(روميو)
_ انتو ليكو عين تتكلمو اساسا؟ انتو نسيتو عملتو فيا ايه؟
(اميرة اخت القمر)
_ خد بالك من كلامك يا روميو ... مش احنا الي عملنا فيك كده .. انت الي ورطت نفسك الورطة دي.
(روميو)
_ تقومو تنسوني؟ ... تنسو روميو اخوكم وصاحبكم؟ ترموني بالسجن كده ولا تفكرو تسئلو عليا ولا تزوروني حتى؟ معقولة للدرجادي هانت عليكم العشرة والصحبة؟ انتو غلتطو بحقي كتير اوي .. كلكم ... كلكم بلا اثتثناء وانا مش هسكت هردهالكم.
(رانيا)
_ انت بتهددنا ولا ايه؟
(روميو)
_ ايوا بهددكم .. هو انتو لسى شفتو حاجة؟ دي لسى البداية بس ... ده الانتقام منكم كلكم هيبدأ قريب خطوة خطوة لغاية ما اخرج من هنا وانتقم منكم بنفسي بئى .. البنات والشباب .. الكل.
(رانيا)
_ يعني انت ورا حكاية الصحفي الي ابتز مصطفى واخد منه فلوس؟
(روميو ضاحكا)
_اعمل ايه كنت محتاج فلوس عشان ابدأ انتقامي بقوة .. وتخيلو الخيبة انا هنتقم منكم وهدمركم كلكم بفلوس مصطفى الي هو بنفسه اداهالي .. اه و كمان انا الي حبست سيليا ومصطفى .... ههههه شفتو قد ايه انا اقدر اعمل حتى وانا هنا بالسجن؟
(رانيا)
_ انت عايز مننا ايه يا روميو؟؟ ... سيبنا بحالنا بئى.
(روميو)
_ عايزكم تفتكرو كلامي ده كويس اوي ... كل ما خرجتو من البيت وارجعتو سالمين قولو الحمدلله ربنا مد بعمرنا يوم زيادة وبصو لحوليكم كويس اوي اوعو ترتاحو واوعو تأمنو لحد ودايما شكو بأقرب الناس ليكم .. واعرفو اني هخرج قريب وان انتقامي هيبقى من الكل ومش هرحم حد فيكم .. ورسالة اخيرة ل الي بعتلكم ليا توصلوهاله ( انا مش هساعد الي رماني بالسجن وشريكي مش هتعرفوه ابدا)
(اميرة اخت القمر)
_ يعني ايه الكلام ده؟؟ .... انت ليك شريك بوسطينا؟؟ وهو الي عمل كل ده؟
(روميو)
_ طبعا ... و واحد قريب منكم جدا ... صاحبكم اوي او صاحبتكم اوي ... مش هتعرفوه .. بس شكو بنفسكم وفكرو كويس جايز توصلوله.
(في وقت لاحق )
(محمد قمر)
_ هو قلكم كده؟
(رانيا)
_ ايوا واكتر كمان ولو شفت ازاي كان واثق من نفسه المجرم ده؟
(ايمي)
_ احنا لازم ناخد بالنا منه على فكرة ده هددنا كلنا وبيقول انه هيخرج من السجن قريب.
(محمد قمر)
_ يعني مصطفى كان معه حق ... روميو ورا كل الي بيحصل ده .. يبئى احنا كلنا لازم ناخد بالنا منه كويس اوي.
(اميرة اخت القمر)
_ انت وصل ل مصطفى الي عرفناه وشوفو هتعملو ايه جايز يحب يبلغ البوليس انه وصلنا تهديد من روميو.
(محمد قمر)
_ هو طلب حاجة تانية اصله مأجل حكاية البوليس دي شوية.
(اميرة اخت القمر)
_ حاجة ايه دي يا محمد؟
(محمد قمر)
_ مش مهم هي ايه المهم انا هتصل بيكم عشان نحدد موعد الحفلة زي ماوعدتكم.
(رانيا)
_ محمد الوضع ديلوقتي اختلف لو شايف الحكاية دي صعبة عليك بلاش منها.
(ايمي)
_ لا بلاش ده ايه؟ احنا عايزين نفك عن نفسنا شوية لوحدنا من غير الشباب ونتفوق عليهم بحاجة بئى.
(محمد قمر)
_ طيب خلاص ... انا هكلمكم.
(في مكتب مصطفى حيث يتحدث مع الشباب في غرفة مكتبه محاولا عدم لفت انتباه عادل جاد لأي شيئ)
(مصطفى)
_ انا قلتلكم من الاول انه هو روميو ماصدقتونيش .. الراجل ده مجرم خطير ده بيشتغل بينا وهو جوا السجن امال لو برا كان عمل ايه؟
(شيكا)
_ طيب يجرب يعمل حاجة تاني ده انا ابعتله ناس لجوا السجن يخلصو عليه.
(مصطفى)
_ عملت ايه يا محمد بالموضوع الي كلمتك فيه؟
(محمد قمر)
_ كل حاجة جاهزة ماتقلقش.
(اسلام)
_ على فكرة احنا عارفين كل حاجة.
(مصطفى متفاجئا)
_ عارفين؟؟ هو قلكم؟؟
(شيكا)
_ طبعا قلنا هو يقدر يخبي عننا حاجة؟
(مصطفى)
_ وانتو يعني مش معترضين؟
(اسلام)
_ بصراحة بعد الي حصل ده جايز يكون معك حق.
(محمد قمر بارتباك)
_ الشباب ... قصدهم يعني انه معك حق تفكر تعمل الحفلة للبنات ... انا قلتلهم انك عايز تعمل الحفلة دون مقابل.
(مصطفى)
_ اااه الحفلة ... اه طبعا هنعملها وليه لا؟
(شيكا)
_ بس احنا معاكم فيها.
(مصطفى)
_ معانا ؟؟ ... معانا ازاي دي حفلة للبنات بس؟
(شيكا)
_ ماشي واحنا مايتضحكش علينا وبعدين لولا ان محمد قلك على خططتهم كان زمانك مخضوض من الخطف الي عايزين يخطفهولك .. دول بنات غير مسؤولات ولازم يتعاقبو ع الي بيفكرو بيه.
(مصطفى)
_ يا سلام؟ هتعاقبهم ازاي بئى حضرتك؟
(اسلام)
_ بسيطة جدا احنا هنمثل ان في حد خطفك بالطريق وانت مع محمد وبكده الحكاية تقلب بجد والبنات يستعينو بينا عشان ننقذ الموقف.
(مصطفى)
_ يا سلااااااااااام دي تبئى حفلة بجد.
(الكل)
_ ايييييييه؟
(محمد قمر)
_ يعني انت موافق يا مصطفى؟؟ انا مش متخيل انك توافق عاللعبة دي .. حرام عليك تعمل كده بالبنات.
(مصطفى)
_ امال هم مش حرام عليهم يسلطو عليا حد يخطفني يا خويا؟ وياعالم عايزين يعملو ايه تاني؟ انا موافق يا جماعة ده هيبقى اجمد مقلب عملته بحد بحياتي كلها.
(محمد قمر)
_ يا سلام متحمس اوي كده؟ ربنا يعديها على خير بس.
(في يوم الحفلة حيث يقف محمد قمر بسيارته امام مدخل العمارة منتظرا مصطفى لينزل وخلفه تقف سيارة البنات بقيادة اميرة وخلفهم تراقبهم سيارة شيكا واسلام وحين يحل الظلام وينزل مصطفى من العمارة كما خطط مع الشباب يخرج محمد من سيارته ويتجه خلفه مسرعا و واضعا منديلا مخدرا على انفه مخدرا اياه امام البنات ثم يجره بسرعة لداخل السيارة ويبدأ قيادتها مسرعا ويلحقه كل من البنات بالسيارة وخلفهم الشباب يقود محمد وهو في غاية التوتر وحين يدخل الى طريق الغابة يضلل البنات ويسلك طريقا اخر في حين ان البنات يظنون انه سبقهم فيستمرون بالقيادة حتى يصلون الى منزل روميو الذي اعدوه للحفلة قبلها بيوم اعادا تاما ... يقف محمد بسيارته وخلفه تقف سيارة شيكا واسلام الذين يتجهون اليه قائلين)
(شيكا)
_ البنات فين؟؟
(محمد قمر)
_ سبقونا عالبيت وماخدوش بالهم اني غيرت الطريق.
(اسلام)
_ مصطفى هيفوق ايمتى طيب؟
(محمد قمر)
_ كمان شوية ... انا مش عاجباني كل الحكاية دي بجد حرام عليكم المقلب ده.
(اسلام)
_ سيبنا يا عم نخوّف البنات شوية ونرعبهم خليهم يفتكرو ان في عصابة كبيرة اوي اوي بالمنطقة وان فيه مصاصيين دماء هنا واكلين لحوم البشر ... يااااااااه دي هتبقى ليلة.
(شيكا ساخرا)
_ بلاش تخريف يا اسلام هو في حاجة اسمها اكلين لحوم بشر بردو؟ .. هم بس هيفتكرو ان شبح روميو هنا وانه طلع لمحمد عالطريق وخطف مصطفى منه.
(محمد قمر)
_ انتو بتضحكو وتتريئو؟؟ ماشي انا مالي انتو الي خططتو لكل حاجة؟ اسبقوني عالبيت ولما يصحى مصطفى هسيبه هنا لوحده واجيلكم بعربيتي ننفذ الخطة المهببة بتاعتكم.
(اسلام)
_ انت هتسيبه هنا بالمكان الموحش ده لوحده ومن غير عربية؟
(محمد قمر)
_ يا سلام .. مش دي فكرتكم؟ ومصطفى موافق عليها؟ يبئى يدوء بئى خليه هنا لوحده لحد ما نرجعله.
(شيكا)
_ لا بلاش تسيبه هنا .. انتو تيجو مع بعض بس انت تسبقه لجوا وتخليه يستنى برا ربع ساعة كده وبعدين يدخل ويكشف المقلب كله .. واحنا لما نوصل للبنات هنقولهم انك اتصلت بينا وقلتلنا انه طلع عليك ناس عالطريق خطفوه منك ماشي؟
(محمد قمر)
_ ماشي.
(في مكان اخر)
(نوسي)
_ هو مين ده الي اتخطف؟؟ انتو بتتكلمو جد؟؟ لا اكيد انتو فاهمين غلط المفروض ان محمد بيهزر وبس دي خطة احنا عاملينها.
(شيكا)
_ احنا اعرفنا كل حاجة ... محمد كلمنا وقلنا عالحفلة وقلنا كمان انه وهو في الطريق طلعو عليه ناس خطفو منه مصطفى.
(ايمي)
_ ومين هيعمل كده اساسا؟ احنا بس الي نعرف بموضوع الحفلة دي ومش ممكن حد فينا يكون عملها.
(اسلام)
_ يبئى اكيد روميو.
(رانيا)
_ وهو روميو هيعرف منين ان احنا هنا واننا مخططين لكل ده؟
(اميرة اخت القمر)
_ باينة زي عين الشمس ... في حد فينا خاين وكلام روميو طلع صح في شريك ليه من وسطينا واحنا لازم نعرف هو مين.
(سيليا)
_ انتو بتقولو ايه؟ مش لما نعرف الاول هو خطف مصطفى وراح بيه فين وعايز منه ايه؟
(البرنسيسة سالي)
_ انا خايفة اوي ... ده ممكن يطلعلنا ويقتلنا كلنا.
(اسلام وشيكا كانو في غاية السعادة انهم لخبطو البنات)
(اسلام)
_ ماتخافوش انتو وراكو رجالة.
(نوسي)
_ رجالة ايه؟ بنقلك في حد خاين من وسطنا وجايز يكون أي حد فيكم.
(شيكا)
_ خاين ايه؟ لا دي تخاريف روميو عشان يقلبنا على بعض وبس.
(رانيا)
_ مش صحيح ... في خاين بينا ولا ازاي روميو عرف ان احنا هنا الليلة؟ تقدر تفسرلي؟؟؟
(اسلام بصوت منخفض ل شيكا)
_ الحكاية اتلخبطت اوي يا باشا ... باين لازم نعترف بلاش ندخل بمتاهات.
(شيكا)
_ اسكت انت لسى بدري خليهم عشان يحرمو يعملو حفلة من غيرنا ومن غير غلاستنا تاني.
(نوسي)
_ انتو بتقولو لبعض ايه؟ احنا لازم نفهم.
(البرنسيسة سالي)
_ الليلة قلبت بغم يا جماعة انا عايزة اروح بيتنا انا متنكده اوي وخايفة جدا.
(رانيا)
_ نمشي ازاي واحنا مش عارفين الراجل فين؟ ده اتخطف بسببنا.
(شيكا)
_ ايوااااااااا ... بسببكم انتم عشان الي هببتوه ده من ورانا.
(في مكان اخر)
(محمد قمر)
_ احنا كده بئينا جنب البيت انا هسبقك لجوا وبعد ما ادخلهم بربع ساعة تدخل انت عشان تقولهم ان الحكاية هزار بهزار وانك مش مخطوف ولا حاجة ماشي؟
(مصطفى)
_ يعني هتسيبني هنا لوحدي؟
(محمد قمر)
_ مش انتو الي عايزين كده؟ ... وبعدين انت قلقان ليه؟ المكان ده فاضي وماحدش بيجيلو اساسا وانت معاك المسدس مش كده ولا ماجبتوش معاك؟
(مصطفى)
_ لا طبعا معايا ... هو انا ممكن اروح لأي مكان من غيره؟
(محمد قمر)
_ يبئى خلاص انا سابقك ديلوقتي لجوا ما تتأخرش ها؟
(مصطفى)
_ انشاء الله.
(في المنزل ...)
(رانيا)
_ انت كنت فين يا محمد؟ وايه الي سمعناه ده؟
(نوسي)
_ هو مصطفى فين؟ انت مش كان مفروض تجيبه معاك؟
(سيليا)
_ ازاي خدوه منك؟ وانت كنت بتعمل ايه اساسا؟
(شيكا)
_ يا جماعة .. يا جماعة .. قلنالكم طلع عليه عصابة كبيرة ومرعبة وانتو السبب ... كله بسبب تخطيتكم ده .. كان لازم تستشيرونا الاول.
(سالي)
_ انا خايفة اوي ...هيطلعو علينا يموتنونا.
(ايمي)
_ ماتفهمنا يا محمد حصل ايه ومصطفى فين؟؟؟
(فجأة يضحك كل من شيكا واسلام ساخريين مما جعل البنات في غاية الاستغراب والتسائل)
(اميرة اخت القمر)
_ انتو بتضحكو؟؟؟ هو في ايه؟
(سيليا)
_ فهمونا بئى في ايه؟
(سالي)
_ هو الي بيحصلنا ده يضحك؟
(اسلام)
_ معلش يا جماعة ده كان مقلب.
(رانيا)
_ ايه؟ مقلب؟ ... يعني ايه مقلب؟ ممكن توقفو ضحك وتفهمونا في ايه؟
(شيكا)
_ اصل احنا ضحكنا عليكم وخوفناكم ومصطفى مش مخطوف ولا حاجة.
(نوسي)
_ ايه؟ يعني ايه؟ مصطفى مش مخطوف؟ مافيش عصابة ولا في روميو؟؟
(شيكا)
_ روميو مين؟؟ ده بالسجن؟ هو هياخد اجازة من السجن ويجي هنا؟ ولا يمكن شبحه بيطوف هنا حولينا؟ ههههههه كبرو دماغكم ده مقلب ... احنا اضحكنا عليكم عشان خبيتو علينا موضوع الحفلة دي.
(رانيا)
_ وانتو .. يعني ... يعني محمد ضحك علينا؟؟ ... قالكم عالحفلة وعلى الخطة بتاعتنا؟
(اسلام)
_ وقال لمصطفى كمان وهو كان موافق عالمقلب ده كله.
(البرنسيسة سالي)
_ يعني مصطفى هنا؟؟
(اميرة اخت القمر)
_ مش ممكن مصطفى يكون موافق على حاجة زي دي.
(سيليا)
_ وانتو فرحانين ليه؟؟ انتو دمرتولنا الحفلة بتاعتنا.
(شيكا)
_ لا مافيش حاجة هتتغير ديلوقتي هنكمل الحفلة وهنغني وننبسط ومصطفى هيجي كمان شوية بس الفرق اننا الشباب هنكون معاكم.
(نوسي)
_ لا طبعا لا يمكن انا مش موافقة ... الي كان جميل بالحفلة دي انها تكون للبنات وبس ... انا خلاص الليلة قفلت معايا ومروحة البيت يلا يا اميرة نمشي من هنا انا مش مستحملة افضل هنا ثانية واحدة.
(اميرة اخت القمر)
_ ولا انا كمان ... وشكرا يا محمد عالخيانة دي وابئى سلملنا على مصطفى وقله احنا خلاص مابئيناش عايزين منه حاجة.
(اسلام)
_ يا جماعة عيب كده تمشو تروحو فين؟ الراجل يجي هنا ويلاقيكم مشيته يعني؟ وبعدين لو مش عشانه يبئى على الاقل عشان كل الحجات الحلوة الي محضرنها .. ده انتو محضرين جاتوهات وعصائر واكل لذيذ اوي.
(البرنسيسة سالي)
_ انا عطشت اوي من الخضة الي حصلتلي دي ... هشرب عصير الاول وبعدين همشي.
(شيكا)
_ وانتي كمان يا سالي هتمشي؟ ... امال كل الاكل ده نعمل بيه ايه؟ وبعدين الليل لسه بأوله والسهرة طويلة حرام تضيعو علينا الحفلة يا جماعة.
(رانيا)
_ ما انتو الي ضيعتوها من الاول و اولكم الخاين الي وثقنا فيه.
(محمد قمر)
_ يا جماعة انا ماليش دعوا ... هم الي خططو لكل حاجة وانا حاولت معاهم والله.
(نوسي)
_ مش مهم ديلوقتي احنا ماشيين خلصتي العصير بتاعك يا سالي؟
(البرنسيسة سالي)
_ الله .. ده بارد اوي ولذيذ جدا ... بس شوية اكل قطعة جاتو.
(ايمي)
_ ايه؟ كمان جاتو؟؟
(رانيا)
_ يلا يا سالي بئى.
(محمد قمر)
_ خلاص يا جماعة خلونا نكمل الحفلة احنا جينا وخلاص بلاش نعكر كل حاجة.
(اسلام)
_ هو مصطفى فين؟
(محمد قمر)
_ زمانه جاي.
(اسلام)
_ طيب خلينا نجيبه بسرعة احسن البنات دول يمشو بجد.
(محمد قمر)
_ انا طالع اشوفه اتأخر ليه.
(شيكا)
_ خدني معاك احسن البنات دول يموتوني.
(اسلام)
_ وانا؟؟؟ ... انتو هتسيبوني هنا؟؟
(شيكا)
_ ربنا معاك ... يلا يا محمد .. خد بالك ماحدش يروح يا اسلام.
(بعد خروج شيكا ومحمد يتجمهر البنات حول اسلام)
(اسلام)
_ ايييييه ..... ايه يا جماعة .. لا ده انا بوب بردو حبيبكم مش معقولة تزعلو مني .. و .. وبعدين هي كانت فكرة شيكا ... اه هو دايما غلاوي واسود من جوة كدة انا مالي؟
(نوسي)
_ والله انت الي قدامنا ديلوقتي.
(رانيا)
_ اترحم على نفسك.
يتبع ......................
موضوع: الحلقة الثامنه من مسلسل اللعبة 2 