الحلقة الرابعة من مسلسل اللعبة 3

Admin العمر : 35

الحلقة الرابعة من مسلسل اللعبة 3 E2426e76bc

( في وقت لاحق في مكتب مصطفى )

(اياد)

_ انا مش فاهم ايه الذنب الي عملته؟ ... انا بس كنت بالدرس وماعرفتش ارد على التلفون.

(عادل)

_ والحرس كانو فين؟

(اياد)

_ كانو برا كالعادة ...وماعرفش ليه ما ردوش عليكم جايز كانو برا العربية والتلفونات جوا كالعادة بس انا بردو مش فاهم اي سر
الخوف ده كله؟

(مصطفى)

_ يعني انت مش عارف؟ ... انا خفت عليك ايه ما ينفعش يعني اخاف؟

(اياد)

_ ايوا بس مش للدرجادي .. وبعدين انا طلعت من درسي بس عشان ارد عليكم واجي هنا ... ممكن حد فيكم يشرحلي ايه الي
بيحصل بالضبط؟

(يقترب مصطفى من اياد ثم يقول)

_ مافيش حاجة يا حبيبي المهم انك كويس ومافيش حاجة حصلتلك .. انا مش هخلي حد يقربك او يئذيك خالص مهما حصل.

(اياد)

_ بابا في ايه انا مش فاهم ... هو الارق مأثر عليك للدرجادي؟؟

(عادل جاد)

_ ارق؟؟؟ ... انت مش قلت انك بتنام؟ ... انت كدبت علينا؟

(علي رشاد)

_ انا كنت فاهم من الاول .. ما هو مش معقولة يقدر ينام بجو التوتر الي هو حاطط نفسه فيه ده.

(اياد)

_ توتر ايه؟ ... كل ده بسبب الشغل؟

(عادل جاد)

_ مصطفى كلمني .. انت بئالك قد ايه مش بتنام؟

(مصطفى)

_ مش وقته يا عادل ... نتكلم بالحكاية دي بعدين .. المهم ان اياد بخير دلوقتي .. انا هاخده وهنروح البيت.

(عادل بغضب)

_ انت مش شايف الوضع الي بئيت فيه ... من شوية كنت هتجنن من الرعبة .. لو مش نايم فعلا بئالك كتير يبئى لازم تشوف
دكتور.

(مصطفى)

_ عادل .. قلتلك نتكلم بالحكاية دي بعدين .. انا هاخد اياد البيت وهرجع هنا بالليل عشان نتكلم براحتنا ماشي؟

***********************************

( في الليل .. في مكتب مصطفى حيث قام بدعوة سيد ممدوح لمكتبه)

(سيد ممدوح)

_ طيب هو ازاي يتجرأ يهددك كده اساسا؟

(مصطفى)

_ مش عارف .. انا كنت هموت من الرعب ... المهم يا سيد انا فكرت بكلامك عشان كده طلبت منك تيجي.

(سيد ممدوح)

_ ايه قررت تطلع معانا الرحلة عشان ترتاح من التوتر ده والشغل؟

(مصطفى)

_ لأ ... قررت اجي معاكم عشان اعرف مين شريك روميو ومين الي بيساعده ... لازم اعرف اوصل ل روميو يا سيد .. البوليس مش
هيفيدني ولو فضل روميو حر هفضل انا وعيلتي بخطر دائم.

(عادل جاد)

_ يعني انت عايز تطلع معاهم وفيهم واحد مجرم؟؟؟ ... انا مش موافق ده جنان.

(مصطفى)

_ يعني اعمل ايه؟ .. افضل هنا لحد ما شوف حد من ولادي بتحصله حاجة وانا قاعد بتفرج؟

(علي رشاد)

_ مالقتش حل احسن من ده يا مصطفى؟ .. انت عايز تسافر مع مجموعة من الشباب وواحد فيهم او اكتر عايز يئزيك؟؟

(مصطفى)

_ المواجهة هي فرصتي الوحيدة عشان اعرف انقذ نفسي وعيلتي و ولادي من المجرم ده.

(عادل جاد)

_ طيب والشغل؟ .. والحفلات؟ ... انت عندك حفلات في تونس والمغرب واحنا باخر السنة يا مصطفى.

(علي رشاد)

_ ده غير الالبوم والفيلم ... هنقول للناس ايه؟

(مصطفى)

_ رتبو انتو كل حاجة وكأني موجود .. الحفلات والسفر والمواعيد وكل حاجة .. وانا هلتزم بيها .. بس الاول لازم اخلص الحكاية دي
... دي حرب روميو اعلنها عليا من زمان .. وانا دلوقتي هشنها عليه.

(علي رشاد)

_ ده جنان ... دي مش مجرد مخاطرة انت بترمي نفسك في النار.

الحلقة الرابعة من مسلسل اللعبة 3 502c224b5a

(مصطفى)

_ ارمي نفسي في النار ب ايديا احسن ما يرميني هو بيها .. لازم يفهم ان انا قادر اواجهه واحد لواحد .. مش يستخبى ويهددني
بولادي.

(سيد ممدوح)

_ مصطفى .. انا والشباب طالعين الرحلة دي بكرا الصبح .. لو كنت هتيجي معانا يبئى لازم تقرر بسرعة .. ولو هتيجي انت مضطر
تمثل عليهم انك جيت عشانهم .. من ناحية عشان خطتك تنجح ومن ناحية تانية عشان مشاعرهم هم ... بالنهاية مش كلهم
مذنبين .. هتقدر تمثل عليهم؟؟

(مصطفى)

_ انا مستعد اعمل اي حاجة عشان عيلتي يا سيد ... انا قررت خلاص هاجي معاكم ... وهمثل عليهم مهما كان الامر صعب.

********************************************

(في اليوم التالي ... يتجمع الشباب منتظرين قدوم سيد ممدوح ومصطفى قمر لينطلقو في الرحلة منتظرين بقرب الباص الصغير
الذي يقوده محمد كريم الذي تبرع بايصالهم والبقاء معهم لعلمه بالمكان)

(محمد فرج)

_ انت متأكد يا كريم انك تعرف المكان كويس؟

(محمد كريم)

_ ماتخافش يا محمد انا عارف المكان ودرسته كويس اوي نجيب حد غريب يسوق ليه انا اساسا قلت لشيكا اني فضيت نفسي
مخصوص عشان اطلع معاكم الرحلة دي.

(علي)

_ انا مش مصدق اني هشوف مصطفى دلوقت.

(حماده)

_ وانا كمان فرحان جدا.

(سلمى)

_ وانا اعصابي تعبانة وخايفة ومش عارفة هستحمل ولا لأ.

(شروق)

_ امسكي نفسك يا سلمى انا كمان متوترة ومش عايز حد يوترني بزيادة.

(سيليا)

_ كان لازم تقابلوه قبل كده لاننا المفروض ننطلق على طول لما يوصلو.

(علي)

_ يا سلام ... وليه بئى ان شاء الله؟ ... على مهلنا انا عايز اسلم عليه واتكلم معاه شوي.

(شيكا)

_ الطريق قدامنا طويلة عشان كده لازم نطلع بدري.

(حماده)

_ طيب ما يطلعو معانا؟ ... هو لازم يعني احنا نطلع بالباص وهم يطلعو بالعربية؟

(محمد فرج)

_ ما تستعجلوش كده .. لما نوصل ونخيم هتقدرو تشوفوهم براحتكم وتتكلمو معاهم طول الليل كمان.

(نوسي)

_ انا مستغربة لحد دلوقت ايه الي خلى مصطفى يقرر يطلع معانا الرحلة وهو كان مش طايئنا.

(سالي)

_ هم اتأخرو كده ليه؟ ... انا هركب وهستناكم في الباص.

(محمد فرج)

_ ما تتصل يا شيكا وتشوف تأخرو كده ليه؟

(شيكا)

_ دلوقت يوصلو ما تخافوش.

(محمد فرج)

_ دي عربية سيد ممدوح .. ومعاه مصطفى .

(علي)

_ اخيرا وصلو ... انا مرتبك جدا.

(حماده)

_ الظاهر في حد معاهم كمان.

(قبل ان تصل السيارة للشباب يتوقف سيد قليلا وبالمقعد الخلفي يجلس كل من عادل وعلي)

(سيد ممدوح)

_ قبل ما ننزل .. انت متأكد انك قادر تيجي معانا برغم الظروف الي انت فيها؟؟

(مصطفى)

_ لأ.

(عادل جاد)

_ كويس .. يبئى خلاص ننزل هنا وبلاش تطلع.

(علي رشاد)

_ هو ده عين العقل يا مصطفى .. خلينا ننزل واكيد هنلاقي حل تاني عشان نعرف نوصل لروميو.

(سيد ممدوح)

_ خلاص يا مصطفى هتنزل؟

(مصطفى)

_ لا يا سيد هاجي معاكم بردو.

(عادل جاد بانزعاج)

_ ايه؟ .. انت مش لسى قايل انك مش عايز تطلع معاهم؟

(بالقرب منهم ينزعج الشباب من توقف سيارة سيد ممدوح قبل ان تصل اليهم)

(عين الحياة)

_ هم وقفو كده ليه؟ .. معقولة غيرو رأيهم؟

(علي)

_ لأ طبعا مش معقول.

(محمد فرج)

_ يا جماعة اصبرو جايز في حاجة بيخلصوها مع مستر عادل لانه معاهم بالعربية.

(شيكا)

_ الي معاه حاجة يطلعها على الباص من دلوقت ماعندهاش وقت كتير نضيعه.

(في السيارة)

(علي رشاد)

_ مصطفى ان كنت مش مطمن للطلعة دي تطلعها ليه؟

(مصطفى)

_ عشان مافيش قدامي حل تاني ... لازم اعرف احمي ولادي وعيلتي بأي تمن.

(عادل جاد ينزعج وينزل من السيارة قائلا)

_ اعمل الي انت عايزه وجيب لنفسك مصيبة تانية مش كفاية عليك الي حصلك السنة الي فاتت.

(علي رشاد)

_ انا كمان هنزل خلاص .. الظاهر انك مش هتغير رأيك .. خد بالك من نفسك .. مع السلامة.

(مصطفى)

_ علي .. قبل ما تنزل .. عايزكم تعرفو ان انا معايا مسدس .. المرادي هعرف احمي نفسي كويس ماتخافوش.

(ينزل علي بانزعاج اكبر دون ان يرد على مصطفى .. ويذهب هو وعادل منزعجين ثم يتقدم سيد ممدوح بالسيارة باتجاه الشباب
فينزلون من السيارة فيقترب نحوهم الشباب بحماس كبير)

(علي)

_ انا هسلم عليه الاول ... ازيك يا مصطفى انا اسمي علي.

(حماده)

_ وانا حماده .. احنا كنا بالفرح الاخير بتاعك فاكرنا كنا طول الوقت بنغني معاك.

(سلمى)

_ انا سلمى يا مصطفى بحبك جدا من يوم ما جيت على الدنيا وحافظالك كل اغانيك كمان.

(شيكا يتقدم قائلا)

_ يا جماعة اهدو شوية وخفو على الراجل مش كده.

(عين الحياة)

_ احنا بس عايزين نعرفو على نفسنا يا شيكا.

(شروق)

_ اه .. صح احنا بس عايزينك تعرفنا.

(مصطفى)

_ حاضر حاضر .. هتعرف عليكم كلكم بس شوية شوية عشان احفظ كده هنسى.

( يتعرف الشباب والبنات على مصطفى ويتحدثون قليلا وبعد ذلك يتوزعون جزء منهم بالباص وسيد ومصطفى بسيارة سيد وشيكا
ومحمد فرج بسيارة شيكا ثم يبدئون الرحلة ويتبعون محمد كرويم الذي يقوم بقيادة الباص امامهم)

الحلقة الرابعة من مسلسل اللعبة 3 63ddf1d0d0

(في سيارة سيد يقول وهو يقود السيارة)

_ مصطفى انا مقدر خوفك بس .. كان ضروري تجيب معاك مسدس؟

(مصطفى)

_ انت مش قلت ان المكان الي هنروحله هيكون مكان بعيد ومنعزل؟ .. يبئى المسدس على كلا الحالات ضروري.

(سيد ممدوح)

_ ايوا هو مكان بعيد شوية ونادر ما تلاقي فيه حد .. ودي الميزة بالرحلة دي لان المسابقة بتصوير اماكن جميلة في مصر وطبيعة
ماحدش بيشوفها من الناس.

(مصطفى)

_ يبئى معايا حق .. المسدس ضروري.

(سيد ممدوح)

_ انت مش هتضرب روميو فيه لو شفته صح؟ .. قصدي يعني مش هتقتله الا لو دفاع عن النفس مش كده؟

(مصطفى)

_ لا مش هضربه الا لو اضطريت .. لو قدرنا نلاقيه .. لو غلط ولحقنا بالرحلة دي وقدرنا نمسكه هناخده معايا ونسلمه للبوليس.

(سيد ممدوح)

_ كويس .. واكيد شريكه كمان اتفاجئ انك جيت معانا الرحلة عشان كده هيبلغه وهيلحئنا وبكده يبعد عن مصر وعن عيلتك ...
مش ده الي انت عايزه؟

(مصطفى)

_ ده الي انا متأمل فيه.

(يقترب سيد بسيارته من الباص فيرى الشباب والبنات يغنون على انغام اغاني مصطفى يشير لهم ويضحك قائلا)

_ الشباب فرحانين اوي وحاطين اغانيك بأعلى صوت ... والله الشباب دول بيحبوك وطيبين جدا ليه بس متدايئ منهم؟

(مصطفى)

_ انت ماعندكيش فكره حصلي ايه السنة الي فاتت.

(سيد ممدوح)

_ بس انا اعرف الي حصل.

(مصطفى)

_ تعرف .. بس ما شفتش بعينك وماحسيتش ب .... ولا خلاص بلاش احسن.

(سيد ممدوح)

_ ايه؟ ... قصدك تقول التلات رصاصات الي ضربك شيكا بيهم؟

(مصطفى)

_ مش مهم ... مش عايز اتكلم بالموضوع ده.

*************************************************

(يتحدث روميو عبر الهاتف مع شريكه المجهول قائلا)

_ انطلقتو؟ .... كويس .. انا هاجي وراكم .. خلاص هنبتدي اللعب من جديد.

يتبــــــــــــــــــــع

الحلقة الرابعة من مسلسل اللعبة 3 B439b26bf8

الإدارة العمر : 36

جميلة جداً الحلقة يا حنان تسلم ايدييكي بس انتي بتخلينا مندمجين وبتوقفي حرام عليكي
يعني اللعبة هتبتدي في في الحلقة الخامسة ههاهاهاهاهاهاها صدقيني مش هيعمل حاجة

الحلقة الرابعة من مسلسل اللعبة 3 %D8%B4%D9%83%D8%B1%D8%A7-%D9%84%D9%8355

الحلقة الرابعة من مسلسل اللعبة 3 %D8%B4%D9%83%D8%B1%D8%A7-%D9%84%D9%8355

هههههههههههههههههههههههه صح كدة كلة يستنانى عشان هبدا اللعب معاكم من جديد ياقمراوية هههههههههههههههههههههههههههههههههه

عضو العمر : 37

يانهار ابيض هههههههههههههههه انت ايه مبتذهقش هتبدي العب
هوه كان كل ده وملعبش مفتري
ههههههههههههههههه تسلم ايديك ياحنان

Admin العمر : 35

ههههه ميرسي يا جماعة Very Happy

مشرفة العمر : 38

جميلة يا نونة يلا لما اشوف هنام احلم بايه انهاردة

عضو العمر : 46

ايه الجمال ده يا حنان بجد روعه والأحداث خطيره والرعب بدأ...
شكراً ليكي ...

الإدارة العمر : 32

ايوه كده المسلسل هيبتدي ينطلق للرعب والتخطيطات والحاجات الجااامدة في انتظار الحلقة القادمة يا نونا

عضو العمر : 37

الله الله والله وابتدينا بس انا بعيد كل البعد لان الكل عارف لني حبيب روميو وانتي لايمكن هتخليني شريكه يعني انا كارت محروق ياتري مين لا ولد لابنت هع

Admin العمر : 35

ميرسي يا جماعة وانت يا حماده لسى من ضمن المشتبه بيهم لا تكون واثق انك بريء ههههههههههه

Admin العمر : 35

أخت القمر كتب:: ايه الجمال ده يا حنان بجد روعه والأحداث خطيره والرعب بدأ...
شكراً ليكي ...

ميرسي ليكي يا اميرة منورة وياريت انتي كمان تعرضي المسلسل الي كتبتيه لو جاهز منورة بجد Smile

عضو العمر : 38

مالهاش حل الحلقه بجد تسلم ايدك نونه

» الحلقة رقم 18 من مسلسل اللعبة 3
» الحلقة رقم 20 من مسلسل اللعبة 3
» الحلقة رقم 15 من مسلسل اللعبة 3
» الحلقة رقم 16 من مسلسل اللعبة 3
» الحلقة رقم 17 من مسلسل اللعبة 3