الحلقة الثالثة من مسلسل اللعبة 3

Admin العمر : 35

الحلقة الثالثة من مسلسل اللعبة 3 962862076d

(في الفرح .. حيث يدخل الشباب للفرح بعد طول انتظار ومحاولات عديدة وحين يدخلون الفرح يستمعون لاغاني مصطفى الذي لم يلحظ وجودهم ابدا)

(سالي بصوت مرتفع)

_ ياريتنا عرفنا ندخل بدري شوية.

(سيليا)

_ المهم اننا دخلنا انا كنت فقدت الامل خلاص.

(سلمى)

_ انا مش قادرة اصدق ان انا شايفه مصطفى بجد .. حاسه اني هيغمى عليا.

(شروق)

_ وانا كمان ... انا مش عايزة اروح البيت.

(عين الحياة)

_ هو علي راح فين؟؟؟

(سلمى)

_ علي بيصور قدام .. مش مصدق نفسه ده نسينا خلاص.

(عين الحياة)

_ وحماده ومحمد معاه كمان ... انا عايزه احاول اقرب منهم.

(سيليا)

_ لا يا مجنونة مش هتعرفي.

(شروق)

_ كده هنضيع عن بعض.

(عين الحياة)

_ انا رايحة وهكون اجرأ منكم.

(شروق)

_ وانا هاجي معاكم ... تعالي معانا يا سلمى.

(سلمى)

_ انا؟ .. لا مش هقدر .. مش هعرف اقرب اكتر من كده انا مرعوبة اساسا ومش مصدقة الي انا فيه.

الحلقة الثالثة من مسلسل اللعبة 3 5dafa807f6

(بعد الخروج من الفرح)

(حماده)

_ مش هنعرف نكلمه الحرس بتاعه في كل مكان.

(سيليا)

_ ما تفكرش حتى .. الواحد من دول يطير عشره بايد وحده.

(علي)

_ ليه كل الحرس ده؟ .. مش ممكن حد فينا يعرف يقرب خطوة منه.

(محمد فرج)

_ انا اول مرة اشوف كل الحرس ده مع مصطفى.

(سيليا)

_ ده طبيعي بعد تهديد روميو .. بس بكده عمرنا ما هنعرف نقرب منه خلاص .. الظاهر نوسي كان معاها حق.

(عين الحياة)

_ لا طبعا مش للدرجادي .. انا من شوية قربت جدا وهو بيغني وشاورتله من بعيد وابتسملي .. مصطفى انسان طيب وانا متأكده
.. ولو رحناله المكتب دلوقتي هيستقبلنا.

(شروق)

_ الوقت متأخر جدا .. اكيد هيروح اساسا.

(سلمى)

_ وانا كمان اتأخرت وعايزة اروح .. بكرة نروحله المكتب ونحاول .. لاني لحد دلوقتي مرعوبة ومش مصدقة اني شفته مش هقدر
اوقف على رجليا اكتر من كده.

(محمد فرج)

_ خلاص بكره نروحله المكتب ونحاول لاخر مرة ونشوف لو هيوافق يطلع معانا الرحلة ولا لأ.

الحلقة الثالثة من مسلسل اللعبة 3 364665bff2

(في سيارة مصطفى حينما يركب وعلى يمينه عادل مدير اعماله وعلى يمين السائق يجلس علي رشاد وخلفهم تسير سيارة
الحراسة)

(عادل)

_ وهتروح الاستديو دلوقتي ليه؟ ... ما تروح البيت تنام ساعتين وبعدين ترجع من تاني ونشتغل.

(مصطفى)

_ هي ساعتين هتفيد؟ ... ده خامس فرح في اسبوع واحد .. مش عايز اتاخر عن الالبوم.

(علي رشاد)

_ مش هو ده السبب .. مصطفى انت مش بتنام اساسا.

(عادل)

_ ازاي يعني؟ .. هو انت عندك ارق؟

(مصطفى)

_ عندي ارق؟ .. ايه الكلام الفارغ ده؟ .. لأ طبعا ده انا هموت من النعس اساسا .. لكن بجد مافيش قدامنا وقت طويل .. عندنا
الشغل بالالبوم وتصوير الفيلم والافراح ده غير حفلات راس السنة.

(علي رشاد)

_ عشان كده لازم تنام كويس ... احنا هنوصلك البيت دلوقتي وبكرة بالمكتب نعمل جدول جديد ونوزع الشغل من تاني وبعد كده
نروح الاستديو نشتغل شوية.

الحلقة الثالثة من مسلسل اللعبة 3 4360a56e85

( في منزل مصطفى .. حيث الوقت متأخرا يدخل دون ان يحدث صوتا ويجلس بالصالة يقوم بتشغيل التلفاز وبعد بعض الوقت يخرج
اياد من غرفته فيرى والده جالسا في الظلام يقترب قائلا باستغراب)

(اياد)

_ انت وصلت ايمتى ماحستش بيك؟

(مصطفى)

_ وصلت من ربع ساعة بس.

(اياد)

_ لسى عندك ارق بردو؟

(مصطفى)

_ جداااا ... بس اوعى تقول لحد .. حتى مامتك مش عارفة انا بقلها اني بشتغل برا وبنام بالمكتب.

(اياد)

_ وليه مش عايزها تعرف دي حاجة عادية ممكن تحصل مع اي حد ... كل الي انت محتاجة شوية منوم وخلاص .. او تشوف دكتور
عشان يعرف سبب الارق ده.

(مصطفى)

_ مافيش سبب .. هو قلق على شغلي .. الفترة دي عندي شغل كتير وقلقان عليه.

(اياد)

_ زي ما تحب .. اعمل الي انت عايزه بس خد بالك .. تيام ابتدا يحس وبكرة ماما تعرف.

(مصطفى)

_ ماتشغلش بالك انت ... خد بالك من دراستك وبس .. وماتغلبش الحرس يا اياد تفضل معاهم طول الوقت انت سامع؟

(اياد)

_ وايه لازمة الحرس ده كله؟ .. انا ابتديت اقلق هو في حاجة.

(مصطفى بتوتر)

_ لا مافيش حاجة .. هو بس وضع البلد يخوف ولازم ناخد كل الاحتياطات اللازمة.

الحلقة الثالثة من مسلسل اللعبة 3 4d1f93f84a

( في اليوم التالي ... حيث يتوجه الشباب لمكتب مصطفى لمقابلته ولكنهم يتفاجئون بأن الحرس يقفون على الباب ويمنعنون اي
احد من الدخول)

(محمد فرج)

_ يعني ايه مش هندخل؟ ... ماحنا جينا قبل كده ودخلتونا.

(عين الحياة)

_ من فضلك اسئله بس على الاقل.

(الحارس الضخم)

_ دي تعليماته اساسا اسئله ليه؟

(محمد فرج)

_ تعليماته؟؟ ... يعني هو قلك ماتدخلناش احنا بالتحديد؟

(سلمى)

_ ده مش تصرف لطيف على فكرة .. احنا اول مرة نيجي وعيب كده تطردونا.

(الحارس)

_ احنا ماطردناش حد هي دي تعليمات مصطفى هو مشغول جدا ومش فاضي يستقبل حد.

(شروق)

_ يلا بينا يا جماعة نمشي من هنا .. الحكاية باينة مش هيخلونا ندخل خلاص.

(سالي)

_ بس عيب التصرف ده على فكرة احنا ياما جينا ودخلنا المكتب دلوقتي بئى ممنوع؟

(الحارس)

_ وانا اعملكم ايه؟ دي التعليمات الجديدة الي عندنا.

(حماده بانزعاج)

_ يعني ما نقدرش نشوفه لا هنا ولا في اي مكان مش كده؟؟

(يقول الحارس باسلوب سيء)

_ تقدر تشوفه بالحفلات بتاعته.

(علي)

_ يلا بينا يا جماعة .. خلونا نمشي من هنا خلاص مش عايزين ندخل اساسا.

(يشير حماده لما وراء الحارس قائلا له باستهزاء)

_ بس شيل الورقة الي وقعت منك ورا ها؟

(يلتفت الحارس باستغراب ملتقطا الورقة اما الشباب فيغادرون المكان وهم في غاية الاحباط)

الحلقة الثالثة من مسلسل اللعبة 3 E2ff6e5f96

(شروق)

_ ايه الحظ ده؟ .. لما ابئى قريبة جدا من مصطفى ماقدرش اشوفه بالشكل ده؟

(علي)

_ انا مسكت نفسي بالعافية ولا كنت هتخانئ مع الراجل الي قد عشرة ده.

(سلمى)

_ انا ماليش حظ وكنت عارفة ان ده هيحصل.

(عين الحياة)

_ احسن حاجة الي عمله حماده بالراجل واحنا ماشيين خلاه يلف حولين نفسه فاكر انه وقع ورقه من جيبه بجد.

(سيليا)

_ اه فعلا يستاهل.

(حماده)

_ ده مش مقلب على فكرة .. بجد كان في ورقة ورا الراجل الغلس ده.

الحلقة الثالثة من مسلسل اللعبة 3 Ce70a70cd3

(في مكتب مصطفى ... حيث يعمل مصطفى مع عادل وعلي رشاد يدخل الحارس قائلا وهو يعطي مصطفى ورقة)

(الحارس)

_ الورقة دي لقيتها على الباب.

(مصطفى وهو يأخذ الورقة)

_ ورقة ايه دي؟

(الحارس)

_ شوفها بنفسك .. كانت على الباب.

(مصطفى)

_ طيب خلاص ارجع انت لشغلك.

(يعود الحارس لعمله ويقوم مصطفى بقرائة الورقة ثم يقف مذعورا)

(علي رشاد)

_ في ايه يا مصطفى مالك؟

(مصطفى)

_ اياد .... اياد ...

(يقف عادل ويقول وهو يأخذ الورقة من مصطفى)

_ ماله اياد في ايه؟

(مصطفى)

_ روميو .... خطف اياد .... انا ... مش عارف نعمل ايه اتصل بالبوليس؟

(عادل)

_ اهدا يا مصطفى ... خلينا نتأكد الاول.

(علي)

_ خطفه ازاي؟؟ ... والحراسة الي عليه؟؟

(مصطفى)

_ مش عارف .. مش عارف كان معايا الصبح ...

(عادل)

_ مصطفى اهدا .. اتصل بيه .. جايز ده مجرد تخويف مش اكتر.

(علي رشاد)

_ هو كاتب ايه المجرم ده؟

(عادل)

_ كاتب جهز دفتر شيكاتك عشان اياد بئى معايا.

(مصطفى يناول عادل هاتفه قائلا)

_ اتصل يا عادل ارجوك مش قادر اعمل حاجة.

(عادل يأخذ الهاتف من مصطفى ويتصل ب اياد ولكنه لا يرد فيزداد القلق)

(مصطفى)

_ ما بيردش مش كده؟ ... يبئى فعلا خطفه ... ازاي .. هنعمل ايه دلوقتي.

(علي رشاد)

_ مصطفى ... اولا ارجوك اهدا انت مش قادر تاخد نفسك من الرعبة .. اهدا عشان نعرف نتصرف.

(عادل)

_ انا هتصل بالحرس بتاعه.

(مصطفى)

_ ايوا صح .. اتصل ... اتصل بيهم بسرعة واسئلهم.

(يتصل عادل بالحرس ولكن لا احد منهم يرد ايضا)

(عادل)

_ ما حدش بيرد.

(مصطفى)

_ اااااااااااااااه .. يبئى عملها ... خطفه .. خطف اياد خطفه.

(عادل)

_ جايز يكونو مش سامعين التلفون .. ارجوك اهدا.

الحلقة الثالثة من مسلسل اللعبة 3 03cdcc23ba

(في مكان اخر ... في منزل محمد فرج حيث يجتمع مع نوسي وسيليا وعين الحياة وسلمى وشروق وشيكا ومحمد كرويم وعلي)

(محمد كرويم)

_ طيب كنتو قلتو انكم رايحين لمصطفى مكتبه كنت رحت معاكم ... انا بروحله على طول وكنت هعرف ادخلكم.

(محمد فرج)

_ واحنا كنا نعرف انه متغير اوي كده ومش طايئ يشوفنا؟

(عين الحياه)

_ وبعدين الحرس كان مالي المكان هناك .. يعني ماكانوش هيدخلو حد مهما كان.

(محمد كرويم)

_ جايز عنده شغل كتير.

(سيليا)

_ الحكاية مش حكاية شغل هو شاكك ان في حد فينا بيمد روميو بالفلوس والمعلومات عنه عشان كده عايز يبعد عننا.

(شيكا)

_ احنا طالعين الرحلة بكره خلاص .. يعني الي بنى آمال عالية ان مصطفى هيجي معانا يهدها من تاني ويستعد لبكره لاننا
هنتقابل كلنا على الساعة تسعة الصبح وهننطلق خلاص.

(سلمى)

_ يعني مافيش امل خلاص؟

(علي)

_ طيب مش ممكن نأجل رحلتنا شوية على امل نقدر نوصله ونقنعه يجي معانا؟

(نوسي)

_ لأ طبعا مش هنأجل علشانه ... اساسا انا هزعل اوي لو كان موجود.

(شروق)

_ وانا هزعل منك بجد يا نوسي لو فضلتي تتكلمي عنه بالشكل ده.

(محمد فرج)

_ يا جماعة اهدو شوية وماتتخانئوش لان مصطفى مش جاي اساسا ... خلاص نتقابل بكره وكله يجيب معاه حاجته بالكامل.

الحلقة الثالثة من مسلسل اللعبة 3 313fee5745

(في مكتب مصطفى)

(مصطفى بتوتر تام)

_ خلاص مش قادر استنى اكتر من كده .. لازم اعمل حاجة .. انا هبلغ البوليس.

(علي رشاد)

_ مصطفى عادل بيتصل بالحرس كل ثانية اصبر شوية بس نتأكد وبعدين اعمل الي انت عايزه.

(مصطفى)

_ طيب .. ارجع اتصل ب اياد يا عادل جايز يرد عليك.

(عادل)

_ حاضر ... هتصل من تاني ...

(مصطفى)

_ التلفون بيرن؟

(عادل)

_ اه برن ....

(يرن الهاتف عدة مرات قبل ان يصرخ عادل قائلا)

_ الو ... اياد؟؟؟

(يأخذ مصطفى الهاتف من يد عادل بسرعو ليتحدث مع اياد قائلا)

_ اياد ... اياد انت كويس؟؟؟؟؟؟

يتبـــــــــــــــــع ...............

الحلقة الثالثة من مسلسل اللعبة 3 D3c83023fa

الإدارة العمر : 36

تسلم ايديكي يا حنان الحلقة حلوة كتير
بس يا ترى مين الي رما الورقة ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
حاسة ان الشخص المجهول هيكون بنت بس مين هية؟؟؟ مين هية متقولي يا حنان وانت يا روميو اعترف مين الشخص المجهول
ههههههههههههههههههه

عضو العمر : 39

فكرة حلوة وقصة حلوة كمان ده اول جزء انا اقراه بس عن جد حلو Smile

عضو العمر : 37

ممممممممممممممم هههههههههههههه ياجماعه انا بشتغل الراجل ده متصدقوش حنان

Admin العمر : 35

reta amar كتب:: فكرة حلوة وقصة حلوة كمان ده اول جزء انا اقراه بس عن جد حلو

ميرسي ليكي يا ريتا منورة Smile

Admin العمر : 35

ميرسي يا حماده ميرسي يا نسرين بس اكيد مش هقول مين الي رمى الورقة ههههههههههههههه

عضو العمر : 37

ياربي ياحنان وقفتي عند حطة اه ياني عايزة اعرف حصل ايه
بس حقيقي انتي هايلة ومبدعه ربنا يوفقك

Admin العمر : 35

ههههههههههههههههههههه ميرسي يا سيليا معلش الصبر جميل geek

مشرفة العمر : 38

اااااااااااااه يانى منك بتوقفى الحلقة فى اوقاااااااااات

Admin العمر : 35

ههههههههههههههههه معلش يا سالي الي جاي انيل ههههههههههههه

الإدارة العمر : 32

هههههههههههههههههه الله عليكي يانونا وعلي الحلقة الجميلة دي وفي انتظار الحلقة الرابعه يلا بقي عشان نعرف مين شريك روميو المره دي لو مش انا طبعا ههههههههههههههه ادينا هنشوف وهنعرف من المواقف اللي هتحصل وانا ابتديت اشك في حد اهو وانتي عارفه اني عندي ملاحظة قوي فاكرة الجزء التاني لما كنت بتوقع حاجات صح هههههههههههه

عضو العمر : 28

ليه كده بس يا حنان بتعملي زي المسلسلات بتوقفي في لحظة يعني هنتجنن
نزلي الحلقة الجاية بقى بسرعة عشان نعرف اللي حصل
و مين رمى الورقة بقى بجد نفسي اعرفه

Admin العمر : 35

ههههههههههه ميرسي يا محمد ويارب توقعاتك تطلع صح وشكرا يا شروق وكمان شوية انزل الحلقة الرابعه انشالله Surprised

جميلة اوى الحلقة يانونة بجد تسلم ايدك وكلة ينتظرنى فى الرحلة انا جاى معاكم عشان اوريكم النجوم فى عز الضهر هههههههههههههههههههههههههه

عضو العمر : 38

تسلم ايدك نونو جامده اووووووووى

Admin العمر : 35

ميرسي يا نوسي Smile

» الحلقة رقم 15 من مسلسل اللعبة 3
» الحلقة رقم 16 من مسلسل اللعبة 3
» الحلقة رقم 13 من مسلسل اللعبة 3
» الحلقة رقم 23 من مسلسل اللعبة 3
» الحلقة رقم 14 من مسلسل اللعبة 3