موضوع: الحلقة الاولى من مسلسل اللعبة 2 الإثنين ديسمبر 26, 2011 8:47 pm
(مصطفى)
_ شيفين الجرايد والمجلات؟ بقالنا اسبوع بنتعب وبنحضر للحفلة وكل اهتمامهم ب الي حصلي وبس مافيش حد بيتكلم على تعبنا بالحفلة.
(عادل جاد)
_ الحكاية دي هتاخد وقت حتى الناس تنساها لازم تصبر شوية وبعدين ده خطف وتهديد بالسلاح يعني ما كانتش حاجة قليلة عشان يتسكت عليها بالسهولة دي.
(مصطفى)
_ ايوا بس انا بعد الحادثة فورا طلعت انا والشباب بمؤتمر صحفي كبير و وضحت فيه كل حاجة حصلت عشان ما حدش يفضل يتكلم في الموضوع ده لكن بردو ما خلصناش.
(علي رشاد)
_ الفترة الجاية هيبقى عندك حفلات كتيرة وشغل ليل ونهار عشان تعوض فترة غيابك الطويلة الي حصلتلك بسبب الحكاية دي حاول تركز وانسى الجرايد وكلامها.
(مصطفى)
_ اركز وانسى ازاي يا راجل؟ ده انا بكل مكان بروحله بلاقي فيه صحفيين لاحقيني في كل مكان ومش عارف عايزين مني ايه.
(عادل جاد)
_ عايزين يصوروك.
(علي رشاد)
_ يا سلام ... وايه الغريب ب ده؟ صور .. عادي يعني ما فيهاش حاجة دي.
(عادل جاد)
_ مش كده ... الي حصل مع مصطفى فتّح عيون ناس كتيرة.
(مصطفى)
_ ازاي يعني؟ تقصد ايه؟
(عادل جاد)
_ متلا الفنانين العالميين في هوليوود دايما في ناس وراهم بالسر مستنين منهم يغلطو ب اي حاجة عشان يصوروهم فجأة ومن غير ما يحسو بوجودهم وبعد كده بيبيعو الصور دي ل مجلات الفضايح والجهات الي مستعدة تدفع عليها فلوس.
(علي رشاد)
_ عايز تقول ان الصحفيين الي بيلاحقو مصطفى غرضهم كده بردو؟؟؟ لا لا لا لا مش ممكن.
(عادل جاد)
_ ومش ممكن ليه بئى؟
(علي رشاد)
_ لان الكلام الي بتقول عليه ده بيحصل عند الغرب ... عندهم هم مش عندنا احنا .. احنا هنا والحمد لله ما عندناش الانحلال الي عندهم .... ما عندناش فنان يتمسك بيضرب حد ولا سكران بالنص الليل ولا بيخون مراته وعامل علاقة مع وحدة تانية لا لا لا الكلام ده الحمد لله مش منتشر عندنا هنا .. على الاقل مش بالشكل الي عندهم هناك.
(مصطفى)
_ ولو كان كلامك صح يا عادل انا الحمد لله ما عنديش حاجة اخاف منها ... يعني هيتعبو عالفاضي وبالنهاية مش هيلاقو عليا حاجة .. انا عارف نفسي كويس اوي.
(عادل جاد)
_ خد بالك وبلاش الثقة الزايدة دي ... ممكن الصحفيين دول يفضلو ملاحقينك من مكان لمكان حتى يستفزوك وتضربلك واحد فيهم ... وقتها مش هتبقى فضيحة صورة وبس ... لا كمان ممكن تتورط مع البوليس لو الصحفي ده اشتكى عليك.
(مصطفى)
_ بلاش الافتراضات دي والنبي .. انا مش ناقص.
(علي رشاد)
_ حاول تستحملهم شوي لحد ما يزهئو من ملاحقتك ويدورو على غيرك ما تخليش حد فيهم يستفزك يا مصطفى .. احنا عندنا شغل كتير ومش ناقصين .. لازم نلتزم بالحفلات والبرنامج الي مجهزينه ونخلصه على خير.
(مصطفى)
_ ربنا يعين.
في مكان اخر حيث يجتمع كل من (شيكا ومحمد قمر واسلام و رانيا و سيليا والبرنسيسة ونوسي واميرة اخت القمر) يتحدثون بسعادة كبير
(البرنسيسة)
_ انا مش مصدقة نفسي خالص وبعد الثواني حتى معاد الحفلة يجي مش قادرة اصبر هتجنن.
(شيكا)
_ مسكينة .. دي اول مرة ليكي تحضريله حفلة بيها.
(البرنسيسة)
_ دايما في اول مرة يا سي شيكا ... وبعدين انا عايزة اقابله قبل الحفلة كمان واتصور معاه وانتو لازم تدبرولي الحكاية دي.
(رانيا)
_ احنا انشاء الله هنشوفه قبل الحفلة ونتصور معاه كمان ما تقلقيش.
(نوسي)
_ طبعا قمر ديلوقتي بئى بيدللنا اوي بعد ما انقذنا حياته ومش هيرفضلنا طلب ابدا.
(محمد قمر)
_ صحيح هو عامل ايه بعد الحادثة دي؟ تفتكروا نسيها وعايش عادي؟
(شيكا)
_ اكيد هتسببله قلق طبعا وهيتغير عن الاول شوية ويبقى حذر اكتر من الازم .. لكن بالنهاية هو عمل حفلات كتيرة الفترة الماضية وشغله ماشي كويس اوي.
(اميرة اخت القمر)
_ طيب الحمد لله خليه يعوض فترة غيابه شوية.
(سيليا)
_ لا ده شغال ليل مع نهار وطول الوقت حفلات ماشاء الله اكتر من اي وقت مضى قبل كده.
(نوسي)
_ طيب يا جماعة احنا كمان من حقنا نحتفل مع القمر ولوحدنا ... مش بس بالحفلات الكبيرة دي الي مش قادرين نشوفه كويس فيها.
(سيليا)
_ تقصدي ايه يا نوسي؟؟
(نوسي)
_ انا نفسي نعمل حفلة جميلة لينا احنا القمراوية لوحدنا مع القمر من غير الضجة بتاعة الحفلات الكبيرة دي ... ده من حقنا بعد الي شفناه معاه ... الفترة الي فاتت دي كلها احنا تعبنا جدا وتوترنا وتبهدلنا خالص علشان ننقذه ... يبئى لازم يردهلنا هو كمان.
(البرنسيسة)
_ وانا مع نوسي يا رييت نعمل كده حفلة صغيرة ونتصور فيها كمان يا سلااااام وتبقى لينا لوحدنا.
(رانيا)
_ بس هو اكيد ما عندهوش وقت لينا.
(محمد قمر)
_ يا سلاااااااام ... هي الحكاية عايزة ايه؟ كلها حفلة صغيرة وخلاص مش هتفرق معاه كتير.
(شيكا)
_ ما اظنش انه ممكن يوافق ابدا.
(اسلام)
_ صحيح ... خاصة بعد الي حصله من روميو مش هيثق بحد بالسهولة دي تاني اكيد الراجل بئى بيتحسس من جمهوره اوي.
(نوسي)
_ بس انا نفسي بالحفلة دي اوي اوي.
(البرنسيسة)
_ وانا كمان اوي اوي.
(رانيا)
_ وكلنا والله ... لكن نعمل ايه ما اظنش ان حد فينا ممكن يكلمه في الحكاية دي اساسا.
(نوسي)
_ ارجوكم يا جماعة ... مش معقولة ماحدش فيكم قادر يطلب منه الطلب ده ويشوف رأيه ايه؟
(شيكا)
_ طيب خلاص يا نوسي ... احنا هنحاول نشوف الوقت المناسب الي نسئله فيه السؤال ده ... بس ما اعودكيش ها ؟ عشان ما تتأمليش زيادة.
( في مكان اخر : حيث يخرج مصطفى من مكتبه هو وعادل وعلي ويتوجهون للشارع مكملين حديثهم السابق)
(عادل جاد)
_ في ناس كتيرة باعتينلك يا مصطفى عشان افلام ومسلسلات وحجات من دي وعايزينك تكلمهم.
(مصطفى)
_ مش نخلص الحفلات الاول؟؟
(علي رشاد)
_ ايوا بس في منهم ناس مهمين ... على الاقل كلمهم عشان تعتذر منهم.
(عادل جاد)
_ كلم الي تقدر تكلمه منهم واطلب منهم يأجلو الحكاية دي شوية لحد ماتفضى وانا هكلم الباقي.
(علي رشاد)
_ بالضبط كده ... وانا كمان هساعدكم بالحكاية دي ... عشان في ناس ممكن تزعل بجد لو فضلنا سايبينهم كده من غير رد.
(عادل جاد)
_ انت معانا يا مصطفى ولا ايه؟؟
(مصطفى)
_ معاكم .... بس ...
(عادل جاد)
_ بس ايه؟؟؟ .... في ايه؟ ... بتبص لورا كل شوية ليه؟
(مصطفى)
_ اصل الراجل الي ورانا ده بقاله ساعة ماشي ورانا وباين بيلحقنا ومتعمد.
(علي رشاد)
_ وهو هيمشي ورانا ليه اساسا؟ حيكون عايز ايه يعني؟
(عادل جاد)
_ ما اظنش يا مصطفى ... تلاقي طريقه على طريقنا ولا حاجة.
(مصطفى)
_ دي مش اول مرة يا عادل .... انا بشوفه ماشي ورايا في كل حته بروحها.
_ شيكا ... بص للطريق احسلك خلي الليلة دي تعدي على خير.
(محمد قمر)
_ خلاص يا شيكا سيبه يتكلم خلينا نفهم عايز يقول ايه.
(اسلام)
_ قول يا مصطفى ماحدش هيقاطعك تاني.
(مصطفى)
_ انا بس عايزكم تتأكدو منه يعني لو قدرتم ... لو كان باعت حد ورايا يلحقني من مكان ل مكان ولا لا؟؟
( الكل )
_ اييييه؟
(اسلام)
_ حد يلحئك انت ؟؟؟ ازاي يعني؟
(مصطفى)
_ اصلي بئالي فترة بيلحئني صحفيين من مكان لمكان من بعد الحادثة الي حصلتلنا وكنت بقول صحافة عادي يعني ... بس في واحد منهم بقاله فترة مش سايبني بحالي ابدا ... ورايا من مكان لمكان وفي كل حتة بروحلها بلاقيه في وشي .. ابتديت اشك بيه ... جايز يكون حد من طرف روميو وعايز ينتقمله.
(شيكا)
_ وهو يتجرئ يعمل كده؟ ده يبقى ناوي على موته.
(اسلام)
_ اطمن يا مصطفى احنا هنمسك الراجل ده ونقرره بكل حاجة ومن غير ما نضطر نروح ل روميو السجن ولا حاجة.
(مصطفى)
_ لا انا مش عايز مشاكل تمسكوه ايه؟
(محمد قمر)
_ ما تقلقش هنحاول مانشوههوش اوي.
(مصطفى)
_ لا يا جماعة مش ممكن ... انا كلمت عادل وعلي بالحكاية دي وهم ماقتنعوش بكلامي ولو الراجل ده حصلته حاجة هيعرفو ان انا السبب ومش هخلص.
(اسلام)
_ امال انت فاكر ان روميو ممكن يتكلم لو سألناه؟؟؟
(مصطفى)
_ مش عارف ... مش عارف ... بس اصله كان صاحبكم يعني .. قلت يمكن تقدرو تقنعوه ولا حاجة.
(شيكا بغضب)
_ صاحب ايه؟ ده لو اطوله اموته.
(مصطفى)
_ خد بالك من الطريق انت عايز تودينا بداهية ولا ايه؟
(اسلام)
_ خلاص يا مصطفى ... انت ديلوقتي عندك حفلة مهمة ولازم تركز فيها .. انسى الحكاية دي وخليهالنا احنا نحلها.
(مصطفى)
_ انا كنت عارف اني اقدر اعتمد عليكم.
(محمد قمر)
_ ماتقلقش يا مصطفى توكل على الله.
(اسلام)
_ يلا يا كبير بئى ... قربنا نوصل وهنكسر الدنيا...اسرع بينا يا شيكا للحفلة قوام في سهر للصبح الليلة وبينا نغني سوا.
يا نهار ابيض ... كان شاريني وانا قال مغمض ... عنه عيني ده بجد ...
(مصطفى)
_ كفاية كفاية ... هتفضحونا كده ... مصر كلها هتسمع.
(الكل بصوت اعلى)
يا نهار ابيض ... كان شاريني وانا قال مغمض ... عنه عيني ده بجد ...
(مصطفى)
_ خلاااااااااااااااااااص.
(الكل مكملين)
من الي كان بخيااااااااالي ... ولا كنت واخد بالي .......
موضوع: الحلقة الاولى من مسلسل اللعبة 2 
