الحلقة الثانية من مسلسل اللعبة 3

Admin العمر : 35

الحلقة الثانية من مسلسل اللعبة 3 6883c1a5ba

( في منزل عين الحياة حيث يجتمع البنات)
(نوسي)
_ لو شفتوه كلمنا ازاي ... انا غلطانة اني قبلت اروحله مكتبه بعد ما رحناله قبل كده كتير و رفض يقابلنا.
(سلمى)
_ غلطانة انك رحتي شفتيه؟!!! ... انا بحسدكم اساسا ... انا بتمنى اكون مكانكم حتى لو روميو كان بيهددني ليل نهار.
(سالي ضاحكة)
_ معاكي حق تقولي كده .. مانتي ما شفتيش عمايل روميو.
(نوسي)
_ وما شفتيش مصطفى عاملنا ازاي مبارح ... انا هتجنن ... اعاصبي بتغلي اوي مش عارفة سكتت ليه.
(عين الحياة)
_ وليه كل ده؟ .... هو عمل ايه؟
(شروق)
_ مصطفى مهما عمل بيفضل عسل منه .. نفسي بجد اقدر اقابله مرة وحده بس مرة وحده.
(نوسي)
_ مصطفى متغير عن زمان ... بئى مغرور جدا ومتكبر اوي .. عاملنا معاملة وحشة جدا وبالاخر رفع مسدسه علينا... يعني بيهددنا كلنا ... حد بيصدق الي حصلنا ده؟
(سيليا)
_ ما تنفعليش زيادة يا نوسي ... الراجل كان بيتحاشانا عشان الي حصله بسببنا ... لازم نصبر عليه هو معذور ... ده خايف على ولاده جدا.
(شروق)
_ بقلك ايه يا سيليا ... هو ما ينفعش مصطفى يجي معانا الرحلة؟
(سالي)
_ انتي بتقولي ايه هو ناقص ... ده كان مش طايئنا نص ساعة هيجي معانا الرحلة كمان.
(سلمى)
_ خسارة ... كان نفسنا والله يجي ... كانت هتبئى احلى رحلة بنطلعها طول عمرنا.
(سيليا)
_ الغرض من الرحلة دي بالاساس هو المسابقة يا سلمى احنا مش خارجين فسحه وخلاص.
(سالي)
_ انا اهم حاجة عندي اني اخلص من مشكلة روميو دلوقتي انا عندي مشاكل ومش ناقصة.

الحلقة الثانية من مسلسل اللعبة 3 941e9eab1f

الحلقة الثانية من مسلسل اللعبة 3 B79c53da95

(في مكان اخر ... حيث يجتمع كل من حماده وسيد ممدوح ومحمد قمر وشيكا وعلي مع بعض)
(سيد ممدوح)
_ يعني انتو متأكدين ان كل حاجة جاهزة خلاص؟
(محمد فرج)
_ اطمن كل حاجة جاهزة ... وان شاء الله مش هتحصل مشاكل.
(سيد ممدوح)
_ انا هاجي بعربيتي .. والباقي بالباص صح؟
(شيكا)
_ وانا هاجي بالعربية بردو ... والباقي بالباص .. المكان بعيد ولازم ناخد كل الاحتياطات .. انا هتناوب مع محمد على السواقه.
(حماده)
_ وانا هركب مع سيد وهتناوب معاه.
(محمد فرج)
_ كانت لازمتها ايه العربيات؟ احنا مش قلنا باص وخلاص؟ غيرتو رأيكم؟
(شيكا)
_ الباص هيكون موجود .. بس يعني احتياط .. بعد حكاية روميو لازم نحتاط الحذر واجب.
(علي)
_ انا مش عارف انتو خايفين منه ليه؟ ... انا لو وقف قدامه اخلص عليه بدقيقة.
(سيد ممدوح)
_ مين روميو ده؟
(حماده)
_ انا شايف يا شباب انكم لازم تقولوله قبل الرحلة .. طالما قلقانين اوي كده.
(سيد ممدوح)
_ يقولولي على ايه؟ .. هو في ايه؟
(شيكا)
_ انا هشرحلك كل حاجة.

الحلقة الثانية من مسلسل اللعبة 3 A3a102815e

(في وقت اخر حيث يتوجه سيد ممدوح لزيارة مصطفى في مكتبه فيقابله مدير اعمال مصطفى عادل جاد)
(سيد ممدوح)
_ ازيك يا عادل عامل ايه؟
(عادل)
_ اهلا .. ايه المفاجأة الحلوة دي؟
(سيد ممدوح)
_ معلش انا جيت من غير ما اتكلم.
(عادل)
_ تعالا ادخل مافيش حاجة احنا اساسا مش بنشغل.
(سيد ممدوح)
_ والله؟ .. ليه مافيش شغل اليومين دول؟
(عادل)
_ والله فيه وكتير اوي كمان بس هو الجو متكهرب شوي.
(سيد ممدوح)
_ مصطفى هنا صح؟
(عادل)
_ موجود .. جوا.
(سيد ممدوح)
_ انا هدخله.
***********************************
(مصطفى)
_ يعني الشباب قالولك على كل حاجة؟
(سيد ممدوح)
_ طبعا ... احنا طالعين رحلة طويلة مع بعض ولازم اعرف حاجة زي دي.
(مصطفى)
_ عموما مافيش حاجة مستخبيه كل الناس عارفة قصة المجرم ده معايا وبكرة كلهم يعرفو انه بعتلي تهديد من تاني لاني هبلغ البوليس.
(سيد ممدوح)
_ بقلك ايه .. ما تيجي معانا الرحلة تريح نفسك شوية وتبعد عن هنا؟
(مصطفى)
_ اجي فين بس يا سيد؟ انا مرابط هنا جنب ولادي خايف لحد فيهم تحصله حاجة.
(سيد ممدوح)
_ يعني هو انت هتفضل جنبهم على طول؟ ... انت ليك شغلك وحياتك .. امنلهم الحراسة الخاصة طول الوقت وبكده تطمن.
(مصطفى)
_ انا مأنلهم حراسة قوية جدا .. انما انا مش مطمن .. اصلك مش عارف المجرم ده يقدر يعمل ايه.
(سيد ممدوح)
_ من الواضح ان كلكم بتخافو من الراجل ده جدا.
(مصطفى)
_ ده داهية يا سيد ... دخل بينا وخرب العلاقة بينا كلنا وحاول يشوه سمعتي ويقتلني اكتر من مرة.
(سيد ممدوح)
_ طيب الشباب ذنبهم ايه بس يا مصطفى تعاملهم وحش كده؟ .. هم كمان بئو خايفين جدا من ساعة ما عرفو بحكاية التهديد دي.
(مصطفى)
_ ذنبهم ايه؟ .. واحد منهم او حتى اكتر ليه علاقة بروميو .. واكيد بيمدو بالفلوس .. انا بكرة هبلغ البوليس واكيد هيعرفو مين شركائه.
(سيد ممدوح)
_ لو كان كلامك صحيح يبئى انت لازم تحط عينك على الشباب طول الوقت وتراقبهم عشان تعرف مين فيهم الخاين .. عشان كده انا شايف انك تطلع معانا الرحلة وبكده تقدر تراقبهم كويس وتعرف مين فيهم بيكلم روميو وبيساعده.
(مصطفى)
_ هو ايه حكاية الرحلة دي صحيح؟ ... انت طالع معاهم بجد؟
(سيد ممدوح)
_ ايو طبعا طالع .. الرحلة دي تهمني جدا .. دي مسابقة عن جمال الطبيعة احنا هنصور الاماكن الحلوة هناك والاشجار وهنخيم كمان .. وبعدين الجايزة بتاعتها كبيرة وهتروحح للايتام .. احنا عاملين فريق وفي غيرنا ناس تانية كتير كل مجموعة بتختار مكان وطبيعة معينة مش معروفة في مصر وبتصورها وبالاخر بيبان مين احلى عمل وانا حابب بجد نفوز بيها.
(مصطفى)
_ مناظر طبيعية؟ ... طيب دي حاجة كويسة ياريت الظروف كانت احسن من كده كنت جيت وريحت دماغي شوي انما مش نافع.
(سيد ممدوح)
_ تعالا انت بس وريح نفسك وابعد شوية عن جو السلبية ده والخوف والقلق .. اكيد هترتاح بالمناظر الحلوة الي هتشوفها .. وبالمرة تراقب الشباب والبنات ويكونو تحت عينك طول الوقت.
(مصطفى)
_ مش ممكن يا سيد ... انا مش طايئ اشوف حد فيهم ولا للحظة .. ازاي هتحمل اخيم معاهم .. انا حاقد عليهم اوي .. من ساعة ما دخلو حياتي و المجرم ده بيطاردني ومش عايز يسبني بحالي ابدا ودلوقتي بئى بيطارد ولادي ومراتي.
(سيد ممدوح)
_ وهم ذنبهم ايه يا مصطفى؟ دول بيحبوك اوي.
( يقف مصطفى قائلا بغضب)
_ وانا بكرههم .. بكره كل واحد فيهم ... مش طايئهم خالص يا سيد ولا طايئ اسمع اسم حد فيهم.
(سيد ممدوح)
_ يا اخي تعالا معانا ومثل عليهم الحب حتى تعرف الي عايز تعرفه وتوصل لروميو بالاخر .. مثل عليهم .. انت مش ممثل ودي شغلتك؟ ... هتعرف تمثل عليهم انك بتحبهم لحد ما تاخد غرضك وخلاص.
(مصطفى)
_ انا محتاج اكون احسن ممثل في العالم عشان اقدر استحملهم شوية ... لا يمكن اقدر امثل الحب عليهم ... حياتي بئت جحيم بسببهم ... وهم عايشين حياتهم عادي ولا فارق معاهم.
(يقف سيد ممدوح قائلا)
_ مصطفى ... تعالا معانا ... حاول كل طاقتك تمثل عليهم انك بتحبهم وانك طالع معاهم الرحلة عشان تعوضهم عن تعاملك معاهم المرة الي فاتت وبكده تاخد الي انت عايزه .. فكر و ردلي جواب فاضل كم يوم عالرحلة.
(مصطفى)
_ دي حاجة صعبة جدا يا سيد ... ما ظنش اني هقدر.

الحلقة الثانية من مسلسل اللعبة 3 5b2dde96cf

( في وقت لاحق ... حيث يجتمع الشباب مع الفنان سيد ممدوح)
(عين الحياة)
_ يعني انت طلبت من مصطفى يجي معانا الرحلة؟
(علي)
_ ياريت يوافق .. دي بكده تبئى اجمل رحلة بحياتي كلها.
(سيد ممدوح)
_ انا حاسس انه ممكن يقبل .. عموما هو هيفكر.
(محمد فرج)
_ ازاي بس هيطلع معانا؟ ... ده باين مش طايئنا خالص .. احنا كنا نتمنى طبعا لكن اكيد مش هيوافق.
(شيكا)
_ عموما احنا نفرح جدا لو هيجي برغم كل الي عملو معانا الفترة الي فاتت .. دلوقتي انا و محمد هنروح نخلص معاملات المسابقة وبعد ما نخلص نتصل بيكم.
(سيد ممدوح)
_ وانا هروح اشيك على العربية بتاعتي.
(علي)
_ وانا وحماده هنروح نشوف البنات لو ناقصهم حاجة.
(سيد ممدوح)
_ يبئى كل واحد يخلص شغله ونتقابل يوم الرحلة بئى .. عايز حماس كبير دي مش مجرد جايزة عادية .. دي ليها قيمة معنوية عاليه جدا لينا كلنا ده غير القيمة المادية.
(بالقرب منهم حيث تصطف سيارة اجره يجلس بالمقعد الخلفي روميو الذي ينظر اليهم وهم في غاية الحماس للرحلة قائلا للشخص المجهول الذي يجلس على يمين السائق)
(روميو)
_ بصلهم فرحانين ازاي .. بيجهزو للرحلة وعايشين حياتهم بكل سعادة وفرح .. وكمان الي اسمه سيد ده .. انا عمري ما حبيته .... فكرني نرتبله حاجة هو كمان.
(الشريك المجهول)
_ ما تخافش يا زعيم .. هي ايام بس يفرحو بيها وبعد كده كل واحد فيهم هيشوف الجحيم بعينه.
(روميو)
_ مش بس الجحيم .. عايزهم يتمنو الموت وما يحصلوش عليه ... عايزهم ينطقو اسمي في الاحلام .. عايزهم يشوفو شبحي في كل حته وكل وقت ... عايزهم .. عايزهم يفتكروني.
(الشريك المجهول)
_ كل حاجة مترتبه .. شوية صبر وناخد الي عايزينه .. المال والشهرة والانتقام واي حاجة تانية تتمناها يا مرعب.
(يضحك روميو ثم يقول)
_ ايوا .. مرعب .. ودي الي هتكون حكايتي معاهم المرادي ... استعدو روميو المرعب رجع من تاني.

الحلقة الثانية من مسلسل اللعبة 3 Cc24e66026

( في مكان اخر .. حيث يجتمع حماده وعلي ومحمد فرج وسالي وسلمى وشروق)
(حماده)
_ انا سئلت واتأكدت .. مصطفى عنده فرح الليلة هيغني فيه ولو رحنا هنعرف ندخل لان الفرح هيبئى فيه ناس كتيرة هندخل ونصور كمان وننزل الخبر على الفيس بوك قبل الكل.
(سالي)
_ وافرض منعونا ندخل؟
(سلمى)
_ احنا نحاول هنخسر ايه؟ ... انا هتجنن واشوفه وحاولت قبل كده كتير والمرادي عندي امل.
(شروق)
_ لو هتعرفو تدخلونا نيجي ونتصرف مع اهلاينا بس انتو خبرونا قبلها بيوم.
(علي)
_ ما تخافوش يا جماعة احنا رابطة محبين مصطفى وهيكون معانا كروت تثبت كده وهيدخلونا.
(محمد فرج)
_ بس ده فرح مش حفل عادي .. وبعدين افرض ان مصطفى شافني معاكم .. انا نفسي اروح اوي بس .. انا خايف يزعل لو شافني بالفرح ده فاكر اني اعرف حاجة عن روميو ومخبي عليه.
(سالي)
_ ولو شافني انا كمان يمكن يزعل ويخاف نكون عاملين عليه مؤامرة .. بس بردو نفسي اروح اوي انا عايزة اخرج نفسي من جو الشغل والتعب بتاعي واشوف مصطفى بيغني من تاني قدامنا كده لايف.
(علي)
_ يعني هيحصل ايه؟ بصو يا جماعة مصطفى مطرب مشهور ومتعود على المشاكل من جمهوره واكيد عنده جمهور كتير اوي غيركم مابيحبش يشوفهم بحفلاته لكن بيجو .. يعني عادي جدا ما تحرموش نفسكم من الفرح عشان الوسواس الفاضي ده.
(سلمى)
_ وانا هقول للبنات وهشوف مين فيهم يقدر يجي معانا كمان.

الحلقة الثانية من مسلسل اللعبة 3 978c110069

(في وقت اخر)
(شيكا)
_ انا ومحمد عملنا اخر اجرائات الرحلة خلاص .. بس المكان الي هنروح عليه هيكون بعيد شوية يا سيد يعني ياريت بجد لو تقدر تقنع مصطفى يجي معانا عشان البنات يطمنو اكتر ان معاهم اكتر من واحد كبير ومسؤول.
(سيد ممدوح)
_ والله انا كمان حابب انه يجي معانا .. وهو كمان يحب يجي لرحلة الطبيعة دي بس المشكلة انه عنده شغل كتير الفترة دي .. ده غير التهديد الي وصله والي مخليه خايف على مراته و ولاده.
(محمد فرج)
_ عشان خاطرنا حاول وكلمه من تاني يا سيد .. احنا نفسنا يرجع يتعامل معانا زي زمان وينسى الي حصل.
(علي)
_ وانا كمان نفسي اقابله جدا .. وبعدين احنا جمهوره ومالناش ذنب ب الي عمله روميو فيه زمان.
(سلمى)
_ ارجوك يا سيد اقنعه ارجوك .. مصطفى طيب واكيد هيحب يجي معانا ويفرحنا.
(نوسي)
_ طيب؟ .. ده كان زمان .. ده مش طايئنا وبيكرهنا اوي.
(سالي)
_ مش للدرجادي يا نوسي.
(شروق)
_ لو انت فاكره كده بجد يا نوسي يبئى ماتعرفيش مصطفى خالص.
(نوسي)
_ بالعكس انا اكتر وحده عارفاه وعارفة كمان انه بيكرهنا اوي.
(سيليا)
_ نوسي .. الراجل بس متدايئ مننا الفترة دي عشان التهديد الي وصله .. لكن هو مش بيكرهنا ولا حاجة.
(محمد كريم)
_ بصو يا جماعة .. احنا بعد الفرح نروحله ونكلمه ونشوف هيوافق ولا لأ.
(حماده)
_ يعني هنعرف نوصله؟
(محمد فرج)
_ انا هكون معاكم وهنحاول.
(سيد ممدوح)
_ وانا كمان هكلمه من تاني لو ماعرفتوش تقنعوه.
(عين الحياة)
_ ربنا يخليك لينا يا فنان احنا بجد مش عارفين نشكرك ازاي على كل ده

الحلقة الثانية من مسلسل اللعبة 3 D68f4c3b12

يتبــــــــــع ....................

الإدارة العمر : 36

جامدة الحلقة يا حنان تسلم ايديكي على اسلوبك الجميل
وبعدين روميو المعفن ده هيعمل ايه يعني ههههههههههههههههههههههههههههههههههههههههههههههههههه وبعدين زعيم ايهده اخره يكون
زعيم شوية قطط من الي بتبقى تنونو في الشارع هاهاهاها

عضو العمر : 28

جااااااااااااااااااامدة يا نونة بس روميو ده كلام ع الفاضي و لا يقدر يعمل ... بس انا نفسي اعرف مين الشريك المجهول ده

Admin العمر : 35

ههههههههههههههههههههه معلش يا جماعة انا عارفة ان روميو معفن وماحدش هاضمه بس استحملوه شوية هههههههه ميرسي يا نسرين ميرسي يا شروق منورين

عضو العمر : 37

واووو يانونتي تحفة تسلم ايديكي
اه ياني من المرعب ده وبعدين وياك مش هترحمنا بقي ياساتر عليك
لا وكمان مش هيسبنا في احلاامنا ده انتا جبار ياشيخ

Admin العمر : 35

هههههههههههههه معلش يا سيليا جايز يموت في الجزء ده ومايكملش في الرابع هههههههههه

عضو العمر : 37

جااااااااااااامده موت يانونا تسلمي ياقمر وعلي ابداعاتك

Admin العمر : 35

ميرسي يا حماده Very Happy

عضو العمر : 34

تسلم ايدك يا حنونة بجد اسلوبك بالكتابة اكتر من رئععلي فكرة انا حسة ان الشريك المجهول دة يبقي حمادة مش عارفة ليه احساسي بيقولي كدة ههههههههههههههههههه ربنا يستر

مشرفة العمر : 38

جميلة يا نونة بس ايه الاحباط اللى انا عاملاه للقمراوية ده كرهتينى فى نفسى يا شيخة ههههههه
بس انا حاسة ان قمر هيجى معانا الرحلة ونغيظك

Admin العمر : 35

ههههههههههههههههههههههههه احساسك في محله يا ......... انما انتي يا ............. غلطانه وبكده مش هتعرفو لو مصطفى طالع الرحله ولا لو حماده هو شريك روميو ههههههههههههه ميرسي ليكم يا جماعة منورين بجد

هههههههههههههههههههههههه وحياة امى لاهعرفكم تشتمونى ازاى ماااااااااااااااااشى دا انا المرعب برضة وهخليكم تحلموا بيا ههههههههههههههههههههههههههه

عضو العمر : 38

ههههههههههههههههههه وبعدين يعنى انتى مخليانى مش طايقه قمرى ليه بس ده حياتى والله هههههههههههههههههه

تسلم ايدك نونتى جامده اوووى

Admin العمر : 35

ههههههههههههههههههه معلش يا نوسي اصله كان بايخ شوية معاكي ههههه ميرسي يا قمر

» الحلقة رقم 18 من مسلسل اللعبة 3
» الحلقة رقم 20 من مسلسل اللعبة 3
» الحلقة رقم 15 من مسلسل اللعبة 3
» الحلقة رقم 16 من مسلسل اللعبة 3
» الحلقة رقم 17 من مسلسل اللعبة 3