الحلقة الثالثة من مسلسل اللعبة 1

***** الحلقة الثالثة *****

(يقول مصطفى ثم يدخل غرفته ويغلق الباب ورائه تاركا الجميع في غاية الانفعال والاستغراب فتتبعه غادة للداخل قائلة له)
_ هو ايه الي حصل؟ قالك ايه ومش عاوز تقوله؟
_ وانا يعني فهمت حاجة عشان اتكلم؟؟
_ ازاي ما افهمتش؟ هو قال ايه؟ عايز ايه عشان يسيبنا بحالنا؟ مصطفى لازم تفهمنا الناس الي برا دي مش هتساعدنا لو ما اتكلمتش.
(في اليوم التالي اسفل العمارة حيث التجمع للقمراوية ازداد اكثر من السابق وتجمع حولهم العديد من الصحفيين و وسائل الاعلام)
(اسلام)
_ شافين الصحافة؟؟ دي الوقتي هنطلع بالتلفزيون وهنبقى مشهورين.
(اميرة اخت القمر)
_ قصدك مفضوحين ..... انا بدأت امل من الحكاية دي وعايزة انسحب قبل ما الحكاية تكبر اكتر.
(رانيا)
_ انتي بتقولي ايه؟ لا طبعا لازم نكمل كلنا لو انسحب واحد دي الوقتي الكل هيمشو.
(اسلام)
_ انا مش هنسحب ... انا قلت كلمتي مش همشي من هنا الا لما مصطفى ينزلنا ويعتذر كمان.
(شيكا)
_ بالنسبة ليا انا مبسوط و هروح اكلم الصحافة كمان ... خلي الواحد يشوف نفسه شوية.
(محمد حمدي)
_ انا جبت الطبلة يا جماعة.
(اميرة اخت القمر)
_ ايه ده؟؟ هو احنا هنطبل؟!!!!!!! لا كده كتير الجيران ممكن تتهمنا بالازعاج والشرطة تلمنا من هنا.
(نوسي)
_ ما تخافيش انا جمعت اولاد الجيران كلهم هنا معانا ... يعني الي هيشتكي هيشتكي على نفسه.
(دموع القمر)
_ ووووووووووووواو ........... اخر حاجة.
(سليليا)
_ يا بنت ال ايه؟ عملتيها ازاي دي؟؟
(نوسي)
_ انا ومحمد رتبنا كل حاجة ... دي الوقتي هننزل غنى وتطبيل لحد ما مصطفى ينزلنا.
(اميرة اخت القمر)
_ ده اجنان.
(اسلام)
_ لا جنان ولا حاجة يستاهل مش هو الي كبران علينا؟
(فيفي)
_ هنبتدي بأي اغنية؟ انا محتارة.
(دموع القمر)
_ بسيطة احنا نغني اغاني ل ايهاب توفيق او لعمرو دياب عشان نغيظه .. حتبقى اخر حاجة.
(سليليا)
_ والله فكرة.
(اميرة اخت القمر)
_ فكرة ايه انا همشي ... بصراحة انا مش قد الحكاية دي انا حاسه ان احنا عصابة.
(رانيا)
_ اميرة لو مشيتي دي الوقتي حنعتبرك خاينة وهنفصلك من الموقع كمان ايه رأيك بقى؟
(اميرة اخت القمر)
_ كده يا رانيا؟ انتي بتهدديني؟
(سليليا)
_ خلاص يا جماعة اهدو بجد .... وانتي يا اميرة اصبري شوية وشوفي النتائج.
(فيفي)
_ يلا نبتدي نطبل ونغني.
(محمد حمدي)
_ مش هنستنى شيكا؟
(فيفي)
_ شيكا؟!!! ..... شيكا مين؟
(اسلام)
_ايه؟ نسيتي مين شيكا يختي؟ عموما هو مشغول مع الصحافة وفرحان بيهم خالص... هنغني من غيره.

**********في الاعلى**************

(الضابط عامر)
_ احنا مش هنقدر نساعده يا مدام لو ما اتكلمش معانا لازم تعئليه شوية.
(غادة)
_ اتكلمت معاه طول الليل ما قالش حاجة .... انا قلقانة قوي هو ما فيش حاجة نقدر نعملها؟؟
_ هنتصرف ازاي وهو ما ..........
( في هذه اللحظة يسمع الضابط عامر صراخ مصطفى من داخل غرفته وهو ينادي عليهم فيتجه الجميع لغرفته فيجدونه ينظر للنافذة مشيرا الى الامام بذعر قائلا)
_ في واحد رمى نفسه من الطابق الرابع.
(الضابط عامر)
_ فين؟؟
(مصطفى)
_ هناك ... بالمبنى الي قدامنا ده.
(فورا يتحرك الضابط عامر باتجاه الباب مشيرا لبعض عناصر الشرطة ليتبعوه للخارج فيوقفه مصطفى عند الباب قائلا)
_ انتو رايحين فين؟ هتسيبونا لوحدنا؟؟
_ انا تركت شوية عناصر هنا ما تقلقوش احنا بس هنطلب الاسعاف ونشوف جرالو ايه ونرجع فورا.
(ينزل الضابط ل خارج العمارة مع العناصر مسرعا ومتصلا بسيارة الاسعاف فيشاهده الشباب مستغربين حيث تتسائل رانيا قائلة)
_ هو في ايه؟؟ الناس دي رايحة فين؟؟
(شيكا)
_ قولي بالاول نازلة منين؟؟ دول باين من بيت مصطفى.
(اسلام)
_ ايوا من عنده ... انا شفتهم فوق لما رحتله.
(رانيا)
_ انا حاسة ان في حاجة مش مزبوطة بتحصل.
(محمد حمدي)
_ الناس دي بايتة عنده يا اسلام ولا ايه؟
(اسلام)
_ تقصد ايه؟؟
(محمد حمدي)
_ انت قلت انك شفتهم عنده مبارح .......... اما انهم راحوله بدري قبل ما نيجي احنا لهنا .... او انهم ما نزلوش من عنده اساسا.
(فيفي)
_ ما نزلوش؟؟!!! يعني ايه؟ مين دول يا جماعة؟
(يعود الضابط عامر بعد مضي القليل من الوقت لمنزل مصطفى مارا من امام الشباب المستغربين مما يحصل .... وعندما يدخل المنزل هو وعناصر الشرطة الذين كانوا معه يتوجه اليه مصطفى وغادة لسألوا عما حصل)
(مصطفى)
_ ايه الي حصل؟ هو لسى عايش ولا مات؟؟
(يجيب الضابط عامر بحدة وغضب)
_ هو مين؟؟
(مصطفى مستغربا)
_ الراجل الي رمى نفسه من الطابق الرابع.
(الضابط عامر)
_ وهو رمى نفسه ولا حد رماه؟؟
(مصطفى)
_ ايه؟!!!!!
(الضابط عامر)
_ بسألك هو رمى نفسه ولا في حد رماه من الطابق الرابع زي ما حضرتك قلت؟
(مصطفى)
_ هو في ايه؟؟ ........
(الضابط عامر)
_ جاوب يا مصطفى ... هو رمى نفسه ولا حد رماه؟
(مصطفى)
_ وانا اعرف منين؟ .... انا شفته بيوقع من الدور الرابع وقلتلكم.
(الضابط عامر)
_ بس انت قلت انه رمى نفسه .... يعني شفته؟
(مصطفى)
_ ما اعرفش رمى نفسه او حد رماه ما اعرفش ....
(الضابط عامر)
_ بس ميزت من هنا انه وقع من الدور الرابع؟
(غادة)
_ هو في ايه يا حضرة الضابط؟؟ انت بتتهم مصطفى بحاجة؟ ده كان معانا هنا... وبعدين هو الي قالك ليه بتحاسبه هو؟؟
(الضابط عامر)
_ انا ما بتهمش حد يا مدام ... عارفه ليه؟؟ .... لان اساسا ما فيش حد رمى نفسه لا من الدور الرابع ولا حتى من العاشر زي ما مصطفى قال.
(يتفاجئ الجميع ... مصطفى يصاب بالذهول ينظر الجميع له مستغربين مما قاله الضابط الذي يكمل قائلا)
_ عملت كده ليه؟ كنت عايزنا نمشي يعني ولا ايه؟
(مصطفى بتوتر)
_ ع ..ع ..ع ... عملت ايه؟ انا متأكد من الي شفته.
(الضابط عامر)
_ تاني؟!!!!!!!!! .............. ما خلاص رحنا وما كنش في حاجة خالص ولا انت مش مصدقنا؟؟
(مصطفى بعصبية)
_ طبعا مش مصدق .... انا متأكد ....... في واحد رمى نفسه من العمارة الي قدامنا .... انا شفته بعيني.
(الضابط يقول مهاجما مصطفى شادا له من ذراعه)
_ عظيم جدا ... طالما حضرتك مش مصدق يبقى تيجي معايا وتشوف بنفسك وتتأكد ...يلا اتحرك معايا مستني ايه؟
(مصطفى)
_ ابعد عني انا مش ممكن اخرج من هنا.
(الضابط عامر)
_ لازم تيجي عشان تشوف بنفسك مش يمكن بكدب عليك ولا حاجة؟
(مصطفى)
_ سيبني بقى ... قلتلك انا مش ممكن اخرج من هنا ابدا... انت هنا لحمايتي ولا عايز توديني بداهية؟
(الضابط عامر)
_ للدرجادي خايف تطلع من البيت؟
(غادة تقول وهي تبعد الضابط عن مصطفى)
_ يا حضرة الضابط لو سمحت ... ارجوك كفاية ضغط على مصطفى بالشكل ده وفهمنا بالراحة ايه الحكايه.
(الضابط عامر)
_ الحكاية باينة يا مدام ......... مصطفى بقى مهووس .. قلة النوم بتخليه يشوف حاجات مش موجودة اساسا.
(مصطفى بعصبية)
_ انت بتقول ايه؟ انت فاكرني اتجننت؟
(الضابط عامر)
_ انا هطلب مستشار نفسي ليك ..... طبيعي الي بيحصل يكون مأثر على نفسيتك ويسببلك التهيأت دي.
(مصطفى)
_ لا طبعا مستحيل .... انا كويس اوي وما عنديش حاجة ... انت عايز تجنني وخلاص؟؟ قولي حاجة يا غادة انتي عاجبك كلامه؟ انتي مصدقاني مش كده؟ انا واعي جدا ... انتو بتبصولوا كلكم كده ليه؟ انتو مصدقينه؟
(غادة)
_ مصطفى ..... ايه رأيك تدخل تنام شوي وترتاح؟ انت بقالك كتير ما ...
(مصطفى بعصبية)
_ انتي صدقتيه وكدبتيني انا؟؟؟ انا متأكد يا جماعة .... انا شفته بيوقع من الدور الرابع .... ليه مش مصدقين؟
(الضابط عامر)
_ لما الدكتور يجي هيحدد بنفسه ان كنت شفت حاجة ولا لأ.
(مصطفى)
_ دكتور ايه؟ ما فيش حد هيقرب مني خالص .. انتو سامعين انا مش هسمح لحد يقول عليا مجنون.... ولو مش قادر يا حضرة الضابط تلتزم بحدود وظيفتك والي هي حمايتي يبقى تتفضل انت والي معاك تمشو من هنا.


يتبع ....

ميرسي يا نسرين انا قلت انزل الحلقات عشان بكره يفهو الاحداث بتاعت الجزء التالت