(روميو قمر)
_ هو في ايه؟ مصطفى ماله؟؟
(سليليا)
_ متوتر شوية.
(روميو قمر)
_ ده باين عليه تعبان جدا ... هو في حاجة حصلت؟؟ ... حد يجاوبني ساكتين ليه؟
(محمد قمر)
_ خد ... امسك الصور دي وانت تفهم كل حاجة.
(روميو قمر)
_ ايه ده؟؟ مش معقول!!!
(شيكا)
_ شفت ؟؟ احنا لازم نتصرف حالا ... يا نبلغ البوليس يا اما نلاقي مكان أ أمن من المكان ده ل مصطفى .. خلاص ما عادش ينفع نستنى اكتر من كده.
(محمد قمر)
_ الكلام ده مش وقته ... الراجل تعبان وهيضيع مننا.
(اميرة اخت القمر)
_ طبعا من الكلام الي سمعه.
(مصطفى)
_ هنعمل ايه؟
(روميو قمر)
_ انت عايز ايه؟ نكلم البوليس؟؟
(مصطفى)
_ حنقولهم ايه؟
(شيكا)
_ نوريهم الصور.
(سليليا)
_ يعني هيعملولنا ايه؟ مش هيعرفوه.
(روميو قمر)
_ على الاقل يحمو مصطفى.
(رانيا)
_ واحنا هنا بنعمل ايه؟
(شيكا)
_ تاني؟ انتي شفتي الي حصل ده دخل البيت كده عادي وصورهم كمان وما حسوش بيه بكره يجي ياخد مصطفى من وسطينا واحنا مش حاسيين.
(روميو قمر)
_ احنا لازم نعمل حاجة مش هنستنى لل الخميس انا ممكن اخده عندي بالبيت لاني ساكن لوحدي ما حدش هيعرف.
(محمد قمر)
_ وهنستفيد ايه؟
(روميو قمر)
_ يعني هو المجرم عارف عنوان بيتي؟ مش هيعرف يوصله هناك .. على الاقل لحد ما يعدي يوم الخميس ده ونشوفه هيعمل ايه.
(محمد قمر)
_ وانت ليه ساكن لوحدك؟
(روميو قمر)
_ ما فيش سبب محدد بس انا ساكن قريب من شغلي كده اسهل عليا وما حدش معايا بالبيت يعني تقدرو تطمنو.
(رانيا)
_ ومين هيكون معاكم؟
(روميو قمر)
_ انا وشيكا اظن كفاية.
(محمد قمر)
_ لا كده مش هينفع لازم اسلام ومحمد يوافقو الاول.
(شيكا)
_ هو احنا لسى هنستناهم يوافقو؟
(روميو قمر)
_ ما فيهاش حاجة يا شيكا.
(شيكا)
_ لا فيها انت مش عارف دول مش ممكن يوافقو عند بيا.
(روميو قمر)
_ اتفقو بينكم وانا مستعد بأي وقت لاستقبالكم عندي بالبيت لحد ما المشكلة دي تعدي.
في اليوم المنتظر ...... ليلة الخميس
قبل منتصف الليل بساعات قليلة حيث يجتمع جميع فرقة الماس من الشباب والبنات في منزل مصطفى بعد ان اقنعت كل فتاة اهلها بأنها ستبيت الليلة مع صديقتها حيث يجتمع الكل بالصالة
(روميو قمر)
_ الوقت قرب وما فيش حاجة حصلت باين الراجل ده كان بهزر ولا حاجة.
(شيكا)
_ بهزر ازاي؟ لو بهزر ما كانش قدر يدخل البيت من يومين ويقطع سلك الكهربا ويصوركم كمان.
(محمد قمر)
_ امال هو فين لحد دي الوقتي؟
(شيكا)
_ اكيد هيبان بأي لحظة.
(رانيا)
_ ما اظنش ... طالما الكل هنا يبقى اكيد مش هيعرف يبان.
(دموع القمر)
_ مش هو الي قال انه هيخطف مصطفى من وسط اهله؟ يعني اكيد مش هتفرق معاه كل الجمعة دي.
(محمد قمر)
_ انا تعبت ونعست وبفكر انام.
(اسلام)
_ تنام ايه؟ ما فيش حد هنا ممكن ينام الليلة خالص حتى الحكاية دي تعدي.
(فيفي)
_ احنا جايين ننام هنا؟
(روميو قمر)
_ بصو يا جماعة انا لقيت ايه.
(اسلام)
_ ايه ده؟
(مصطفى)
_ ده مغلف في ايه تاني؟
(روميو قمر)
_ انا هفتحه ...
(محمد قمر)
_ انت لقيته فين؟
(روميو قمر)
_ تحت عتبة الباب ..
(محمد حمدي)
_ يعني في حد هنا؟؟
(روميو قمر)
_ انت رايح فين؟؟ ده لو كان في حد حيكون هرب تعالى نشوف في ايه هنا.
(مصطفى)
_ اديني المغلف لو سمحت.
(روميو قمر)
_ زي ما تحب.
(مصطفى برعب شديد)
_ ايه ده؟؟
(اسلام)
_ مصطفى مالك في ايه؟؟
(محمد حمدي)
_ وريني ... دي صور ... باين انه عايز يخوفك.
(نوسي)
_ صور ايه؟
(روميو قمر)
_ دي صور وتصميمات مرعبة حاجة عادية على فكرة ما تقلقش يا مصطفى اي حد يقدر يجيب صور زي دي من الانترنت.
(رانيا)
_ بس دي صور مرعبة بجد.
(اميرة اخت القمر)
_ الراجل الجبان ... هو حطهّا ومشي؟
(سليليا)
_ مصطفى انت محتاج حاجة انت ما بتتكلمش خالص؟؟
(مصطفى)
_ انا ... عايز امشي من هنا.
(الكل)
_ ايه؟؟
(مصطفى)
_ مش قادر استنى اكتر من كده ... عايز اخرج من هنا.
(اسلام)
_ ايوا بس ... الوقت خلاص قرب يعدي .. يعني كلها ساعة كده والحكاية دي تخلص ويبان ان الراجل ده كان بيهزر مش اكتر.
(مصطفى)
_ انا هخرج ...
(محمد حمدي)
_ لا تخرج تروح فين؟
(اميرة اخت القمر)
_ استنى يا مصطفى واهدا ... احنا هنا كلنا .
(سليليا)
_ ما تقلقناش عليك يا مصطفى ارجوك.
(دموع القمر)
_ اصبر شوي واهدا.
(مصطفى)
_ مش قااااااااااااادر .... انا هخرج.
(اسلام)
_ هتروح فين طيب؟
(مصطفى)
_ مش عارف ... اي مكان بس ابعد عن هنا..
(محمد حمدي)
_ مصطفى هتروح فين انت بقالك اسابيع محبوس بالبيت مش قادر تصبر الليلة دي؟؟
(مصطفى)
_ واصبر ليه؟ انا ... هفضل كده على طول مستني وخايف ؟؟ لا انا همشي ... ارجوكم انا عايز اخرج من هنا.
(محمد قمر)
_ طيب خلاص يا جماعة احنا ناخده ل بيت روميو احسن على الاقل الموقف ده يعدي.
(اسلام)
_ بيت روميو؟ .... انت تقدر يا روميو؟
(روميو قمر)
_ انا ؟ اه طبعا ليه لا؟ انا قلت قبل كده اني مستعد دايما.
(مصطفى)
_ يبقى نمشي من هنا حالا.
(نوسي)
_ لحظة واحنا؟
(محمد حمدي)
_ اه صحيح البنات ... مش معقولة نبهدلهم معانا كده باخر الليل؟
(اسلام)
_ خلاص يفضلو هنا بالبيت ويقفلو على نفسهم.
(نوسي)
_ يا سلام ... والمجرم يجي يدور على مصطفى يلاقينا احنا اه؟
(روميو قمر)
_ خلاص يبقى انا وشيكا لوحدنا نروح مع مصطفى عندي البيت وانتو تفضلو مع البنات هنا جايز المجرم ده يبان ولا حاجة ... وقتها تمسكوه وتسلموه للبوليس.
(اميرة اخت القمر)
_ ايوا كده احسن شوي.
(مصطفى)
_ انا اسف جدا يا بنات على الموقف ده ...
(اميرة اخت القمر)
_ ما تقولش كده يا مصطفى حقك تتوتر وتخاف كمان ده مش ذنبك.
(مصطفى)
_ يلا بينا نمشي من هنا ... ارجوكم بسرعة.
(روميو قمر)
_ اوكي ماشي.
(اسلام)
_ شيكا ...
(شيكا)
_ نعم ؟
(اسلام)
_ خد بالك عليه ارجوك.
(شيكا)
_ توكلو على الله.
(روميو قمر)
_ لو حصل حاجة او المجرم ده عمل حاجة اتصلو بلغونا فورا ... وخد يا محمد الورقة دي مكتوب فيها عنوان بيتي فين بالضبط عشان لما تيجولنا بكرة انشاء الله.
(بعد خروجهم من المنزل)
(دموع القمر)
_ انا مش فاهمة احنا ازاي سبناهم يمشو كده؟ انا قلقانة على مصطفى اوي.
(رانيا)
_ نعمل ايه؟ مصطفى قلقان وده حقه.
(محمد حمدي)
_ ما فيش داعي للقلق...هناك يمكن يبقى احسن وبعدين احنا معانا العنوان ومن الصبح انشاء الله هنكون هناك عند روميو في البيت.
(اسلام)
_ المجرم لو ظهر هنا الليلة هنخلص من كل الحكاية دي ونمسكه.
(نوسي)
_ مع اني خايفة بس يا ريته يجي ... ده احنا نموته ضرب.
(سليليا)
_ يا جماعة حد يكلم شيكا ولا روميو يطمنا عليه.
(اميرة اخت القمر)
_ دول اكيد لسى بالطريق ...مش هينفع دي الوقتي.
(فيفي)
_ هو روميو ساكن فين يا جماعة؟؟
(محمد حمدي)
_ العنوان بالورقه مع محمد.
(اسلام)
_ شوفلنا هو فين العنوان ده يا محمد خلينا نشوف بعيد عن هنا ولا لا.
(محمد قمر)
_ لحظة وحده الورقه اهي.
(في هذه اللحظة يقوم محمد بفتح الورقة الصغيرة التي اخذها من روميو قبل خروجه مع مصطفى وشيكا ويقوم بفتحها ليقرأ العنوان للجميع ولكنه حين يفتح الورقة ويقرأها يصاب بذعر شديد ويقف فورا وهو غير قادر على النطق بأي كلمه مما اثاررعب باقي الشباب والبنات يقف الجميع قلقين في حين ان محمد لا ينطق فيصيح اسلام قائلا له)
_ ايه؟ في ايه مالك؟
(رانيا)
_ محمد في ايه ما تجاوب؟ هو العنوان مش مكتوب عندك ولا ايه؟
( لا يجيب محمد ناظرا لل الجميع بذهول)
(اميرة اخت القمر)
_ ايه يا محمد جاوب ما تخوفناش.
(نوسي)
_ الورقة الي معاك فيها ايه؟
يتبع ......
موضوع: الحلقة التاسعة من مسلسل اللعبة 1 