدببة عشان يمسكوها.

(ينظر الجميع لمحمد بذعر)

الحلقة السادسة من مسلسل اللعبة 3 32d3686b36

(سيليا)

_ دببة؟؟؟؟؟؟؟... هنا؟؟؟؟؟ ... يعني ممكن تهجم علينا بأي وقت؟

(محمد فرج)

_ مش عارف .. الاحسن نمشي بسرعة قبل ما تغيم وتبئى ظلمة.

(مصطفى)

_ يلا بينا من هنا .. كريم لو سمحت اتقدم انت بالباص واحنا وراك.

***************************************

(بعد ان ينطلق الجميع من جديد)

(في سيارة سيد حيث يقود مصطفى السيارة وبقربه سيد)

(مصطفى)

_ بئيت احسن دلوقت؟

(سيد ممدوح)

_ الحمدلله جت على كده واعرفتو ترجعولي .. كان ممكن افضل هناك وماحدش يعرف يوصلي.

(مصطفى)

_ غريب اوي .. ازاي وقعت في الحفرة وماخدت بالك؟

(سيد ممدوح)

_ مش كنت بدور عليكم؟ .. كنت خايف تضيعو عننا.

(مصطفى)

_ تفتكر؟ ... يعني تفتكر ان في حد ..

(سيد ممدوح)

_ عايز تقول ايه يا مصطفى .. انا عارف انت بتفكر ب ايه انما لأ .. مش معقول يكون روميو هو الي عمل كده .. هو كان يعرف يعني
ان في حد فينا هيمرمن المكان ده؟

(مصطفى)

_ مش عارف .. جايز يكون شافك لوحدك وسبقك وغطى الحفرة الي كانت موجودة من الاول بالاغصان.

(سيد ممدوح)

_ لو فرضنا ان فعلا كلامك صحيح ... هو روميو عايز يضرني انا ليه؟ .. انا حتى ماعرفهوش غير من صوره وبس.

(مصطفى)

_ مش عارف ... بس يعني كنت بقول احتمال انه يكون ورانا .. ويكون عايز يعمل جو توتر للكل.

(سيد ممدوح)

_ لو كان هو الي عملها يبئى حسابه معايا حيكون كبير اوي .. هو فاكر نفسه مين عشان يتجرأ يعمل كده .. انا كان ممكن اموت
هناك.

(مصطفى)

_ بعد الشر عليك ... عموما لو كان هو هنعرف لانه اكيد هيحاول يكررها تاني.

(سيد ممدوح)

_ احنا بئالنا كتير اوي ورا كريم .. الدنيا هتبئى ظلمة ومش هنوصل كده.

(مصطفى)

_ هو البيت الي انت استأجرته بعيد عن هنا؟

(سيد ممدوح)

_ والله ما اعرف .. اظن اننا لما ندخل شوية بين الاشجار هنكون خلاص وصلنا.

(مصطفى)

_ المكان هنا جميل اوي .. بس بعيد عن الناس عشان كده ماحدش يعرفه.

(سيد ممدوح)

_ ماحدش بيجي هنا كتير عشان كده اخترنا للمسابقة ... لما نوصل انا عايز انام فورا انا تعبان جدا .. اتصرف انت مع الشباب
ماليش دعوة.

*********************************************

(بعد مرور بعد الوقت يتوقف محمد كرويم بالباص وتتوقف بعده السيارتان وينزل الجميع)

(شيكا)

_ ايه هننزل هنا؟

(حماده)

_ باين هنخيم هنا بردو.

(محمد كرويم)

_ لأ مش هنخيم احنا خلاص وصلنا بس مش هنعرف ندخل بالعربيات لجوا طبعا .. هنمشي لحد ما نوصل البيت.

(سيليا)

_ يعني هنحمل كل حاجتنا ونمشي بيها؟؟؟

(عين الحياة)

_ بس كده هنتعب اوي.

(محمد كرويم)

_ المسافة مش بعيدة يا جماعة بس ندخل شوية .. كل واحد فيكم يحمل حاجته ويمشي ورايا وخدو بالكم الدنيا هتظلم خلاص
ماحدش يبعد عن المجموعة.

(حماده)

_ يلا يا جماعة نلم حاجتنا من الباص.

(مصطفى)

_ سيد .. تقدر تمشي؟

(سيد ممدوح)

_ همشي بس مش هحمل حاجة.

(علي)

_ ولا يهمك يا سيد .. انا هحمل حاجتك ماتخافش.

(يبدأ الشباب بالمسير وكل منهم يحمل امتعته)

(سلمى)

_ انا جعت اوي .. لما نوصل عايزة اعمل عشا كبير اوي.

(شيكا)

_ انا عن نفسي مهدود من التعب وعايز انام فورا.

(سيليا)

_ ننام ده ايه؟ ... هو احنا جايين هنا عشان ننام؟ .. خلاص احنا البنات هنعمل عشا كبير للكل.

(شروق)

_ هو المكان بعيد؟؟

(محمد كرويم)

_ خلاص هنوصل.

(يمشي الجميع من بين الاشجار خلف محمد كرويم ثم فجأة يشاهدون المنزل الكبير الذي يصيبهم بالذهول من
حجمه وغرابته)

(شروق)

_ ايه ده؟؟ ... ده البيت الي هننزل فيه؟؟؟؟؟؟؟؟؟؟؟؟؟؟

الحلقة السادسة من مسلسل اللعبة 3 04beb6431d

(سلمى)

_ ده باين فندق مش بيت.

(عين الحياة)

_ فندق ده ايه؟؟ ... ده قصر.

(سيليا)

_ يا سلام .. انا فرحانة اوي .. انا بحبك جدا يا سيد بجد المكان ده روعة تحفة هنعيش هنا احلى ايام حياتنا.

(سالي)

_ انا عايزة اجي اعيش في مكان زي ده.

الحلقة السادسة من مسلسل اللعبة 3 8071da1bea

(محمد فرج)

_ يلا يا جماعة ندخل دلوقت .. واتفرجو عليه من جوا براحتكم.

(يدخل الجميع للمنزل الضخم منبهرين فيه)

(سيليا)

_ خلونا نوزع الغرف الاول .. البنات فوق والشباب تحت.

(محمد فرج)

_ يبئى انا رايح احط حاجتي وانام مش هرتب حاجة الليلة.

(علي)

_ يا جماعة بلاش كسل .. احنا نرتب حاجتنا والبنات يعملو عشان ونسهر طول الليل.

(محمد فرج)

_ يا سلام .. احنا بكرة عندنا تصوير كتير ومشي وشغل يا خويا .. انا رايح انام بأي مكان نيطلع قدامي.

(سالي)

_ انا هطلع حاجتي وانزل فورا على المطبخ اعمل اكل.

(عين الحياة)

_ وانا معاكي يا سالي.

******************************************

(يتوزع الشباب والبنات بين الغرف وبعد ترتيب الامتعة الكثيرة التي معهم يغطون بالنوم دون عشاء من شدة
التعب والارهاق .. وفي صباح اليوم التالي تستيقظ عين الحياة بحماس كبير موقظة الجميع)

(عين الحياة)

_ سالي .. يلا يا سالي قومي انتي وسلمى .. يلا بئى بلاش كسل هننزل على المطبخ نعمل اكل.

(سالي)

_ خلينا ننام شوية بس.

(عين الحياة)

_ انتو فاكرين نفسكم بالبيت؟ .. قومي افتكري احنا فين .. احنا بأجمل مكان في الارض .. قومي بلاش نضيع الرحلة دي بالنوم.

(سلمى)

_ يا سلام .. هو ماكنش حلم يعني؟ .. احنا فعلا بالقصر الجميل ده والطبيعة الحلوة دي مع مصطفى وسيد مش كده؟

(عين الحياة)

_ ايوا يا سلمى ده مش حلم .. دي حقيقية .. يلا قومو بئى عايزين نلحئ نحضر سفرة كبيرة.

*********************************

(في الاسفل حيث يخرج سيد من غرفته باتجاه الصالة)

(محمد فرج)

_ صباح الخير يا سيد.

(سيد ممدوح)

_ انت صاحي؟ .. افتكرت ان قمت لوحدي لسى الوقت بدري مش كده؟

(محمد فرج)

_ اه بدري بس انا صحيت على ريحة الاكل الجميل الي بيتعمل في المطبخ.

(علي)

_ وانا كمان صحيت .. انا هموت من الجوع هو الاكل هيطول؟

(سيد ممدوح)

_ هو انتو بتستنو البنات هم الي يعملولكم الاكل؟ .. يعني من غير بنات تموتو من الجوع؟

(محمد فرج)

_ امال يعني نعمل ايه؟ .. ندخل المطبخ؟ اعوذ بالله.

(سيد ممدوح)

_ بكرا لما تتجوز هتعمل ايه؟ .. لازم تتعود تدخل المطبخ وتساعد الحياة مشاركة في كل حاجة.

(يدخل حماده فجأة من خارج المنزل قائلا)

_ انتو صحيتو؟ .. صباح الخير.

(محمد فرج)

_ ايه ده؟ انت كنت فين؟

(حماده)

_ كنت برا بتفرج على الطبيعة .. ايه ريحة الاكل الحلوة دي؟ .. هم البنات دخلو المطبخ؟

(يضحك سيد ممدوح قائلا)

_ الظاهر ان البنات لما يدخلو المطبخ بيعملو سحر يجننوكم فيه .. انا داخل اساعدهم.

(علي)

_ هتدخل تساعدهم بردو؟ .. بلاش يطمعو فيك انت لسى تعبان من مبارح.

(سيد ممدوح)

_ بردو هدخل اساعدهم .. حتى لو معنويا.

(محمد فرج)

_ باين المساعدة هتبئى بالاكل مش بالشغل.

(علي)

_ سيد هو مصطفى لسى نايم؟

(سيد ممدوح يرد وهو يتجه للمطبخ)

_ ما عرفش .. مانامش عندي بالغرفة اساسا .. بس رتب حاجته وطلع .. جايز يكون بأي اوضة هنا دورو عليه.

الحلقة السادسة من مسلسل اللعبة 3 821b5e457b

(في المطبخ)

(سيد ممدوح)

_ صباح الخير.

(سيليا)

_ صباح الفل على احلى فنان في الدنيا.

(سيد ممدوح)

_ ايه باين الجو رايئ جدا.

(سيليا)

_ بجد مكان روعة واختيار راااائع جدا يا سيد ... احنا مش عارفين نشكرك ازاي.

(عين الحياة)

_ الكل صاحي بدري من الفرحة والحماس .. انا نفسي بجد نطول هنا.

(سالي)

_ انا ماعنديش نية اروح اساسا.

(سيد ممدوح)

_ وانا فرحان جدا انكم مبسوطين اوي كده .. في حاجة اقدر اساعدكم فيها؟

(نوسي)

_ لأ .. المرادي الاكل علينا احنا البنات والمرة الجاية انتو الشباب هتحضرو الاكل.

(شروق)

_ بس انت معفي على كلا الحالات عشان انت تعبان يعني ماتخفش.

(سلمى)

_ عموما احنا خلاص خلصنا هنطلع كل حاجة للطاولة الكبيرة برا وبس.

(سالي)

_ يعني دقيقة ويبئى الاكل جاهز على السفرة برا.

الحلقة السادسة من مسلسل اللعبة 3 Ca30fc3330

(في الصالة)

(حماده)

_ عملت ايه يا علي لقيت مصطفى؟

(علي)

_ لأ خالص .. ده باين برا البيت من مبارح لان سيد ماشافهوش.

(محمد فرج)

_ يبئى نطلع احنا التلاتة ندور عليه برا.

(شيكا يخرج من غرفته قائلا)

_ صباح الخير .. هطلعو تدوري على مين؟

(علي)

_ صباح النو .. حندور على مصطفى مش عارفين هو فين.

(شيكا)

_ لسى الدنيا صبح سيبو الراجل دلوقتي.

(علي)

_ احنا كلنا هنفطر وعايزينه يفطر معانا.

(حماده)

_ اه .. البنات عاملين فطور كبير اوي لينا كلنا .. وحنتصور كمان صور وفيديو.

(شيكا)

_ خلاص اطلعو دورو عليه بس ماتبعدوش.

(محمد فرج)

_ مش هنبعد ماتخافش .. يلا بينا .........

يتبــــــــــــــــع ...............

الى اللقــــــــاء فـــي حلقــــــة أخــــــرى

الحلقة السادسة من مسلسل اللعبة 3 464ed04c6f

الإدارة العمر : 36

روعة يا حنان والله تجنن تسلم ايديك

عضو العمر : 37

تسلمي يانونتي هههههههههههه يهد الدببة ورايا ورايا حتي هنا هههههههه

Admin العمر : 35

هههههههههههههههه مالها الدببه ماهي حلوة Very Happy

ميرسي يا جماعة

مشرفة العمر : 38

يلا يا نونة نزلى السابعة كمان

Admin العمر : 35

هههههههههههههههههه عايزة السابعة كمان يا سالي؟ ههههههه استنيها الشهر الجاي بئى احلام سعيده

الإدارة العمر : 32

قربت أشك فيك يا حماده خلاص ههههههههههههههه مش صح برضه يا نونا ولا ايه شكله كان بيقابل المرعب روميو بره القصر وبعد كده دخلنا والله أعلم هيكون عمل ايه تاني في مصطفي هههههههههههههههههه

ههههههههههههههههههههههههههه والله يانونة مش عارف اعمل فيكى اية انتى بتوقفى الحلقات فى اماكن كدة ماتنفعش خالص يابنتى كنتى طوليها شوية هههههههههههههههههه بس بجد حلقة جميلة اوى

عضو العمر : 37

هههههههههههههه طبعا كنت بقابله برده امال انتم فاكرين ايه دنتو هتشوفو ايام هههههههههههههه بس ريحه الاكل كانت تجنن مين اللي نفسو حلو اوي كده ده

Admin العمر : 35

هههههههههههههه الكل بيشك بحماده عموما انا قلت كل واحد يخمن مين هو المذنب الي بيساعد روميو ويقول هو مين عشان بالاخر نشوف مين كان معاه حق وميرسي ليكم يا جماعه انتظرو الحلقة القادمة الشهر الجاي بس انتقام من المرعب روميو cyclops

Admin العمر : 35

romio amar كتب:: ههههههههههههههههههههههههههه والله يانونة مش عارف اعمل فيكى اية انتى بتوقفى الحلقات فى اماكن كدة ماتنفعش خالص يابنتى كنتى طوليها شوية هههههههههههههههههه بس بجد حلقة جميلة اوى

هههههههههههه بينك وبينك يا روما وقفت الحلقة عشان ماحدش يعرف ان الدب اكل مصطفى برا ههههههه وانت السبب طبعا واستنى الحلقة الشهر الجاي ههه

عضو العمر : 38

تسلم ايدك نونه كالعاده حلقه حلوة اووى Laughing

» الحلقة السادسة من مسلسل اللعبة 2
» الحلقة رقم 11 من مسلسل اللعبة 3
» الحلقة رقم 19 من مسلسل اللعبة 3
» الحلقة رقم 21 من مسلسل اللعبة 3
» الحلقة رقم 22 من مسلسل اللعبة 3