موضوع: الحلقة الخامسة من مسلسل اللعبة 3 الخميس يناير 12, 2012 10:27 pm
(في الباص اثناء الرحلة)
(علي)
_ هو احنا هنتأخر على ما نوصل؟ ... متشوئ جدا للتخيم والسهر طول الليل.
(سيليا)
_ ماتنساش يا علي ان احنا جايين هنا عشان ناخد صور وفيديو للمكان .. دي اهم حاجة في الدرجة الاولى.
(نوسي)
_ يعني هنخيم الليلة اول ما نوصل عشان ننام ونرتاح ومش هيكون في سهر وغنى زي مانت فاكر.
(شروق)
_ ماتسمعش كلامهم يا علي احنا هنغني ونسهر طول الليل دي فرصتنا.
(سلمى)
_ انتو مالكم نكديين كده يا سيليا انتي ونوسي؟ ... احنا جينا هنا عشان نفرح وانا عن نفسي هكتب من دلوقت اسماء الاغاني الي هطلب من مصطفى يغنيهالنا.
(حماده)
_ يا سلام .. واشمعنا انتي الي تختاري انا كمان في بالي اغاني حلوة وعايزه يغنيها.
(علي)
_ ماحدش هيختار غيري انا ... ده انا ماصدقت تيجيلي الفرصة دي وبعدين انا هاخد كل الحصريات للصفحة بتاعتي عالفيس بوك صور واغاني واخبار وكل حاجة.
*****************************************
( عند وصول الباص للمكان يتوقف وتتوقف خلفه سياره سيد وسيارة شيكا وينزل الجميع من الباص منزلين معهم الحمولة في مكان ساحر الجمال مليئ بالاشجار العالية الجميلة)
(سالي)
_ الله .... مش ممكن جمال المكان ده ... ده ساحر اوي.
(سيد ممدوح)
_ شفتي بئى ... ده اختياري بس بالحقيقية اجمل بكتير من شوية الصور الي شفتها عن المكان.
(مصطفى)
_ فعلا مكان جميل اوي.
(شيكا)
_ معلش يا جماعة تشوفو المكان براحتكم بكرة .. عايزين ننزل الخيم قبل ما تغيب الشمس ونخيم قبل الليل مافيش وقت.
(محمد فرج)
_ يلا بينا نتوزع .. خيمة مصطفى وسيد مع بعض وخيمة نوسي وسالي وسيليا مع بعض وشروق وسلمى وعين الحياة مع بعض ... والباقي بالخيمة الكبيرة انا وشيكا وحماده وعلي وكريم كويس كده؟
(عين الحياة)
_ كويس مش مشكلة يلا بينا نبتدي مافيش وقت.
(سيد ممدوح)
_ بكرا من الصبح نرجع نلم الخيم من تاني ونكمل مسرينا .. انا مستأجر مكان قريب من هنا عشان نفضل فيه طول الرحلة.
********************************
(بعد التخيم يتوجه الجميع لخيمهم مرهقين للينامو و في الخيمة الكبيرة)
(شيكا)
_ كفاية بئى يا علي هتجننا وانت رايح جاي كده اهدا شويا.
_ مافيش داعي .. ماتخافش يا سيد شوية ويرجعو من تاني.
(سيد ممدوح)
_ ماينفعش كده .. الي عايز يروح لأي مكان لازم يسئلني الاول .. المكان هنا يتوه اوي.
(سيليا)
_ يعني ايه؟ ... ممكن يضيعو هنا؟
(سيد ممدوح)
_ طبعا ممكن يضيعو ... انا متحمل مسؤلية الجميع هنا .. الحق عليا انا كان لازم اخد بالي منهم.
(سالي)
_ لا .. انت ذنبك ايه؟ انت ماسبتنيش ولا لحظة عشان تطمن عليا.
(سيد ممدوح)
_ انا هروح وراهم ادور عليهم وارجعهم من تاني ... ماحدش منكم يتحرك من هنا مهما حصل .. انتو سامعين؟
(شيكا)
_ هتروح لوحدك يا سيد؟؟ انا هاجي معاك.
(سيد ممدوح)
_ لأ .. هروح لوحدي دي مسؤوليتي انا .. وبعدين انت ومحمد لازم تفضلو مع البنات وما تتحركوش من هنا مهما حصل حتى لو رجعو هم وانا مارجعتش انتو سامعين؟؟
(محمد فرج)
_ ايوا يا سيد بس ...
(سيد ممدوح)
_ مافيش بس .. انا هروح وراهم وانتو تفضلو هنا.
(شيكا محاولا منع سيد من الذهاب)
_ سيد ارجوك .. استنى نحاول نتصل بيهم ليه تعرض نفسك للخطر بس؟
(سيد ممدوح)
_ تفتكر الخطوط هتشتغل هنا؟
(شيكا)
_ اديني بحاول .. هتصل ب كريم ونشوف.
(سيد ممدوح)
_ ها؟ .. في تغطية؟؟؟
(شيكا بخيبة امل)
_ لا للاسف.
(سيد ممدوح منزعجا ومنطلقا للبحث عنهم بسرعة)
_ انا رايح ادور عليهم.
****************************
(في الغابة)
(علي)
_ دوري انا دلوقت .. يلا خد الكاميرا يا حماده وصورني مع مصطفى.
(مصطفى)
_ انا شايف انكم بتصوروني انا مش الطبيعة.
(يقف علي على يمين مصطفى ومحمد كرويم على شماله ويصورهم حماده قائلا)
_ لا ازاي؟ اطمن احنا ماخدين الطبيعة بالصور.
(علي)
_ المكان هنا بجد جميل اوي .. خلونا ندخل كمان وناخد صور جوا .. انا متأكد ان المكان جوا اجمل.
(مصطفى)
_ لا يا علي كده كفاية احنا بئالنا هنا كتير ولازم نرجع.
(علي)
_ شوي بس يا مصطفى ارجوك .. اسمع انا جتني فكرة حلو اوي .. طالما احنا بالمكان الجميل ده ليه ما نعملك بوستر الالبوم الجديد بتاعك هنا؟؟
(محمد كرويم)
_ علي بلاش حماس زايد.
(علي)
_ وفيها ايه؟ .. احنا معانا كاميرات ممتازة ونقدر ناخد لمصطفى صور كتير بالطبيعة دي تنفع تكون اجمل بوستر لسنة 2012.
(حماده)
_ فكرة جميلة اوي من رأيي .. بس كده هنتأخر على الجماعة.
(مصطفى)
_ وبالنسبة ليا فكرة سيئة عشان ده مش وقته .. لازم نرجع احنا تأخرنا.
************************************* ( في مكان اخر حيث يبحث سيد ممدوح عن مصطفى وحماده وعلي وكرويم ينادي بصوت عالي)
_ مصطفى ... حماده .... انتو فين؟؟ .... ياربي مش معقولة يكونو بعدو اوي كده .... مصطفى ..
(يمشي سيد بين الاشجار منزعجا مستمرا في البحث عنهم ثم فجأة يسقط بإحدا الحفر التي كانت مخبأة بأغصان الاشجار صارخا حين سقوطه بصوت عالي مما يجعل مصطفى ومن معه يسمعون صوته)
(مصطفى)
_ ايه ده؟ ... مش ده سيد؟
(حماده)
_ اه .. هو سيد .. الصوت منين؟
(مصطفى)
_ مش عارف .. من هناك باين .. يلا بينا بسرعة.
(يشير مصطفى باتجاه الصوت ثم يركض الجميع باتجاه الصوت بحثا عن سيد)
(مصطفى ينادي سيد بصوت عالي)
_ سيد ... سيد انت هنا؟
(محمد كرويم)
_ غريب .. الصوت كان من هنا .. هو فين يا ترا؟
(حماده)
_ جايز حصلته حاجة ومش قادر يتكلم.
(مصطفى)
_ سيد ... سيد انت فين؟؟
(علي)
_ تعالو .. تعالو هنا يا جماعة ...
يتبـــــع .....
سيليا عضو
العمر : 37
موضوع: رد: الحلقة الخامسة من مسلسل اللعبة 3 الخميس يناير 12, 2012 11:23 pm
الله عليكي ياحنان
عين الحياة الإدارة
العمر : 36
موضوع: رد: الحلقة الخامسة من مسلسل اللعبة 3 الخميس يناير 12, 2012 11:33 pm
تسلم ايديكي يا حنان الحلقة روعة
hanan Admin
العمر : 35
موضوع: رد: الحلقة الخامسة من مسلسل اللعبة 3 الخميس يناير 12, 2012 11:48 pm
ههههههههههههه ميرسي يا جماعة وانشالله رح نزل الي بعدها الليلة كمان
سالى قمر مشرفة
العمر : 38
موضوع: رد: الحلقة الخامسة من مسلسل اللعبة 3 الجمعة يناير 13, 2012 2:25 am
انا بدوخ فعلا من السفر يا نونة عرفتى منيييييييين ؟ بس لليمون ايه الارف ده ههه جميلة يا نونة هروح اشوف السادسة حالا
romio amar الإدارة
العمر : 41 الموقع : https://www.facebook.com/romio.amar
موضوع: رد: الحلقة الخامسة من مسلسل اللعبة 3 الجمعة يناير 13, 2012 7:54 pm
جميلة اوى الحلقة دى يانونتى بجد تسلم ايدك
noussy عضو
العمر : 38
موضوع: رد: الحلقة الخامسة من مسلسل اللعبة 3 الأحد يناير 22, 2012 2:35 am