الحلقة الثانية من مسلسل اللعبة 2

Admin العمر : 35

في الحفلة حيث الصراخ في كل مكان والقمر يغني بأعلى صوت والجمهور متفاعل معاه
حبيبي يا نااااااااااااااااااااااس .... بيتعبني ... عشان من قلبي حبيته
( بأعلى صوت)
(البرنسيسة)
_ اميرة .... انا مش عايزة اروح.
(اميرة اخت القمر)
_ بتقولي اييييييييييييييييييييييه؟
(البرنسيسة)
_ بقلك مش عايزة اروح ... انا هفضل بالحفلة للصبح حتى لو الناس مشيت.
(اميرة اخت القمر)
_ انتي مجنونة والله.
(نوسي)
_ ااااااااااااااااه انا هتجنن ونقرب اكتر.
(رانيا)
_ الحفلة بقت زحمة اوي يلا بينا نمشي.
(البرنسيسة)
_ انا قلت مش عايزة اروح.
(سيليا)
_ يا بنتي يلا عشان محمد يوصلنا ما يصحش كده .
(نوسي)
_ خلونا شوية بس.
(سيليا)
_ بس محمد بيندهلنا احنا تأخرنا كده.
(نوسي)
_ يوووووووووه ... طيب نمشي بس لازم نعوضها بحفلة لينا لوحدنا.
(سيليا)
_ بتقولي اييييييييييييه؟
(رانيا)
_ انسي بتقول ايه يلا بينا نمشي.
(البرنسيسة)
_ انا مش ماشية.
(رانيا)
_ وبعدين يا سالي؟؟؟
(سيليا)
_ يلا يا سالي ما تتعبيناش.
(البرنسيسة)
_ مش ماشية بقولكم.
(اميرة اخت القمر)
_ كده؟؟ ... طيّب يلا يا بنات شيلوها معايا.
(الكل يمسكون ب سالي مرة واحدة لاخراجها من المكان صائحة)
_ بتعملو اييييييه؟ ابعدو عني ...... لااااااااااااا.
(سيليا)
_ شدو حيلكم يا بنات يلا.
(البرنسيسة)
_ ااااااااااااااه سيبوني .......... مصطفى ........... بموت فيييييييييييييييييييييييييييييك.

اليوم التالي فجرا
(حيث يجتمع الشباب شيكا واسلام ومحمد قمر في سيارة شيكا يتحدثون حيث يجلس شيكا وراء المقوّد وبقربه اسلام وفي الخلف يجلس محمد قمر)
(محمد قمر)
_ انا اتحريت عن الراجل ده يا جماعة ده مجرد صحفي عادي مش اكتر.
(اسلام)
_ انت متأكد؟؟
(محمد قمر)
_ ايوا طبعا متأكد .. ده مجرد صحفي بس ومالوش دعوة خالص ب روميو ولا يعرفه ولا يقربله ولا حاجة.
(شيكا)
_ لما يجي مصطفى تقوله الكلام ده عشان تطمنو.
(محمد قمر)
_ هو بيبالغ بخوفه كده ليه؟ ده مجرد صحفي مش اكتر... معقولة خايف لدرجة انه ينزلنا من بيته بوقت زي ده وهو كان بحفلته الكبيرة مبارح؟!! ده لسى ما لحقش ينام حتى.
(شيكا)
_ معاه حق يخاف كده .. انت ما شفتش روميو عمل فينا ايه لما خطفنا .. ماتحكمش وانت ما جربتش الي جربناه.
(اسلام)
_ اهو نزلنا ...
(شيكا)
_ بصو ل هناك شايفين؟؟؟
(اسلام)
_ في ايه؟ ده مصطفى.
(شيكا)
_ وراه ... شوفو الصحفي المجنون ده الي بتقولو عليه صحفي ... ده واقفله على مدخل العمارة وبيراقبه.
(اسلام)
_ معقولة؟؟ بوقت زي ده؟ ده احنا الفجر.
(محمد قمر)
_ يا جماعة ما تبالغوش بالقلق ده كله ... ده صحفي بيلحق الفضايح وشاف مصطفى نازلنا بهدوم البيت قام لحقه يعرف فيه ايه.
(شيكا)
_ دي قلة ادب ... انا هنزل اربيه.
(اسلام)
_ لا يا شيكا انت اتجننت؟؟ امسك نفسك شوية مايصحش كده.
(مصطفى)
_ صباح الخير.
(اسلام)
_ ادخل يا مصطفى خلينا نتكلم جوا العربية.
(وبعد ان يدخل السيارة ويجلس قرب محمد في الكرسي الخلفي)
_ ايه في ايه؟ بقول صباح الخير.
(اسلام)
_ الراجل ده شايفه؟ ده واقفلك على باب العمارة.
(مصطفى)
_ فين؟؟؟
(محمد قمر)
_ بيبصلنا هناك ....
(مصطفى)
_ ايه الوقاحة دي؟!! .... شفتو؟ انا قلتلكم ده لاحقني في كل مكان وفي كل وقت .. عايز مني ايه ده؟ متأمل يصورني بعمل ايه يعني؟
(محمد قمر)
_ اهدا يا مصطفى شوي ... الراجل ده مجرد صحفي مش اكتر وبكرة يمل ويسيبك بحالك.
(مصطفى)
_ يعني ايه؟ مش روميو الي باعته؟؟
(اسلام)
_ لا مش روميو ... محمد سئل عن الموضوع ده كله وبيقول انه مجرد صحفي ومالوش اي علاقة ب روميو خالص.
(مصطفى)
_ انتو متأكدين؟؟
(محمد قمر)
_ بقلك سئلت بنفسي يا مصطفى ... انت مش واثق فيا ولا ايه؟
(مصطفى)
_ لا الحكاية مش كده .. انا لو مش واثق فيكم كنت طلبت منكم اساسا الخدمة دي؟ انا بس مستغرب هو بيعمل كده ليه وعايز مني ايه؟
(محمد قمر)
_ صحفي حيكون عايز ايه يعني؟ شوية صور يبيعها وخلاص.
(مصطفى)
_ ده بجد وقح وحقير وانا مش هسكتله .. انا نازله حالا.
(اسلام)
_ مصطفى انت اتجننت؟ اهدا بس واسمعنا ... انت مش قلت مش عايزنا نضربه عشان مش عايز مشاكل؟ خلاص بئى اهدا بكرة يمل ويسيبك بحالك.
(مصطفى)
_ انا مش عارف بيحصلي ايه؟ انا قلقان اوي ومش مطمن.
(محمد قمر)
_ يعني انت مصر انه من طرف روميو؟؟
(مصطفى)
_ انا حاسس كده.
(محمد قمر)
_ طيب تحب نعمل ايه؟
(مصطفى)
_ انا ..... انا ....
(شيكا)
_ انت ايه يا مصطفى؟ قول الي عايز تقوله في ايه؟
(مصطفى)
_ انا عايز مسدس.
(الكل)
_ اييييييييييييييه؟
(محمد قمر)
_ مسدس؟!!!
(اسلام)
_ مسدس ليه بئى انشاء الله هتعمل بيه ايه يعني؟؟
(مصطفى)
_ هحمي نفسي بيه طبعا.
(اسلام)
_ انت اتجننت يا مصطفى؟ مسدس ؟ ليه بس؟ ما انت تقدر تجيب حراسة خاصة وخلاص .. مسدس ايه ده الي تحمله من مكان لمكان قدام الناس؟
(مصطفى)
_ هخبيه كويس وما حدش هيوصله غيري ... انا مش هستعين بحراسة خاصة تحميني جربنا قبل كده انتم كلكم كنتو معايا في بيتي وبردو روميو قدر يخطفني من بينكم وما قدرتوش تحموني منه .. ولو وقتها كان معايا مسدس كنت حميت نفسي منه بكل سهولة ومن غير حراسة ولا حبسة في البيت.
(اسلام)
_ انسى حكاية المسدس دي يا مصطفى ... دي حكاية خطيرة اوي ممكن اي حد يقربلك من جمهورك او من صحابك ويكون عايز يهزر معاك وتقوم تضربه بالنار من غير قصد وتبقى مصيبة.
(مصطفى)
_ انتو مش حاسين بيا ليه؟ انا قلقان ومن حقي احمي نفسي واحمل مسدس وانا اتخدت قراري وخلاص انا بس عايزكم تجيبوهولي.
(اسلام)
_ احنا مش عصابة يا مصطفى نجيبلك المسدس ده منين؟ جيب واحد مرخص ولا انت كمان ناوي تجيبه من غير ترخيص؟؟
(مصطفى)
_ ايوا مش عايزه مرخص ... اصلي ... اصلي مش عايز الناس تتكلم بالمضوع ده من الاساس ولا حد يعرف اساسا.
(محمد قمر)
_ مصطفى كده جنان بجد .. ارجوك تشيل حكاية المسدس دي من دماغك خالص انا مش مطمن من الحكاية دي وحاسس انها هتجر مصيبة.
(مصطفى)
_ يعني انتو مش هتساعدوني بالحكاية دي؟
(اسلام)
_ نساعدك ازاي واحنا مش مقطنعين بالحكاية دي من الاساس ... احنا لا يمكن نوافق ابدا.
(مصطفى)
_ ما تقول حاجة يا شيكا ساكت ليه؟ سكوتك هيجنني.
(اسلام)
_ هيقلك ايه يعني؟ كلنا مش عاجبنا كلامك يا مصطفى ولا ايه يا شيكا؟
(شيكا)
_ بصراحة انا ......... محتار شوية.
(مصطفى)
_ محتار؟!!
(اسلام)
_ محتار يعني ايه؟ انت مقتنع بالكلام ده من الاساس يا شيكا؟
(شيكا)
_ بصراحة يا جماعة انا مش قادر انسى الي حصلنا انا و مصطفى بالليلة المشئومة الي خطفنا بيها روميو ... ومش قادر ألومه على قلقه ده ... الراجل معاه حق يخاف بعد الي شافه .. وانا مش ممكن اتحمل مسؤولية الكلام ده واطمنه لانه جايز نطمنه من حاجة ونكون غلطانين.
(محمد قمر)
_ يعني ايه؟؟ يمسك مسدس احسن؟
(شيكا)
_ مش عارف ... انا مش هقول اي رأي بالحكاية دي ... كل واحد حر بنفسه .. ولو مصطفى شايف كده يبئى هو حر بقراره ده.
(مصطفى)
_ يعني هتجيبولي المسدس ولا ايه؟؟؟
(اسلام)
_ اسفين ... ما اظنش.
(يغضب مصطفى ويخرج فجأة من السيارة مسرعا باتجاه العمارة وفي طريقه يظهر له الصحفي فيقوم مصطفى برميه ارضا واكمال مسيره للمنزل دون الالتفات له في حين يبقى الرجل مرميا على الارض ممثلا دور الضحية صائحا بأعلى صوت مفاجئا الجميع)
_ الحقوني ........ ااااااااااااه عشان انا غلبان وهو مشهور يضربني كده وقدام الناس؟؟ منك لله ... يا ناس تعالو شوفو حصلي ايه .. ااااااااه.

يتبع ...............

الحلقة الثانية من مسلسل اللعبة 2 C86fea700d

الحلقة الثانية من مسلسل اللعبة 2 C86fea700d

» الحلقة الثانية من مسلسل اللعبة 1
» الحلقة الثانية من مسلسل اللعبة 3
» الحلقة رقم 13 من مسلسل اللعبة 3
» الحلقة رقم 23 من مسلسل اللعبة 3
» الحلقة رقم 14 من مسلسل اللعبة 3